شلون دريتي انج حامل ومنو اللي بشر ومنو اول شخص عرف انتي ولا زوجج

[سنا الفضه]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

وااااااااااااااااي

ذكرتونا

الله يسلمكم

انا ماحملت الا بعد 4 شهوور من زواجي


وكنت رايحه العمرة مع ريلي

ورجعنا من باجر رحنا الشاليه

ويطب فيني بمطبه قويييييييييييييييييه حييييييييييييييييييل


واحنا كنا شاكين ان اختي الكبيرة حامل


وكانت معانا قلت له حررررررررررررررررررام عليك يمكن اختي حامل واتسبب لها اتذمم الياهل

ورحنا الشاليه واستانسنا


وحدرنا الديرة وكانت متأخرةعلي بس يووم


وماكان على بالي


ابدا


بس لقافه ريلي قال لي روحي حللي انا الله خير شاريه تحليل الحمل من اول شهر زواااااج<<ملقوفه اكثر من ريلي

وسويته طلعت حامل ماصدقت

وريته ريلي وقال لي تحليل البول مو اكيد


تحليل الدم هو الموثووق امشي المستشفى وكانت الساعه 11 باليل

وطبعا ماكو تحاليل بالليل

يالله باجر

بس ليش هو طبيب

دخلني وسويت تحليل

وراح قعد مع ربعه بالخفارة انا تميت انطرررررر

جان يطلع لي الهندي ويقول لي

بوسيتيف

هامل

بس بط جبدي ليش ماقال لي مبرووك مثل المسلسلات

ويا ريلي قال لي ها طلع

قلت له شوووف هالهندي ماقال لي مبرووك


هني انا وياه طرنا من الفرحه وقعدنا انتبجبج

وطلعنا قبل لااحد يشوفه يبجي فشله قلت له امش نبجي بالسيارة عيب تبجي هني تطيح من عيون السسترات بعدين

خخخخخخخخخخخ

ورحنا سوينا بخالتي دقه تالي بشرناها


وكلمت امي وخواتي الي افضحوني باليباب


وااااااااااااي اكثر وحده اقرقت بهالموضوع انا

يله يارب احمل الحين بس ماورى بنتي صارت مرة

 

[دكتوراة بالذوق]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

ياقلبي يا اوشال على هالدعوة يارب اااااااااااااااااامين

 

[lolo77]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

اول شي الله يرزق بنت الاحمدي الذرية الصالحه يارب
ويرزق جميع البنات اللي بيون يحملووووووووووون
=============
انا حملت بعد 3 اشهر من الزواج
تزوجت شهر 6 وشهر 7 و8 كنا بشهر العسل مسافرين ( اخر 7 لى اخر 8 )
لمن ردينا الكويت الكل سالني ها ما صار شي ما سويتي شي هناك بالسفر
قتلهم لا بس رديت تيتلي الدوره
وعقب ما يت خلاص حملت تاخرت يومين ريلي يقول يمكن حامل روحي حللي
قتله لا بعد انطر نطرنا لي يوم الخميس ما يت واحنا رايحين زوارت بيت ابوي
شرالي بالطريج التحليل وسويته بالبيت وطلع حامل
عاد يعني انا استحي رحت يم زوجي قتله حامل استانس ما ادري شلون كان
شكله من الفرحه قال حق ابوي وامي وتباوسنا انا وامي والعبره بعيونا
صج ايام وناسه

وبولدي الثني مسكين الاول بسرعه حملت كنت ارضع الكبير وعمره 5 شهوور وما يتلي الدوره
ومرض ولدي قالوا يبون اشعه قالتي الدكتورة لا اتدشين معاه يمكن حامل قتلها لا مو حامل
قالتلي طالما ما يتلج الدوره في احتمال
وخلت في قلبي شك
وفعلا سوتلي تحليل وقالت دقي وعرفي النتيجه
وعقب يومين دقيت قالتي مبرووك حامل انا استانست بس هم ضاق خلقي لان ولدي صغير
وريلي ما كان يبيني احمل بسرعه
بس الحمدلله على كل حال وناسه الصراحه

امبيه انا اللي طولت عليكم
سامحوني

 

[sHa6o0ra]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

ويه عيل انا قصتي تضيق الخلق

اول ماتزوجت حملت على طول مايتني الدوره
وكان ريلي ميت من الوناسه مومصدق

ويافرحه ماتمت ياني نزيف بليل وطاح البيبي طبعا نفسيتي دمار كنت ابجي ولا ابي احد يكلمني ولا يزورني بالمستشفى

ثاني مره حملت رحت قلت حق ريلي كان مستانس بس كان خايف بنفس الوقت يعني وناسه اقل
وهم يا فرحه ماتمت مات البيبي بسرعه ماتهنيت بكلمة حامل

