شلون تحبين النادي.؟

[المرفأ~~]

بسمـ الله الرحمن الرحيمـ....

شلونكمـ بنات شخباركمـ...

حبيت استشيركمـ....
اشرايكمـ شنو تفضلون اكثر
ان النادي يكون يومي او ثلاث مرات بالاسبوع..؟؟
###
انا ودي اشترك بسباحه بس
لان السويدي ممنوع اسوي ..
والسباحه بسجل لاني مو قادره اسوي رجيمـ
والنادي ياخذ الوقت ..
انتمـ اشرايكمـ.....؟؟؟

 

[بدرووووووووووه]

مشاركة: شلون تحبين النادي.؟

ثلاث مرات بالاسبوع كفاية بس حاولي تلعبين رياضة بالاول مشي او دراجة او الدرجات كلهم حلوين وبعدين بلشي بالاستبس وعقب اذا عندك وقت روحي سباحة ساعة وبعدين قعدي اشوي بالسونا او حطي لك خلطات بشعرك وجسمك ودخلي البخار لمدة ربع ساعة وبعدين تفركي وروحي تحممي اصلا تطلعين نشيطة ويوعانه وتدورين الفراش عقب ما تتعودين على هالخبة تستانسين بعمرك تحسين في تغير حتي لو ما ضعفتي يكفي ان جسمك تحرك وحرك دهون حتي لو ما سويتي رجيم مع الوقت والحركة تنزلين وبدون ما تخففين ... بس علميني اي نادي بتروحين

 

[المرفأ~~]

مشاركة: شلون تحبين النادي.؟

هلا بدرووووووه ...

انا كنت بسجل عشان السباحه
واقنعوني اهلي بأني ما اسجل
لانها تخلي الجسم عريض من فوق

وشريت جهااااز مشي والله يقدرني
وامشيي عليه ...

لو بسجل ..اسجل بالهلال الاحمر سمعته حلووه
وهو ثلاث ايام بالاسبوع...

ومشكوره حبيبتي على ردج

 

[al7anona]

مشاركة: شلون تحبين النادي.؟

انا نوعي ما استمر على النادي
ثلاث مرات بالاسبوع احسن علشان ما تملين

 

[أم ملاك]

مشاركة: شلون تحبين النادي.؟

انا كنت بقولج مثل شمعه ليل اليأس ديري بالج ان السباحه تشد الجسم بس تعرض الكتف يعني تعطي جثاله

 

[xxx]

مشاركة: شلون تحبين النادي.؟

والله ياحلو المشي بالممشى ماكو عليه

انا جم مره اسجل بالنادي وما التزممم

 

[طوق البنفسج]

مشاركة: شلون تحبين النادي.؟

لا والله انا حبيت النادي الانه قاعده اشوف منه مردود كل من لاحظ اني ضعفت و جسمي شد و انا طبيعتي الشي الي اشوف منه مردود استمر عليه و بعدين اذا اشتركتي بالنادي بتتحسفين تاكلين و تضيعين التعب الي تعبتيه بالنادي

انا مشتركه بشامبيونز 3 شهور قلت بجرب و الحين شكلي بمدد اشتراكي وانا اروح يوميا

 

[المرفأ~~]

مشاركة: شلون تحبين النادي.؟

مشكورين بنات على ردوكم...

طوق البنفسج ممكن وزنج مو وايد كبير.؟

لان راجعت عند د.يوسف بوعباس وقالي رياضه لا
بس السباحه قالي عادي ...
وهمـ كنت عند د.وجدان وقالت الرياضه لا ..
بس انا وزني كبيرررر...

والف شكر للجميع ..
بدوررره
شمعة الحب
ام ملاك
بنت الكويت
طوق البنفسج

يعطيكم الف عافيه
على اراءكم

 

[Dancing^Queen]

مشاركة: شلون تحبين النادي.؟

استنو منو مشترك بلفكس؟

 

[jolie_q8]

مشاركة: شلون تحبين النادي.؟

شمعه

النادي فيه وايد اشياء

سباحه مشي (جهاز او تراك ) يعني على ذوقج

وفي اجهزه وايد

وفي صفوف وايد ( رقص- يوغا- سترجينج- ستبس- تمارين خاصه للجزء العلوي- تمارين خاصه للجزء السفلي ..........وايد كلاسات)

يعني على ذوقج


كوين

 

[jolie_q8]

مشاركة: شلون تحبين النادي.؟

Dancing^Queen

شمعنى فلكس!!

