شلون تلقيتي خبر صدمة الكويت الكبرى وفاة الامير جابر الغاي الله يرح

[راقية بأخلاقي]

شلون تلقيتي خبر صدمة الكويت الكبرى وفاة الامير جابر الغالي الله يرحمه

بسم الله الرحمن الرحيم​

مرحبا بنات الكويت
وكل وحدة عاشت على هالارض وتربت على​

:q8:جاااااااااااااااااابر ابونا من عمر عرفناه:q8:​

ابي كل وحدة منكم توصف شعورها والطريقة اللي تلقت فيها الخبر​

والله احس حتى الشارع والارض زعلت وتغيرت بعيني​

وشعوركم الصادق لكل وحدة شافت جثمان بابا جابر والناس تشيله بمنتهى التواضع​

بالنهاية الكل يدعيله بالرحمة والمغفرة والله يجعل قبره روضة من رياض الجنة واموات المسلمين​

آآآآآآآآآآآآآمين يارب العالمين​

تحياتي حبيباتي​

 

[بدويـــة مودرن]

قعدت الصبح كان يصادف 15\1 مانسى هاليووم شوي والللا خبر عاجل اللىى هو وفاة بابا جابر الله يرحمه ...انا من الصدمه صراحه مابكيت ولاشىء مومستوعبه خلاص قفلت بعد مامر يومين لما يحطون أعماله وتضحياته تعالىى شوفينىى بكي وحالتىى حاله الله يرحمه ويغفرله...آآآآمييين

 

[امجاد الاولين]

يالله يهاليوم ماينسي صج انا من عشااااااااااااااااااااااق بابا جابر يعني بشكل جنوني
كان حزتها علي امتحان تاريخ و قمت الساعه 5 وشي واوضي بصلي ولا اشوف امي تكلم بالتلفون ولا تطالعني وماتبي تقول شي لي
ماتبي تصدمني بس احس الجو متكهرب بالبيت مو طبيعي كلش كل الي حابس دمعته وساكت وكلهم يطالعوني وانا ضايعه بينهم شفيكم يقولون مافي شي
وكان التلفزيون مفتووح عاد اول ماطلع وزير الاعلام انس الرشيد اختي طارت وصكت التلفزيون قلت شفيج
شصاير وبسرعه فتحت التلفزوويون ولا انصدم تيبست بمكاني ماتحركت اقول لامي هذا ليش تج
يجذب الشيخ جابر ماماااااااااااااااااااااااااااااااااات
وصييييييييييييييح وابجي بجي وانقز وشوي اشق هدومي والله وانجنيت مابيني وبين الجنون الا شعره
اهلي يهدوني وانا اقول جذااااااااااااااااااااااااااااااب جذاااااااااااااااااااااااااااااب الشيخ جابر ماماااااااات حي هذا جذااااب لاتصدقونه حي الشيخ جابر حي وابجي بجي يالله صابتني حاله هستريريه مو طبيعيه
ابوي يقولي اذكري ربج محد دايم الا الله قلت ماااابي ابي الشيخ جابر هذاجذااااااااااااااااب جذاااااااااب ولا يقمى علي وسيده العدان ومقذي ماوعيت الا العصر وانا بالمستشفى رديت البيت وكل ما اسمع صوت العفاسي يدعي ابجي بجي


(( اسفه يابنات اني بذيك الحزه غلطت على الوزير السابق لكن من الصدمه لاحد يلومني والله استسمح اهله اذا قروا كلامي وتضاايقوا ))
والله يابنات من مااات لين الحين وانا كلما احط راسي على المخده ابجي عليه
امي تدخل علي وتشوف عيوني حمر تقولي اذا تحبينه لاتعذبينه بقبره ازييد بجي


الله يلهمنا الصبر على فرااقه

 

[كويتية وكلها جاذبية]

سؤالج صج يعور القلب وبابا جابر الله يرحمه ويغمد روحه الجنه عمرنا ما ننسى او ننسى اللحظه الي انصدمنا بخبر وفاته اتحسين الدنيا كلها اهتزت
والله بنات حسيت جني اعيش خبر وفاة ابوي الله يرحمه مره ثانيه
دايييم في بالي هالاغنيه (جابر ابونا من عمر عرفناه ) هاذي الكلمه ما تروح من بالي اكيييد كانت صدمه ما بعدها صدمه
الله يرحمه ما في مثله ولا راح يكون ابد لووو شنو بنقول ما نوصف هالأحساس الله كريييم

(كل من عليها فان ويبقى وجه ربك ذو الجلال والإكرام )

أمجاد الاولين بعد اذنج خذيت دعائج
{ ... تخنقني آلعبره كل مآلمحت صورته
وآقول يآرب جـآبـر تغفر ذنوبهـ
يآرب وسع عليهـ برحمتك قبره
وآكفه عذآب آلقبر وآغفر له ذنوبه ...ابونا محتاج دعااويكم تكفون لاتنسونه من دعائكم ​

 

[& شهد &]

يا الله صباح خير

مهما وصفت ومهما قلت ما في حرف يقول اشكثر انصدمت بوفاة بابا جابر

الله يرحمه ويغمد روحه الجنة ويرحم عضيده بابا سعد ويجمعهم بالجنة
امين يارب العالمين


(اقول انقلعي)

 

[بدوره 22]

اااااااااااااااااااااخ قلبتي المواجع ..


