شلون تلقيتي خبر صدمة الكويت الكبرى وفاة الامير جابر الغاي الله يرح

[kenda]

واي صج هاليوم كان ياربييي شقولكم شوصف

انا دريت الساعه 6 بالضبط دقت علي رفيجتي واتددق اذتني جان ارد عليها وانا بفراشي ودايخه

جان اتقولي بابا جابر عطاج عمره والله اني وقفت على فراشي واعيوني برا ومنصدمه والله بعدها حسيت اني خفيفه

مو حاسه بنفسي وتذكرت اغنية جابر ابونا من عمر عرفناه والله يتلي البجيه ورحت تحت ولا الكل يدري ومتيمعين بالصاله

وثاني يوم رحت مع اختي نمشي بشارع الخليج انشوف الاوضاع هدوء ماكو احد الناس حزنانه

 

[kenda]

واي يتلي البجيه وكشر شعر يمبي والله

الله يرحمك يا ابونا الغالي

 

[vogue grl]

يومها كان عندي امتحان اسلاميه وماكنت دارستله عدل وفوق هذا انصدمت بلخبر لمن امي دخلت علي وقالت لي شيخ جابر توفى حتى اني ماقدرت افكر ومن صدمه مومستوعبه و مومصدقه بعد جم يوم يالله استوعبت انه خلاص توفى وراح
لله يرحمه

 

[تولاي 2009]

اخنقتي العبره لما قريت الردود وماحبيت الكتب الا لما اقراها كلها
انا كنت عند اهلي وقت ولادتي وخوي راح المدرسه ورجع وقال مافيه مدرسه ليش بابا جابر توفي اصصدمنا كلنا وماصدقنا وفتحنا التلفزيون وشفنا المنظر المؤثر وبكينا لما تكلمو عنه وشلون كان دايما يقرأ قرىن وشنو كان يسوي للناس بجيت وكل ماسمع عنه تخنقني العبره
وبعده بسبوع ولدت كنت بسمي ولدي جابر عليه بس ابوه عيا سماه سعد على اخوه
وحتي برمضان بالعشر الأواخر امام المسجد دعاء له فغرفت ان كل الناس يحبونه
الله يرحم موتنا وموتى المسلمين ويكنهم فسيح جناته

 

[اشراقه]

​

انا سعوديه بس مواليد الكويت..صراحه كان يوم حزين وكئيب:0bee2e8d89: دقت علينا اختي كانت جايه عندكم وقالتلنا الخبر احنا ماصدقنا على طول طيران للتلفزيون ودموعنا تذرف مو مصدقين الخبر:eh_s(16):,,وابوي كان حيل متأثر صراحه شعور ماينوصف الله يرحمه اميييييين.. كل اشوف صورته تذكرت ايام اول لما كنا بالكويت ديرة الخيييييييير:3lm1:

 

[حنون 777]

يووووووووووووووووووووووه الله يساامحج اول شي عوورتي قلووبنا
وثاني شي الله يجازيج الخير على هالمووضوع وكل دعوه وذكرى طيبه لابوونا توووسع عليه قبره وتنووره له فيه ياارب



اول شي بقوولكم شغله ..تالي اقوول شلوون انصدمت بالخبر



قبل وفاة بابا جابر رحمة الله عليه ..باسبووعين قااعده جذي..ويتني ضيجة صدر مو طبيعيه من غير سبب

ومادري ليش ...المهم يتني مرة اخوي ولا تقولي شفيج مضاايقه قتلها عندي احسااس ان بابا جابر هالاسبوعين ااخر نصيبه بهالدنيا

جان تقوولي شنو اعووذ بالله فال الله ولا فالج.. انتي احسااسج يصيب تعووذي من ابليس..ويشهد علي ربي ذااك اليوم بجيت بجي مو طبيعي من غير سبب

المهم طاافت الساالفه وماايبت طاريها عقب..
قبل وفااة ابوي جابر رحمة الله عليه
كنت نايمه ابيت اخوي

