شلون تعرفون نظافة الي جدامكم ؟؟؟

[عــاشــقــه]

أكثر شي يثبت إذآ آلريآل نظيف ؤلآ لأ آلريؤل ؤ آلأظآفر ؤآلضرؤس << ؤيع

 

[دااانوه]

اول ما قريت العنوان...قلت انا اعرف.....


انا اعرف النظيف من الحمام... تكرمون

اذا دخلت وراه او وراها.. الحمام يكون بحاله اوكي... ومعطر من وراه... ومنظف كل شي... حتى لو الحمام عمومي..

مابي الوع جبودكم... بس صج صج النظافة مو مظهر يتناظر فيه...النظافة اسلوب حياه..فالحمام تكرمون اكبر دليل على اسلوبه....

صح صااااجه والله

لما أدش الحمام عقب أ؛د اعرف اذا اهو نظيف او لا

والبنات اللي يقولون من ريحه عطرها انزين واذا في مكان عام انا ما احط عطر عشان الرياييل لو تشوفوني تقولون خايسه يعني ؟؟


المهم النظافه مو ريحه العطورات


للأسف فيه ناس يحطون بهالديودرنت وهالعود والبخور وريحه شعورهم تصك الرأس تلوووع الجبد

وييييييييع انا ليش تعمقت بالموضوع:lkmnkl:

 

[Miss 7o7o]

ههههههههههههههههههههههههههه
صح كلامكم منطقي حيل
ناطرة ردودكم وتفاعلكم
تسلمون على المرور

 

[غزلان]

تدرين
موضوووع عجيب
انا من الراس لي تكرمون الرجل سوا بنت ولا رجال اذا نفص شي احد احكم عليه انه وصخ
لان الحين زمن كل شي توب كامل
الاسنان الانفاس الاضاافر الادين اذا كان فيها شعر للبنت
كلوه يكمل بعضوه

 

[(كويتيه عسل)]

من الريحه من الوي ومن الضروس من الايد من الملابس من الجودتي تكرمين

 

[د.شريفة]

من ملابسه ومكانه اللي اهو فيه اسنانه اظافيره

 

[swaha-elb5at]

من اسنانه
من جوتيه وانتو بكرامه
وهم من ريحته

 

[swaha-elb5at]

هم نسيت الاظافر
انا انفر بسرعه من اللي اظافرهم مو نظيفه وما يعتنون فيها

 

[Miss 7o7o]

تدرين
موضوووع عجيب
انا من الراس لي تكرمون الرجل سوا بنت ولا رجال اذا نفص شي احد احكم عليه انه وصخ
لان الحين زمن كل شي توب كامل
الاسنان الانفاس الاضاافر الادين اذا كان فيها شعر للبنت
كلوه يكمل بعضوه

يعني اذا الانسان ما كان كامل يكون وسخ؟؟؟
يسلموا على المرور

 

[Miss 7o7o]

هم نسيت الاظافر
انا انفر بسرعه من اللي اظافرهم مو نظيفه وما يعتنون فيها

اذا كان اظافرها نظيفة بس ما تسويلها بدي كير مني كير يعني مو نظيفه ؟؟؟
تسلمين على المرور حبوبه

 

[بمبة المفترسة]

مو شرط من اللبس والاظافر
بالكويت الكل يحب الكشخة لكن روحي شوفي غرفهم عفيسة فوق تحت اذا ميري ماتنظف الدار ولااا ماتنظف
اذا ميري ماتكوي الهدوم الهدوم معفسة يلبسونها اذا ميري ماتغسل الهدوم الهدوم وصخة
النظافة اعتقد نظافة البيت انا اشوف
ولا الكشخة والبدكير والمانيكير الكل يقدر عليها
وشدعوة هم يسوون البدكير الله يعافي الصالونات

 

[لوكي 22]

من اظافر الايد والريول .. من الاسنان .. مراات من الريحه بس مو عيب ان الواحد يعرق بس اللهم لاتبلانا اذا مايتسبح
بعد التعرق.
واذا كان يغسل ايده قبل وبعد الاكل والتفريش .. واذا عادي عنده يمسك اي شي باي مكان ويحط ايده بويهه او شي يعني مو مهتم
واذا مامعاه كلينكس احتياط شي ..
او اذا قبل الاكل ماتأكد من نظافة القفاش والقلاصات يعني شي جذي

 

[العين الكحيله]

:krkrkr::krkrkr::krkrkr:

موضوع يضحك

امممممممم يمكن من الاظافر - الريحه..........

