شلون تحبين النادي.؟

[كويتية أمورة]

مشاركة: شلون تحبين النادي.؟

بنات في اشرطة رقص من غير موسيقى اختي عندها كله ط طك طك دم وبس مفيش مزيكا تمزكها خخخخخخ

والنادي انا مفكرة بشاتوفب وامي تقولي بشترك معاج مادري شطاري عليها الحجية خخخخخخ
بس عاد امي ماتحب الاغاني شكلها بتقول لهم سكروا مسجلتكم خو عادي رايحة زارا داشة عليهم تقول سكروا الاغاني انا مااسمع اغاني
وسكروها وحاست بالمحل ولا شرت شي خخخخخخخخ

 

[بدرووووووووووه]

مشاركة: شلون تحبين النادي.؟

شوفي حبيبتي انا اقترح عليك تروحين النادي اولا تغيرين جو وثانيا لما تشوفين البنات والحريم ركضة يزهلقون بعمرهم انتي تخافين على نفسك واكيد لما تسمعين هذي وهذيك تتكلم عن رجيم ولا رياضة مستمرة عليها اصلا بتستانسين ويصير لك مثل الحافز وتلقين لك صديقات كل ما قعدتي بجهاز يمك وحدة قرقي عليها واصلا لما تشوفين الحريم اول ما تشتركين وبعدين لما يخلص اشتراكك واهم نزل وزنهم وانتي بعدك تردين تشتركين مرة ثانية ويصير عندك ارادة وتصميم انك لازم تنزلين هالوزن واللي حواليك مو احسن منك

على فكرة انا من سنين مشتركة بالنادي واطلع وارجع بس اللي اشوفه اكثر المشتركين اهم الجنسيات الثانية صحيح في كويتيات بس اغلب الموجودين من الجنسيات الثانية ما شاء الله عليهم يخافون على عمرهم وتلاقينها اشوي زايد وزنها يعني مو كلش ولا بس تبي تحافظ على وزنها قليل تلاقين متان منهم على فكرة اغلبهم متزوجين كويتيين ( بصراحة انا استغربت وين يلاقونهم )
اما الكويتيات عدي وخلطي من جميييييييييييع الاوزان

 

[كويتية أمورة]

مشاركة: شلون تحبين النادي.؟

بدروووووووووووه اي نادي مشتركة؟؟؟ و بقد ايش يازلمه<<<<<عشان نفس نمونة اللي بالنادي خخخخ

 

[بدرووووووووووه]

مشاركة: شلون تحبين النادي.؟

وااااااااااااااااااااي سكتي كل ما اسولف مع وحدة منهم الاقيهم تنط بنص السالفة انا كويتية وزوجي كويتي هااااااااااااااا شكووووووو اصلا قاعدة اسولف عن الرجيم شكو ريلك كويتي

ولا تشوفين فلبينيات وما يعرفون كلة عربي تقول لك انا كويتية بذمتك ما تنبط جبدك

ومرة وانا رايحة الصالة توني بدخل ولا كويتي ياييب حرمتين اندنوسيات اثاريهم زوجاته ويحليلهم كأنهم خوات مع بعض يلعبون ويتسبحون ويتغشمرون وانا ومع اللي قاعدة بالرسبشن مبطلين حلجنا ومبققين عيونا

ومع السنين صار عادي لما اسوف مع وحدة واقول لها اليوم خربطت وكليت وايد وتنط تقول لي انا كويتية وزوجي كوتي ما اخترع عااااااااااااااااااااااااااااااااااااااااااااااااااااااادي حد الدوسة

 

[كويتية أمورة]

مشاركة: شلون تحبين النادي.؟

ههههههههههههههه عادي حبيبتي ذاك اليوم انا بالمستوصف ولا اشوف يهال فلبن يمشون معاهم امهم متحجبة يوم نادوا اساميهم ولا مريم وعبدالله ويتحجون كويتي اثاري كويتين!!!!
والله جنهم من اللي يشتغلون بماكدونالدز بس على مصغر خخخخخخخخخخخ مالت عاللي ماخذ هالاشكال بس ومخلي بنات الديرة شحلاتهم
عاد ولا الندونيسيات يخرعون اهل سحور
يقولج لارحتي اندونيسيا لاتطالعين احد بعينه لانه ممكن يسحرج بالعيون!!! يقولج السحر بالشارع فاتحينلج محلات يسوون سحر خخخخخخخ

 

[بدرووووووووووه]

مشاركة: شلون تحبين النادي.؟

وييييع من زين العيون عاد ...

