شلون المتزوجه تحافظ ع خصوصيتها اذا كانت ساكنه عند الحموله ؟؟

[الـــغـــلآ]

امبيه مكبرين الموضوع حييييل
عادي خلي يدرون ويشوفون ويسمعون شنو مسوين شي غريب
هذي الدنيا بعد
بس اهم شي تبين تكسبين قلب زوجج عاملي اهله زين حتى لوامه مو زينه انتي عامليها زين لوجه الله

نفس السؤال اللي من اليوم اساله نفسي شفيها يعني ان رحت السوق و درو عني شنو يعني هم ما يطلعون السوق ولا شنو ما اشوففيها شي او اني اخذ جنطة ملابس عشان هالاغراض الااا اذا كان مشوار صج خاص ومابي احد يدري اقولهم مشوار مو كل مره عادي يعني محد يطلع بالدنيا !!!

 

[قُـمـر دنيــآي]

دشي بجيسج وماحد له شغل

وماراح يسألونج الا اللي ماتستحي

وقللي الكلام وخليج رسميه ولاتعطينهم من قلبج لانج راح تنصدمين بالاخير لما تحسين انج تسوين خير وينقط بالبحر

خلج طيبه بس لج شخصيه قويه

 

[** باربي **]

ابيت الحمولة ماكو خصوصية وأرف وزواع استغفرالله

لاتقولين اقلها يدرون عن مشاكلكم وسوالفكم وليش ما تنزل وما تقعد معانا

وتعالوا تغدوا معانا وهذا غير اذا بطلعين بتبلبسين اي شي بتروحين مستشفى تعبانه ولا شي ولا بتنزلين ابيت اهلج

تضتطرين تكشخين لانج بتمرين جدامهم

وخاصه اذا كنتي لابسه عادي ولا فيه حريم بالصاله وانتي لا متمكيجه ولا كاشخه ومنهم اول مة يشوفونج

اذا الي لهم مدخل بروح يقولون ماكو خصوصية عيل شلون الي مدخلهم واااحد

اول مشكله السلام ومرورج عليهم يسنح لهم الفرصه يلقون عليج الزله وممسك قطييعة

يعني حتى لو احد بيزورج يستحون يمرون عليهم يمرون على الف واحد عشان يدشون عندج

لالا لا أرف

اشتروا السكن برى بالذهب حتى لو كانوا طيبين المعاشرة تطلع لج المستخبي

 

[DooLy88]

عجبتني الردود

ومنكم نستفيد
لول

 

[om_dodo]

اب

اب

 

[جوليانا الحلوه]

عايشه حياتي على كيفي مالي شغل باحد صج ما عندي درج لحالي وقبل كانو يسالوني وين رايحه اقول مشوار قريب واجي ما اقولهم ما احب احد يدخل فيني لاني انا ما اسالهم اذا راحو يجون هم يسالوني طااااااف والحين ازهقو ما يسالون وانا الصراحه اهم شي خالتي والباقي علاقتي فيهم رسميه جدا

 

[أسيرة القمر]

الحموله وما ادراك ما الحموله

تعودت اني لا دخلت عليهم وانا جايه من السوق اسلم واصعد فوق

بس اهم نظامهم لازم نشوف شنو شاريه ؟؟؟؟


اكتشفت هالشي من زوجي قالي مره انتي ما تخلين اهلي يشوفون اغراضج اللي

تشترينهم من السوق ؟؟ قلت لا شكو اوريهم !!!

قال لا ماكو بس اختي تسولف وتقول يا حليل فلانه ( مرت حماي ) لا ردت من السوق تورينا اغراضها


طيب بالله شاريه قميص نوم يشوفونه بعد استغفر الله لان جد ينرفز ،،،

ومرت حماي علاقتي فيها رسميه لانها عقرب رمل تتصيد علي بكل حركه وبكل سالفه

جنه ماكو الا انا ؟؟؟

تصدقون استحي لا شريت كيكه يعني علبووو احتفال بمناسبه او شي

لان مره شريت كيكه ومن باجر مرت حماي قالت لي ما شاء الله كيكتهم حلوه حق شنو ؟؟

يعني ما سألت من وين !! سألت عن ادق التفاصيل

قلت بس جذي اشتهيتها وسكت ..

يماااا منها بس تبي تعم لاني متأكده ان محد شافها الا اهي !!!

حبيبتي الحياه لولا المصاعب ما تمشي يعني اذا مو الحموله .. الرجال ومشاكلج معاه

مشي الامور تمشي صحيح قهر ان لابد تكون لج خصوصيه

بس مو معناته اخش بجناط ولا لا جا الليل اصعدهم

كلش كلش لا سألوا قولي اغراض خاصه لي .. عاد اذا هم وجيهم مغسوله بمرق وبيسألون

شنو هالاشياء الخاصه هذا شي ثاني ..

