شلون تتعاملين مع مسئولج القثـــــيث بالدوام؟؟

[LoLaTi]

السلام عليكم

شلونكم بنيات :eh_s(17)::eh_s(17):

سؤال للبنات الموظفات شلوون تتعاملين مع المسئوول ؟؟؟ لان مسئولي قثييييييييييييييث وثقيل دم حصل بيني وبينه خلاف واشتكيت عليه عند المدير ومن يومها واهوه حاط علي حطه كرهت الدوام بسبته :eh_s(14): وادري وقت التقييم بيخفس فيني معني اكثر وحده اشتغل بس اهوه نظامه خرفنه بصراحه اللي مستره وتداوم وتكرف يحط عليها حطه واللي تسولف وتتضحك وياه وتطيح بمكتبه طول الدوام وتمشي على مزاجه ومااتشتغل ولاتداوم من الاساس يحط لها امتياز :rgewrg:


الحين قولولي شلون اتعامل معاه وشلون اتصرف وياه لانه وايد يرفع صوته وحاط علي حطه حقد علي عشان اشتكيت عليه
كل وحده تسدح طريقتها بالتعامل مع مسئوولها واللي مرت بهالموقف شنو تسوي وشلون تصرفت

 

[بنت الكويت العسل]

برووود اعصاب ردي عليه وطقيه شكاوي من كل صوب وعيشي حياتج اذا عصب قوليله بكل هدوء رجاءا انا موظفه بالدوله حالي من حالك تبي شغل هذا الشغل وعطيه شغله وبس لاتكرفين على ماميش حللي معاشج وريحي اشوي كله من صحتج وخليه يموت من برودج قعدي على قلبه وقولي للمراقب كل شي يصير لاتخلين ويكون احسن تخلين احد معاج دايما دام اهو زفر

 

[بنت الكويت العسل]

كان عندي وحده جذيه طقيتها شكاوي عند الوكيل ومدير الاداره ماخليت احد حتى مراقبتها قامت تخاف وايي بكل برود شغلي وبس لين كلت تبن واحترمت نفسها وغصب عنها تحطلي امتياز على شغلي لاتعطينه مجال انتبهي انتي أي وزاره

 

[myaar]

ايي ماعليج منه مثل ماقالت اختي اللي فوق

ترى هاذي مو وزارة أبوه!!

لاتكرفين عمرج ولا شي لاتشتغلين اكثر من شغلج تلقينه يعطيج شغل غيرج بعد

ولاتسكتين عن حقج لما يوقفه احد عند حده

لاتنطرين لما يهضم حقج من الحين وضحي للي فوقه وضعج
وانج تكرفين ولاتسمحين له مايعطيج الامتياز

 

[LoLaTi]

انا شتكيت عليه خليته يتبهدل بس اهوة حقد ولان معاملتي له تغيرت قمت ارادده اذا طول حسه وما اسوي اللي اهوة يبيه اسوي شغلي انا بس
والحين اهوة قاعد يحفر لي من تحت لي تحت جم مره يحاول يتهمني انيي مضيعه كتب وجذي
يعني باختصار استخف لوووووووووووووول

 

[LoLaTi]

انزين سؤال بنات التقييم كل متى يصير ؟؟؟؟
وشنو سالفه البونص الي يكون اخر السنه ؟

 

[M!SS.LOBY]

الله يعينج

 

[LoLaTi]

اب
اب
اب
تجاربكم

 

[* Snow White *]

هذا عيب الشغل بالحكومه
محد ياخذ لج حقج
والسالفه خبيصه كل من يلعب على كيفه!!!
لو بالخاص هذا تفنيش ويتادث من شكوى وحده بس!!!

مادري شلون طريقة الحكومه صراحه، بس اللي اعرفه هذا عيبهم
حاولي تشتكين بقوى او ينقلونه عنج

 

[LoLaTi]

لا ماينقلونه المسئول صعبه بالاخير راح يطلعونج انتي الغلطانه حتى لو اهوه الغلطان واهوه يطلع من السالفه بارده مبرده
مصيبه صابته معجعج بمكانه من سنين صارله دهر الشايب

 

[LoLaTi]

اب
اب
اب

 

[LoLaTi]

بعد قولو مواقفكم
اب
اب
اب

 

[LoLaTi]

الظاهر هالغثيث ماله حل

 

[Huda alotaibi]

هذا منافق والله مكثر منافقين في مناصب الرئاسه
الحل انج تنقلين والا تشاركتي معاه في الاثم
خليه يولي >>>>>>> كل ساقط له لاقط

 

[هاناا]

في فترة من الفترات

تغير مديري


يابو لي مدير اللهم يا كافي

يعامل الناس حسب مزاجه


كنت اكثر وحده اكرف شغل


بس طبعا هالشي ما يهمه

لان اهو يهمه الناس الي ممكن ان تخلص له معاملات


مثلا موظفه عندنا عمها كان مسئول كبير فحطها على راسه

اما انا و غيري

حط علينا حطه

قام يدور السبه عشان يضرنا


حتى الموظفين الي بالادارة

كلهم استغربو ان انا يصير معاي هالشي

لاني اشتغل و اداوم و مو راعية مشاكل


كان الحل الوحيد ان انتقل من الادارة

وصار هالشي

لان انا ما اتحمل اقعد بتعب نفسي يوميا

اهم شي راحه بالي

و الحمد لله

بعد النقل وايد ارتحت


و اهو الله خفس فيه و شالوه من منصبه


اللهم لا شماته

 

[noura85]

عندنا وعندج خير
عندي بدوامي مسئولتي طبعا عندنا جواسيس بالقسم ماادري وين قاعدين على هالسوالف المتخلفه
بنات يوزون المسئوله وتعالي شوفي شاللي اييج منها وانا للاسف موعارفه منو هالبنات لان واضح انها
كلمه توديها وكلمة تييبها ومرات تكون طيبه ومرات لا عسره وانا حاليا مرتين مقدمه اجازة اول مره قبل رمضان ورفضتها وبعد العيد ورفضتها والسبب عندنا شغل واليوم اكتشفت ان بنات حسبي الله عليهم اهم اللي قايلين لها عندها شغل لاتعطينها اجازه والبنات كلهم طلعوا اجازه الا انا

والحين بقدم على اجازه والله يستر لاتردني

 

[أبله أريج]

وووووووووووووووووواي مسؤولتي عسلللللللللللللللللل بس معاي 2 اللهم يا كافي الله يزيحهم

 

[صدع القلب]

شوفي حبيبتي هالأشكال ما يفيد فيها الا مثل ما قالوا البنات
لا تشتغلين ولا شي زيادة .. لا وخلي على لسانچ دايما كلمة ما ادري وما اعرف
ان بينتي لهم انچ هميمة وهابة ريح كرفوچ ولا قدروج للأسف هالكلام عن تجربة
وبالنسبة للكتب .. لا تطلعين من مكتبچ كتاب من غير استلام لو شنو يصير عشان ان قالوا ضاع
وريهم توقيع الاستلام وبري ذمتچ .. والله يعينچ ويعينا )

 

[بنفسجيه_Q8]

انا رئيسة قسمي جذي حسبي الله عليها كرهت المدرسه وسبب هي

 

[Huda alotaibi]

طالما هو رجل اذا هو على عيني وراسي