يسلموووووووووو

 

[عاشقه رويشد]

من الريول والاضافر واسنانه

 

[[[ عيون جابر ]]]

الريحه والظروس والأظافر ووووو الويه يكون مدهن ههههههههههههههههه

 

[mi corazon]

من ريوله وسنونه

 

[Miss 7o7o]

مو شرط من اللبس والاظافر
بالكويت الكل يحب الكشخة لكن روحي شوفي غرفهم عفيسة فوق تحت اذا ميري ماتنظف الدار ولااا ماتنظف
اذا ميري ماتكوي الهدوم الهدوم معفسة يلبسونها اذا ميري ماتغسل الهدوم الهدوم وصخة
النظافة اعتقد نظافة البيت انا اشوف
ولا الكشخة والبدكير والمانيكير الكل يقدر عليها
وشدعوة هم يسوون البدكير الله يعافي الصالونات

كلامج 100 % صحيح
يسلموا على المرور يا الغاليه

 

[Miss 7o7o]

يا حلوج يا شانيل هههههههههه يغرج المظهر...زين انا وحده اعاني من ضعف فيتامينات وكالسيوم وحديد في جسمي واظافري لو شنو ما سويت لها عمر شكلها ما يطلع اوكي ولا جني مسويتلها شي..واذا طالت اظافري يصيرون جنهم ورقه من ضعف الاشياء اللي قلت عنها..اعتبر وصخه طبعا لأ والف لأ..بخصوص الحبوب واجد ناس فيهم حبوب وبسبب اشياء معينه هل يعتبرون وصخين طبعا لأ..والعبايه لازم تغسل بالمصبغه؟ ليش غسالة البيت وصخه يعني؟ هههههههههههه...زين بخصوص الرجال صح كلامج بس امس اخوي سيارته مغبره وجديده توه مطلعها من الوكاله صارلها يومين فا قلتله لا تغسلها عشان العين لما يشوفون سياره مغبره ما يفزون عليها انطر اسبوع اسبوعين لين ربعك تلوع جبدهم من شكل سيارتك بعدين غسلها ههههههههه يعني مو نظيف؟
المظاهر خداعه يا بنات..اهم شي النظافه الداخليه قبل كل شي تجيج وحده كاشخه والعطر يفوح تقربين منها تلوع جبدج
والعكس تجيج وحده ما تشمين عطرها واقل شي شيلتها مثلا تعفست شوي والا عباتها تعفست من الطلعه وتقربين منها وتشمين ريحة نظافة جسمها تشمين ريحة فرش...وبس جني قرقت بس حبيت اعلق عليج يا شانيل ولا تزعلين لما قريت تعليقج قعدت اضحك وقلت لازم اعلق:eh_s(6):

ردج عجييييييييييييييييييييب
تسلمون على المرور

 

[مربية اجيال]

نفس الكويتيات الباجي من ريوله اهم شي القدم والجوتي وانتو بكرامه والريحه والملابس اذا كانت متربيه ولا

 

[candy g!rl]

لوووووووووووووول ثانكس مس حوحو عالموضوع
صج صج يضحك
امم انا احس الريال اللي يتعلج مو نظيف
حتى البنات ساعات من طريقتها و اهي تتعلج استغفر الله تلوع الجبد هم احس مو نظاف
و هم نفس ما قلتوا الريحه و الشكل سواء الشعر و اللبس و الالوان و اهم شي السايز السااااايز لوووووووول