شلون اتصرف مع ولدي والله تعبت بنات منو عنده حل

[روعة الأمومة]

رد : شلون اتصرف مع ولدي والله تعبت بنات منو عنده حل

آسفة غلطة ابوه ( ريلج )

 

[إنسانه وأكثر]

لاحول ولاقوة الا بالله

الله يعينج ويصبر قلبج ميخالف مرده بيصير تمام ويعجبج بعد

خفي عليه اهو بمرحلة مراهقه اعرف وحده كانت جذي ماكو هدف واهي صغيره جد جد بس بلع ونوم وانترنت تقوم من فراشها تاكل وترد تنسدح او تجابل النت بس من تعدت سن ال18 والله تغيرت وااااايد والكل لاحظ هالشي والحمدلله

الله يمسح على قلبج ويهدي عيالج

 

[افراحي]

.



حبيبتي اول شي عالجي مشكلة عسر الهضم ومشكلة ريحة حلجه..اشتريله مطهر للفم وخليه يفرش عقب كل وجبة..يمكن هذا الشي اللي ماخلا احد يصاحبه وخلا الناس ينفرون منه..

بعدين دخليه دورة تحفيظ قرآن خليه يتعلم كلام الله صدقيني راح يصير انسان اخلاقه عاليه ومنضبط سلوكيا..

بعدين امدحيه على طووووول لاتزفينه خلاص لايتعقد وكثر ماتقدرين عطيه حنان وحب مو دلال ودلع..

الله يصلحه ويهديه..

 

[الدلوعه2008]

حبيبتي مافي غير انج تتفهمين مع ابوه وقولي له انت رجل ولازم تستحمل ولدك ولازم تشجعه وانا يالله شجع البنات وهتميت فيهم وما يصير اني اربي ولد وخليه جنه بنت ربيته وخلاصت والباقي عليك لازم تخليه رجل علي قاد كلامه

ومثل ما قالو البنات انا مع البنات يبيله رجل يبيله تشجيع

ومفروض يا حياتي مو كل شيء علي راسج ادام في ولد بينكم لازم ابوه يكون قاد مسئوليه


والله يعينج علي ما بتلاج ومافي غير الدعاء دعاء كل يوم بصلاتج

 

[lesh ya denya]

مشكورين بنات على الردود و انشاء الله اسوي اللي قلتو عليه
بس مسأله اقطه على ابوه انسوووووووووو
ابوه مو فاضي حق البيت خلوني ساكته احسن
اخر هوشه تخانقت معاه لانه الف مره اقوله خله معاك خله معاك ماكو فايده الحين قلتله رجاءن شيل ايدك منه انا اللي برد اربيه من يد و يديد
و لا تلومون بناتي
من الحره اللي بقلبهم
كل ما انباق تلفونه راحت اخته شرتله واحد يديد و ماتبي تخلي شي بخاطره
بس ماكو فايده
الحين شلت الالعاب بس احس مو مهتم اصلن
اعترف اني دلعته وايد و الحين بتعامل معاه بالشده جود يتغير

 

[قلبي ابيض]

رد: رد : شلون اتصرف مع ولدي والله تعبت بنات منو عنده حل

ياقلبي الله يهديه ويصلح حاله

والله اعرف نفس حالته واكسل الحين ما شا الله الله بارك بحياتهم وفاتحين بيوت وما شا الله ما عليهم كلام

بس انتي عطيه تشجيع توه ترا اسم الله عليه بين الطفوله والمراهقة مارسا للحين

ادعيييييييييي ادعييييييي انتي ام ودعائج اهم من كل شي

 

[أو عبوش]

اذا انتي امه وتعيبين عليه خديووه وجنيسه!!! وعلى ريحه حلجه........!!

اولا عالجو الريحه شوفو لثته او معدته او سببها الامساك........ لازم ياكل خس خضاااار فواكه

ممنوع الاكل الدسم لاتدخلون البيت نقتس.......... وبطاط مقلي......... تهديد اذا دق جرس الباب مطعم اذبحك............