والله لو تشوفينهم متصرصرين بالبنطلونات اللي خصرها واطي ومطلعة السر وهالعلاليق تقولين قاعدة عند ريلها مو بوسط هالبنات وهالجسم وهالبيااااااض ولا طايحين لك بالحمام المغربي والتفرك والسنفرة اشحقة بياضكم منكم وفيكم

ولا فيهم قلة حيا ما يستحون تلاقينها ما تتغطي لا تكشفت ابدااااااااااااااا ... على عينك يا تاجر

مرة وحدة قطت اللي عليها كله جدامي واحنا قاعدين بغرفة البخار انا استحيت وقامت تتفرك وخرت عنها اشوي فجأة ولا طلعت برة صوب حمام السباحة مفصخة كلها ملها ياربي كما خلقتني انا طقتني البوهه ما توقعت ما ادري اشلون طلعت وراحت صوب المنظرة تعدل شعرها ما ادري شتسوي الحريم كلهم بطلوا حلجهم اللي صوب حمامات السباحة واللي طالعين من غرفة السونا واللي رايحة تتسبح اقول لك هذاك اليوم عجبة ما ادري اشلون ولا تلحقها وحدة تقول لها ما يصير جذي عيب ولا تقول عادي كلنا بنات واللي عندي عندهم ماكو شيء جديد وبعدين انا متزوجة كويتي ههههههههههههههههههههههههههه هذي لاااااااااااااااااااااااازم تنقال وتعالي شوفي الضحك عقبها

 

[المرفأ~~]

مشاركة: شلون تحبين النادي.؟

عاااد تدرين امورره انا مثل امج ماحب الاغااني
والنادي مرااات مايسكرونه حتى لو طلبتي منهم
يقولون عادي عشان الحمااس..؟؟روحييييي زييييييييين
مايصير حماس الا مع الاغاني..اعوذ بالله
وفعلا المشي سواء بالبيت وانتي تسمعين حديث او برى البيت احلى..
اما تضعفين وتكسبين اثم بالاغاني لااااااااااا ..
واللي تقولين عنهم يابدورره حتى الكويتياات اعوذبالله على قولتج جنه الوحده قاعده عند زوجها
الله يهدينا ويهديهم..

 

[بدرووووووووووه]

مشاركة: شلون تحبين النادي.؟

على فكرة اذا تبين تشتركين بالنادي في السباحة تري المدربة تسوي لكم حصة تدربكم فيها على حركات يعني مو سيدة تعلمك سباحة اذا ما تحبين السباحة او خايفة تعرض كتفك من فوق مو ضروري تتعلمين وياها عادي نزلي الحوض طبعا قبل لا زم تغسلين جسمك وبعدين تنزلين الحوض وتسوين بعض الحركات الليونه حق الجسم واذا ما تعرفين التزمي بالحصة اللي تدربكم فيها على الحركات واحيانا تعطيك تدريبات على الاستبس بالماي عادي اغلب اللي اوزانهم كبيرة وعظامهم ما يتحمل او عندهم دسك او مسوي حادث والحركة القوية صعبة عليهم ينزلون الحوض ويتدربون عادي بالعكس اصلا يصير جسمهم بالماي اخف وتقدر تسوي الحركات بحرية اكثر ...
ومع الوقت ان شاء الله ينزل وزنك واهتمي بحركات الضغط واللي تخفف الكرش بالماي ولا تسجلين بالسباحة مع اللي يتعلمون سباحة اصلا لكم مكان مخصص للتدريبات غير واللي تبي تتعلم سباحة تروح على صوب تتعلم نفس تحت الماي وبعدين اشلون تحرك ايدينها واشلون جسمها يرتفع بالماي وكل هذا يتعلمونه بالماء البسيط وبعدين اشوي اشوي تروح معاهم بالوسط ولما تشوفهم عرفوا يتسبحون توديهم العميق
انتي شوفي شنو يناسبك واخذي لك فرة بالنادي قبل لا تسجلين يعني لا رحتي هناك قولي لهم ابي اشوف الحوض وسألي المدربة اشكثر يتغير الماي ومستوي النظافة واشلون التدريبات والحصص واخذي لك جدول منهم وشوفي البنات وهم يتدربون واذا قدرتي تسألين كم وحدة علشان تتطمنين يكون احسن بعد ..
ودخلي غرفة السونا وغرفة البخار بالعكس انا اتوقع انك بتستانسين اذا اشتركتي لان اولا بتشوفين الناس وتختلطين وياهم وتتعرفين على الحريم وتكسبين صديقات خاصين بالنادي تتكلمون فيها عن مشاكلكم ورجيمكم وتدريباتكم ومنو المدربة الزينة ومنو اللي يعني ..
على فكرة نسيت اقول لك اكو بعد جلسات مساج وتدليك عقب السباحة اذا حسيتي جسمك شد روحي اخذي لك جلسة استرخي فيها وتمددي صدقيني بتستانسين هناك بس لا تروحين كل يوم خليها يوم وترك علشان ما تملين
واذا تبين اي شيء تسألينه انا حاضرة بس لا تقعدين بالبيت تري ممل والممشي اللي شريتيه خليه يوم الجمعة او يوم اللي تأكلين فيه وايد وفجرين بالاكل امشي اشوية عليه يعني بتحرقين اللي كليتيه ....
انا سمعت ان التدريب بالماي لمدة نصف ساعة يعادل ساعة كاملة بالرياضة بس ماني متأكدة من هالكلام ...
اتمني اني فدتك وسامحيني تأخرت عليك بالرد ...

 

[amoni]

حبيبتي حبي نفسك راح تحبين الحياة وراح تتعلقين فيها وراح تشوفين صورتك فيها صدقيني الأهتمام بالنفس يعطيك الثقة والسعادة وأنا أأيدك بالأشتراك بالنادي الصحي بس يكون معروف وادعيلي ان الله يشافيني حبيبتي الله يوفقك