شلون المتزوجه تحافظ ع خصوصيتها اذا كانت ساكنه عند الحموله ؟؟

[الأماكن]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

وبالنسبة حق اللي يتطنزوووون

انتوا الظاهر ماجربتوا احد يراقبكم .... انا حريم حمواني " رادارات " مثبته بالبيت ... يعني لو داشة بجيس من برا ... يبدى التحقيق والاسئلة

ومن وين وبجم وليش واشحقه <<< قطيعة

وانا من النوع البارد مو مثلهم ..يعني لو أشوفها ما اسأل ودي اغثهم بس استحي ...و أساسا ناااااادرا ما اشوفهم داخلين بأجياس

ومرات ودج يكون لج خصوصية ... بس مو بإيدج ... يعني انا ما اقدر اطلع بشقة بروحنا ... الميزانية ماتسمح ... ممكن الظروف اللي مانعة غيري

يعني اصابعج مو سووووواااااااا

واتمنى تتقبلون رأأي بصدر رحب

 

[امواج الكويت]

رد: رد : شلون المتزوجه تحافظ ع خصوصيتها اذا كانت ساكنه عند الحموله ؟؟

والله يا بنات اخذو الامر ببساطة وعيشي حياتج بدون ما تتحسسين من احد مالج شغل باي احد منهم الا زوجج وامه وابوه حطيهم بعيونج وراح ترتاحين طول عمرج وبالنسبه لمشترباتج واغراضج ما ضنتي بشوقونها غصبن عليج خلي لج شخصيه قويه يحترمونج من خلالها مو متسلطه او متكبرة وبالنسبة لداخل شقتج حرصي انه لالالالالالالالالالالالالالالالاينسمع صوتج ابدا ابدا سوا كانت سوالفج مع رجلج او خلافج معاه حلو مشاكلكم يصوت هادي وتدربي على هالشي وخليه عاده بحياتج

معاها 100% انا اسوي جذي والحمدلله مرتاحه ومحد له شغل فيني

 

[ام فهد العدواني]

والله يياحبيبتي
انا فاتحتها بحري على قولهم
عاااااااااااادي
صوتي يلعلع
اطلع وادش
اشتري اغراض
محد له شغل بس خالتي اشوي اتدخل واعرف اشلون ارد مره صج ومره جذب
اصلا ذاك اليوم طلبت لعبة من الانترنت وكنت بطلع عطيت خالتي الفلوس ويقلتها في لغراض طالبتهم
تمت 3ايام واهيا تسال شنو هذي

 

[روعة الأمومة]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

والله لوعة جبد بس الله يعينا الاجارات غالية

ولا على قولتج انا ما عندي مدخل بروحي ولايعة جبدي صج اني اسوي اللي ابيه و اللي يسأل وقت الطلعة أقول مشواار بس تنغثين

يا ربي بالطالعة و النازلة اسئلة يعني عايشة على أعصابي

مالي خلق أكمل انغثيت

الحمدلله اهما زينين بس انتي تنغثين تبين تعيشين براحة

طبعا كعب لبست اول زواجي دقت خالتي تقول مرتك شلابسة ماني عارفة انام و لي يومج ما لبست كعب بالشقة

 

[روعة الأمومة]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

و أزيدج من الشعر بيت ما عندي مطبخ فوق عندي مطبخ تحضيري

يعني لوعة جبد على أصولها

 

[الـــغـــلآ]

آبـ

 

[الملكة كوكو]

انا ماعندي مدخل خاص و عادي مو متأذية كل واحد ماله شغل بالثاني وين رايح وين ارد و شنو شاري و شنو طالب اصعد و انزل مثل ما ابي يعني سهالات و مرتاحة مو شرط احط حساب ابسط الاشياء شلون بطلع جدامهم و شلون بدخل الجيس شدعوة ما فيها شي هذي حرية شخصية مو غلط ! و الحمدلله ما اعاني من الفضول ...

 

[دريم]

رد : شلون المتزوجه تحافظ ع خصوصيتها اذا كانت ساكنه عند الحموله ؟؟

الله يعينكم لوول

 

[Čut!e Quèéи]

وليش اخش عنهم ؟ مدخله ممنوعات مثلاً

ماله داعي الحساسيه هذي طلعي ودخلي ولا عليج من احد

محد راح يقولج تعالي شنو شاريه ورينا دخلي سلمي وقولي بعد اذنكم

ايدي طاحت من الاغراض بوديهم فوق وانزل لكم بعد اشوي وخلاص لا تعطينهم مجال

واذا اغراضج عاديه مو وايد دخلي ماعليج سلمي وصعدي خلي عندج شخصيه وحدود بالاسلوب من هالناحيه

لا تعطينهم مجال يتمادون ولا تكونين من النوع الي كل ما شرت شي راحت تسولف عنه قللي كلامج راح تقل نظراتهم

 

[بنات حواء2]

آب
آب
للفائده

 

[So... What]

حبيبتي خذي هالامثلة و تحذري منها

مثلا توك تسولفين مع زوجك ... مو بس تنزلين و تخرين السالفة ... ترى تصير من غير قصد

سوالفك مع زوجك ... ضحك صراخ مطاقق جماع تفلص كلهم بصوت يحفظ خصوصياتكم ... و اذا تبين شوفي موضوعي اللي يمعت فيه صوت اللي فوقنا .... وع

لا تتدخلين بشؤونهم .. لا تشوفينهم مختلفين و اسم انك بتصالحين أو تتلقفين .. خلك دايما حاشمه روحك و كافة لسانك علشان ماحد يتجرأ عليك

نفس اللي بتعودينهم عليه ... بيمشي طول حياتك ... لا تلزمين نفسك بالقعده تحت مده طويلة ...