والغلط مو منج من ابوه
الولد ان دخل 7 سنين مسؤوليه التربيه حق ابوه اهوه يسحبه معاه دواويين ومجالس الرياجيل

خل يطلع مع خواله عمامه

لا يقعد مع البنات

كل مايعاند وياج سحبي اللعبه المفضله عنده..... بي اس بي مادري شنو اسمها هذي الصغيره
بلايستيشن سحبيها
اذا عاند واذا سمع كلامج شجعيه
خلي كلامج انت رجال البيت
خواته لازم يسمعون كلامه كونهم بنات مو يدقرون فيه معاج ومعا ابوهم!!!!

كتبي له اغراض تحتاجينها من الجمعيه وحطي الورقه بيده وطرشيه مع السايق يوميا

خل يروح يجيب خبز من الخباز
قوليله انت رجال البيت انت مسؤول عن خواتك
شركيه نادي كاراتيه سباحه بالعطل
خل يروح مع عمامه او خواله او مع ربعهم مزارع العبدلي او الوفره ترى شبت الفحم وسوالف الرجال بالليل تطلع قلبه

والله من منعوا التجنيد الالزامي وسووا ازاله للدواوين وكثرانين الشباب الناعمين.................

واخر شي واول شي تدعييين له بكل صللااااااه وتعلمونه الصلااااااه وانه مايقطعهااااا ترى 13 عندنا حنا البدو كبير ويعتمد على نفسه ومسؤول على خواته لو يشوف احد بالشارع يتحرش بخواته يغسل شراعه

 

[مضاوي 75]

تقولين كل شي قبل لا يوصل الكويت توفرونه له
------------------------------

الدلع والدلال الزايد يعلم عدم المسؤولية ،، تعود اي شي يبيه انتوا تييبونه له بدون لا اهو يتعب ،، أو ينطر ،، او يبذل أي جهد
الدلع يخرب ،، ويخليه على قولتج ترف
وبعدين سالفة المطاعم ،، حددوا يوم واحد بالأسبوع للطلب من المطعم ،، غيره ماكو

مثلا : عندي بالبيت محدده كل خميس غدا من بره ،، او نتعشا بره وبسسسسسسسسسسس ،، باجي الأسبوع من البيت ،، وعلميه حتى لو يبي بطاط ونغيتس من البيت خل ياكل بوقت مبجر وبكمية بسيطة

وبعدين حبيبتي ولدج بعمر المراهقة ،، يعني انتي ادرى ابهالعمر مدام بناتج الله يستر عليهم ويحفظهم هذي اعمارهم
يعني عمره الحين يحتاج للكلام ،، النصح ،، مو ترفس وصراخ وتطنز على شكله ،، حاجته ابهالعمر لعاطفتكم وحبكم والأخذ والعطى معاه بالكلام اكثر من حاجته للألعاب ،، أتوقع عمره اكبر من انج توفرين له لعبة وتحرمينه منها !!

وكلمي اهلج قوليلهم لا يتطنزون عليه ،، وان هالشي مأثر على نفسيته
واهو على فكرة يحتاج ابوه اكثر من حاجته لج ،، ولما يحس ان ابوه متفشل منه شنو تتوقعين ردة فعله ؟؟؟؟؟

حطي نفسج مكانه ،، تسمعين انج متينه وتمشين مثل المسبهه واهلج يستحون منج !!!! شلون نفسيتج بتكون ؟؟

مو يمكن هالشي اهو اللي مأثر عليه ؟؟ انه يحس انه الولد الوحيد وبدل لا ابوه يتفاخر فيه ،، قاعد يفتشل منه ؟؟؟؟؟؟؟

شنو تتوقعين من ولد وحيد بدون أخوان مجابل امه وخواته بالبيت وبسن مراهقة ومغرقينه بالألعاب اول ما تنزل وبالأكل متى ما حس بالملل ؟؟

ولدج حاس بملل وفراغ ،، ولما تغير مستواه الدراسي ،، انتي ما تدرين شيقولون عنه بالمدرسة ؟؟ اذا انتوا يا اهله تتطنزون عليه ما تدرين شيقولون عنه هناك !!

