شلون تلقيتي خبر صدمة الكويت الكبرى وفاة الامير جابر الغاي الله يرح

[@ الجوري @]

والله امجاد مهما تكلمنا وسطرنا الكلمات مانوفي حق ابونا جابر وابونا سعد لأنه مكانهم واحد بقلوبنا
وخاصة احنا جيل السبعينات تعلقنا فيهم وااااااااااااااايد يمكن اكثر من جيل خلني أقول أواخر الثمانينات والتسعينات
لأني من فتحت عيني على الدنيا وانا أشوف بابا جابر وبابا سعد أحس هم الكويت يعني بوفاتهم صدمه لنا إحنا الكويتيين وصدمة للعالم
هم الطيبة والوفاء لرض الكويت وشعبها الله يرحمهم برحمته اللهم آمين.

 

[دلع السلاطين]

وااااااااااااااااااااي هاليوم ولله ماانساه بكل دقيقه وبكل لحظه

كنت قاعده مبجر قاعده ادرس حق امتحان احياء فاينل
وقاعده ادرس

ولاتينى امى وتقول انه سمعت بلأذاعه انه فيه شيخ مات بس مالحقت تسمع منو

انا ولله ولله كلش ماجا فى بالى انه يكون بابا جابر
المهم

شوي تنزل اختى وتحط على الكويت قرآن
راحت حطت على الجزيره وحاطين خبر عاجل
ماانسى حتى لاوان كانو كاتبين بالأبيض وخلفيه برتقالى
وكاتبين بيان من الديوان لاميرى واقعد اقرا شوي شوي ومالحقت اخلص الا تقول اختى بابا جابر مات
ولله انهرت مت قعدت ابجى بجى هستيري

واكثر شى عور قلبى لما كان بسياره لاسعاف ومر من صوب الجيش
وطقو له تحيه

قعدت ابجى بجى موطبيعى
لله يرحمه ويغفرلله

 

[اسراء205]

الله يرحمك

 

[makhroosha]

وااي الموضوع يعور القلب احس اني ببجي

انا كنت نايمه بدار امي وراي امتحان بالكليه.. فجأة دش علينا ابوي الفير و سمعته يقول حق امي الشيخ جابر توفى !!! انا صرت صنم ماكو تعابير بويهي جامده .. والصراحه ما شفت جنازته بالتلفزيون بس شفت الصور :eh_s(2):
الله يرحمك بابا جابر و مثواك الجنه اللهم امين

 

[& شهد &]

اكثر شيئ عور قلبي يوم طلعت الاسعاف من قصر دسمان ويوم الحرس الاميري طقوا له تحية عن المقبرة

الله يرحمه رحمة عامة

 

[soseta]

امبييييييييه ذكرتينييييييي ..

انا كنت بالثانويه وعندي امتحان علوم , قبلها بيوم كنت اطالع الكتاب ومو مهتمه حااااسه اني ماراح امتحن ليش هالاحساس ماادري !!
وقاعده افكر ياربي اشلون ماراح امتحن احساس مو منطقي كلشششش باجر الامتحان , المهم اني مادرست عدل , درست خراااااابيط ونمت وانا حاسه اني ماراح امتحن , سبحان الله ماادري ليش هالاحساس ..

المهم قعدت الصبح غسلت ويهي وقاعده افرش اسناني جان اسمع صوت بنت خالي تدش علينا تقول بابا جابر توفى وماكو امتحانات انا مااستوعبت ..
صدمممممممه ..

قعدت يمكن اكثر من ساعتين مو متأثره كلششش ومو مستوعبه اصلا ..
بعدين تذكرت القصيده اللي انقالت فيه لما كان مريض الله يرحمه نسيت والله اسمها , امبييييييه من تذكرتها استوعبت ان توفى , معقوووووووووووله ..

قعدت ابجي , الله يرحمه ..

والله فاقدينه حيييل الله يرحمه ..
احس الكويت فقدت انسان عمره ماراح يتكرر , وااااااااااااااي الله يرحمه والله خنقتني العبررررررررره ..

 

[om_fahoOod]

اللهم ارحمن اميرنا الغالي واجعل قيره روض من رياض الجنه .. اللهم ارحمه بواسع رحمتك .. وجمعه ربنا مع النبيين والصالحين وجعل منزله الفردوس الاعلى.. اللهم اميييييييييييييييييييييييييييين...

امبيه حدج عورتي قلبي انا كل ماشوف شي عن ابونا الغالي يعورني قلبي وماقدر امسك دموعي لان يقولون اللي يحبه لابجي عليه يدعيله احسن بس والله ماقدر انسان ماقدر مابجي اذا شفت له اي شي.. انسان خلى لنا هيبه من بين كل الدول لي قالوا كويتي .. الله يرحمه ويغمد روحه الجنه الامير الوالد..صج اللي يستاهل ينقاله امير القلوب.. مهما اتحجى ماراح افي حقه الله يرحمه..

 

[Flower20]

امبييه والله الدموع بعيني
اذكر بيومها كنت برابعة ثانوي وكانت امتحانات الكورس الاول ... وكان عندي امتحانين بيومهاا وحدي متضاايقة

ودقت علي رفيجتي من الصبح لاني كنت اروح معاها .. جان تقولي اليوم عطلة وصوتها كان متغير شوي .. انصدمت قتلها ليش؟؟

جان تقولي بابا جابر مات والله تجمدت مشاعري حزتها من الصدمة ورحت لأمي وابوي كانوا ما يدروون وقلبناها بجي وحزن

الله يرحمه ويغفرله

 

[راقية بأخلاقي]

الله يرحمك يا جابر الخير

ويغفرلك


بنات

وزائرات

وعضوات المنتدى


شاركونا بقصصكم

وادعوا للامير الغالي الاب الحنون بالرحمة والمغفرة والثبات


ولأموات المسلمين


اللهم امين:yaaaaaarb:​

 

[*Sweet Cherry*]

آخخخ هاليوم ما ينسى ابد ابد ابد
هذا ابوي و ابونا كلنا جابر الخير و"جابر ابونا من عمر عرفناه "صج
انا كنت وقتها بره الكويت قمت عادي من النوم وكان يصادف يوم عطله بالديره اللي انا فيها بعد يعني حدي مريحه وراهيه ,وقمت فتحت التلفزيون و لا حاطين قرآن ماستوعبت اللي صاير شالسالفه؟
اقلب اقلب بهالقنوات و لا اكتشف ان صج بابا جابر توفي و هم احس ان لا مو مستوعبه دقيقه خلي ارد على قنوات الكويت
رديت على قناة الكويت او الراي ماتذكر وحده منهم اللي كانت حاطه صورته مع القرآن و لا اكتشف ان صج توفى اهني حسيت الدنيا صكت فيني صج لان انسان عزيز و غالي ما ينسى ابد ولا نقدر على فراقه بس هذا يومه ولا اعتراض على قدر الله ,فانهرت بجي ولا اشاهق بعد من البجي و سويت حركه عمري بحياتي و حتى انا بقمه الغضب يعني ما سويتها حذفت الكنترول على الطوفه من شقول,,من الصدمه القهر اللي اهوه بس اعتقد لاني كنت ماسكته فا لا شعوريا الحركه صارت !
ولا ادق على اهلي بالكويت بعد ماعدلت صوتي وبلوه البجي بعد مابي اخرعهم علي!
وأسألهم شلون و متى و من هالكلام ولا هم ابجي عليهم و انا اتكلم

ماقدر صج امسك نفسي انا الحين اكتب و عيني دمعت
كل ما تذكر هاليوم و كل ما تذكر ابونا جابر او حتى كل ما شوف صورته
تخنقني العبره و الدمعه بعيني

الله يرحمه انشالله و يسكنه فسيح جناته​

 

[ترتوره الحلوه]

الصراحة انصدمت لما سمعت الخبر من زوجى والله قمت ابجى وسألتنى بنتى ماما اشفيج ليش تبجين قلت لها بابا جابر مات وعاد هلت المسجات والتلفونات وعلى فكره صورى بالجريدة طالعة لأنى كنت رايحه المقبرة والله يغفرلك ويرحمك يا جابر الخير

 

[gucciya]

وااي يوم ماينسي ..طبعا كنت قاعده من النوم بنروح السكوول كان عندنا امتحان وقتها...
ولا يرن التلفون من الصبح استغربت ولابنت عمتي اتقولي ..ترا بابا جابر مات وتبجي انا سكرت النلفون وفتحت التي في ماصدقت ولا الخبر صج ولابجيت احس انصمت والله اذكر مابجيت ماستوعبت شي ..واي يوم موحلووو الللللله يرحمك ياحبيبي ابونا جابر

 

[Nonita-q8]

اه يا بوي جابر

اذكر كنت توني حاطه رنه بتلفوني اللي يدق يسمعها
جان يدق ولد عمتي الصبح تقريبا الساعه 6 ونص
جان يقولي استحي على ويهج بابا جابر ميت وانتي حاطه اغاني
جان اقوله شهل كلام احد يتغشمر من الصبح
وانا مو مصدقه جان اطلع بسرعه الصاله ولا امي وابوي قاعدين شفيكم
صج بابا جابر مات
ولا ابوي يبجي
وامي قالت لي اي الله يرحمه رحت ركض غرفتي وقمت ابجي بجي
وكل شويه اشوف التلفزيون ولا يذيعون الخبر اعاده واكمل البجي :"(
الله يرحمك يا ابوي جابر

 

[فطـــومه^_^]

شوفي حبوبه انا مو كويتيه بس والله انه له محبه كبييييييييييره واحترام الله يرحمه ويغفرله
وانا كل ما سمعت سيرته اقول محد يعوض مكانه
الكل سواء كويتي او لا
الـــــــــــكل بكى عليه وعزاااااااااااه بقلبه وبلسانه
والحين اكتبلك وبعيوني دموووع

الله يغمد روحه الجنه

 

[راقية بأخلاقي]

الله بعطيكم العافيه على هالمشاركات اللي اللي تخلي الوحده ما تقاوم دموعها
الله يرحمه برحمته

 

[Artya 【ツ】●]

امبييييييييه ذكرتينييييييي ..

انا كنت بالثانويه وعندي امتحان علوم , قبلها بيوم كنت اطالع الكتاب ومو مهتمه حااااسه اني ماراح امتحن ليش هالاحساس ماادري !!
وقاعده افكر ياربي اشلون ماراح امتحن احساس مو منطقي كلشششش باجر الامتحان , المهم اني مادرست عدل , درست خراااااابيط ونمت وانا حاسه اني ماراح امتحن , سبحان الله ماادري ليش هالاحساس ..

نفسي ،، آنا كنت برابعه ثنوي وكنت طالعه من إمتحان فلسفه ،، طلعت من الإمتحان وحسيت بشي غريب مو عارفه شنو بس انه مآكو أمتحان باجر وماراح أمتحن ومادرست عدل ،، جنه أدري بيصير شي

قعددت الصبح ولا يرن التليفون الساعه 6 ،، آنا اتشائم إذا رن هالحزه :"(


جان ارد عالتليفون ولا يدتي اتقولي عظم الله أجرج ،، الشيخ جابر توفى :|

آنا انصدممممممممممممممممممت قلت لها لا شنو؟ اشدراج منو قالج؟

قالت حطي عالتلفزيون وتأكدي

رحت حق أمي منصدمه وقلت لها الخبر وحده ضايق خلقي ،، قعدت فتره منصدمه مو مستوعبه انه توفى !!

للحين محتفظه بالجرايد لمن توفى وصوره و مقالة بنته

الله يرحمه ويغفر الله إن شاء الله

اهوه صج مات بس للحين عايش بقلوووووووووووووبنا

 

[Artya 【ツ】●]

 

[D!aM0nD]

الله يرحمه ويغفرله

كنت نايمه ووصلني مسج من رفيجتي قمت بتاكد امي كانت قاعده بالصاله تدرس اخوي عنده امتحان
اول مابطلت التلفزيون ولا الخبر
امي شاففته انصدمت جان نقعد نبجي

الله يرحمك ويغمد روحك الجنه

 

[نهاية حبنا]

واااي وانا اقرى الردود اخنقتني العبره ..

انا كنت نايمة وبنت خالي يت قعدتني << من شفتها قلت في شي لان غريبه يايه بيتنا مبجر وبتقعدني ..!

جان تقولي قومي بابا جابر مات @@ انا ضحكت بصراحه قلتله شكووو!! قلتلها روحي الحين ايىى سكرت باب داري وقعدت ابجي شوي << للعلم انا يدتي توفت مابجيت لان نوعي كلش مابجي بحاله وفاه ...

قمت الصاله ولا مسكرين الليتات والتي في ومرت خالي عندنا ومكتأبين


اخخخخخ يابابا جابر الله يرحمه ويغمد روحه الجنه امين ...

 

[أفرض هيبتي]

الله يرحمــــــــكـ بابا جابر.....

أنا كنت قاعده الصبـــح عنــــدي امتحان<<كنت برابعه ثنوي ولا اشوف أمي وأبوي حاطينه ع قناة الكويت انا صراحه انصدمت صكت فيني الدنيا احس الكويت كلها صارت كئيبة.....
المهم رحت المدرسه بنص الطريج جان يقولون لنا ردووووو تكنسلت الامتحانات<<صج من له خلق يمتحن

بس اللي صج كان صدمه لما طلعووووووو دفانه بالتي في

اللــــــــــه يرحمك بابا جابر