 

[فوفو22]

غريب امر بنات هالوقت يخططون قبل كل شي


وهذا بعيد عن فطرتنا وقيمنا اللي تربينا عليها


المفروض يشغل بالعروس اشلون ترضي زوجها واشلون تسعده


بالنسبة للحموله هذول اهله اللي عاش عندهم وتربي قبل ما يشوفج

وهالحموله هي من اختارتك عروس لولدها

بالنسبة للخصوصيات في الطلعات والجيات اتوقع كل من يطلع بهالوقت

والمشتريات وغيره محد يتطفل ويقول شنو شريتي الا اذا انتي بادرتي بالموضوع

فوفو

 

[بنت.المطيري]

ببيييييه والله حساسييين انا مالي خصوصيه بتاتا البته بس عادي عايشه حياتي جني فبيت اهلي
الحمدالله يارب
اول الايام كنت شوي اتضايق بيني وبين نفسي بس الحين عاااااادي تأقلمت
انا خالتي والخدامة يعرفون كل زاويه بشقتي شنو فيها وشنهي هدومي اكثر مني ،،




مع اني فبيت اهلي لو احد يدش غرفتي اعفس الدنيا عليهم
لكن حاليا صايره الحمل الوديع
<<< متهدده من اول اسبوع عرس

خخخخخخخخخخخخخ

 

[«ღ»Pure Soul«ღ»]

بوضح لكم شغلهم للاسف اغلبكم اساء فهمي

انا من الحين اعتبرهم اهلي والحمدلله الكل شايف خير والكل يطلع ويشتري محد بالديره ناقصه شي ومن قبل مادخل عليهم وانا نيتي صااااافيه مليون بالاميه

شي طبيعي احب يكون لي خصوصيتي لان شفت بعيني بنات مو مرتاحين بحياتهم والسبب مالهم خصوصيه وفي اللي حمولتها مقدره وماتدخل بكل شي

شي طبيعي اذا اختلفت انا وريلي مابي احد يدري ومشاكلنا بينا ولا نسيتوا نصايحكم !! مو حلو تطلع اصواتنا او سوالفنا الكل يسمعها اكييد في سوالف تظل بين المرا وريلها ماتطلع برا الشقه فـ مو حلو اصواتهم تكون طالعه والكل يدري عن ادق تفاصيل حياتهم انا ماقصد لقافه من احد بس غصب يسمعون الصوت طالع مو بايدهم

ع العموم الله يعطيني ع قد نيتي ومشكوورين ع الردود ولو اغلبها كانت هجوم منكم وفهمتوني غلط بس يمكن انا ماعرفت اوضح لكم قصدي

 

[الأميرة الحزينة]

مابي اضيق خلقج بس ماكو خصووصيه نهاائي ببيت الحمولة حتى لو مدخل بروح كل ساعه بيتنططون وتعالوا تغدوا والامطرشيلج احد ويفضحونج اذا بيوم نايمه قالو رفله وماتدري عن بيتها واذا شريتي شي راقبوج شرت حطت يابت واذا متناجرة مع ريلج بعد مشكلة لأن بتضطرين انج ماتبين ومشكله اذاكان ريلج من النووع اللي يبين عليه ..باختصار مافي خصوصيه الا اذا بيتج بروحج:eh_s(1):

 

[You FOR Me Only]

حبيبتي بيووووره ماعليج من الردود الهجوميه بصراحه انا وحده مهتمه بموضوعج لان باسكن مع حمولتي باول فتره وابي تكون لي خصوصيتي وحتى لو كانو طيبين الخصوصيه ماتضر حد بالعكس بحطهم فوق راسي بس بعد انا حياتي الزوجيه خاصه بيني وبين زوجي والا جان سموها حياه شامله من اسمها حياه زوجيه يعني في امور تكون خاصه بيني وبين زوجي ومابي احد يتدخل بشي وابيهم يحترمون خصوصيتي

رجاءا بنات اللي ردودكم هجوميه خفو علينا شوي واحنا ماغلطنا واللي عندها شي بيفيدنا ترد
اما اللي تبي تهاجم لا ترد احسن

نبي نستفيييييييييييييد

 

[ام التاريخ]

الله يعين الي يسكن بيت الحموله اسئل مجرب الحمدالله طلعت وفتكيت ماكو خصووصيه نهائي ببيت الحمولة

 

[نورعيونك]

الله يعين
صج جذي بيعرفون كل شي وين رايحه ووين راده وشنو شريتى
بس حلوه فكره الجنطه اخذي جنطه الى تكون خفيفه او جيس خام يكون وخليه بسياره اى شي تشترينه وانتى داخله حطيه بلجيس مولازم يعرفون شنو شريتى

 

[** باربي **]

لي عودة

 

[بدوية بملامح كشميرية 86]

انا كاني بيت اهلي الحمدلله ياااارب