 

[chanel N22]

ماراح يكون لج خصوصيه اذا مالج باب بروح

 

[om.aboodi]

اي والله ويني عن هالموضوع انا قطيت ويهي وايد للاسف وقتنا غلط حبيبتي سمعي كلام البنات بس الخصوصيه مالج امل

 

[Om Ghanem 75]

اللي تقول اشدعوة تخش اغراضها بجناط أقولها حمدوا ربكم الله رحم حالكم و ما بلاكم باللي بلاهم

أنا الحمد الله حمولتي طيبين و مالهم شغل باحد

بس عندي مرت حماي وييع وييع عينها ضيجة بكل شي تحط عينها عن كل شي تسأل .. أول كنت على نياتي اوريها لا الحين عقب جم موقف صاروا منها حرمت

يعني تخيلي مرة كنت شارية نفنوف ضيج وايد حلو حق قعدة الشقة مع ريلي

طبعا أشوف و من وين و ليش و بجم ؟؟ قلت عادي ما يخالف مافيها شي يمكن خاطرها بواحد نفسه

المهم عقبها جذي باسبوع كنا متيمعين تحت عند خالتي نتقهوى و حماتي كانت مسويه حلو وايد لذيذ فخذيت قطعتين جان تنط جدام الكل و تقولي ام غانم اخذي قطعة وحدة كافي عشان تقدرين تدخلين في النفنوف !!!!!!!!!!!!!!!!!

و مرة خدامتي و ولدي استمرضوا بنفس الوقت فكنت بوديهم المستوصف و انا نازلة والا هي قاعدة مع خالتي وعمي عاد قالولي قعدي جان اقولهم لا بروح المستوصف المهم عقب ما رديت جان تقظب الخادمة تسألها وين رحتوا شنوا سويتوا مارحتوا مكان غير المستوصف ؟؟

انت شكووو!!

 

[Adorable]

ممم مادري لاني ساكنه عند اهلي
و اذا انا او اهوا طلبنا شي من النت نحط عنوان بيت اهلي و الفلوس عندهم لان احنا مودايما بالشقه مع ان لنا مدخل خاص طبعا و نقدر نطلع و ندش و محد يدري عنا

اما اذا كنت عند حمولتي اكيد رح انزل مره باليوم اما اكلي و جذي كله بروحي مع ريلي ماله داعي كل يوم غداي و عشاي معااهم!!

 

[miss_jamsheer]

صح احس بيت الحموله كلش ماتحسين بالخصوصيه واصلا ماتحسين بالمسؤوليه

 

[متواضعة]

رد: رد : رد: شلون المتزوجه تحافظ ع خصوصيتها اذا كانت ساكنه عند الحموله ؟؟

[

و نصيحه خالتج عامليها مثل ماتحبين احد يعامل امج و اذا شفتي منها شي حاولي تطوفين و انتي بترتاحين



[/quote]
وايد حبيت هالنقطه من مذهله

الله يوفقج ويوفق البنات كلهم يارب

بضيف شي انه لا تقولين حق ام ريلج اي شي مو زين عن ولدها لانه ولدها اكيد مابترضى عليه ولما تذمينه اتحس انج اتذمين تربيتها فيه

 

[غنآآآتي]

حبي هذي النصيحه حطيها في بالج داااااايم خلج مثل الطوفه شلون واقفه وماتكلم صيري جذي سنه سنتين لحد لما تعرفين هم شنو وبعدها عاد عاملي كل شخص واسلوبه هالنصيحه طبقوها اغلب بنات العايله .

 

[mejo]

هلا وغلا ياقلبي

اذا تبغين تكسبين عمتك خذيها مني نصيحه وربي ماراح تندمين

عامليه بطيب وتقربي منها اذا رحتي عنده خلي يدك ملينا قماش عطر حلا جلابيه اي شي امديحها انفخي راسه

صدقيني راح تبوسك على راسك يدك والله بكلام سنع وياه لان هي الي تخلي صورتك حلوه عند زوجتك

اذا صرتي معاه ثقيلت دم هي راح تخرب صورتك عند ولده تكثر مشاكل بينكم بسبب امه

يعني من بدايه اكسبيها خلي علاقتك في امه قويه اما خواته خليك رسميه

 

[G!RLooNa]

حبي هذي النصيحه حطيها في بالج داااااايم خلج مثل الطوفه شلون واقفه وماتكلم صيري جذي سنه سنتين لحد لما تعرفين هم شنو وبعدها عاد عاملي كل شخص واسلوبه هالنصيحه طبقوها اغلب بنات العايله .

:dddds:

امبيه والله مت من الظحك :dddds:

عجبني التشبيه

عاد انا كنت قايله بالمستقبل اذا الله كتبلي ابي اقعد فبيت اهله و مدخل بروحي بس هم ما ينفع جنا من كلامكم

وصج املق شي الالتزام و المجاملات لازم تنزلين و تقعدين عندهم كل يوم و مادري شنو ماحب جذي خصوصا اذا الوحده تدرس و لا تشتغل تعب ياربي