ثالث مره ماشفت بويهه ولا نقطة وناسه كانت خايف ومتوتر وبيومتها كنت شايله جيس جان يصرخ عليي صراخ ويسبني سب هذا اول ماقلتله اني حامل
وذيج الليله نمت وانا ابجي وكنا اثنينا متوترين خايفين على الحمل

وطول معاي الحمل وبعدين اذكر كنت بالجامعه دقيت على ريلي وانا ابجي قالي شفيج قتله حاسه ان البيبي ميت من غير سبب
يا وداني الطبيب سوولي سونار ولا يطلع ميت ابطني مع انه ماصارتلي اي علامه من علامات الاجهاض

اهني استغفر الله بديت اقتنع ان الله موكاتبلي العيال يمكن خيره ولازم ارضى بالقضاء

ورابع مره وخامس مره ماقلت حق ريلي عشان مايستانس ولا يضيق خلقه

والحين بهالحمله الله يخليكم ادعولي ادعولي كل ماايي على بالكم الاجهاض مو سهل كل مره اشتري هدوم للبييب وبعدين اوزعها هدايا على الي يولدون



انا الي صج قصتي فلم هندي

 

[سنا الفضه]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

شطوووووووورة واي عورتي قلبي


ربي يرزقج بالذرية الصالحه

ويقر عينج فيهم



بس حبيبتي ليش ما تراجعين دكتورة نساء وولاده


يمكن معاج ارتخاء بالرحم


فلازم يربطونه لج خاصه وانه الاجهاض تكرر عليج



من راي تراجعين الدكتورة



وربي يكتب لج الذرية الصالحه



ياااااااااااااااااااااااااااااااااارب

 

[b6o6a]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

وااااي شطوره ضيقتي خلقي


انشالله يثبت حملج ... وانتي ديري بالج على نفسج اكلي عدل ولا تشيلين شي ثقيل وكله انسدحي عالاقل بأول الاشهر ... يمكن مافيج حيل بس اهتمي بنفسج والله وياج انشالله

 

[sHa6o0ra]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

انا اجهاضاتي مجهولة السبب ماخليت طبيب مارحت حتى لي سافرت مكان استشير دكاترتكهم محد يدري شفيني

بس انا حاسه ان الله بيفرجها عني هالمره وماباقي الا 3 شهور ان شاء الله ويشرف ولي العهد ينسيني كل شي صار


يزاكم الله خير على دعواتكم الحلوه وعسى الله يحفظلكم اجنتكم وعيالكم

 

[منورة الكويتية]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

واي ماشاء الله
الله يتمم عليكم السعادة ويصلح ذريتكم ويثبت حمل الحامل منكم ويرزق الي ما عندهم يارب

طمنيا عليج بنت الاحمدي وقلبي معاج حبيبتي
الله يرزقج يارب

 

[bnt_kwt]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

شطوره حبيبتي الله يتمم عليج ويثبت حملج يارب ويقر عينج بشوفه مولودج صاحي وعافى مافي شي يارب
وااااااااااي يا بنات سوالفكم تهبل حده الموضوع حلوووووووو
بنوووته واهي بنت الكويت مديرتنا وانتي تتكلمين جنج تتكلمين عني
وانا لي الحين ما احب احلل تحليل حمل لاني فعلا مليت من كلمه نيجاتيف
بس الحمدالله انتي الله يخلي لج عيالج ويرزقج بعد
وانا الله يرزقني بالذريه اللي بموت من كثر التفكير فيهم
وااااااااااي مليت من الدقرات بس يالله الحمدالله عل كل حال

والله يثبت حمل كل وحده فيكم يارب

والله يرزقني بالذريه عاجلا غيلا اجلا يا رب العالمين ويرزق كل محرومه مثلي

 

[لازوردي]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

مشكووووووووورين يا بنات على الردود اللى صج صج حلوه والله ترا احساس وايد حلو.......


وانشالله ياربي ترزق كل محرومه و bnt_kwt وينت الاحمدي بالذريه الصالحه.......


وانشالله ياربي ترزق كل بنت و Miss-Cosmetics ونشامي بالزوج الصالح.......


وانشالله ياربي تثبت حمل كل الحوامل وتثبت لي حملي وترزقنا بطفل سليم وبخير وصحه وعافيه ويكون بأذنك يارب من الصالحين بأذنك يارب العالمين......


والى sHa6o0ra حبيبتي انشاللله ربي يثبت لج حملج ويرزقج بطفل بصحه وعافيه ويكون بأذنه من الصالحين وحبيبتي لازم ترقين نفسج على طول علشان الله يحفضج من العين والنفس انتي والبيبي اللي في بطنج وبالتفيق يالغاليه......


