شلون تعرفين اذا ريلج جعص من اوللللل ايام

[lesh ya denya]

قوه بنات شلونكم ؟
الموضوع للنقاش و انا وايد شفت بنات يشتكون بالريال الجعص
بس طبعن متى تعرف انه جعص لما خلاص تتزوجه و تصير مرته

يلا يا بنات نبي تجاربكم و خبراتكم
عشان نعرف من اول شي من ايام الملجه لما تسولفون او تطلعون حسيتي انا جعص؟ بس قلتي لا يتهيألي اكيد
بس بعدين لما تزوجتو قلتو اي صح كان يسوي جذي و جذي شلون ما لاحظت انه جعص
و في ريايل اشكره يتزوجها عشان معاشها
بنات عفيه لا تقولوي كل ريايلكم كريمين
نبي خبرتكم عشان الكل يستفيد


اترك المايك لكم

 

[woman81]

رد : شلون تعرفين اذا ريلج جعص من اوللللل ايام

حبيت انا اول وحده ترد علي مو ضوعج
الصراحه اول ايام كااان يقط ما يعرف شنو يقط كنا كل يوم نطلع ولا دقيقه نقعد
الحين صار لنا سنه وثمن اشهر
من بعد 7 اشهر يمكن الزواااج مو ملجه
احس ان قااام يقول مطلوب فلاني مكان الفلاني مديون حق الوالد والعاايله كلهاا
اخر شي بطيت جبدي قلت له دام انت مطلوب ليش تاااخذ بنات النااااس
اهوا طبيعته ما يقولي ابي فلووووس لا الحمد الله ما يتجرأه بس شسوي انا ابي اطلع يكون مفلس
عاد انا اقوله خل نطلع عازمتك لوووووووووووووووو ل ما يتحي ما يقول لا ما اروح او لا اهوا يدفع لا مستحيل
خخخخخخخخخخخخخخخ يعني غير مباشر
السنوات تمشي ما ادري لي متي الصراحه
بس الي مصبرني زوجي واااايد زين وخدوووم والكل يحبه بس ادري اذا كان عنده ما يبخل علي كلش
اترك لكم البقيه ههههههههههههههههههههه

 

[lesh ya denya]

مو مافي انسان كامل بس احنا الحريم مادري عن الكل بس انا مهما كنت احب مثلا ريلي ان دريت انه جعص بكرها بصراحه
اذا صج مفلس اوكي بس مسألت مايبي يصرف لا وييييييييع
بعدين لا تنكرين احنا نحب اللي يهدينا هدايه و طلعات و سفرات
بس لو كان جعص مراح يسوي كل هذا
و ريلج مسكين شكله ما حسب حساب هل شغله و الحين صار مطلوب
عسى الله يوفقج و يخلي ريلج حقج انشاء الله

 

[احـ رومانسيـــه ـلا]

رد : شلون تعرفين اذا ريلج جعص من اوللللل ايام

Up

مومتزوجه

 

[ليتني مـآ كبرت]

رد : شلون تعرفين اذا ريلج جعص من اوللللل ايام



مو متزوجة ياقلبي

ننطر الباجي يدلون بـ دلوهم خخخ

 

[آنا من دونك أندمر]

رد : شلون تعرفين اذا ريلج جعص من اوللللل ايام

موضوع جدا جميل
اذا تبين تعرفين ان الريال بخيل ولا لأ؟
من أول مره يدخل فيها بيت أهلج عشان يشوفج.. إذا يايب معاه أغراض وهدايا سواء باهظة الثمن أو لا.. عرفي ان البخل بعيد عنه
بس مو معناته ان اللي ما يييب من أول مره يعني بخيل لأ..

أقولكم شي انا ريلي يوم أول مره يه فيها عشاني
ايده كانت فاضيه
بعكسي انا كنت شاريه ذيج الهدايا
بس مو بخيل
اللي عنده حق اللي حواليه

البخيل اللي إذا طلبتيه يقولج والله فلان تسلف مني وبعدها يقولج بطلع
أو اللي يقولج شتبين من الفلوس مو ضرورية هالشغله >>>>>>>>>>> هذا البخيل

بنات آنا ما أشيشكم انا اقول اللي أعرفه مع انه ماعندي خبره
توني صغيره 21 سنه
بس متزوجه من 4 سنوات

والله يوفقكم حبيباتي

 

[Om_Ksha]

انا اذكر واحد يصيرلنا خطبني جان يسئلني جم معاشج ؟؟ قلت له طالبه ليلحين ماتخرجت .. جان يقول اوكي جم بصير يعني !!!

المهم انفلت الخطبه الحمدالله ..

بس ترا يبين بالاسلوب وبوقت الحساب اذا ينحاش ولا يستعبط وجذي .. ويعني

 

[أبله كويتيه]

رد : شلون تعرفين اذا ريلج جعص من اوللللل ايام

مبين من السوالف

لمن يقعد يحسب لج هالشي بهالسعر وهالشي بهالسعر اوله غالي

شرايج ناخذه من المكان الفلاني ولا يقول لازم يعني ناخذ هالشي !! لوول

 

[سيدة الذوق]

من اول الايام مايصرف سهله

بس ربي تعوذ من البخل

 

[FeShinGoOo]

انا عرفت ان ريلي كريم لان عمره مادخل بيتنا بالملجه وايده فاضيه دايما داش ومعاه الحلو والعشى غير الهدايا ومن اول ايام قالي معاشج خشيه وانا اصرف عليج كل فلس .. وطبعا كنت لما ادخل محلات ينطرني برى ومن يشوفني قربت عالكاشير يدش المحل يدفع ..
فبين انه مو بخيل ..