ادري بتقوولوون جذاابه بس هذا اللي صاار معاي ..وااي مانسى هاليوم بتفاصيله


الساعه 4 جذي يتني رسااله بس من دق التلفون قلبي عورني ماكنت اعرف شي وبصراحه ااجذب ااذاا كنت بيوومها اقوول اني حسيت ان بابا جابر مات

بس حسيت ان المسج فيه خبر مش ولابد ماابطلته وورديت نمه غصب


ولا شووي اتييني مرة اخووي تقوولي قوومي قوومي طالعتها ويهها مصووفر وتخرع قتلها اليهال فيهم شي قالت لا

انتي من جم يوم شقلتي؟
قتلها عن شنو ..<<<انا هني ماايا على بالي هالسالفه

قالت عن بابا جابر ...هني صكككككككككككككككت فيني الدنياااااااااااااااااااااااااااااااااااااااااااااااااااااااااااا



استغفر الله ..اول شي قلت انا لله وانا االيه راجعون

بعدين قمت اخووره ..اقوولها مو من صجج يلا عاد
تحلف لي ورحنا قعدنا وطالعنا القران تصدقوون ماابجيت كل هذا

وبحكم طبيعة شغلي لازم اداوم بهالظرف وانا راايحه الدوام عادي حاطه قران بس مو حااسه بشي يعني ولا حتى بجيت بس مصدومه ماعرف شنو هالشعوور

رحت دوامي ووسوويت شغلي وكل شي طبعا كان يتعلق ببابا جابر واخباره

طلعت من الدوام ياا على بالي ارووح بيت اختي الدوحه..


هني عاد استوعبتتتتتتتتتتتتتتتتت
دوامي شاارعين والثاالث ولا انتواا بطريج المقبره طبعا الشاارع صخه بس كانوا الجيش والشرطه مسووين سوور اوادم على طوول الرصيفين هني استوعبت لما مريت يم المقبره بجيت بجي لدرجة اني سفطت..وتيمعوا علي الشرطه

ومابالغ يووم اقوول انهم نسوا انهم شرطه المفرووض يسالوني ليش توقفين وممنوع .. وقااموا يبجون معاي ويهونون علي وواحد ما انسااه يبجي بصووت ورفيجه لامه يقوله اذكر الله هذا قطع قلبي..

طبعا رحت بيت اختي الكل صاكه فيه الدنيا والبجي والقران ..

الله يرحمه ياارب ويغفر له ويتقبله بوواسع رحمته وعظيم غغرانه ..اللهم اغفر له واكرم نزله وووسع مدخله واغسله بالثلج والماء والبرد ونقه من الذنوب والخطايا كم ينقى الثوب الابيض من الدنس..اللهم لقنه حجته وثبته عند السؤال ..اللهم انقله من مواطن الدود وضيق اللحود الى جنات الخلود انك حميد ودود
اللم امين

(((((((((((((((((((((((( دمعت والله

​

 

[Bq]

كنا بروح المدرسه ولا ولد جيرانا قال الشيخ توفى على الركض على التلفزيون ويتلي القبنه وحتى أكلي ماكملته

الله يرحمه ويقمد روحه الجنه

 

[مطيريه ماركه]

الله يرحمه انا من الصدمة مابجيت او مابقى فيني دموع لان خالي كان توه متوفي ماوصلت الكويت الا بابا جابر توفى الله يرحمه الله يرحمه اليوم الذكرى الثالثة لوفاته ماقول الا ان القلب ليحزن وان العين لتدمع وان على فراقك يا جابر لمحزونون

 

[shelatah]

الله يرحمه

 

[الشرها**]

يووووووووووه أكره هاليوم بس ما أقول غير الله يرحمك يا أبونا جابر فعلا ترى مو خساره فيه كلمه يبه وأنا أبوي عندي غالي ومحد يساويه بس أبوي جابر وأبو أبوي بعد يستاهل ..