انا كنت بالنفاس وانتوا عارفين اللي بالنفاس نومتها مقلوبه ..


استغربت ان ابوي وامي قاعدين من الصبح ... شمقعندهم وهمه ما عندهم دوامات ...

ااااااااااااااااااااااخ لمن قالي ابوي ان بابا جابر عطانه عمره .......... مت مت مت من البجي وامي كانت تبجي والبيت كله يبجي كلنا كنا ..

والله بجيت ما قدر اكمل

 

[شندوخه]

عورتي قلبي عالموضوع
انا كنت سهرانه عالنت وبنت عمي شابكه مسنجر قالتلي تشوفين التلفزيون كله قرآن شكله احد ميت
قلتلها لا العاده بعد صلاه الفير يحطون قرآن قالتلي لا في شي واهيا حطت السالفه بقلبي رحت لامي واقولها السالفه اخترعت توقعنا انه الشيخ سعد توفى الله يرحمه
وانا مشغله التلفزيون بداري ونسمع صوت الاخبار وينا ركضه وبهالوقت وصل لامي مسج فجته ولا وحده من الاهل كاتبه ابونا العود توفى ادعوله بالرحمه
ويطلع الخبر بالتلفزيون ياربي والله قعدنا نبجي الله يرحمهم ويغفرلهم ويوسع منازلهم ويجمعنا فيهم بالفردوس الاعلى

 

[كريستال ليدي]

قعدت من النوم على صراخ امي ... والله مت من الخرعة حسبالي ابوي حبيبي فيه شي ولا تقولي بابا جابر توفى و نقعد نبجي بجي ... هاليوم مستحيل انساه !!

 

[راقية بأخلاقي]

اصلا مالت علي اللي كتبت هالموظوع:jumpon:

كل ما قريت رد وحده بجيت:eh_s(16):

الله يرحمهم ويبيحهم من عنده اللهم آمين


شكرا حبيباتي على ردودكم ووطنيتم الصادقة:hjy5jewf:


والله يخلي لنا اهلنا اللي زرعوا هالحب فينا من الطفولة


باقي العظوات مو كويتيات؟؟؟؟:bbbiu:


وييييييييييينكم:eh_s(14):

:q8:هذا بابا جابر الله يرحمه نبي نسمع قصصكم ونشارك بعض:q8:

احبكم حبيباتي:33_1185028183:​

 

[& شهد &]

تعب دسمان ينتظر رجعتك من على الدوار

عشنا الغزو في باس ماحنا ضعيفين
لكن عرفنا الضعف في موت جابر

والحمدلله هذه الكويت صل على النبي

 

[ام _خلودي]

اخيييييييه اى والله تعب دسمان ينتظر رجعتك من على الدار
الله يرحم ترابك ويرزقك جناات الخلد
اناا رفيجتى دقت على الفيرقعدتناا من النوم نسالنى فيه دوامات
طبعاا انا على نياتى قلتلهااا اى ليش ماندوام جان تقول بابا جابر عطاج عمره
صرخت صرخه ريلى على طول عرف انه بابا جابر توفى وقعدت ابجى بجى
وجابلت التلفزيون ودموعى على خدى الله يرحمه وينور عليه قبر ويفتح له باب
من ابواب جناانه اللهم امين

 

[~MANARY~]

~ يا جابر الشعب , يا بسمة الحب .. الشعب حيااك ,, و الله يرعاك ~


انا كنت نايمه وقتها

قعدت على صوت تلفوني و لا بنت عمتي تقولي عظم الله أجرج الشيخ جابر عطاج عمره |:

يماي والله وقتها ما صدقت اقولها جذااابه و هي تحلف و اسمع عندها صوت القرآن

و على طول عند امي وابوي كانوا نايمين بعد , قعدت ابوي و اقوله : يباااا قوم الشيخ جابر توفىى !!