 

[Om_Ksha]

عدل هناااااااااااااااء مو معيار

لانه انا نفسج انا وبنت خالتي تزوجنا بنفس الوقت تقريبا المهم اشوف خطيب بنت خالتي ماشاااءلله مايقصر بالهدايا لي سافر وغيره وهذا كله وقت الخطبه .. ولمن ملجوو دز الورد وغيره

انا انخطبت وملجت وماشفت ولالالالالاشي !! وكانو قايليلي انه ريلي بخيل فكنت اقارن بينه وبين هذاك وتوقعت انه صج شكله بخيل !!
بس حرام ظلمته وظليمته شينه .. عاد قلتله بعدين عبالي بخيل لانه كيت وكيت ماااات ضحك يقولي شنو وين قاعدين مصااااروه خطيبي وخطيبتي ايبلها هديه ومادري شنو عيب !! شقول لي سئلوني حق منو .. اما لى ملجت وتزوجت حزتها كيفي بس بالخطبه ماله داعي يمكن تنفل السالفه ههههههههه مو هين ..

وسلامتكم

 

[الغاليه نونو]

والله ماقدر افيدج ياقلبي لان الشايب خنت حيلي مايدري عن معاشه كرته بيدي من سنين ومن طاح مريض مايسأل جم صرفت وجم باقي


بس سؤالج سهل لي شفتي الريال مااعنده بالكبت الا دشداشتين وحده صيفيه ووحده شتويه اهني تعرفينه بخيل وبامتياز

 

[آنا من دونك أندمر]

رد : شلون تعرفين اذا ريلج جعص من اوللللل ايام

حبيبتي ام كشه .. انا حتى يوم ملجت ما كان يييبلي هدايا
الا بعيد ميلادي .. بس همن مو بخيل
والله يوفقج حبوبه

 

[marimor]

انا مومتزوجه
وعندي اهم صففففه بالريال (( الكــــــرم )) مستحييل اخذ واحد بخييل
وتذكررت سالفه بنت خالي خطبها وااحد وعجبها واافقت علييه وقبل الملجه سااعات يزوورهم ويقععد معاهم فمرت خالي سألته لييش ماقعدت
مع اهللك بأمريكا وقالل والله ودي بس امريكا يبيلها >> سوا الحركه الي بـاصابعه ماالت الفلووس
اهني حسست انه بخييل ووقاالت مابييه شكلله بخيييل وهدته >> خخخ خطيرره بنت خالي
والله عوضها بواحد احسن منه

 

[زهره الجلنار]

اب
اب
مومتزوجه

 

[sweet dashttya]

رد : رد: شلون تعرفين اذا ريلج جعص من اوللللل ايام

انا اذكر واحد يصيرلنا خطبني جان يسئلني جم معاشج ؟؟ قلت له طالبه ليلحين ماتخرجت .. جان يقول اوكي جم بصير يعني !!!

المهم انفلت الخطبه الحمدالله ..

بس ترا يبين بالاسلوب وبوقت الحساب اذا ينحاش ولا يستعبط وجذي .. ويعني

امبي اشكرا طمعان

 

[bnt_7waa]

بس دربالكم فيه فرق بين البخيل والحريص

يعني انا اشوف اغلب الرياييل باول ايام زواجهم يحبون يفسفسون

بس يصير عنده عيال يقعد يحسب مو منه لانه زاااد الصرف ويهمه انه مايقصر ابيته

 

[الحــور]

رد : شلون تعرفين اذا ريلج جعص من اوللللل ايام

اعرف وحده اخذت واحد تاجر وغني حيييييل وساكن بمنطقة شئ بالاخير بعد الزواج تقول يحاسب الخدامة اذا زاد شئ بالغدا وتقول يمر عليها كل صبح ويقول ما له داعي دياي او لحم عيش ابيض احسن تقول ما استحملته دقيقه وتطلقت منه

والله البخيل من لبسه يبين هذا اللي اشوفه

 

[مشروع مصممه]

رد : شلون تعرفين اذا ريلج جعص من اوللللل ايام

انا اعرف وحده مسكينه ريلها مادري باي قائمه ينحط اهوا ما خلاها تكمل دراستها ولاتشتغل وبنفس الوقت كل سنه يخش له جم فلس ويسافر شهر اوروبا مع ربعه واوروبا يبيلها فلوس خاصه ان يقعد شهر او3 اسابيع عالاقل
ويعطيها مصروف شهري مايزيد عن 100 او120
تكسر الخاطر ولما كان عندها بيبي واحد وكان موسم الشتا والمزارع وبتشتري حق ولدها ولها ملابس تخيلوا والله تبجي تقول عطاني بس30
يقول ماعندي
اهوا عليها بخيل بس على نفسه لاااااااااااااااااااااااااا ومونس نفسه بسفرات وسيارات واهيا من تزوجت بس يقص عليها وداها مرتين البحرين بسياره وردها سفره شلاعيه تروح الصبح وترد بليل
والموقف الخايس لما ولدت بس بمستشفى خاص،،،،،،،،، لان استحى لان خواتها وخواته ومرت اخو ولدوا بالخاص
وغرفتها المسكينه العاديه حتى قنفه مافيها امها نامت عندها وقالت للسسترات ايبون لها سرير اضافي حق امها
قالها الصبح تطلعين عشان مايبي يدفع 20 زياده فلوس سرير امها وطلعت المسكينه ثاني يوم الصبح
وما استحى وقال كافي ان تجهيز الولاده كله من اهلها ابوها كان بيغير الغرفه بس عشان مشاعر الولد ماغير الغرفه عشان مايهينه
والحمدلله والشكر الله لايبلانا والله يعينها ويهدي زوجها

 

[اختكم بالله]

اذا قعد يحسب فلوسه اكثر من مره

ويحاسبج على الاغراض سواء الجمعيه او السوق

اوووووووووووف اعاني منها