يحتاج لأبووووووووووه
يحتاج لربع يبدي يكون شخصيته معاهم


بقولج حل
شرايج تروحين دكتور او اخصائي نفسي ،، روحي له بروحج قوليلهم ابي بس استشارة ،، دخلي عالدكتور وطلعي اللي بقلبج وقوليله ،، ما ودي اييب ولدي وانتي اخذي منه النصايح والخطوات لعل وعسى تفيد معاه لو بشكل بسيط

العوض ولا القطيعة

اضم صوتي لصوتها ونعم الراي بصراحه

بالاضافه الى انج تروحين لدكتور محمد الثويني واكيد راح يفيدج بالموضوع لانه متخصص بسن المراهقه و ولدج بدايه مراهقه عنده لكن بطريقه ثانيه

منطوي على نفسه بسبب ورزنه مكتفكي بالجو الي بناه لنفسه ومرتاح عليه اكل وسوني ونوم

لازم تكسرين الروتين الي معيشته فيه ولازم بعد انت مع ابوه ضروري ابوه​

 

[ام الوردة]

تبين نصيحتي ... دخليه مدرسة حكـــــــــــــــومية وبعد شهرين شوفيه شراح يصير ..

خلي الولد يتفاعل مع المجتمع عدددددددددددددددددددل ...

وانتوا وايد امدلعينه .. كل شي موفرين له ..

قوليله ان صرت جذي والا سويت هالشغله بنعطيك هالشي شجعييييييييييييييييه

وحاولي اتدخلينه نادي كراتيه حتى لو بجا وديه اهناااااك وسلميه للنادي وطلعي عنه حتى لو بجا

والولد بحاجة ابوه 80% اكثر من الام

وبالنسبه لعسر الهضم وديه الطبيب ويتعالج

 

[i'm so happy]

أول شي توه صغيره ومرده يكبر وعقلة يكتمل يعني الحين مراهق للحين مالقى قلبة احس
وانتي نصحية وخواته بعد لازم يعلمونة وينصحونة
وابوة يوديه معاه المسجد المفروووض يعني
سويلة جدول مره دراسة مره نادي مره يلعب مباراة مثلا مع ربعه يتعرف على اولاد قدة صوب الفريج
لا تدلعونة بزيادة كثر الدلع عاد مو حلوة واخذي النتيجة بعدين عاد
وقولي له انت تبي تتغير اسمع كلامي انت لازم تضعف ولازم تهتم حق مظهرك باجر الناس تعيب عليك وووو انت ترضى؟؟
حاولي تخلين ابوه يقعد وياه وفهمة ويعلمة مو انتي بكل شي بتقدرين تعلمينة هم زوجج اعاونج
وربي يهدية ان شاءالله وانشوف النتيجة متغير لي الاحسن

 

[eman84]

صراااحه مادري شلوون قلبج يطاوعج تكتبين عن ولدج بهالطريقه بلع وريحة حلجه خايسه و دعله وغيره مهما يكوون هذا ولدج منج وفيج لو صار فيه شي يعني بترتاحين منه ؟؟

وين الحنان والرعاية و الامومة ؟ وين طولة البال والسهر و مجابل العيال ؟ والخوات لما يقولون مانحبه والا ماعنده هدف ؟؟ بسم الله توه 13 سنه وينه ووين الاهداف ؟ و المفروض تسكتينهم وتخلينهم يحترمونه غصبن عليهم مو يمصخرون فيه وانتي ساكته ؟هذا اخوهم المفروض يساعدونه وتقعدين معاهم يعاونونج مو الكل قاعد ويدقر فيه ؟؟

