شلون المتزوجه تحافظ ع خصوصيتها اذا كانت ساكنه عند الحموله ؟؟

[قسي قلبك تعيش]

امبيه مكبرين الموضوع حييييل
عادي خلي يدرون ويشوفون ويسمعون شنو مسوين شي غريب
هذي الدنيا بعد
بس اهم شي تبين تكسبين قلب زوجج عاملي اهله زين حتى لوامه مو زينه انتي عامليها زين لوجه الله

 

[قسي قلبك تعيش]

والله يوفج بحياتج

 

[جوري الجبيل]

الله يعينك حنا بالسعوووديه لازم بيت بروووحي براااااااا موب معاهم بحي ثاني
هذا غير ان كل واحد بمدينه
ماعندي خلفيه بس الله يحنن قلوبهم لك

 

[انا انت]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

لا عن جد مشكلة انا ساكنة معاهم والمدخل لازم امر الصالة امرها بالطلعة والنزلة والمطاعم اذا جت عينهم عليها همن الاغراض بس مرت حماي اذكي مني اذا راحت السوق ماتنزل اغراضها تخليه بالسيارة والليل تنزلها والمشكلة الثانية اذا تهاوشنا البيت كله دري لان الصوت يسري تذكرت مرة مرت حماي تقول شسالفةامس ترقصين لزوجج لانها سمعت صوت اغاني الله يعين

 

[لؤلؤة الكويتْ]

-





ماشاءالله مآقصصرو البنآت

أنا رآح أسكن مع حمولتي
بس أشوي لي مدخل بروحي

 

[سارحة بالغنم]

لي سبع سنوات مع حمولتي ممكن تحافظين على الخصوصية خاصة إذا حمولتج مو حشريين لكن مراااات نو وي صعب أحيانا لمن حمولتي كلهم ينامون أجيب أغراض من سيارتي لمن ماحب أحد يشوفها أو أطلع وأتخشخش مراااااااات بس لازم أسمع هالأسئلة على وين؟ منين جاية ؟ عيالج وين ؟......................ألخ ليش الأسئلة مادري:d

 

[«ღ»Pure Soul«ღ»]

اولا .. مشكووورين ع نصايحكم و ردودكم

بما اني اعتبركم خواتي بفتح لكم قلبي $:

الحمدلله حمولتي باين انهم زينين بس مثل مايقولون الجنه غير مهما الحموله زينه لازم تمر علينا مواقف شي طبيعي حتى واحنا عند اهلنا نختلف مع خواتنا او امنا تقول لنا شي يضايقنا مو لانها ماتحبنا وخالتي بعتبرها مثل امي واعاملها باللي يرضي ربي حتى لو شفت منها شي ضايقني اهم شي رضا رب العالمين والله يرزقني ع قد نيتي

حتى لو كانوا زينين كل وحده تحب يكون لها خصوصيتها وانا اشوف الجنه اللي ساكنه عند الحموله مالها خصوصيه خصوصا لو الخاله او اي احد عنده فضول ويحب يتدخل وبعض الامهات مو لانها فضوليه بس لان ولدها فـ تحب تعرف عنه كل شي

انا ماراح اخليهم يتدخلون بحياتي لاني احب الخصوصيه حتى وانا عند اهلي .. بس مثل ماذكرت "انا انت" لو بترقص الكل راح يدري لان صوت الاغاني واضح حتى لو ماكان عالي $: و لو حبيتي تحتفلين انتي وريلج ويبتي كيكه او هديه راح يشوفون شنو بايدج فشله $:

الهدف من الموضوع مو لان نيتي شينه او اسيء الظن فيهم بس حبيت اعرف شلون اقدر احافظ ع خصوصيتي ومن حقي تكون لي خصوصياتي اللي ماحب احد يعرفها

 

[sKntyny]

اللحين البنات اللي يروحون يتسوقون واذا ردوا من السوق يخشون الاجياس بالجناط ولا ماينزلونها من السياره

شـــــــــــــــــحقه ؟؟!!!

علشان شنو ؟؟

مو فاهمه كلششش . شــيبون باغراضكم اصلا ..

يعني حتى الاجياش خش ودس !!!!

شلون تفكرون؟؟

 

[نـوناا]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

يالي فووقي والله انتس صاادقه
ههههههههههههههههههههه
اما راعية الجنطه هههههههههههههههه روعه الحركه ماودي الا اقول الله من الدلااخه بهالرااس

 

[فـديـت ^-^ روحـي]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

بيور انا بصراحه غبييييييييييييييييييييييه

قلت لامي لاتطلبين لي شقه بروحي انا مو قد المسؤولية

وبعد ما صار لي سنة من ملجت ومرت علي سوااااااااالف

من رفيجاتي والحموله تحسفت قد شعر راسي اني ماطلبت شقه بروحي

صج ماكو خصوصيه اهم شي عشان الرقص والكعب لوووووووووووووووووووووووول

والحين معلقه ما حدد العرس ولا أدري وين بسكن ؟!!