انا لما شفته قمت قلبي

اذا معزمه جربي شامبينز ماراح تندمين

 

[المرفأ~~]

مشاركة: شلون تحبين النادي.؟

هلا كوين ..
ان شاءالله البنات يفيدونج ..
$$$

هلاا وغلااا جولي ..
الحمدلله ع السلامه..
شلونج شخبارج..؟
فعلا النادي فيه اختيارات كثيره
بس مدري ليش مايبوني اسجل..
وقالولي امشي ..
وشريت جهاز مشي واستخدامي خفيف
يعني نص ساعه امشي ومو كل يوم..؟؟
يبيلي طراقات صح هههههههههه

 

[jolie_q8]

مشاركة: شلون تحبين النادي.؟

شوفي حطي الجهاز عند التلفزيون

وجابلي برنامج حلو مثل اوبرا والا ذا بيغست لوزر

يضيع الوقت ويشجع

والا تابعي فلم!!

ترى يمشي الوقت

انا تعودت على الجهاز بس استخدمه بالنادي..ترى اول عشر دقايق كريهه

بس اذا استنيتي يصير اوكي

 

[المرفأ~~]

مشاركة: شلون تحبين النادي.؟

هلاا جولي
بطبق طريقتج
وانا مرات احط شريط واقعد اسمع ...
لان التلفزيون مو ربع انا وياه
الا قناة المجد
لاتضحكون علي مثل اهلي
ههههههههههههههههه

ولازم اتادب تصدقين خلال اسبوعين خربط في وجبتين بس
ونزلت كيلو وجم غرام.؟؟
لازم ازيد الحركه ان شاءالله

اختي تقولي ارقصي ...؟
بس ماودي اسمع اغاني ..
استغفرالله تقول ضعفي وبعدين تركي الاغاني خخخخخخخخخخخ

والله ييسرلنا امورنا ان شاءالله

 

[طوق البنفسج]

مشاركة: شلون تحبين النادي.؟

شمعه انا بنت عمتي كان وزنها بالمئات والله اشتركت بالنادي سنه و رجيم دايت سنتر الحين وزنها بالستينات وصارلها خمس سنين ولي الحين محافظه على النادي يعني المشكله مو في الوزن المشكله بالاراده والاصرار انتي اشتركي باي نادي شهر واذا ماستانستي على النتيجه الي بتلقبنها خلاص لا تجددين على الاقل اسمج اشتركتي بس المهم انج تلتزمين وتلعبين بضمير عشان تلقين مردود والله يوفقج وتوصلين الوزن الي تبينه


جولي اناوياج مسوين دعايه حق النادي محصلتش لازم يسون لنا خصم لووول

 

[المرفأ~~]

مشاركة: شلون تحبين النادي.؟

اهلييين طووق
والله معاج حق اهم شي الاراااده..

عاد والله انا المفروض لما اشوف
كرشتي انسى شي اسمه اكل

الله يعيييينا ان شاءالله

 

[ظلال القرآن]

مشاركة: شلون تحبين النادي.؟

الهلال مو شي

 

[تفاخيه مبطوطه]

مشاركة: شلون تحبين النادي.؟

طوق بنت عمتج اللي ضعفت شد جسمها ولا مترهل ؟؟!!!

أرجوج السؤال هذا تتوقف عليه أمور كثيره :d

 

[bnt q8 in usa]

مشاركة: شلون تحبين النادي.؟

اول شي نزلي وزنج تالي تعلمي سباحه ومارسيها عشان لاتبنين عظم علي شحم نصيحه

وتري السباحه تشد وتوخر السلولايت

 

[تفاخيه مبطوطه]

مشاركة: شلون تحبين النادي.؟

تعالي رفوء من قال الرقص لازم على أغاني !!

عندج أناشيد ترقص هههههههههههههه ريمكس ماريمكس وحركات