شلون تلقيتي خبر صدمة الكويت الكبرى وفاة الامير جابر الغاي الله يرح

[syda-ml38a]

اذكر كان عندي امتحان وقعدت من النوم لبست ونزلت تحت ولا الكل موجود انا قلت شسالفه ليش محد رايح دوامه ..؟
جان اقول حق اختي ولا تقولي بابا جابر مات .. انا ماصدقتها عبالي تتغشمر وانا قاعده استعبط عليها واهيا ماتكلمت ولا كلمه وقامت ..
جاان اروح ابطل التلفزيون ولا حاطين قرآآآن بكل الفنوات .. قمت صعدت بداري وقعدت بجيت

الله يرحمه ويغمد روحه الجنه ..

 

[حنطاااويه]

الصبح اول مااعلنوا الخبرررررر
جان ايي ابوي يقعدناا يقولناااا
اول شي مااستوعبت
على ماقمت وغسلت وفتحت التفزيون
اهني استوعبت كل شي
بجييييييييييييييييييت بجي

 

[AbRo0oH Q8]

انا كنت سهرانه على التلفزيون ومريت على قتاة الكويت ما كان فيها شي ... و رحت نمت ...
و الا امي مقعدتني من النوم الساعة 9 تقولي مافي دوام وانا اقول ليش ؟
قالتلي بابا جابر توفى ما صدقت ... والا انزل تحت واشوف الخدم واقفين عند تلفزيون و يقولون ( حرام هذا برزيدينت( يعني الرئيس) موت ).. و أطقها بكي وانهرت وامي تهدي فيني تقولي كلنا على هالدرب و من هالكلام ...ما أنسى هاليوم كلـــــــــــــــــــش يوم كئيب ..
والله للحين ابكي عليه .. وكل ما حطوا صورته حزنت لان ما في احد مثله و لو شصير ..

 

[راقية بأخلاقي]

اب لعيون بابا جابر الله يرحمه

 

[أم لطووف]

تدرين شنو المشكله..

إنه هاليوم

عيد ميلادي
15\1\86

يعني حد الصدمه
قعدني أخوي الصبح وقالي
قومي يالقبس الشيخ توفى
يعني هم من صباح الله خير..
:0bee2e8d89:
صج صج قبس
ما تسوى علي والله
وين ماأروح يقولولي ياقبس
:tomato2:
ههههههههههههههههههههههه

بس صج
حسيت بغصه
ودي أبجي
بس ما أقدر
ما أدري دموعي وقفت
ولا من كثر الهم والضيجه

ربي يرحمه برحمته

 

[مرتاحه]

الحين اكتب ودموعي تنزل لموته
الله يرحمه ويدخله فسيح جناته
صدمه ما بعدها صدمه
الا يقهر ان بعض القنواة
حزتها عبر كانه حدث بسيط
قالو النبئ وبس ما حطو
قران
والحين اشكثر استانس من وفا
اهل الكويت لم اشوفهم حاطين
صوره على سيايرهم
الله يرحمه الله يرحمه
الله يرحمه الله يرحمه

 

[$حبيبة عبودي$]

آآآآآآه ذاك اليوم للحين ببالي ..
كنت نايمه وقام زوجي بيروح دوامه واهو على السرير بطل تلبفونه الا مكالمات ومسجات
وفجاءه صاح قال اعوذ بالله بصوت قوي بس انا حطيت ايدي بقلبي عبالي احد من اهلي صارله شي ..
قلت شفيك سكت شوي قال الشيخ جابر توفى آآآآه صدمه حياتي والله ماصدقته رحت ركض على التلفزيون
واحط الا قرآن وكاتبي جابر في ذمه الله قعدت ابجي ومو مصدقه قعدت عند التلفزيون ..وزوجي قاعد وساكت عندي
وقال اليوم بروح المقبره جان ابجي زياده قلت اخذ ربعك كلهم قال مايحتاج اكيييد بيروحون ..
بس يوم حزببببن قسم بالله شي يعور القلب ...
عاد انا امي وابوي من كنت صغيره يسموني مرت جابر ..
وامي تقول والله ماازوجها غير جابر وابوي نفس الشي ..وراح حبيبي وابوي امير القلوب الله يرحمك
يابوي فقدناك انت ابو اليتامى انت ابو المساكين الله يسكنك في اعلى الجنان مع الانبياء والصديقين والشهداء ..
والله ماشفنا منك الا كل خيييير وعطااااااااااء وكرم وحب لو اكتب مني لباجر ما الحق جزاك ..

 

[$حبيبة عبودي$]

بنات شعر جسمي كش ..
الله يرحمك ..
بنات اتمنى كل من تكتب ردها تدعيله ..نبي نفيده بقبره ..

