شلون اسبح ولدي المعاق؟

[ام باسلل]

السلام عليكم انا عندي ولد معاق عمره الحين اسم الله عليه 4 سنين بس معاق اعاقه كليه ما يتحرك ابدا ولا يقعد ولا يقدر حتى يرفع راسه لان في ماي بالراس وما يشوف بعد الحمد لله على كل حال بس المشكله انه كبر وما ني عارفه شاون اسبحه اول كنا نسبحه بالحنفيه بس الحين لأ ما ادري شسوي ؟اكيد في شغله حق المعاقين إلي تعرف جزاها الله خير تعلمني

 

[huda85]

وعليكم السلام والرحمة

اختي الحبيبه ربي يعطيج الصحه والعافية ويصبرج يارب

حبيبتي انا لمن كنت بدار المعاقين

كنت اشووف في تجهيزات بالحمامات ( عزكم الله ) اللي يسبحونهم فيه

يعني في سرير له تواير للسباحه ونفس السرير تنقلينه من غرفته الى الحمام لانه فيه تواير

ولكن مع الاسف هذا ما يصرفه لج المجلس الاعلى لكن تقدرين تروحين شركات الكراسي يمكن تلقينه عندهم

والله يعينج ياقلبي

 

[الصابرة المحتسبة]

السلام عليكم انا عندي ولد معاق عمره الحين اسم الله عليه 4 سنين بس معاق اعاقه كليه ما يتحرك ابدا ولا يقعد ولا يقدر حتى يرفع راسه لان في ماي بالراس وما يشوف بعد الحمد لله على كل حال بس المشكله انه كبر وما ني عارفه شاون اسبحه اول كنا نسبحه بالحنفيه بس الحين لأ ما ادري شسوي ؟اكيد في شغله حق المعاقين إلي تعرف جزاها الله خير تعلمني

الله يشفيه انشالله باذن واحد أحد : انتي روحي المخازن اللي بصبحان واسأليهم لأن هناك متوفر كل احتياجات ذوي الإحتياجات الخاصه.
والماي اللي براسه ما حطوله شنت( بربيش) لسحب الماي؟

 

[huda85]

شوفي حبيبتي مثل هذا

بس هذا مبين بالصوره انه ثابت

بس سألي اكيد فيه متحرك والله اعلم

 

[HearT ChocolaTe]

فديتج يا هدى الله يكثر من أمثالج

أم باسل حبيبتي .. روحي حق دكتورة المباشر
وقوليله كل إحتياجاتج اللي تبينها .. يكتبهم لج بورقه تتوقع من
مدير المستشفى والله يعينج على الدوراة وإذا خلصتي
تروحين صبحان فيها احتياجات خاصه للمرضى
بس أنا نصحتني وحده أني ما آخذ منهم
لأنهم مستعملين والفرق بينهم وبين الجديد مبلغ مو وايد

انتي الحين على ما تخلص أوراقه .. سبحيه معاج
يعني شنسوي بعد عشان ما يتعور حياتي
اذا البانيو كبير دخلي معاه لبسي لبس السباحه
ودخلي وياه تحت الدش وترى بيستانس معاج إذا يحب الماي
خاصة ان يكون بين حضنج بتحرصين على حركة الماي

 

[@شمس الضحى@]

ام باسل ولدج نفس حالة بنتي بالظبط
ادش مع بنتي بالبانيو واحطها بحظني واسبحها بس كل مالي وتصير الحاله اصعب لانها كبرت بسم الله عليها

 

[ام باسلل]

مشكورين حبيباتي واختي الصابره المحتسبه بالنسبه لسؤالك بلى حاطين له بربيش لسحب الماي بس ما كان له فايده لانه الماي دمر خلايا الدماغ .

