شلون حجابكم بالغربه

[0(مـــســـ(مطير)ــــــك)0]

انا منقبه وقريب ان شاءالله بروح وموشايله هم اللبس خليييييييييييييج براااااااااحتج .. اللي يريحج ومتعوده عليه البسيه ..

شوفي لاتخلين لبسج هم ويزيد الضغط النفسي عليج ..خليج .. عاااااااااااااااااااااااااااااااااااااااااااااادي ..وترى هناك شايفين عرب ومسلمين واجد فلاتحاتين ..

البسي امطه وفوقها اللفه وبس شي مريييييييييييييح وعملي ..

وديري بالج من الكشخه الزايده والدبابيس والشباصه اللي شكبرها اولا تخوفينهم وثانيا يطمعون فيج ..

روحي محل ملافع عاديه واشتري 30 لون ونفس الشي الامطه وشكلي فيهم .. علىحسب لبسج

وترى هالطريقه سهله ومومكلفه وحلوه وموملفته وعمليه حييييييييييييييييييييييييييييييييييل ..

موفقه حبيبتي .. اتمنى اكون افدتج ..

 

[كندية]

سالينى انا أيام دراستى والله على اخر سنه تذكرين حجاب الحجاب , الكريت اللى مايتعفس , الله شكثرهم عندى شكه والبسه ماعندى وقت لا اكوى ولا اصلا اعرف اسوى اللى بنات الكويت يسووونه , واسهل ولا تتبهدلين بالمطر والبرد والحر عل الاقل شكلج مرتب مع البنطرون والشيرت كيووووت تصيررين , بس الشيله لا والله مع الجنطه على الظهر ولا لبس النفانيف اللى بالكويت كلش ماينفع اصلا تحسين نفسج مبهدله مرة جربت وحرمت غير انج تلفتين النظر اتصيرين بزيادة كشخه والناس يالله صباح خير
احلى من السمبل مافيش فى الغربه
بس مووتصيرين شكيرا حجاب على حزام على بنطرون جيزن اوووعك

هههههههههههههه اي والله شكيراا...تعاالي شووفي هني طقم عباايه وشيله وتطريز وكراكييش ..والجوو برد وثلج ..وهذووول بيكشخوون....بصرااحه حراام الوااحد يكشخ مع الثلج والمطر الجوو كلش مايسااعد...ومو عن الوااحد يحرم نفسه بس حراام مايسوى...يعني انا رايحه جاامعه هني يلبسوون البجاامه حق الجاامعه...وربعناا كاشخه ومكياااج جنهاا سااحره من الصبح....واذا بتكحلهاا البستج لج شيله متفووخه ...ماادري الطلبه شلوون يشووفون من صمااخهاااا....

انا كل جنز وهوودي وشيله سووده

الحين في نااس هابين بحركه بااااااااايخه بصرااحه...بداال النقااب تتلثم الله علييكم احد شاايف الموووضه.....المصيبه شكلهم غلط وثاانيه الاخت تقعد تااكل تفصخه شكووووووووووووووووو ....والله في عرب يبطوون الجبد يخربوون صورة الحجباب والنقاااب ......

 

[newuk83]

مني الوضع مسلمين كثر من الانجليز عن منطقتي مانشستر وايد اتشفين حتن عبي شك يلبسون
بس انا في الجامعه شيله عاديه و لبس سمارت جاكيت وقميص جذي ساعات مالي خلق البس هودي

 

[fdeetni]

انا على طبيعتي سواء بأي مكان بالدنيا وما احاول البس هاينك وقبعه وين قاعدين

 

[وبعديين]

اختي بامريكا ولبسها عادي
حجاب وبلايز طويله

 

[36uofaa]

لبسي الحجاب علا طريقتج وماعليج منهم(البراطانيين)
لانه هاذا حجاب مو لعبه والله يوفقكم ان شاء الله

 

[FANTAST!K]

حبيبتي الحجاب اذا تبين حق الشغل والدوام يعني عملي

اخذي ملافع ملونه لون واحد - او لونين : لون واحد واللون الثاني ع الاطراف

الفواتح احلا شي لا تلبسين غوامج

لفيه عادي ودخلي الباجي بطريقه ذربه داخل بلوزتج

لا تحطين امطه شكلها غلط لوووووووول

واذا بلوزتج فيها كاب رفعيه

انا اسوي جذي وعشان ارتاح بعد البس بلايز طوال وتحتها جينز

ولا من شاف ولا من دري

وسلامتج

 

[ساسونة]

انا بامريكا حجابي عادي بس انا جايبه كل الانواع حسب مكانج بس اذا برد حيل ينفع الكبوس الصوف مع الفه الصوف الحياكه البس تحته الامطه من تجربتي واجد ارتحت لحجابات كاروه وايد عمليه خامتها ممتازه غسيل ولبس قصدي اذا متعلقه عدل ودي ادزحق اهلي يدزولي الوان اكثر اشوف الحجاب عادي انا بفرجينيا وميريلاند وحتي بنيويورك بس انتي شنو متعوده السهل وقول للي يستخدمون شباصات الي تسوي تفخه خلوها بالكويت احنا هناك موبالعينها الدور اهني والله الموفق ويستر علينا

 