 

[راقية بأخلاقي]

الله يرحمه برحمنه

الله يوسع عليه قبره ويبلغه من ريح الجنه يا كريم يا رحيم

اللهم امين

 

[غلا فهد]

انا كنت اتولد بولدي والدكاترة يسولفون عن منو ياخذالحكم وانا كنت من تأثير الكمام مادري شلي صاير بالدنيا كنت من 3 الفجر الي 3ونص وانا اتولد ولما طلع ولدي 3ونص كانت دفنة الشيخ جابر الله يرحمة واول ماطلعت من الولادة الناس المفروض مستانسةو تباشر بالولد اللي جبتة الاان اهلي كلهم يبجون ويقولون توفي جابر وبنيتنا جابت جابر بس والله اول ماطلعت اصدموني اهلي قالولي بابا جابر توفي وصج بجيت وسميت ولدي جابر اللي مولود الساعة 3ونص العصر 15/1 حزت دفنة الشيخ جابر الله يرحمة

 

[jod.q8]

انا كان على امتحان انجليزي و كنت مو دارسه

قعدت ما ادري لبس خلصت نزل خالي و معاه الجريده قال وين رايحه قلت المدرسه

قال روحي نادي امج رحت ناديتها قال لا تداوم اليوم الشيخ جابر مات [ الله يرحمة ]

رحت حطيت على الكويت و جم قناة و رحت ركض اييب الجريدة و شفت الخبر صج !

و للحين مو مصدقه

 

[& حبات اللولو &]

:eh_s(11)::eh_s(11)::eh_s(11):
قعت ابجي

 

[^^رمانة^^]

اذكر كنت بالصف الثامن (( رابعة متوسط )) وكان عندي امتحان عربي وقاعده ادرس ولين وصلت لدرس خطاب الأمير الشيخ جابر درسته دراسه مو طبيعيه مع انه كان سهل وكل شوي وارجع على هالدرس وكنت كل ما اشوف صورته بالدرس ابوسها واتأمل ملامحــه ونمت وبيدي كتابي ومفتوح على هالدرس ..

وقعدت الساعه 6 بالضبط من حلم حلمته بالشيخ جابر .. ورحت للصالة وإلا ألقى امي واخواني واقفين جدام التلفزيون مصدومين .. وانا بس قريت الخبر قعدت ارجف ... لين استوعبت وقعدت ابجي واتذكر الدرس والحلم والصور وشلون كنت اشوف صوورته

سبحان الله كان احساس غريب ...

عسى ربي يرحمه ويغفر له

 

[نونو7]

الله يرحمه ان شاء الله ويسكنه بفسيح جناته يارب يارب يارب ان كان عندي امتحان فاينل بيومها بس ابوي قعدني قالي الشيخ جابر توفى انا انصدمت وبجي بجي من الصدمه ونزلت شغلت التلفزيون مو مصدقه ولا اشوف ان السالفه صج طبعا قعدت وخلاص بجي مكمله يابنات حتى يدي ويدتي لما ماتوا مابجيت عليهم هلكثر والله والحين قاعده اكتب وانا قاعده ابجي صج امير القلوب الله يرحمك يابابا جابر

 

[وحشني شوف الكويت]

:eh_s(2): 3awarti gloobna

اللهم اغفر له وارحمه وعافه واعفو عنه واكرم نزله ووسع مدخله واغسله بالماء والثلج والبرد
ونقه من الذنوب والخطايا كما ينقى الثوب الابيض من الدنس
اللهم وسّع له في قبره و نورّه له واجعل قبره روضة من رياض الجنه
اللهم أبدله داراً خيراً من داره وأهلاً خيراً من أهله واسكنه الفردوس الاعلى ياذا الجلال والإكرام ..

 

[راقية بأخلاقي]

الله يرحمه برحمته

 

[وعـد الوفـآ]

كان عندي اختبار رياضيات فاينل
والبيت قلبها مناحه

 

[سمرة كويتية]

سبحان اله بهاليوم عدت متأخرة عن الدوام على غير العادة ... وررت اني ما اداوم

كنت اعدة اسبح ولاحظت ان طول الوقت كان في قرأن وقبل لا انتهي من حمامي ذاعوا الخبر .. ماحسيت بنفسي الا وانا ابجي واركض لأخوي واوله الخبر ... ولي اليوم من يمر ذكر بابا جابر تدمع عيوني مثل ما تدمع لموت ابوي الله يرحمهم اثنينهم ويسكنهم الجنة ...

 

[مـيـراس]

الصراحة تذكرت الايام وموقفه وخاصة ايام الغزو ويوم بكى في المؤتمر قعدت ابكي من قلب

بنات يخون التعبير بابوي جابر الله يرحمه

 

[ليالي الصمت]

الله يرحمه ويغفرله
ليلة وفاته شفت رؤيا سبحان الله تعبر صج عن فقدانه انا عايشه بالدمام
ويتيمة الابو من انا طفلة بس عرفنا ان الله عوضنا بأبو ثانى وكان بابا جابر وهو اللي ماحد عوضنا عنه
سبحان الله هذيج الليلة تحلمت انى نايمة ابسريري واشوفنى فتحت عيونى من النوم والا فيه جثمان امكفن ومحطوط على الارض يم سريري وكأن قاعدة اعدل الكفن علي الجثمان مع انه امرتب
بس كنت اسأ ل نفسي اقول اشلون ابوي مات من زمان اشلون مات مرة ثانية؟؟
وقمت من النوم مغموت قلبي ............وياشين العلم الشين اللي سمعته فعلا تفسر الحلم فقدت ابوى جابر اللي جبر قلبي يوم مات ابوي
وسبحان الله وفاته ابنفس تاريخ وفاة ابوى رحمة الله عليهم