شلون تنضمون مدة الحمال من الي يابت عيال وندمت ومن مايابت وندمت

[رحيل المرافيء]

انا اقول حملي الحين ولدج سنتين و10 شهور وعلى ماتحملين وتولدين يكون الفرق 4 سنوات
وانتي عمرج 28 سنة اقول ييبيهم الحين احسن لانه كل ماكبرت الوحدة مالها خلق الصيحة والحنة والرنة
واذا خاطرج برابع خليه بعد 6 سنين مثلااا

 

[مشتاقة الى الله]

والله كلام البنات عدل امية بالمية

انا ولدي الحين عمره 4 اشهر وزوجي يحايلني يبي بنوتة بس قلتله اصبر خليه يكبر اريد اربيه واهتم فيه وما اقصر في حقه على الاقل سنة وبعد كذا ان شاء الله احمل وابدء كل بعد 3 سنوات ان شاء الله

وحسب راي 4 كفاية في هذا الزمن اذا واحد ومشيب راسي من التفكير كيف راح اسعده وامن مستقبله وحياته اجيب درزن واكون مثل اهلي كيف جابونا وربونا

الحمدلله على كل حال

 

[بربيره]

حلاته او اثنين ورا بعض عشان انتي ترتاحين انا بنتي الحين صار عمرها سنه و شهرين و تحن و تبي تلعب تكسر خاطري بعد هالطفلين مفكره اوقف لي ثلاث سنين عشان اهتم فيهم و اونسهم

 

[(رينا)]

انا افضل ورا بعض
بين كل واحد على الاقل يصير عمره سنه احمل
انا غلطت اني طلعت من الاربعين وحملت كنت مستانسه انه التعب واحد وانهم صغار ويتربون مع بعض
اكبر غلط
لانه كل واحد يبيله عنايه خاصه غير لما كبرو غيره وطق ذبحوني

 

[دارسين]

انا الصراحه نفسج ضايعه اللحين متزوجه من عشر سنين وعندي ي3بنوتات

واللحين حامل وعمري 29
بناتي الكبيره بثالثه والثانيه بأولى والاخيره عمرها 3 سنين والحين توني بالشهر الاول

اذا الله بيرزقني ولدين كافي يارب لك الحمد بس يقولون قطع النسل حرااام

 

[فرس بيضا]

أنا من رايي اقل شي بين كل حماله 3 سنين
أريح للأم وحتى الجاهل ياخذ كفايته دلع واهتمام
يعني أنا مثلاً جبت اول اثنين ورا بعض وتعبت من الغيره اللي بينهم والهواش والمذابح
والثالث فرقه عن الثاني 4 سنييين
بعدين موو حلوه الوحده شغااله تفريخ عيشي حيااتج اهتمي بعمرج وجسمج ولاتنسين السفرات والطلعات
ووو بس 

 

[ام دندوونه]

حبيبتى حسب قدرتج انتي تقدرين تحملين طفلين صغار وراااا بعض..انتي شوفي ظروفج..ووضعج..
انا الحمد الله بين عيالي 3 سنوات..والحمد الله الحين كلهم بالمدرسة واصغر واحد بالروضه..وحامل
والحمد الله كلهم شايلين انفسهم..ولدي الكبير يدرس نفسه..وبنتي ادرسهااااا..والصغير توه داخل الروضه..
والحمد الله ما قصرت معاهم لا باهتمام ولا بحنان..بس مرات اقول لو اني جايبتهم ورا بعض احسن..وناوية ان شاء الله
اجيب اخر اثنين وررا بعض وخلاص ..والله يصلحهم يارب ..ويعييناااا علي تربيتهم..

 

[مزاااج]

الي الله كاتبه بيصير

والله يكتب لج ولنا الخيره ان شاءالله

 

[ღ❤سـنــيـــڪـرز❤ღ]

الله ييسر كل امر يارب
الاغلبيه يقولون وراى بعض والخير ربي يقدمه وييسرة بامرة سبحانه

 

[بنت البدو305]

انا عنديبنت وولد الولد عمره سنه والبنت سنتين
والحمد لله مهتمه في اطفالي وزوجي
واموري تمام وبعد سنه ان شاء الله افكر احمل
واهم شي تتفاهمين انتى وزوجج