ويمكن مايحب الطلعه بسبب مشكلة السمنه ؟ وخلته ماعنده ثقه بروحه فيستحي يواجه الناس ؟ ويمكن ربعه يعايرونه يالبطه يالمتين ؟ فكره الصداقات وتعقد منها ؟؟
عالجي مشكله مشكله فيه وابدي من المشاكل الكبيره اللي اهيا علاقتج مع زوجج عدليها علشان ماتطلعين حرتج بالصبي ويتعقد واذا تعدلت العلاقه تفاهمي معاه ان لازم ياخذه معاه القهوه او الديوانية علشان يشوف الرياييل و اطباعهم ويتعود وقوليله انج خايفه تصير له ميول واهو شايل اسمك و عنده خوات علشان يخاف فبالتالي يضطر ياخذه
وعلمي يلتزم بالصلاة و المسيد حتى لو غصب ميخالف مع الوقت راح يتعود ويحب الشي هذا
خل يشووف بعيونكم الحب و الاهتمام والرغبة بالمساعده مو التحلطم والتذمر
وحلي مشكلة الوزن الزايد وديه عند اخصائي تغذية خل يقوله شنو مخاطر السمنه و شنو الاشياء اللي لازم يبتعد عنها و يسوي له نظام غذائي يلتزم فيه و يمارس الرياضة حتى لو يروح الممشى ساعه والحين الجو حلو ماله عذر واذا كان الجو مش ولا بد الله يعافي اجهزه المشي تووصل لي البيت ويركبونها
الغي المطاااعم من قاموسه نهائيا الا يوم بالاسبوع ويفضل يكون طلعه عائلية مع خواته و معاكم كلكم
وشوفي علاج حق ريحة الحلج يمكن عنده تسوس بالاسنان او اللثة ! وديه كشفي عليه حرام تخلينه جذي
حببيه بالتفريش و لزمي عليه يوميا هااا فرشت اسنانك والا لا ؟؟ واشتري له غسول من الجمعية وقولسلة انت ريال لازم لما تقعد مع الناس ريحة حلجك تكون حلوه ولما تروح المسيد تكون مرتب ونظيف وريحتك حلوه وملابسك مرتبة و نظيفه وعلميه يغيرهم دايما لان ولدج ترى يعكس ذوقج انتي وسنعج انتي ! انتي الام المسؤوله

وكلمي اهلج بطريقة جديه ان انتي ماترضين ينادونه الجنيسه ؟ وين قاعدين قوليلهم ترضون انا اقول حق اعيالكم جذي ؟ بليز لحد يتدخل بعيالي وبالذات ولدي لا تسمعونه هالحجي باجر يصدق روحه ان صج جنيسه و يكبر على هالفكره (وترى ولدج ليلحن عندج وبين ايدج تقدرين عليه ان شاء الله ولحقي قبل مايطلع ليسن ويروح ويرد هني صج ماراح تقدرين عليه ).
واللي يسمعج كلام يغث من اهلج شيلي قشج وطلعي ومايشوفون شر اهم شي ولدج باجر لي ضاع ماراح يفيدونج

ودام يقولج بضعف بعدين ادش نادي يعني وااااااضح ان متعقد من سمنته خلاص ساعديه وعاونيه لا تعايرونه رحموووه والله كسر خااطري هذا ليليحين صغير لا تحطين في بالج ان كبير !! وانتي دامج ربيتي البنات ان شاء الله تقدرين على الصبي

واذا مافاد كل هذا وذاك انصحج تطلعينه من مدرسته وتودينه حكومة يمكن الرفجه و الالتزام اكثر و يحس ان حاله حال الصبيان الباجي ويتعود على مجتمع الذكورة اكثر .

والله يحفظة ويسخره لج يارب وترى يمديج تو الناس لا تيأسين منه وخلج انتي الام الصبوره و خواته اللي تذم فيه زفيها وقوليلها هذا اخوج وخل يساعدونج و لا تدلعينه اكثر من اللازم وعلميه المسئولية وحببيه فيكم و بخواته واهله

وصدقيني متى ما انتوا اسرته اللي في البيت حبته و تقبلته الناس اللي بره راح يحبونه و يتقبلونه

وسامحيني على الاطاله

 

[{الجارحه}]

والله لو ولدي جذي وابوه مو مربيه

لاخذ الخيزانه وامردغه فيها لين اطلع قبله

مبين ولدج مدلع حيييل

 

[Tom ♥ Jerry]

.

آلله يعينج حبيبتي !
ترا ليلحين صغير عيل لمآ يدش بمرحله المراهقه
و اهي اتعب مرحله ! شراح تسوين !
13 يعني يآهل ليلحين الله يخليه لج آن شاء الله !

