شلون تعطرين مملكتج ؟

[قطوووة]

السلام عليكم

بنات انا متعقدة من شغلة
لما ابخر وارش عطور وهالسوالف ومرشات الخ
الريحة ماتثبت وان قعدت حدها 5 دقايق
في بنات من ادش بيوتهم ماشاء الله الريحة فايحة وتطول ماتروح كانها توها حاطينها

شقتج ..بيتج ..غرفتج ..

شلون تعطرينها ..في طريقه معينة ؟
عطرج المفضل .. شنو تستخدمين

بليز فيدوني

 

[ناتشوو]

كم اعشق هذه المواضيع

 

[ناتشوو]

استخدام المخلطات المركزة بعد تنظيف الغرفة ومسح الارضية

المخلطات
مثل
اشرقت القديمة
من اجمل
كذلك من ام جراح العامري
عندها مخلطات مركزة
ولهم فروع كثيرة
انا اخذ من معرض افكاري
ينزلون هناك
تخففون هالعطور بماي ورد او حتى ماي
وامسحو الغرفة حتى البيبان امسحها


البخور كل فترة استخدم شي
مااثبت ع نوع واحد
حاليا البخور بوعلبة دائرية حمرة من اجمل
وعندي استبرق من اصغر علي

المخلطات عندكم بعد من القريشي ( مو القرشي )
مخلطات الرصاصي مميزة
كوثر البنفسجي وبشرى الجديد منهم بعد حلو

استخدمو الفواحة الكهربائية من سنتربوينت
ولا تلتزمون بزيوت العطرية
انا احط المخلطات والمشعلات العادية
وممكن مع ماي

كل مااتذكر بخور للبيت بكتب

ياليت البخورات والمعمول والعود المسقى
المميز اللي تاخذونه من برة
تكتبونه هني
شنو مميز عند ياس؟ انفاسي دخون؟ عنفر؟
وسمعت ببخور موزة تابع لاي شركة؟ ودي اجربه

 

[قطوووة]

مشكورة ناتشو

 

[شادن33]

قطوه ترا في مثبتات للعطور

يعني نصهم يسون خلطه وتحط عطر ثابت وقوي معاه فيثبت

واعتقد المسك أقوى شي

 

[قطوووة]

مشكورة شدوون

وبعد نبي افكار

 

[ناتشوو]

ايه والرصاصي
عندهم مسقى مميز
مااذكر بجم التولة
بس ممكن تلقونها جاهزة
١٠ تولات بعلبه ب١٥ دينار
علبه زجاجية بغطا اصفر

 

[ناتشوو]

والفراش
في طريقة قريتها بالمنتدى قبل جم سنة
جزاها الله خير
اللي حطتها
اذكر كاتبة ادعولي بالذرية الصالحة
عسى الله يرزقها

المهم
تاخذين الفراش ( اللحاف)
وتقلبينه وعطريه وكثفي التعطير
بعدين حطيه ع طرف السرير بحيث
ممكن تحطين المبخر تحته
الريحة تثبت جم يوم

كل مابدلت الفراش
استخدم هالطريقة

 

[بنوته زوجها]

والله انا عادي ما عندي طريقه معينه



ابخرها اذا كانت الغرفه بااااااااااااااااااارده ومفرش السرير بعد ابخره
واطلع
ولما ارجع اعطرها بمعطر النهار


و الريحه تثبت بالغرفه وبس

 

[قطوووة]

اعرف وحدة تعطر الفراش
مثل تعبي إبره بعطر وتغرسها بالمخدة شي جذي

وتفرغ العطر داخل

 

[shayto0oNa]

انا كلش ماحبيت سالفة الابره احس بتعفن من داخل يعني قطن او ريش حطي فيه عطر وبمكان مسكر كلش مايازت لي


عن نفسي الريحه تقعد اسبوع وشي بشقتي والكل يسالني حمواتي حتى خالتي تدز الخدامه عشان اعلمها


اييب تب احط فيه ماي + ديتول بالورد + عطر السيراميك من الجمعيه + ماي ورد وامسح الادراج و السرير والباب واييب فوطه ثانيه وامسح الارض

بعدين ملطف اجمل ليلة خميس ريلي يحبه اعطر الفراش والمخاد. والكمبل من داخل

واييب دهن عود مخلوط اسمه خلاب واعطر الشقه + اي ملطف بدهن عود

اخر شي احط مبخر بالكبت ومبخر بالصاله ومبخر بالغرفه

بخور للشقه عود مبخر من اجمل وبعض المرات الملكي من القرشي وبعد عنبر من الجزيره

واستعمالي الشخصي بخور فاخر من اجمل

 

[ناتشوو]

وفي بعد من دار الطيب
مخلطاته حلوة
انا اعشق اللي اسمه: حكاية
فروعه اللي اعرفها
كويت ماجيك و البيرق

اللي تعرف فروع ثانية خل تكتب



قطوة الابرة اللي كتبتي عنها
تنباع جاهزة عند ام جراح

وعندها بعد المفرش المنقع بعطر
في ع شرقي وع فرنسي
بس ماجربته للحين

 

[shayto0oNa]

وعزج الله الحمام شموع ايكيا ويدي ورك ٢٤ ساعه شغالين

وامي الله يخليها تاخذ مكعبات المسك من القرشي وتبشره وتذوبه بماي حار وتحطه بعللب وتحط معاهم خيط وتجمدهم عاد يصيرون نفس الشمعه ريحتها عجيبه ريحة نظافه


وانا علي البوق هههههه

واوراق المعطره للكبت والادراج من الشايع تظل ريحة الملابس اتينن <<<<< جني اشتطيت وطلعت عن الموضوع هههههه

 

[ناتشوو]

شيطونا
بجرب انشالله العود الفاخر
كل الشكر

 

[ناتشوو]

لا بالعكس شيطونا
واصلي

 

[shayto0oNa]

جربيه يدوخ علبته زرقه

 

[ناتشوو]

غريبا شمعة المسك
يمكن اجربها مع الايام


وفي بعد شموع معطرة ريحتهم قوية
من محل
دي ميزون او شغلة جذي
فروعهم بكل مكان

 

[shayto0oNa]

اي ايننن جربت شموعهم ومجموعاتهم حلوه فواحه موجود بالفنار وبالبيرق

 

[shayto0oNa]

اي واذا تبين عطور للفواحه زهور الريف انتي تخلطين العطور اللي تبينها فرنسي وا شرقي انا اخذ لي ثلاث تولات وحده اخلط عطور فروت والثانيه شانيل مع جيفنشي والثالثه دهن عود

 

[قطوووة]

شنو احسن فواحة جربتوها؟

انا شارية شكثر من زهور الريف بس ماعرف للفواحات