شلون تلقيتي خبر صدمة الكويت الكبرى وفاة الامير جابر الغاي الله يرح

[nice-girl]

انا تلقيت الصدمه كان الفير يمكن 4.30
امي دقت جان تقول الشيخ توفى وايييييييييييي
مت من البجي ويوم شفت مراسيم البجي مت زياده
وريلي هم كان ضايق خلقه
وهم كان قبلها بجم يوكم وفاه خالتي ام ريلي
الكل استغرب اني ما بججيت عليها كثر ما بجيت على الشيخ
عسى الله يغفر الله ويغمد رووحه الينه
كان امير دوووله مميز ماماصار ولا راح يصير احد نفس طيبته ومكانته عند اللكويتيتن

 

[غاية مرامي]

انا يومها كنت صج مادري شفيني كنت متثيقله القعدة حق الدوام....كنت وقتها ماصارلي شهر من داومت
دقت اختي على وقالتلي لاتروحين الدوام بابا جابر توفي ولاتقعدين امي على هالخبر لما تقعد بلغيها

على طول نزلت وبطلت التلفزيون ولا اشوف صورته وحاطين قرآان والله اني ماابالغ قعدت ابجي جني ياهل

الله يرحمها مسكنه الجنه ان شاء الله

 

[مدام فستقه]

كنت لابسه وبروح دوام وكان ما لى خلق اداوم
ولا فجاه تلفون يرن يدتى داقه علينا تبلقنا بوفاه الشيخ
انصدمت وضاق خلقي وبجيت بجى
الله يرحمك بابا جابر

 

[lime93]

كنت نايمة في بيت يدي و قعدت الصبح و قلت ليش محد مقعدني حق المدرسة و قالوا انه عطلة الشيخ جابر مات .. انا حددددي انصدمت
الله يرحمه عاشت لنا الكويت و عاشوا اهلهاااا :q8:

 

[*مارلين_مونرو*]

انا كنت نايمه و تلفوني يررررن شلته ولا رفيجتي تقول يعظم الله اجرج بابا جابر توفى والله اخترعت فتحت التي في ولا حاطين صورته و قرآن من الخررعه اخواني كان عندهم امتحانات نص الكورس قعدت اخوي قتله .. امي قعدت من لويتي و قتلها و بجذي البيت كله قعد من لويتي والله رحت داري قمت ابـــجــي برووحي .. الله يرحمك يا بابا جابر و يغفر لك يارب العالمين .. وانا اكتب ردي عالموضوع غورقت عيوني

 

[local]

الله يرحمه
تردينا ليه ذاك اليوم الحزين
يوم قعدنا من النوم بدل ما نسمع صباح الخير.. نسمع أكبر صدمة.. سبحان الله مع انه كان كبير بالسن .. لكن صورته باذهانه صورة ابونا وهو شاب بابتسامته العريضة.. بكنا عليه.. والايام اللي تلت اكدت انا ما بكينا على رخيص بل.. بكينا على رمز من رموز ديرتنا للي راح يبقى عايش بقلوبنا وندعيله
اللهم اغفر له وارحمه ووسع مدخله واجمعنا معه في جنانك وارض عنه يا ارحم الراحمين

 

[الثريا]

الله يرحمك يا بابا جابر
والله الكويت يتيمه من بعدك
وينك تعال شوف شنو قاعد يصير بالكويت ،،، صج فاقدينك :0bee2e8d89:

 

[زوجة ناصر]

انا وقتها كنت راكبة السيارة ورايحة للدوام اتصلت علي الوالدة تنقلي الخبر المحزن و ما صدقتها من البداية صفطت السيارة على جنب و ابي استوعب منها الخبر فقالت الشيخ توفى و حسيت وقتها دم جسمي تجمد و حركة السيارة شوي شوي لي البيت و لما وصلت و دخلت البيت شفت التلفزيون حاشتني الرهبة و الخوف لا تسالوني ليش بس الحمدلله على كل حال اللهم لا اعتراض ماسة من ماسات كويتنا الحبيبة راحت من الدنيا بس تأكوا انه بقلوبنا مزروعه ما راح يقتلع و لا ننساه أبد. :eh_s(11):​

