شلون تعلقون غتر و شماقات ازواجكم ؟

[كويتية صغيرة]

السلام عليكم
الموضوع باين من عنوانه
انا زوجي متأذي من هالناحية
احيانا تكون الغترة نظيفة و استعملها مرة واحدة فقط بس يبي يفرشها بمكان علشان ما تتعفس، علشان يقدر يلبسها مرة ثانية من غير ان تحتاج لكوي مرة ثانية.

النتيجة يفرشها على القنفة..... و تخيلي منظر القنفة غترة فوق غترة
ما اقدر اعلقها على العلاق لأنها راح تتعفس اما
و ما اقدر ارجع اعلقها مثل ماجبتها من المصبغة لأنها ايضا راح تتعفس.

بس ابي اعرف انتو شنو تسوون او ازواجكم شلون وين يحطون غترهم اللي استعملوهم و مازالوا نظاف و قابلين للاستعمال مرة ثانية؟ لأن منظرهم على القنفة كلش مو عاجبنى.

 

[محظوظه ومحبوبه]

حبيبتى انا بغرفتى فيها شيفونيره الى شكلها ادراج 6 فوق بعض حاطه ملابسه الدخليه في الادرج الاولى 3 والثلاثه حق ملابسى وفوقهم يحط غترته بكل امان يفرشهم على راحته لاينادى ولا يطلب شى كل الى يبيه في دروجه والغتره المستعمله حق يوم فوقهم والكبت حق ملابسه بالغرفه الكوي يعنى الغرفه مريحه جربى هالطريقه بترتاحين من الحنه

 

[رماس*]

اتصدقون اهم شي عند زوجي غترته يخاف عليها اكتر منا

 

[خبيرة اعشاب]

اتصدقون اهم شي عند زوجي غترته يخاف عليها اكتر منا

ههههههههههه احسب بس عندنا

شوفي حبوبه بالنسبه للغتره يحطها على علاق الملابس الي صاير نفس الشجرة و غالبا اسفطهم و و علقهم بالعلاق بس لازم تعلمين على تسفيطتهم

 

[ana_tolip]

انا صراحه اصفطهم لان ريلي مايلبس غترة الا بالمناسبات و اذا يبيها نكوي له

 

[انا كويتية]

لاتحاتين ترى هذي مشكلة عند كل الكويتيين

 

[قمر ضاوي33]

وي انا ريلي ما يلبس غترة ولا شماغ ...


الصبح عسكري ... والعصر رياضي ... وبالليل جينز


الغترة بالمناسبات فقط

 

[@ الرسامة @]

نفس مشكلتيييييييييي

 

[شمس الوفا]

نفس المشكلة ولحد الحين مو لاقية حل الله يعينا

 

[ظروف الليل]

بالنسبه لي في علاق يكون محشو بقطن او تقدرين تييبين علاق عادي وانتي تسوينه وتصفطينها بشكل مستطيل وتعلقينها عليه وجذي ما يصير فيها كسرات ولا تتعفس

 

[om_dmai3a]

انا امي شرتلي من ايكيا سناد اللي يتعلق عليه جاكيت البدلة بس بحكم ان ريايلنا ما يلبسون بدل فاستعملته حق الغتر وايد مفيد و ماتتعفس حتى لو حطيتي اكثر من وحدة فوق بعض

 

[الالماس واللولو]

انا امي شرتلي من ايكيا سناد اللي يتعلق عليه جاكيت البدلة بس بحكم ان ريايلنا ما يلبسون بدل فاستعملته حق الغتر وايد مفيد و ماتتعفس حتى لو حطيتي اكثر من وحدة فوق بعض

نفس طريقتي واحسن شيئ ما راح تتعبين عقبها

 

[miss elegant]

ام دميعة شلون صاير شكلة اذا تقدرين دزيلنا صورتة اذا ما عليج كلافة

 

[fife4ever]

حتى انا هذى مشكلتي عا زوجي ولا يعصب لان ولدي يجي ويسحبهم ويلبسها

 

[ضحكة الدنيا]

انا امي شرتلي من ايكيا سناد اللي يتعلق عليه جاكيت البدلة بس بحكم ان ريايلنا ما يلبسون بدل فاستعملته حق الغتر وايد مفيد و ماتتعفس حتى لو حطيتي اكثر من وحدة فوق بعض

نفس هالشغله لقيتها بسنتر بوينت حلوه حق الغتر
كنت بشتريها بس غرفتى مليانه واحس مالها مكان

 

[بنت الشمالي]

امي مسويه رف خاص بالكبت مفضيته عشان غتر ابوي
وحاطتهم حطه سنعه يعني بس ياخذها ويبلسها وشزينها معطره ومبخره

 

[choclatecho]

وااااااااااااي انا بعد نفس الشيء ريلي ماذتي ع الغتر لازم عقب كل لبسة اودي المصبغة بس بغرفه اللبس انا عندي كراسي مرات يحط الغترة عليهم و الله يعينه

 

[Dancing^Queen]

الله اول عندي نفس ام دميعه بس مو انترس الا صار طبقات طبقات والله خير رياييلنا مرتبين لي بغا شي قلهم كللللللهم بالارض
وتعالي ردي اكوي واذيه
مره واحنا بايكيا (انقلبت قصه) لقيت شغله حاطينها بسكشن الحمامات اعزكم الله تحت ، اهو مثل المشر خشب يصير من فوق مقسم بالطول نفس المشر بس بدون الجوانب اللي جنهم جناحات طياره علي اساس تعلقين عليهم الفوط انا خذيته وقمت اعلق الغتر والشمغ وارتحت اذا يه يلبس الغتره يختارها ويمشي واذا بتبخرين حيل سهالات حطي المبخر تحت يتبخرون كل الغتر

 

[om_dmai3a]

والله يا ام عبادي ليلحين ما اعرف ادز صور بس اذا رحتي قولي ابي ستاند حق الجاكيت غالبا جاكيت رجالي و اهمه يساعدونج ان شاء الله

 

[ملح وسكر]

نفس المشكله