شلون اعرف اذا زوجي متزوج علي؟؟

[روووح الــورد]

الســلام عليكم
شلونكم ان شاء الله مرتاحين
حبايبي مابي اطولها عليكم انا كثير شاكه بزوجي انه متزوج ......... يعني مو علاقات تلفون او مغازل
كل شي بتصرفاته يشككني انه متزوج لانه ملتزم ومايترك فرض حتى لحيته طويله يعني مستحيييل يقرب للحرام
انا والله يا بنات مووو مقصره كلش كل شي اسويه على اكمل وجه و زياااده حتى حمولتي يموووتون علي انا من النووع المسااالمه وما اختلط ولا اسولف كثير
ادري ان حتى لو متزوج الشرع محلل له بس انا مو ناقصني شي جمال ودلع واخلاقي زينه:eh_s(10): جنه مدحت نفسي واايد
بقولكم السبب الرئيسئ للشك ..... زوجي زهب شنطته لان بيسافر الامارات وبعد 4 ايام اخوي شايفه بالشارع وسألني .. عباله ان بينا زعل وانا مابي اعلمه
دق علي زوجي في نفس اليوم يسلم ويتطمن ع ولده ويقول بعد يومين بيرد
بنات شلون اعرف اذا متزوج بدووون ما احسسه اني ادور من وراه .... بجد محتااااره اكيد انتو حاسييين فيني
اتمنى تفيدوني
الله يصبرني على ما ازور اهلي الاسبوع الجاي عشان اقرا ردودكم ... لان في بيتي ماعندي :eh_s(16):
يا خواتي من كل قلبي ادعيلكم براحة القلب و البال لاني عشت القلق النفسي ومابي احد يجربه

 

[منار البربرية]

رد : شلون اعرف اذا زوجي متزوج علي؟؟

روحي المحكمه وهما عندهم اسمه يبين اذا متزوج واذا طلع متزوج لا تعلمينه شلون عرفتي ؟؟ والديرة صغيره ماكو شي ينخش
والله يعينج ويوفقج​

 

[الأميرة جوري]

رد: رد : شلون اعرف اذا زوجي متزوج علي؟؟

والله مادري اختى لاتوسوسين او دخلين الشيطان بينكم الوحده تعرف ريلها عدددل والله يطمن قلبج ..

 

[& مــشــايــخ &]

الله يفرجها عليج ويريح قلبج

 

[شوكلاتهـ]

ماله داعي تدورين

صدقيني لو متزوج راح يوصلج خبره لانه الله يكشف المستور

ريحي قلبج ولا تحاتين

 

[فتاة.]

حبيبتي
كلميه باسلوب هادئ ورزين وساليه
وقوليله انت متدين وتخاف الله لاتخش عني
والله يوفقج معاه ويطلع شئ بسيط ومو متزوج

 

[Muna 93]

نصيحه لا تدورين ولا تشوفين
جذي راح تتعبين نفسج
ولا تخلين الوسواس يسيطر عليج
اذا كان متزوج راح يجيج خبر زواجه اذا مو اليوم باجر
الله يفرجها عليج ان شاء الله

 

[ترانيم القصيم]

ماله داعي تدورين

صدقيني لو متزوج راح يوصلج خبره لانه الله يكشف المستور

ريحي قلبج ولا تحاتين

ساعات أقول الحمد لله إني عزوبيّة :ch12:

الله يرفع عنك يا وخيتي .. و الشور شور أختي شوكلاتهـ

لا تبحثين وراهـ , و خلك من وجع الرآس :eh_s(15):

و يا خبر اليوم بفلوس , باتسر ببلاش ..

احترامي و تقديري

ترانيم القصيم ​

 

[لوعة الحب]

قربي منه اكثر وحاولي تطمنينه وتقولين شنو شاغل بالك حبيبي شاركني همومك مهما كانت ولو جبتي طار انه احد شافك بالكويت من باب الغشمره وتوشفي ردت فعله يمكن يعترف بكل شي

تحياتي لج والله يطمن قلبج ياغناتي

 

[بحر الذكريات]

الله يعينج ياقلبي ويهدي زوجج

وليش ماجبتي له طاري ان اخوج شافه بالشارع؟؟

 

[جان دارك]

نصيحتي لكي
مختصره في هذه الآية الكريمه

يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ

 

[مضاوي 75]

نصيحتي لكي
مختصره في هذه الآية الكريمه

يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ

معاها ...لا تسالين ولا شي

خلي الامر طبيعي ولو كان متزوج احسن لج لا تعرفين علشان يبقى لج الاحترام والهيبه منج

لانه لو عرف انج عرفتي راح يروح عندها عادي ويتكلم معاها وفيها جدامج عادي

فخلي الامر مبهم بالنسبه لج وله

 

[noorq8]

بصراحه استغربت من ردود البنات ..................ماادري أنا اللي غير والا هم ............رأي الخاص .................................روحي للمحكمه وتأكدي من الحقيقه غريبه يقولون خلج على عماج !!!

روحي وتأكدي وعقب فكري بهدوء اشلون تطلعين باقل الأضرار

 

[Chic & Unique]

روحي المحكمه و استفسري عشان يرتاح قلبج بس تفاهمي معاه بهدووووووووووووووء و حاولي ماتخلين العصبيه تغلبج و الله يهدي لج ادعي ربج و استغفر دايما و الله يهون عليج و يطلع كل شكج غلط

 

[الحلوه2010]

رد : شلون اعرف اذا زوجي متزوج علي؟؟

الله يعينج ياقلبي ويهدي زوجج​

 

[over love]

خواتى صعب تطلع المحكمه بسهوله لأن هالشي يسبب مشاكل لازم تكون تعرف أحد هناك ويطلع لها اذا متزوج او لأ!!

رأيى لاتطلعين من وراه حتى لو تعرفين أحد

وكلميه مباشره قوليله انت كنت مسافر وفى ناس شافوك حابه أعرف شصاير ليش قلتلى مسافر وأنت بالكويت !

واذا أهو ديين تراوالى يعرف أن لازم اذا بغى يتزوج يعلم زوجته الأولى ويطيب خاطرها ترى مايجوز بدينا أن يسوى هالشي من وراها لازم يكون بعلمج

والله يريح قلبج

 

[الترفة]

رد : رد: شلون اعرف اذا زوجي متزوج علي؟؟

معاها ...لا تسالين ولا شي

خلي الامر طبيعي ولو كان متزوج احسن لج لا تعرفين علشان يبقى لج الاحترام والهيبه منج

لانه لو عرف انج عرفتي راح يروح عندها عادي ويتكلم معاها وفيها جدامج عادي

فخلي الامر مبهم بالنسبه لج وله

كلامها عين العقل,,,والله يوفقج..

 

[M!Ss English]

رد : شلون اعرف اذا زوجي متزوج علي؟؟

انا من رايي تروحين للمحكمـه وتتأكدين ..

 

[$بنت الأمير$]

رد : شلون اعرف اذا زوجي متزوج علي؟؟

حبيبتي اذا زوجج ما تغيرت معاملته لج وموفرلج كل اللي تبينه وموجود بحياتج شحقه بتعرفين اذا هو متزوج ولا لا؟؟
أنا أعرف بنات واجد يقولون يا ليتنا ما درينا ان أزواجنا تزوجوا علينا وياليتنا عشنا على عمانا كلام مضاوي صحيح أنا معها

 

[۩۩ الجـــــود ۩۩]

ما شاء الله تبارك الرحمن يا قو قلبك شاكه اخوك شايفه وساكته عنه


الله يريح بالك