 

[oranGe~Girl]

انا كنت ناايمه قعدتني امي وقالت لي

صدمه يووم سمعت الخير ماكان في اي ردة فعل

بس لمن شغلت التلفزيوون شفت صورة مت بجي

ولي الحين عندي مجله سمره حاطين عنه من صغرة لين ماااات اله يرحمه كل ما اششووفها لازم ابجي

خاشتها بكبتي عشان محد ياخذهااا لان صورها حييييييييل حلوة

 

[راقية بأخلاقي]

 

[أميرة الحزن:)]

انا بقولكم قصتي
اذكر انه كان بامتحانات الفاينال
وكان علينا علوم
المهم لبست واتريقت وقومت اختي عشان توديني المدرسه
اول شي دقت عليها رفيجتها وقالتلها وينج قالتلها ان رايحه اقط اختي المدرسه قاالتلها لا تروحين اليوم مافي دوام بابا جابر اتوفه
طبعا انا واختي مااستوعبنا رحنا المدرسه عشان نتأكد
ولا المدرسه فاضيه مافيها سياايير
مني صدقنا رجعنا البيت ليلحين عايشين الصدمه فتحنا التلفزبون ولا كله قرآن
انا مني رحت فوق جان ابجي
صج صج فقدناك يا الغالي
يا امير القلوب:0bee2e8d89:

 

[me my self and I]

انا كان عندي امتحان فاينل
واقوم من النوم وابدل وكل شي
جان انزل تحت بروح المدرسه ولا السايق يقولي لا بابا قال انتي ما تروحين المدرسه وانا الحين اروح اييب < اخواني> من المدرسه
عاد انا انصدمت ليش تو الناس ما خلص امتحانهم وانا عندي امتحان لازم اروح
جان يقولي دقي على بابا كلمته وقالي ماكو دوام لان الشيخ جابر توفى اول شي من القدمه ما بجيت
بعدين صعدت وبطلت التلفزيون ولا حاطين لقطات من حياته واشياء جذي وانا اطالع وابجي

 

[بنت الديرة:)]

قعدت من النوم ولا مسج (بابا جابر توفى ادعيله)
بهاللحظة جنه الدنيا وقفت وانا كان عندي امتحان فاينل فجيت التلفزيون وشفت تميت مده متجمدة الدموع ومومصدقة
..أنا وايد متعلفة فيه ومتعلقة بديرتي أحس مافي منا ولا في مثل حكامنا بالدنيـــــا كلهاااا..رحت داري وطلعت اللي بقلبي بجيت بجي...دقت علي بنت عمي كانت معاي بنفس الامتحان نفس الشي متجمده الدموع قعدنا ندعيله.. وعقبها رفيجتي دقت تبجي تقول شلون أبونا يروح
ولي يومكم وانا كل ما أتذكره وأشوف صورته لازم أبجي وأدعيله.. بابا جابر الكويت والكويت بابا جابر من أول ما طلعت ع الدنيا ما أتخيلنا بدونه.. كل شي بابا جابر واحنا يهال فجوا التلفزيون حاطين بابا جابر .. مسيرة عشان بابا جابر.. لي تخرجنا بنسلم ع بابا جابر.. كنت بالجامعه أنطر أتخرج عشان نسلم ع بابا جابر.. بس تخرجت وما سلمت عليه
والله لي يومكم أحس إن حلم مو مصدقة أحس هو ويانا لأن كل شي بالكويت يذكرنا فيه..
ويقولون احنا مغرورين شلون ما ننغر وأبونا جابر مدللنا دلال ما صار ولا استوى
احنا فعلا شعب مدلل ويحقلنا الدلال إذا أبونا جابر وأمنا الكويت
..ربي يوسعله بقبره مثل ما وسع على الكويت
ويحفظ الكويت وحكامها ويوفقهم لما يحبه ويــــــرضـــــــــــــــــــــــــــاه

 

[bint_looda]

ابوي دق علي وقالي عدت عليه السؤال قالي اي جابر سكرته اشوف تلفوني ولا مسجات من كل من يدعيله الله يرحمه .. :yaaaaaarb:

 

[bint_looda]

اخنقتني العبره وانا اقرا الردود !!!!

