- إنضم
- 8 يونيو 2011
- المشاركات
- 1,205
- مستوى التفاعل
- 0
- النقاط
- 0
السلام عليكم ورحمة الله وبركاته * قريت وايد عن بنات يعانون ويبون حلول لتطويل شعورهم انا بقول لكم تجربتي الشخصيه وانتو ان شاء الله تستفيدون منها * انا استخدمت حبوب من الصيدليه على مدار جم سنه لان شفت ان لهم مفعول قوي والكل كان يمدح وينبهر من شعري بالكثافه والقوه والطول * اسم الكبسولات بيل فود والله ان لهم نتيجه باهره وكبيره وثانى شي زيت دابر املا اللى بدون ريحه الفاتح هذا من ناحيتي ماله علاقه بتطويل الشعر واساسا كاتبين عليه للمعه والنعومه واقسم بالله ان شعري صار نااااااااعم بشكل رهيب ولمعته منه وفيه والسبه هالزيت كنت اغرق شعري تغريق لدرجة الزيت ينزل على ارقبتي وظهري واخليه جم ساعه مو لازم تنامين فيه لأ بس خليه أقل شي 4 ساعات اذا عندج شغل * والمحلب صج غالى وحار على الراس بس وحده بوحده اخذيه على عداله من الحواي اذا عندج طحانه بالبيت واذا ماعندج خليه يطحن لج جديد جدامج لاتاخذين زاهب اخذيه فرش وكنت احط باديه فيها ماي دافي بالمغسله واحط كميه من المحلب المطحون مثل البودره واخلى نص ونص لا خفيف ولا ثجيل وسط وافرق شعري واحط على قمة راسي لين اخليه وصل لكل راسي وهم اغرق راسي منه ولما انتهى البس كيس ينباع عند النسائم وتلاقونه بالجمعيات بعد واخليه من نص ساعه الى ساعه طبعا راح ينشف ويحرررررق نااااار جنج حاطه معبوج اى والله بعدها افتح الدش واتسبح والله ثم والله بس هالثلاثه كنت قاصه بوي خلال 3 شهور نزل لين كتفي ولما استمريت شعري قام يزحف معاى وعندى نصيحه اهم شي ابتعدى عن الأستشوار تكفين ترى عدو للشعر يعنى هالعلاج مع الأستشوار مافى فايده كأنك يابو زيد ماغزيت واذا تبين الشي أسرع وأسرع فوق هذا كثري من شرب الماى ربنا قال وجعلنا من الماء كل شيئ حي * واكلى لوز طبيعي غير مملح اكلى لوز طبيعي بدون ملح اخذيه بالكيلو ولو كل يوم تاكلين 10 حبات اللوز مفعوله باتع للشعر اذا انوكل والبقدونس وايد بنات مايحبون ياكلونه الا بالسنه حسنه اهو رخيص بس غالى بنتايجه والتفاح الأحمر رهيب والله يابنات يعطيج لمعه ساحره للشعر وبريق وابتعدي عن التدخين وأجواء المدخنين الشعر اذا شم ريحة الدخان يموت والله ويبهت ويتعب ويصير مافيه روح وآخر نصيحه الزنجبيل اشتريه فرش من الماركت وسخنى لج حليب وقصي داخله قطعه من الزنجبيل وترى مطهر بنفس الوقت واسراره لاتعد ولاتحصى ومذكور بالقرآن بعد وتقدرين تبشرين الزنجبيل بالمبشره كمية ملعقه وسط وتخلطينها مع الحليب الساخن الصبح ويفضل على الريق صباحآ واتمنى تدعون لى يابنات وتدعون لعيالى بالستر والتوفيق بدراستهم وان ربنا يحسن خاتمتنا انا وعيالى ويألف بين قلبي وقلب زوجي بالحب والتقوى والله العظيم ماقلت الا كل شي صج وصحيح ومن قلبي كتبته لكم ابيكم تستفيدون شماخذين معانا فى القبر غير عملنا الصالح دعواتكم بنات لاتنسون وربي يسهل عليكم كل أموركم ويرزقكم ولد الحلال اللى يخاف الله ويصلى :yaaaaaarb:
التعديل الأخير:
