شلون اخلي بنتي تصير متينه ؟؟ عمرها 8 شهور الله يخليكم تكفون

[Zen&7ala]

قوه بنات

اليوم شفت بنت رفيجتي مشاء الله عمرها 3 شهور بس متروووووووسه تشوووق اسم الله عليها


بطووطه


و رفيجتي ما ترضعها !!


و الصراحه ما ابي اسالها شنو تعطينها او شي لان احس فشله و اذا صار بالبنت شي


بتقول عطيتها عين فقلت مالي بالسوالف


بنات تكفوون بنتي عمرها 8 شهور و نص


ذبحتني من الضغف كل من شافها قالي شضعفهاااا !


شسوي شنو اوكلها


انا مره سمعت رفيجتي تقول ان تعطي حق عيالها شوفان و كانوا شمتنهم !!

شرايكم ؟ و شنو طريقه الشوفان؟؟ فيدوني تكفوون

 

[رمانة الكويت]

مدام بنتج صحتها زينة وترضع عدل لا تحاتين الوزن لان كل ياهل غير عن الثاني

لاحقة ع المتن .. اهم شي صحتهااا ..

 

[G!RLooNa]

شتبين بالمتن من زين المتن يعني

وديها طبيب يشوف طولها على وزنها على عمرها اذا اوكي بس ماله داعي تدجينها بالاكل عشان تمتن و اذا وزنها اقل من الطبيعي الدكتور بقولج شتسوين

 

[مسك وطيب]

نفس حالة ولدي بالضبط بو 4 شهور تشوفينه تقولين بوشهرين

عطتني د ؛ بوحيمد فيتامين له اسمه بيبي فيت وماناسبه من شربه قعد يرجع تكرمين

الله المستعان

 

[om al ghaleen]

حبيبتي صج المتن حلو ع الياهل بس تدرين
بسم الله عليها اذا صار فيها نزله معويه ونزل وزنها تتحطم نفسيتج

فدام صحتها زينه هذا اهم شي
والعافيه من الله "

 

[هيبة ملك]

أهم شئ صحتها

 

[ريكاتو]

دام صحتها زينه وتاكل عدل هذه خلقة ربج اللهم لا اعتراض
وبالنسبه للشوفان انا اعطي ولدي صح من يبته عصل بس اسمالله عليه تحسين فيه صحه

والوصفه تختارين من الفواكهه
طريقة الموز والشوفان :
تحطين قفشة شوفان مع حليب بنتج مقدار 150 مل
تخلينه يطبخ ليما يثقل شوي
وتقصصين الموز وتحطينه مع الحليب والشوفان بالخلاط

اما التفاح :
تقصصين التفاح وتخلينه يطبخ مع الحليب والشوفان نفس المقدار

وفيه بعد اكله حلوه
تطبخين التفاح مع 3 حبات تمر وشوي ماي مع قفشه صغيره دارسين
هم حلو للبيبيات

ترى هالوصفات كلها ماخذتها من كتاب الطفل السليم لريم القنواتي

 

[@ام يوسف@]

على حسب طبيعه جسم الجاهل انا بنتي الكبيره ضعيفه والصغيره ما شاء الله عليها اللي يشوفهم يقول الصغيره اكبر وحسب شهيته للاكل والحمدلله مادام بصحه وعافيه المتن مرض وعيون الناس ماترحم

 

[أميرة طفولتي]

اهلين حبيبتي زيون

اهم شي صحتها
اذا كل شي طبيعي الحمدلله
وزنها وطولها
لا تقجقجين بالبنت باجر كله يطلع عليهم وقت البلوغ
هالمشهيات وهالسوالف دير بالج تستخدمينهم
الي ميتين عشان عيالنا يصيرون بطبوطات
باجر ندور الضعف ونحرمهم
خليها على طبيعتها
ونطري عليها راح تشوفينها تكبر وتنترس


بس اهم شي اهتمي باكلها
خليه كله صحي ولاتعودينها على الحالي
عشان تاكل الخضراوات
ويستفيد جسمها وتتغذا مو متن عالفاضي !

 

[jawaa]

وااااي ليشً تبون تتفخون عيالكم غصب اول شي موضوع المتن يصير وراثي اذا مثلا انتي او ريلج متان ثاني شي وديها الطبيب اذا قالج وزنها مناسب حق عمرها بس كعي بريك ماعليها الا العافيه انا ولدي عمره ٧ اشهر جنه عمره ٤ اشهر وضعيف بس الحمدالله ماعليه الا العافيه وبعدين اسم الله عليه يحوس وايد فهذا هم سبب انه مايمتن بس الحمدالله طبيعي لاحقه علمتن والله انا رفيجتي بنتها كان عمرها ٤ سنين كانت شفتي مرت باباي والله نسخه الحين عمرها ٦ ماشالله تبارك الرحمن بتنفجر وامها تبيها تضعف وموعرفه شلون اضعفها واي حران بيبي او ياهل كرش ولوغد ومادري شنو ليش خووووو يامعوده ذكري الله والحمدالله عالصحه

 

[كويتيه مذهله 87]

محلبيه وحده بوحده هي صحيه وهي اتفخ

 

[noynoy]

طريقه الشوفان اللي اسويها حق بنتي:
اقصص فاكهه بدون قشر طبعا و بدون بذر (تقاح عرموط, فاكهه مجففه كشمش مشمش تين اراصيا) اي نوع تحبين منهم
بعدين تحطين ماي بجدر صغر و تحطين عليه الفاكهه بعدين تحطين الشوفان و تخلطين و بعدين تحطينه بالخلاط و تعطينه بنتج

و فيه طريقه ثانيه مالت عبدالله المطوع بس بنتي ماحبتها
تحطين حليب بجدر و لما يسخن شوي تحطين الشوفان و تخلطينه لما يثقل صكري الجوله و حطي قفشه عسل و خلطيه

 

[رتبه دبلوماسيه]

اب اب

 

[اتعبنى جمالي]

ديروا بالكم ترا العسل للاطفال فوق السنه فقط

 

[Om_Ksha]

انا بنتي 9 شهووووووور واللي يشوفها يقول 4 شهور !!!

بس الحمدالله دام الدكتور قال طبيعي خلاص .. مع انه في لبس عندهااا يشوووق بس عليها يطلع عادي لو تختوووخه يبين اكثر

بس اهم شي الصحه والعافيه

 

[Zen&7ala]

بنات شفيكم كلكم تشكون نبي حل الله يهادكم

 

[PuPa^^SWeeT]

شوفي حبيبتي

المتن عالياهل صج حلو بس لاتخلينه هاجس
انا رفيجتي قبل كانت اتقولي بناتج ضعاف و بناتها الله عليهم متروسين


تخيلي البنية طلع فيها سكر و عمرها سنة و نص مادري سنتين اتسوي رجيم ؟؟؟؟؟؟؟؟؟؟؟؟؟؟؟؟؟؟؟


حبيبتي الياهل ياكل حاجته و بس مايبي غيرها


وبعدين انا بناتي ثنتينهم مو على قياسات عمرهم


بس الحمدلله مافيهم شي

 

[Fashion Falls]

عطيها سيريلاك وشوفي شلوووون بتفرق

 

[دمثة]

حبيبتي

كل طفل وجسمه


يعني مايصير حرام معدته علي قدة مو غصب


دام وزنه وطوله طبيعي خلاااص الحمدالله