 

[غلا جوري]

انا زوجي يعمل بالحرس الاميري بدسمان عند بابا جابر وكنت نايمه والا اقعد على موبايل زوجي يرن الفجر وجان يكلم ولبس بسرعه ووجهه تغير جنه يبي يبجي اول مره اشوف زوجي جذي ووقلت له شصاير قالي بعدين بعدين وطلع بسرعه..تكدرت لمن شفت زوجي بالحاله هذي قلت ياربي شصاير ..جان اروح افتح التلفزيون والا الاقي قرآن قلت بقلبي معقوله الشيخ سعد توفي الله يرحمه واتصلت على زوجي بسرعه قلت شصاير قالي ماكو شيْ يجذب علي قلت شلون ماكو شيء والتلفزيون فيه قرآن وفجأه زوجي انفجر من البكي وقالي ابونا جابر مات مات والله لايوريكم مت من البجي والحره ولا راد لقضاء الله والله يرحمه

 

[دبدوبه_عسل]

واااى الصراحه يوم حزين كان اذكر كان علينااا امتحاناات الفاينل الخبر حسيناا فيه تقريبا الساعه 6 الصبح كانت امى تقعدنا حق المدرسه ولبسناا وخلصنااا رواحت امى فتحت التلفزيون شافت قرأن تقولناا شعندهم حاطين قران مو عادتهم اكيد فيه شى بعد شوى حططو عاد خبر وفاته الله يرحمه احنااا قلناااا خل نروح المدرسه نشوف يمكن بعد فيه دوام لانه امتحانات خفنااا تروح عليناا رحناا المدرسه ردونااا البيت علطول قالوو مافيه دوام عطله 3 ايام والله يوم رديت البيت قعدناا انا وامى قابلناا التلفزبون ونبجى نشوف هالناس والعالم كلهاا تبجى والله يرحمه ويغمد روحه الجنه ويرحم جميع موتى المسلمين ان شاء الله اميييييييييييين..:yaaaaaarb:

 

[Juanna]

قمت الصبح بروح المدرسة وكنت بدش الحمام كان الجو برا غريب وهادي ماكوو احد واحس كل شي غير وضيقة
عطيت طاف وتوني بدش الحمام جان امي تطلع من دارها دشيت الحمام وبروح البس جان اتقولي امي لا تلبسين ماكوو مدرسة اهني استغربت حييييل قلتلها لييش !!!!!
جان اتقولي الشيخ جابر مااات اهني والله ما صدقت الي انا فيه
:s141:
بعدها فجت امي التلفزيون وتضايقت دعاء وجذي اخبار ومادري شنو قعدت اطالع وانا متضايقة وفكرت حالنا بدوونة شبيصير وليلحيبين حبة موجود:eh_s(11):

 

[راقية بأخلاقي]

اليوم ذكرى وفاة ابوي الغالي الامير جابر الله يرحمه
واتمنى من العضوات يشاركونا قصصهم
وشكرا

 

[Ga6Wa Q8Ya]

انا كنت سهرانه على النت وكنت اكلم واحد جان يقولي نطري نطري اهوا ابوه مادري شنو يشتغل بس قالي انه الامير توفا وفصل رحت حطيت تلفزيون الكويت انطر وانطر وماكان فيه شي عقب تقريبن ساعه حطو قراان جان اروح اقعد امي وابوي وقتلهم وانصدمت حديي الله يرحمه انشااله ويرحم بابا سعد