[جمولة مزيونة]

حبيبتي لبسي شيلة خفيفة عادية ماله داعي التعقيدات و انتي عليج من نفسج

اهم شي الحجاب ما يكون ملفت للنظر و يكون عملي

و الحجاب الاسباني انا ضدة تماما هذا مو حجاب صراحة

خلي لفتج عادية و ان شاء الله ما عليج شر

بالتوفيق ان شاء الله

 

[om-3abdallah]

والله انا الحين بامريكا
لبس الحجاب بالكويت نفس بامريكا ما غبرت شي كلش ملش
شيلات الي فيها شوارفسكي او الملوين والله اتكشخ والبس ليش احرم نفسي علشان انا بره بس وبالكويت اتعدل !!!
حتى والله ايولي امريكيات ويسألون عن شيلات من وين يايبتهم لان يبون مثلهم
ويحبون الستايلي وطريقه لبسي
فعادي بالعكس كوني طبيعيه وملابسج عادي نفس ما كنتي بالكويت
بس مو كل يوم تتكشخين يوم عملي ويوم لا

انا مثلج كل مرة يسالوني من وين الشيلات هاهاهاها يحليلهم:rerrerek:

 

[PinkY Dreams]

والله انا حجابي عادي أمطه و حجاب و الأمريكان متعوديين حتى مايخزوني عادي عندهم

اصلن ذيك رفيجتي قالت لي شافت بالسوق وحده منقبه وريلها ملتحي بعد وعادي الوضع طبيعي

 

[كشموووشه]

ماتير حجابي بامريكا نفس الكويت بس الحين وايد برد يبيلي شيلات صوف لووووووووول
ممكن اعرف شنو الحجاب الاسباني

 

[om-3abdallah]

احنا بفلوريدا والوضع جدا عادي ومافي اي مشكلة على شكل الشيلة الي بالكويت بس طبعا انا مااستخدم الشباصة الي تتفخ حتى بالكويت مااحطها مايعجبني ستايلها وملفتة جدا
المهم حتى لما نروح الوول مارت او اي مكان نمر جنب الامريكان انصدم يقولون لنا ( السلام عليكم ) طلعوا مسلمين ههه وردينا عليهم السلام ماشاء الله الاسلام منتشر بين الامريكان بشكل كبير في منطقتنا الحمدلله فلاتحاتين انا صديقتي ب ايرلندا تدرس وعادي تلبس جنز وهودي والشيلة وتداوم تقول محد يلتفت علي

 

[Stylista_Q8]

لبسي الحجاب مثل ما تلبسينه بالكويت

اهم شي رضا ربج مالج شغل بالاجانب


والله مرة وحده صدمتنييي كنت مسافره سياحة متحجبة اهيه اوكي

لابسه بس امطه لااا وحاطه الشباصه العوده ولا شال يغطي لرقبة ولا هم يحزنووون

وبعد برمودا لووول يعني ليش مغطية الشعر مادري ! واهم شي انه ريلها معاهااااا !!! يالله لا تبلانااا

المغزى من هالقصة لا تصيرين مثلهم .. ولبسي اللي يريحج والاجانب تغيروا وتعودوا على الحجاااب

 

[حنين وطن]

نفس حجابي ونقااب بعد

 

[((بنت الصباح))]

والله والله انى مرة كنت بالمول مروا من عندى ثلاث امريكيات

لابسات نقابات وعبى اسلامية والله

الامريكان صارو احسن منا بدينااا



(((واحنا احجاب مو قادرين نلبسة عدل )))


انا كله كوم واللى تلبس اسكارف وكاب يعنى حجاب


الله يثبتنا بس

 

[عيد الفرح]

شكورين بنات ماقصرتوا
اكتفي بهالردود وما ابي الموضوع يقلب فتاوي وقصص عن الاسلام عشان مايتحرف الموضوع
ياريت المشرفه تسكر موضوعي

 

[موزة ام فارس]

حبيبتي لا تحاتين أهلي بالسفر حجابهم العادي البسيط

لفت نظري بنات الحجاب الاسباني اشلون صاير ؟؟؟ اشلون طريقته ؟؟
وياليت لو فيه صورة افضل

 

[De3La^85]

ولله انا مرات اربط سكارفات ومرات الحجاب العادي مال الكويت شريتلي الشيلات القطن الي هبو فيهم بالشتا

ومرات البس الامطه الي تغطي الرقبه بروحها لول ! مادري يعني كل وحده وذوقها شوفي شنو حلو عليج وانا قاعده واجرب بعمري كل يوم طريقه

شنو الحجاب الاسباني ؟

 

[black_arno0oBa]

هلا حبوبه انا كنت ببرطانيا سنه والحين بروح امريكا يوم انا ببرطانيا ما غيرت حجابي بس ساعات لما يكون الجوو ثلج وبارد حيل كنت البس كبوس مال البرد وشال نفس الحجاب ويغطي الراس والرقبه واشوف البنات القطريات وحتى الكوتيات هابين بطريقه لفه وايد حلوه ومرتبه بس للاسف ما تعلمت اسويها بس مر حطو صورة اميره قطريه كانت بأسبانيا ولابسه نفس الطريقه شكلها حلو ومرتب والله يوفقج يارب