آآآآآآه قلبتي المواجع يالغالية

 

[miss mama]

........لا تطنزون يا بنات على بعض ردود البنات لانكم اتردووون شنو نوعية الناس الي يتعاملوون وياهم فيخلونهم يضطروون يسوون هالحركات !
لانه فعلا شي يغث الهب والدب مبطل عينه عليج وين رايحه وشنو ششريتي ! وانتو شكو تسئلون؟؟؟؟؟؟؟؟؟

لو امه ارد بنفس طيبه ولها الحشيمه والاحترام ..
بس الشعب الي ماله حق يسال ويتلقف علييييج على اقل شي تسوينه تلقينها داعسه خشمهاااا سين وجيم ويشيشوون زوجج عليج فوق هذا كله!!!
الله يعين الجميع ..والله يختج مدري شلون اقدر افرض خصوصيه ! قاعده استفيد وياكم ...متابعه

 

[انصاريه قمره]

مادري انا عن نفسي عادتهم بحسبه اهلي ما بيني وبينهم رسميات

 

[تنآهيد ..~]

جزآكم آلله خير بنآت =)

 

[جوري الكويت]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

الرسميه معاهم من اول يوم

على شان يعرفون حدودهم


و بالنسبه حق الاخت اللي تقول ليش تخششون اغراضكم من السوق


يعني مرات الوحده تشتري شغله بتلبسها حق عزيمه او مناسبه من مناسباتهم

و ما تبي احد يشوفها الا وقت المناسبه

 

[ام ضــ حــاوي]

مادري حبيبتي تزهبين الدوا قبل الفلعه . أهم شي بالخصوصية اللي صير بينج وبين زوجج محد يدري فيه يعني صوتج يا حلوه ما يكون عالي. بس روحت السوق عادي أقول بروح اذا أحد سألني وأدش بأجياسي عادي محد مفتش . وبخصوص الطلعات كل العرسان أول زواجهم تكثر طلعاتهم شي طبيعي وبعدين منو يسأل الحين وين رايحيين ؟ كل واحد لاهي بنفسه ؟ الحمدلله خالتي حبوبه والبنات بعد واعامل خالتي مثل أمي والبنات مثل خواتي .عمري ما حسيت أن ما عندي خصوصية الحمدالله.
نصيحتي خليج زينه مع خالتج وعمج وان شاء الله تكون حياتج سعيدة .

 

[برد ابو الذهب]

البنات كفو ووفو

 

[اشتياق]

ماااادري بالتوفيق يارب

 

[عيون مها]

أنا الحمدالله شقه برى ومرتاحه وحاليا يحن علي يبيني أسكن عندهم وأنا رافضه

هو صحيح ماشفت منهم شي .بس أنا أشوف غيري الكل يحب شقه برى تكون

 

[ورد الغرام]

ساكنة بروحي

 

[الأماكن]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

,,, أول شي ,,, (إخذي الامور ببساطة) ,, بتعيشين مرتاحة على طوووول

انتي ماتدرين يمكن حمولتج تطلع من النوع اللي ماله شغل بأحد

أنا حمولتي جذي ... كل واحد بحاله ... وكافي خيره شره .... والحمدلله

بس على طاري تشترين أغراض وهالسوالف ... مرت حماي اكتشفت انها تاخذ جنطة Hand Bag وتفتر بالاسوقة و اذا ردت حطت اغراضها كلها بالجنطة واللي يشوفها

يقووول رادة من أهلها و هي بعد تقول جذي

أما أنا شغلي ليلي ... يعني سوالفي تطلع من 12 وورا والبيت نووووووووم ... أروح الجمعية واتشرى على كيفي ومحد يشوف اغراضي

ومرات ... لا شفت جمعة بالصالة .. أخلي اغراضي بالسيارة و انزل

بصراحة انا كنت قبل عادي ماتفرق يشوفون اغراضي ولا ... بس هم اللي يتصرفون جذي ... و مايعلمون ... صرت مثلهم !!! من عاشر القوم

ودايما لا طلعتي ...قولي "بيت أهلي".."المستوصف"

من ناحية الاصوات ... حاااولي بعد شتسوين بعد

من ناحية الهواش مرات ... أقوله قــصـّـر صوتك ...لوووووول

ومثل ما قالوا البنات .... خليج رسمية ... والله بترتاحين

وموفقة