ابوي مسكين قام مخترع و اول كلمه قالها : " الله أكبــر "

و بعدها قعدت أبجي :"(



يا جابر قلوب و خواطر
رحت وتركت محبتك عندنا دين
علمتنا معنى فراق الاكابر

أحبك و ادعي لك علىى طول ، و كفايه افتتاحية موبايلي بصــورته دليل اني ما نسيته و لا راح انسااااااه

الله يرحمك​

 

[سارونه87]

واي الله يرحمك يابابا جابر
هاليوم ماانساه طول حياتي
كان علي امتحان فاينل اذكر

 

[فجر الغلا]

انا كنت نايمه دقت على رفيجتي س6 الصبح تبجي اشفيج ولا تصدمني
بوفاة الغالي ابونا جابر ما صدقت نزلت على طول ولا اشوف امي واختي
طايحيله بجي صعدت غرفتي مصدومه مادري شسوي شقول بس كنت احس
بغصه وثقل على صدري قريت الفاتحه ومن قريتها طحتله بجي لين نشفت
وبجيت اكثر لما شفتهم شايلين النعش ووقفت اهل الديره بالمقبره وحتى
الوافدين والله ما قصروا كانوا واقفين معانا بس صج كانت صدمه علينا
وااااااايد قويه يلا الله يرحمه ويغفرله والله الكل شاهد انته ما قصر مع
اهل ديرته والكل يشهد على هالشي

وانا على فراقك يا جابر لمحزونين

 

[غيدآء]

انا اذكر كان عندي اختبار وقاعده اراجع عقب صلاة الفجر بغرفتي...

وعقبها حسيت بملل...قلت خل اشوف التلفزيون شوي وانا قاعده اشوف والا قناة الكويت الاولى والثانيه حاطين قران قلت غريبه...على بالي علشان الصلاة وجذي..

وبعدين شفت الراي وقران ...قلت لااا السالفه فيها انه....

وبعدين تذكرت قناة العربيه ولمه حطيتها لقيت كاتبين خبر عاجل "وفاة امير دولة الكويت الشيخ جابر الاحمد الصباح "


انا على طول ومن غير تفكير رحت لامي على طوووووووووووووووووووول قلت لها يمه بابا جابر ماااااات وربي على طول انهرت بجييييت بجي وامي مو مستوعبه تهديني وتدعي له..وعقب قعد ابوي على صوتي وصحى كل البيت


ااااااااااااالله يرحمك بابا جابر ويغمد روحك الجنه احبك احبك طول عمري احبك

 

[روح البنفسج]

الله يهديج عورتي قلوبنا

 

["غلا مطير"]

... رحمك الله ياجابر الاحمد يالوالد الغالي...



اللهم أغفر له و ارحمه و اعفو عنه و أكرمه ،، اللهم وسع مدخله و ادخله الجنة و غسله بالثلج و الماء والبرد

اللهم يمن كتابه و هون حسابه و لين ترابه و ثبت أقدامه و ألهمه حسن الجواب ،، اللهم طيب ثراه و اكرم مثواه واجعل الجنة مستقره و مأواه

اللهم نور مرقده و عطر مشهده و طيب مضجعه ،، اللهم آنس وحشته و ارحم غربته و قه عذاب القبر و عذاب النار ،، اللهم نقه من خطاياه كما ينقى الثوب الأبيض من الدنس

اللهم فسح له في قبره و اجعله روضة من رياض الجنة و لا تجعله حفرة من حفر النار ،، اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين و الشهداء

اللهم اجعل له من فوقه و من تحته و من أمامه و من خلفه و عن يمينه و عن يساره نورا من نورك يا نور السماوات و الأرض ،، اللهم أبدله دارا خيرا من داره و أهلا خيرا من أهله و أزواجا خيرا من أزواجه واسكنه فسيح جناتك في الدراجات العلي آمين

اللهم إن كان قد أحسن فزد في إحسانه و إن كان قد أساء فتجاوز عن إساءته ،، يا أكرم من سئل و يا أوسع من جاد بالعطايا …خفف أحماله و حط من أوزاره واجعله في مقام من قام لك بالقرآن أناء الليل و أطراف النهار

اللهم كن له بعد الحبيب حبيبا و لدعاء من دعا له سامعا و مجيبا و اجعل له من فضلك و رحمتك و جنتك حظا و نصيبا ،، اللهم من أحييته منا فأحييه على الإيمان و من توفيته منا فتوفه على الإسلام

:yaaaaaarb:اللهـــم آآمــــــــــــــــين:yaaaaaarb:


لي عوده انشاءلله

 

[روح البنفسج]

الله يرحمة ويرحم بابا سعد ويغفرلهم يارب

((جابر ابونا من عمر عرفناه))

 

[النهج الاسمى]

>>>لو تغيب الدنيا عمرك ما تغيب شوف حالي آه من تطري علي<<<

الأماكن كلها مشتاقه لك


والله والله ما اقدر اكتب قصتي مع هالخبر


بحاول اكتب وقت ثاني

 

[كاتو_كويتيه]

مااانسى هاليووم ..

كان عندي امتحان اسلاميه فاينل ...

وسهرانه

واختي سهرانه بالصاله

وانا رحت تووني بنااام مااااااسكه النومه

ولا تيييني اختي وتقول لي الخبررررررر


وانا بفراشي

وطيران عالتلفزيون ابي اتاكد

ولا قران وصورته

وارد فراشي واطقها بجيــه


جاااااابر ابونااااااااا من عمر عرفناااااه


صج صج اهو جابر الخير ...


نعم الابو والقائد والوالي..


الله يرحمه ويغفرله ياااااااااااارب ادعووله بناات ..