ما ودي أذكر هاليوم أناااااااااااااا من عشاق أمير القلوب يعجبني بكل تصرفاته وبحكمته وبحبه لديرته بتواضعه بدينه والأهم بطيبت قلبه أي شيء يهزه ما يتحمل دمعه طفل ولا دمعه عاجز ياااااااااااااااااااااااااااااااااااااااااااااااااااااااااااااااااالله يا كبر قلبك يا أبوي جابر

هاليوم كان عندي أختبار وكان يوم سبت وأول أختبار فاينل لي بالجامعه كنت قايمه الصبح أراجع شوي شفت أخوي يركض على غرفه أبوي ويقعده أخوي ضابط وجاه خبر من الرئاسه يستدعونه وأبوي قام مفزوع ويركض ويقول شنوووووو متى ؟؟ وطلع وعيونه مغورقه وأنا من شدة الموقف تيبست بمكاني ومصكره أذاني ما أبي أسمع هالخبر كنت دايم أمشي وأفتخر فيه ودايم أدعي "" جعل يومي قبل يومه "" أحس الزمن وقف لحظه البيت أحتاس ولما صحيت ما أني مصدقه الخبر نزلت تحت وشفت أختي نفاس تبجي وأمي مصكره عيونها تقول طفووووا التلفزيون ما أبي أشوف صورته .. عاد حجزتها أستوعبت الموضوع ركضت فوق وقعدت أبجي وأرجف وضامه رجولي وطول الثلاث أيام لا تغديت ولا تعشيت ولما تصك فيني الدنيا أوقف عند الدريشه واتامل الشارع يا ناس كان غيررررررررر وربي غير كأنه يبجي كأنه يتألم والناس هدوووووووووء ..

آآآآآآآآآآآآآآآآآآآآآآآآآآآآآآآه .. يقطعك يا صبح علينا تشائمت أخذت أرواحنا مع روح جابر

الله يرحمك يا بابا جابر ويسكنك الجنه يا رب ويجمعنا وياك ..

 

[الشرها**]

إنالله وإنا إليه راجعون ...

 

[FiOnKa]

واااي هاليوم ما انسااااه ,, محفور بقلبي و بذاكرتي ,,

اتذكر كنه سهرانين انا و اختي ,, و بعد صلاة الفير صليت و صعدت قلت بروح انام ,, شوي وله يدق تلفون البيت ردت اختي وله عمي

طبعا استغربت ,, جان يقولها عظم الله اجركم ,, الشيخ جابر توفى ,, و اختي يتلي ركض جان تقولي فيونكه بابا جابر مات .. ما

صدقتها طررت عالتلفزيون بطلته وله صج كله قرآن ,, وااي حسيت انه بلاعيمي قامت توعرني حيل و خنقتني العبرة ,, قعدت ابجي و رحنا

قعدنا امي و ابوي و الكل كان صج يوم حزيينة و كئـييب على كل الكويت ,, الله يرحمك يا بابا جابر و يجعل مثواك الجنه

 

[اوركنزا الحلوة]

تخنقني آلعبره كل مآلمحت صورته
وآقول يآرب جـآبـر تغفر ذنوبهـ
يآرب وسع عليهـ برحمتك قبره
وآكفه عذآب آلقبر وآغفر له ذنوبه ...
انا من دريت الا بنت خالى دازة مسج والا تقول باباجر مات ماصدقت قعدت ابكى طول اليوم

 

[كويتيه متفائله]

واااااااي عوااار قلب :eh_s(16)::eh_s(16):
الله يرحمه ويغمد روحه الجنه ياااارب
خنقتني العبره ونزلت دموووعي :eh_s(11):
رجعتيني لذيج الأيام اللي لايمكن ننساها
كنت وقتها حامل ومن دريت بالخبر لاشعوريا طلعت من البيت كنت حاسه بقمته وماكنت مصدقه الخبر بس كل شي دارمدااري كان يأكد اللي صار
آآآآآآآآآآآآآخ ياقلبي على ذيج الأياام
قامت اتمر كل الأحداااث جداام عيني مثل الشريط ووااايد مواااقف لايمكن أبد اني أنساها ومنو يقدر ينسى أبونا الغالي بابا جابر الله يرحمه

