شلون حجابكم بالغربه

[AnnaLina]

والله انا عن نفسي طريقه حجابي بالكويت غير عن اهني بالغربه !! بالكويت تكشخين اما بالغربه كلشي عملي خصوصا انج رايحة جامعه وحركة ويبيله شي عملي

 

[موزة ام فارس]

اشلون طريقة الحجاب الاسباني ؟؟؟

 

[بسمه الم]

عاادي ياااقلبي اناا ادرس بلندن وهذااا اهو حجااابي مااغيرته كلش ,,

 

[xtina-90]

banaaaaaat illy ib americaaaaa min weein teshteroon mlafe3kum ????
*
o ana ray min ray il banat 6areqatna ib libs il 7ajab a7la 6areqa

 

[~ مآ يهمـ ~]

انا اشوف انه عادي ماله داعي تغيرين طريقة لفتج ، بس ثبتيها عدددددل ع اساس انه وراج دوام ولفه ومحاااضرااات

وموفقيييييييييييييين حبيباااااتي

عقباااااال التخرررج ان شاءالله

 

[ملح بدويه]

اهم شئ لبس عملي

 

[::كيك وعسل::]

مشكوريين بناااات والله ريحتوني وراي سفره لأروبا...

 

[noor_14_14]

والله الوضع عندنه ببريطانيا عادي جدا
وويانه بنات متنقبات وعادي
يلبسون المانتو والشيله والنقاب بعد
وانا شخصيا البس عبايه الكتف والشيله العاديه
ماكو مشكله لان المسلمين منتشرين وايد وعادي الوضع
تحياتي

 

[Model Look]

حبيبتي انا ببريطانيا ومرات اسويها

احط امطه وكاب ولفه مريييييييييييييييييييييييييييح حده عملي والشكل ارتب

بس بالصيف حر عليه ،، من بدا الحر قمت البس لفه عاديه

 

[كويتية بروما]

الصراحة انا جربت حجاب المصريات
مادري جني مفصخة
بعدين قمت احط الشيلة نفس الكويت العادية بدون النفخة مو حلوة هني
وعادي النظرات مو طبيعية يشككونج بنفسج بس طااااااف
وجنز وبناطيل وبلايز طويلة الصراحة العباية تلفت هني بروما لا رديت الكويت البسها
بس بروما ما في متحجبات كلش بس انا وسالين ريلي يحسبون فيني شي

 

[*+$كويتية$+*]

الله موجود بكل مكان

 

[كويتية 86]

انا بصراحه لبسي مثل ما اهو سواء بالكويت ولا بره صج ان يخزون بس مشكلتهم بصراحه =)

 

[ғ α η ί l ү α]

حبيبتي حجـــابج اهــو حجــابج اللى بالكويت عـــادي والحياه طبيعيه

والغرب ماعندهم نفسنا فضوول وكل واحد يخز لا كل واحد عايش حياته بحريته

وخليج سيمبل اريح لج بالحركه وتمشي

وصدقيني بيستانسون عليج انا والله وحده مسكتني تسألني عن ملفعي لانه ملون وعجبها

يعني الحياه سهله

والله يوفقج ويسر امورج

 

[ғ α η ί l ү α]

banaaaaaat illy ib americaaaaa min weein teshteroon mlafe3kum ????
*
o ana ray min ray il banat 6areqatna ib libs il 7ajab a7la 6areqa

هلا والله انا الصراحه قبل ما اسافر شاريتهم من الكويت

وبأمريكا مادورت بس اذا فيه ليش لا نشتري :ggdw:

 

[أرنوووبة]

رد : شلون حجابكم بالغربه

انا البس ملفعي عادي مثل الكويت بس مافي حركات لافته للنظر و لا شباصات كبيرة بس شعري و الفه و البس القبعة من غير لا اطلع رقبتي و الف الملفع بشكل حلو و هادي. و اللبس عادي مثل ما كنت البس في الكويت يا جينزات و نفانيف طويلة او تنانير طويلة و وسيعة بس احب اكون كشخة و ستايل باحتشام. بس على كل حال انا بالنسبه لبنات الكويت كان لبسي يعتبر محتشم وايد و مو عالموضة الحالية سترشات الخ الخ لان صراحة موضة اغلب البنات هالايام للأسف بعيدة كل البعد عن الحشمه. و الحمدلله الكثيييير من الامريكان وقفونا في مواقف عديدة سواؤ انا او ريلي عشان يبدون اعجابهم بلبسي و في نفس الوقت اعجابهم بحشمتي. الوحدة تحس بالفخر لما تسمع هالكلام و تنستانس وايد لانها تعكس صورة جميلة لبلدها و لدينها ^__^

الله يوفق الجميع يا رب

تحياتي

 

[أرنوووبة]

رد : شلون حجابكم بالغربه

على فكره وايد محلات اون لاين في امريكا و كندا يبيعون ملافع واااااااايد حلوة نفس اللي من الكويت. و بالنسبة للبدي undershirt جم طويل و الوان هم يبيعون و القبعات بعد. يعني ما يحتاج الاهل يدزون

 

[shawoqa]

رد : شلون حجابكم بالغربه

امبيه ريحتوني لوول
انا بعد بروح امريكا و كان شاغلني موضوع الحجاب بالغربه
مشكورين

 

[CALM]

رد : شلون حجابكم بالغربه

حجابج العادى


اختى لما كانت ببريطانيا وتحديدا لندن كانت تشوف منقبات ومبرقعات ومحجبات والوضع طبيعي

 

[ottawa75]

رد : شلون حجابكم بالغربه

:eh_s(17):السلام عليكم انا مغتربة عايشة في كندا صارلي 20 سنة سراحة ما غيرت طريقة ملفعي بس البسة ابكل احتشام لا شعري يطلع ولا ابو تفخة علي قولتهم لانى كلش ما ايد هاذى الاشياء حتى بنتى مولودة اهنية ابكندا تلبس جينز بس اهم شي ايكون القميص او الجاكيت ايغطى من وري اومو ضيج حتي يوم رحت الكويت ازىارة كثرت كلا من الملاقع العادية والعملية اوبالعكس اشوف اهنية في كندا عادى صار الالحجاب حتي في وايد كنديين بنات اسلمو اوتحجبو فلا اتحاتين هالشي اختي واللة ايوفقج انشاللة.