انا اقول تقربي منه ! و اخذيه بالكلمه الطيبه !
قوليله مثلا اذا يبت درجه عآليه و حلوه بالسكول رآح اشتريلك اي شي تبيه :* !

و عطيه هدآيآ و دوآفع .. وديه نآدي بس مو بروحه
يعني مع اي احد يعرفه و يحبه قريب منه كلا يلعب معآه !
عشان النآدي اذا رآح بروحه و آهوه بهالعمر شي طبيعي مآ رآح يحب هالشي

بس ودي معآه يهال قريبين منه ..
و الشي الآهم لا تزفينه كلش لا آنتي و لا ابوه !
كلا حسسوه آنه كبير و انه ريال البيت و انه شخص يعتمد عليه
لا تحبطونه !

و كلا قوليله انا بقعد معآك آدرسك شرايك !
آهوه اصغر وآحد > يعني آنتي مآ عندج احد تهتمين فيه الا أهو !
خلي اهتمآمج كله أو آغلبه له > عشان بو العيال مآ يزعل

أممم يعني قبل لا ينآم قوليله روح سوو ظروسك
و آكله خليه كلا صحي .. آهوه يآهل يعني يظعف بسرعه !
آكيد لا تحرمينه من الأكل .. بس خليه يآكل بالمعقول .. :/
يعني كآكآو و بطآط و برد مره وحده بس باليوم !
بيبسي حآولي تبدلينه بالعصآير و هالسوالف المفيده ..
سويله آكل فيه خضره بس من النوع الي يحبونه اليهال ..

عطي كتب يهال مناسبه حق عمره و قوليله انا ابيك تصير دكتور !
اذا أهوه مآ عنده هدف آنتي ثبتي الهدف براسه !
يعني من الصغر قوليله انا أم الدكتور و آنته الدكتور الي رآح آرفع فيك الراس ّ !
> جذي صدقيني رآح يفكر بهالسالفه و يشد حيله !

لا تحبطينه و لا تبين له أنج متنرفزه منه !
بالعكس كلا بينيله أنه اهوه كبير و آنه ريال البيت

 

[بنت.المطيري]

واااااي الله يعينج يمه

صج مرات الواحد مايعرف شيسوي

سويله كبس معده

او وت افر اي شي من هالسوالف وشكله ماراح يلعب رياضه وراح يترهل جسمه
عقب سووله شد وشيلوا الزوائد راح تتسكر نفسه عن الاكل وديه طبيب نفسي يعلمه بدائل بالحياة غير الاكل لان راح يحس بفراغ

عقب بيتسنع شوي ويحس روحه ادمي
وعلا فكره ترا الصبي تتغير شخصيته
من عمر 15 او 16 ويمكن تنطرين لين 18 بيصير كائن اخر

 

[بنت.المطيري]

اي بقولج شغله،،

انا استغربت ان في ناس ليليوم يعتقدون توفير الدلال الزايد يربي؟؟؟

المشكله الدلال الزايد بيخلي ماعنده طموح ولا اهداف كل شي عنده شيبي بعد؟

واصلا يمكن فيه اكتئاب لان ماراح تلقين يهمه لا لعبه يديده ولتجهاز يديد ولاطلعه ولاربع مايهمه شي

هذا نوع من الاكتئاب اللي يلعب بشخصيته يخليها مكرووهه ،، وان شالله انه موجذي بس انتي لانج معصبه شوي يمكن بالغتي

انا اقولج مثال علا واحد من اهلنا شلون مربي ولده ايمالله عليه،،

عنده خير ماشالله بس مايعطي ولده شي الا بجهده وكان مربيه علا هالشي من واهو ياهل يعني من عمر تقريبا نقول ٦ سنين

يعطي مصروف اوك ،، اذا اساء التصرف يحرمه واذا سوا شي ايجابي نجح مثلا وتفوق يعطي مكافأة

لكن اذا الولد بخاطره شي ،، يقول له يمع من فلوسك ،،

فالولد عشان يوصل للشي اللي اهو يبيه صار يحسن التصرف عشان ياخذ فلوس عشان يحقق هدفه

حتا لو الشي مبلغ وقدره ،،<< الولد مايقدر عليها من مصروفه لكن المكافآت تسد الحاجه عرفتي