 

[ام باسلل]

ام باسل ولدج نفس حالة بنتي بالظبط
ادش مع بنتي بالبانيو واحطها بحظني واسبحها بس كل مالي وتصير الحاله اصعب لانها كبرت بسم الله عليها

حبيبتي اسووم انا ولدي ما يقدر يقعد شلون احطه بحظني وراسه وايد ثقيل

 

[ام باسلل]

فديتج يا هدى الله يكثر من أمثالج

أم باسل حبيبتي .. روحي حق دكتورة المباشر
وقوليله كل إحتياجاتج اللي تبينها .. يكتبهم لج بورقه تتوقع من
مدير المستشفى والله يعينج على الدوراة وإذا خلصتي
تروحين صبحان فيها احتياجات خاصه للمرضى
بس أنا نصحتني وحده أني ما آخذ منهم
لأنهم مستعملين والفرق بينهم وبين الجديد مبلغ مو وايد

انتي الحين على ما تخلص أوراقه .. سبحيه معاج
يعني شنسوي بعد عشان ما يتعور حياتي
اذا البانيو كبير دخلي معاه لبسي لبس السباحه
ودخلي وياه تحت الدش وترى بيستانس معاج إذا يحب الماي
خاصة ان يكون بين حضنج بتحرصين على حركة الماي

مشكوره ام عزوزي وعسى الله يشافي لك عزوزي وتشوفينه معرس ان شاء الله وعلى فكره عزوزي وايد يشابه ولدي فروسي انا مصورته بفس الحركه بس انا حاطته عالاستاند عسى الله يشافيهم ويعافيهم

 

[@شمس الضحى@]

حبيبتي اسووم انا ولدي ما يقدر يقعد شلون احطه بحظني وراسه وايد ثقيل

هم بنتي نفس الحاله بس راسها عادي لان سحبو الماي وفيها شنت حاليا من عمرها شهرين
بس ماتقعد ولاتحرك ولاتشوف ولاتاكل وشوي متينه لانها تاخذ كورتيزون فدييتهاااا
وصج عذاب بالسبوح سببت لي عوار بالظهر ومحب احد يشوفها متعريه غيري الله يعين والله اقعد بالبانيو وافرش لها كفر واقعد اسبحها

 

[بريسم]

شوفى أنا استخدم كرسى معدن و مخرم بالنص ( فيه دوائر مفتوحة ) تقعد عليه الخدامة و ولدى تقعده بحضنها
و أنا أليفه و أسبحه

قبل لما كان صغير كنت أفرش ديباج فى الحمام و أنومه عليه و أسبحه

بس بعد ما كبر استخدمت الكرسى و أريح له و لى

و الله يعينا يارب حتى سبوحهم عذاب

 

[بريسم]

الكرسى موجود فى الاسواق الشعبية ب 3 وشى معدن و ينسفط

 

[ام محمود]

اسال الله العلي العظيم رب العرش الكريم ان يشفي ابنك ويقدرك علي حمله ورعايته
وجعل كل ما تفعليه في ميزان حسناتك

 

[الصابرة المحتسبة]

مشكورين حبيباتي واختي الصابره المحتسبه بالنسبه لسؤالك بلى حاطين له بربيش لسحب الماي بس ما كان له فايده لانه الماي دمر خلايا الدماغ .

الحمدلله على كل حال والله اللي عينه ماتنام ان يشفيه ويعافيه........... ربج كريم وقادر على كل شئ.
انزين سؤالي لج اذا مافيه احراج ولج الحق انج ما تجاوبين عليه.... اهو يحرك رجوله يعني مو مقعد؟

 

[بنت الكويت1]

حبيبتي ليش كل التعقيدات هذي انا بنتي عمرها خمس سنوات جبت معاي من امريكا كرسي للسباحة لانهم اسالوني شلون اسبحها وهل انا اتعب ولا لأ عشان جذي اصرفوه حقها لما رديت رحت شركة العيسى للاجهزة الطبية ولقيت نفس الكرسي موجود لونه ازرق مخرم وخام وفيه حزام عشان عيالنا ما يطيحون وسعره اعتقد بذاك الوقت 250 دينار والله وايد مريحني ومستفيدة منه حيييييييييييييييييييييييييييل

 

[@شمس الضحى@]

