شلون تعلقون غتر و شماقات ازواجكم ؟

[om yousif]

بالضبط نفس مشكلتي ,على القنفة وشكلها كلش مو حلو ,,, بس اقدر افيدج في بسنتر بوينت ستاند قصيراهوا اتوقع حق شي ثاني بس انتي حطي علية الغترة اختي استخدمتة وايد حلو بس انا المشكلة ما عندي مكان في غرفة النوم,,, تحطين عليه الغترة وايد مرتب بدال القنفة جنة شقة عزوبية ...

 

[#kuwait-عاليه#]

حبيبتي انا كنت اعاني من نفس المشكله والمصيبه اذا جانا احد فجأه بس لقيت الحل تدرون شنو ؟؟؟؟

 

[روزالكويت]

امبيه زوجي كله يحطها على كرسي التسريحه واذا بقعد عليه واشيلها احطها الفراش يقعد يشوفها جذى اهانه عنده تصير هوشه شلون تجيسينها ههههههههههههههههاى اثاري كل رياييلنا جذى مقدسه الغتره عندهم

 

[Dancing^Queen]

جربو المنشر مال ايكيا اللي بقسم الحمامات ترا حيل مفيد

 

[السنعة2]

انا خذيت من سنتربوينت شكله حلو
وهو طبعا للجاكيتات بس احنا نستخدمه حق الغتر
وهو يعلقها بمعرفته وبدون اي تدخل مني

 

[ام تروكي 1]

وانا يفرشها على ثلاجه غرفتنا حاطه فوقها مفرش وفازه ورد والله الله كاشه

فيها وبعدين يجي يشيل الفازه ويحط غترته :eh_s(14): ​

 

[um wahaby]

والله ماكوو فايده ..انا ريلي يقول ماعندي مكان احطها... ناشرها عالقنفه ويويله اللي يجرب صوبها .... قمت سويت له كبت وخليت له مكان خاااص يعلق فيه الغتر بشكل مرتب وحطيت له سله تحتهم للغتر الي يبيلها غسيل ... بس والله ماكو فايده .. الغتره لي يومكم عالغنفه .. يقول ان ماله خلق يروح الكبت ويعلق الغتره

 

[امون حبيبة زوجها]

زوجي مايلبس غتر الا بالمناسبات واذا جت مناسبه ودينا غترته المصبغه

 

[عسولة الكويت]

يحليل زوجي فسقان غتره الصبح وغتره العصر وفاكني من شره مالي شغل فيهم يجيبهم من المصبغه ويعلقهم بالكبت ويلبس ويقط
فاكني من هم الغتر

 

[brbecan]

والله اذونا بغترهم
مشكوره دانسينج قوين عالمعلومه انشاءالله بشتري المنشر

 

[nandoshia]

استاند شريته من غاليريا اللي بالضجيج عند اللي يبيعون العلاليق اهوا شكله مثل علاق البدل ، بصراحه حدي افتكيك من الغتره المفروشه عالغنفه.

 

[Mi$$ Parby]

تعرفين العلاقة مالت البنطلونات والتنانير اللي فيها كبس على الاطراف
انا احب اخم منهم بالهبل حق شيالي وغتر ريلي
تلقينهم بمركز سلطان