ماشالله عليه قبل فتره يبي حصان ،، وقبلها كاسكو << كل مايكبر يكبر طموحه والشي اللي يسعاله << انضرب عصفورين بحجر

١-دراسته شاد حيله >> عشان الفلوس>>>٢-عشان يشتري اللي يبيه

ذكروا الله عليه وان يصلحله ولده ويهديه ويستر عليه ويحفظه

 

[بنت.المطيري]

واي احتريت حيل عالموضوع اخر شي بقوله ان بهالعمر فرصتج تكلمين ولدج لان راح يحبج ويبيج ويحب يسمع منج

وياليت واللي يعافيج تشيلون عنه النت او تراقبونه اخاف علا هالعيال بهالعمر والله يعورون قلبي النت دمار

قاعده اشوف عيال خالتي واحد منهم نفس مواصفات ولدج بالضبط ،، بس ترا حييييل محبط لان يحس ماكو فايده مايقدر يوقف عن الاكل اقوله سو رجيم يقول اي من باجر راح اسوي بس والله من تصير الساعه 10 الصبح يدق علي تعباااااان بموت احس دايخ ابي اكل سامحيني خونت الوعد ههههههههههه هذا وانا قايلتله اكل اللي تبي بس لاتاكل بين الوجبات كبدايه
حبييبي الله يكون بعونه واااااي الله لايورينا المتن وايد ياخذ من العمر والصحه والنفسيه

خصوصا اليهال يتحركون ويلعبون وايد

عاد اقولج قوليله يمه انا حبيبتك امك انت ولدي وابيك تكون احسن الرياييل ورفعي فيه قوليله انت احسن من فلان وانت فيك وفيك << عددي مميزاته لاتقولين مافي لازم فيه خليه يحب روحه لان اذا كاره نفسه مستحيل تبدين معاه شي


مع السلامه

 

[عشق فرنسي]

رد : شلون اتصرف م

بعطيج اسم معالجة تتبابعه وتعلمج شلون تكونين أم فعاله
وأنا بتكلم عنها وتجربتي معاها شلون علمتني اتعامل مع خطيبي
مأراح تحتاجئن تشوفينها راح تشبكين معاها عن طريق إلمسنجر
وعن شهر كامل تأخذ مبلغ رمزي عيزت وأنا انشر عنها معروفة
بس بالمنتذى محد يعرفها للأسف وأتمنئ إللة يصحله ويخليج لها

 

[دوت نت]

البنات ماقصرو

 

[عهود الحب]

رد : شلون اتصرف مع ولدي والله تعبت بنات منو عنده حل

ولدج طبيعي مافيه شي
متين من الربادة
غثيث من الدلع والترف الزايد
وقفي عنه البلعة الزايدة وطلبات المطاعم
وديه للطبيب وسوي له تحاليل شاملة
وديه طبيب اسنان يفحص اللثة
واقري كتاب فوزية الدريع [ ثقتي بنفسي ] علشان تتعلمين شلون تغرسين ثقة النفس بولدج

وشيلي هالخرابيط الي خلته جذي
بي اس بي و سوني وخرابيط التقنيات
ولدج ينقصه اهتمام وحب ومدح وثقة بالنفس
وانتي امه جذي تتكلمين عنه وهو وحيدج
حرام

ومايصير له تلفزيون بروحه
عرفتي


والله يخليه لج وتوه للحين شخصيته ما تبينت
عدلي طريقتج معاه ويتعدل
واالله يسخر له يارب الي يعدل حياته و يفرح قلبج

 

[زوووز77]

رد : شلون اتصرف مع ولدي والله تعبت بنات منو عنده حل

ليش جذي انتم قاعد تحطمونه لا تقولون له جذي بالعكس قولوله انت ريال البيت انتي سندنا رفعوله عطيه

مسؤليات مثلا يشتريلكم من الجمعيه المقاضي يروح مع خواته لسوق شغلات بسيطه شوي شوي راح يحس انكم تعتمدون عليه


ويثق بنفسه ويصير ريال اهو توه صغير حاولي معا لاتياسين