حبيبتي ليش كل التعقيدات هذي انا بنتي عمرها خمس سنوات جبت معاي من امريكا كرسي للسباحة لانهم اسالوني شلون اسبحها وهل انا اتعب ولا لأ عشان جذي اصرفوه حقها لما رديت رحت شركة العيسى للاجهزة الطبية ولقيت نفس الكرسي موجود لونه ازرق مخرم وخام وفيه حزام عشان عيالنا ما يطيحون وسعره اعتقد بذاك الوقت 250 دينار والله وايد مريحني ومستفيدة منه حيييييييييييييييييييييييييييل

حبيبتي بنت الكويت1يمكن بنتج بسم الله عليها تقعد وتتحرك
بس حنا عيالنا انا وام باسل شلل دماغي مايتحركون ولايقعدون ولاتقدرين تسندينه لانهم كبار الله يشفي الجميع

 

[فطووومة]

الله يشفيهم يارب ويعينكم حبايبي على مسؤوليتتهم ولكم الاجر

 

[@شمس الضحى@]

الله يشفيهم يارب ويعينكم حبايبي على مسؤوليتتهم ولكم الاجر

مشكوووووره يالغاليه ع الدعوه ولج مثلها الله يوفقج

 

[بنت الكويت1]

حبيبتي بنت الكويت1يمكن بنتج بسم الله عليها تقعد وتتحرك
بس حنا عيالنا انا وام باسل شلل دماغي مايتحركون ولايقعدون ولاتقدرين تسندينه لانهم كبار الله يشفي الجميع

أسوووم يا عمري انتي انا بنتي شلل دماغي كامل وبعد كانت ما تشوف حبيبتي وكانوا قاليلي انها ما راح تعيش سنة ولما بغيت اسافر فيها اول مرة قالتلي دكتورتها احمدي ربج انه بنتج تتنفس لا تصيرين طماعة وتطلبين اكثر من جذي بس الحمدلله فضل من ربي انه بنتي كل ما تكبر تتحسن وانا اسافر فيها كل سنة ونومتها بالطب الطبيعي مرتين واحاول اني ما اخليها بدون علاج طبيعي ودايم اطلعها مع خواتها بالالعاب مع انها تكون خايفة بس عودتها واخليها يوم الخميس لما يتجمعون الاهل بين اليهال تشوفهم واهما يلعبون ودايما اسويلها حفلة للوناسة يعني بنتي بتشخيص الطب لا يمكن تشوف ولا تتحرك بس فضل من رب العالمين وعلى فكرة الكرسي معمول للي ما يتحركون بالمرة وبالطاري اللي عندها احد يشتغل بالدفاع تقدر تاخذ الاجهزة من العيسى مجانا هذا كلامهم والله يشافي مرضانا ومرضى المسلمين اللهم آميييين سامحوني طولت عليكم :gathering:

 

[@شمس الضحى@]

أسوووم يا عمري انتي انا بنتي شلل دماغي كامل وبعد كانت ما تشوف حبيبتي وكانوا قاليلي انها ما راح تعيش سنة ولما بغيت اسافر فيها اول مرة قالتلي دكتورتها احمدي ربج انه بنتج تتنفس لا تصيرين طماعة وتطلبين اكثر من جذي بس الحمدلله فضل من ربي انه بنتي كل ما تكبر تتحسن وانا اسافر فيها كل سنة ونومتها بالطب الطبيعي مرتين واحاول اني ما اخليها بدون علاج طبيعي ودايم اطلعها مع خواتها بالالعاب مع انها تكون خايفة بس عودتها واخليها يوم الخميس لما يتجمعون الاهل بين اليهال تشوفهم واهما يلعبون ودايما اسويلها حفلة للوناسة يعني بنتي بتشخيص الطب لا يمكن تشوف ولا تتحرك بس فضل من رب العالمين وعلى فكرة الكرسي معمول للي ما يتحركون بالمرة وبالطاري اللي عندها احد يشتغل بالدفاع تقدر تاخذ الاجهزة من العيسى مجانا هذا كلامهم والله يشافي مرضانا ومرضى المسلمين اللهم آميييين سامحوني طولت عليكم :gathering:

بالعكس كلامج منطقي وحلو ولاطولتي الا افدتينا الله يؤاجرج والحمدلله على كل حال الله يشفي بنتج وعيالنا وكل مريض
وصج انا سبوح اسوم مسبب لي ازمه الله يخليها لي