اللهم أغفر له وارحمه واعفو عنه وأكرمه ،، اللهم وسع مدخله وادخله الجنة وغسله بالثلج والماء والبرد
اللهم يمن كتابه وهون حسابه ولين ترابه و ثبت أقدامه وألهمه حسن الجواب ،، اللهم طيب ثراه واكرم مثواه واجعل الجنة مستقره و مأواه
اللهم نور مرقده وعطر مشهده وطيب مضجعه ،، اللهم آنس وحشته وارحم غربته وقه عذاب القبر وعذاب النار ،، اللهم نقه من خطاياه كما ينقى الثوب الأبيض من الدنس
اللهم فسح له في قبره واجعله روضة من رياض الجنة و لا تجعله حفرة من حفر النار ،، اللهم انقله من ضيق اللحود والقبور إلى سعة الدور والقصور مع الذين أنعمت عليهم من الصديقين والصالحين والشهداء
اللهم اجعل له من فوقه ومن تحته ومن أمامه ومن خلفه وعن يمينه وعن يساره نورا من نورك يا نور السماوات والأرض ،، اللهم أبدله دارا خيرا من داره وأهلا خيرا من أهله وأزواجا خيرا من أزواجه واسكنه فسيح جناتك في الدراجات العلي آمين
اللهم إن كان قد أحسن فزد في إحسانه وإن كان قد أساء فتجاوز عن إساءته ،، يا أكرم من سئل ويا أوسع من جاد بالعطايا …خفف أحماله و حط من أوزاره واجعله في مقام من قام لك بالقرآن أناء الليل و أطراف النهار
اللهم كن له بعد الحبيب حبيبا و لدعاء من دعا له سامعا و مجيبا واجعل له من فضلك و رحمتك وجنتك حظا و نصيبا ،، اللهم من أحييته منا فأحييه على الإيمان و من توفيته منا فتوفه على الإسلام
اللهـــم آمــــــــــــــــين

 

[نجوم الظهر]

صكيت علي باب داري وقعدت أبجي​

 

[thbanh^_^7ayrh]

سلاآم
شلونكم شخباركم ؟
انا اول ما تلقيت الخبر اذكر ايام امتحانات قعدت من نوم اخترعت لقيت ساعه 9 صبح
رحت حق امي اقولها يمااا امتحان
ولا تقولي اليوم ماكو مدرسه علشان بابا جابر توفى ااانااا منيي طاقتني البووهه انصدمت \واذكر بعد بجيت
الله يرحمه

 

[a7la tooota]

كان عندي امتحان وكنت بقووم علشان اراجع وادرس شوي وعالساعه 7 الصبح وصلني مسج قعدني من النوووم ( عظم الله أجوركم بوفاة

بابا جابر ) ,, انا هني حدي انصدمت وماصدقت ,, نزلت تحت وحتى ويهي ماغسلته شفت امي وابوي واختي قاعدين يتريقون وبيروحون

دواماتهم ,, قلت حق امي بابا جابر ماااات ,, وامي انصدمت تقولي شنووو ؟؟ اشفيج ؟؟ رحت بطلت التلفزيون والا تلفزيون الكويت حاطين

قرآن هني تأكدت انه صج توفى الله يرحمه عاد رديت قتلهم بابا جابر ماات صج ,, ورحت داري دمعت عيوني

وعلى فكره أنا 15-1 مااااااااااااااااااا أحبه يوم نحس علي مادري ليش

 

[راقية بأخلاقي]

 

[MaRiuM]

قعدتني الشغاله و نزلت لقيت اومي تبجي و يوم شفت التلفزيون انصدمت من كبر صدمتي دموعي ما انزلت تسمرت ابمكاني!!!!!!!

 

[&رعبوووبه&]

قعدت بصلي الفير لقيت مسجات من رفيجتي بالدوام


انصدمت صدمة عمري

الله يرحمه ويسكنه الجنه

مشكووورة