وبعد بنات نبي نشوف ردود حلوه مثلكم يا حلويين ........

 

[ذكريات]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

انا كانت متاخرة علي الدورة يمكن يوم واحد او يمكن كان المفروض اتييني بنفس اليوم بس كان صدري يعورني و كله دايخة سويت التحليل بالبيت و خليت ريلي يطالع التحليل لاني كنت مجربته من قبل مليوووووووووون مرة وايد كانت تتاخر علي و كله يطلع نيجتف ... المهم عقبها رحت سويت تحليل بول و قالت لي اني حامل بس الله ما كتب يستمر

اذكر ريلي كان مستانس و نظرته لي كانت توحي انه طاير من الفرح بس انا لا تعبير مو مصدقة يقول لي اشفيج اقوله ما ادري ما كنت اتخيل اني راح احمل في يوم من الايام خخخخخخخخ

قولوا ان شا الله الله يرزق كل محروم و يرزقني بالذرية الصالحة

 

[ذكريات]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

واااي بنات الموضوع حده يبجي

اذكر ريلي ذاك اليوم شرالي كاميرا ديجتل غالية حييل و انا كنت احن عليه من مدة ابي كاميرا

شرالي اياها هدية الحمل

 

[ام طلال]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

والله انا ماحملت الا بعد 4 سنين زواج ويومها كنت بالدوام ومتأخرة علي الدورة 10 ايام وقلت حق رفيجتي وراحت يابت لي اختبار حمل وسويته بالدوام وطلع خط باهت حييييييل وبعدها رديت البيت ومعاي التحليل الا الخط صار واضح ودقيت على ريلي وانا ابجي قتله ابي لروح المستشفى ووداني وسويت تحليل دم وقالتلي مبروك حامل رحت ركض قلت لريلي و طبعا حزتها بجيت جدام الله وخلقه ودقيت على امي وهم هات يابجي وصليت لربي شكر على هالنعمه

 

[السفيرة عزيزة]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

بعد يعني اشلون دريت

تاخرت على الدوره و راح ريلي شرالي الاختبار اللي تسوينه بالبيت

و سويته و فاجإته و قلت له هاك شوف

و بس

 

[دكتوراة بالذوق]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

شطورة ياربي تولدين بالسلامة وبثبتة ربج حصني نفسج بذكر الله ..


يمكن فيج تابعة ؟




ويارب يرزق كل محروم بالذرية ....




ويرزقنا يارب

 

[sHa6o0ra]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

أشكر كل الاخوات الي دعولي عسى الله يحفظلكم عيالكم واجنتكم ويرزقكم فوقهم اضعاف

وعسى الله يرزق كل محرومه وماتنحرم من هالشعور

وانا قاعده احصن نفسي كثر ما اقدر ومتحسفه ليش ماكنت احصن نفسي قبل والحمدلله على كل حال لي شفت البيبي بالسونار انسى كل شي عسى الله يحفظه

 

[سبائك]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

يــــــــــــــــــاالــــــلــــــه يـــــــــــا ربــــــي يـــــــا حــــــــــــبيبي ترزق كـــــــــل محـــــــــرومه

وتثــــــــــــــــبت حمـــــــــــــــل كـــــــــــل حــــــــامـــــــــل يـــــــــــــــــــــــارب

انا بولدي الاول سويت اختبار بالبيت بس كنت عليميه مو عارفه هل سويته صح ولا غلط

سألت امي قالت لي روحي مختبر السالميه<<<نفس المختبر الي سوت فيه امي تحليل حملها فيني سبحان الله

والله رحت المختبر وسويت التحليل ومن الله علي وعلى زوجي بالفرحه باول حمل لي الحمدلله

والله قمت ارجف ما ادري خوف ولا فرحه!!!!!!!!!

اول ما ركبنا السياره دقيت على امي بشرتها وبعدين زوجي دق على امه يبشرها

 

[ام تروكي 1]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

أما أنا كتبلي الله الحمل بعد سنه وثمان شهور لأن الدوره مو منتظمه عندي شهر تجي وست شهور ماتجي 0 رحت للدكتوره وعطتني منظم للدوره وانتظمت شهرين والثالث ماجت تأخرت حسيت بعوار ببطني مأقدر استحمله قعدت ابجي طول النهار قال زوجي تعالي نروح حق الدكتوره اللي عطتني منظم الدوره ورحت لقيتها مسافره
وقلت خلاص مأقدر اتحمل العوار رحت لدكتوره ثانيه جان ادخل عليها واسرد لها مشاكل الدوره من جديد وجان تسويلي سونار وقالت رحمك فيه <<<<<< كيس حمل0000
ويادموع هلي جان تقول الدكتوره ذكري ربج ماعليه عسير0
وكان زوجي مو عندي بالعياده كان بالسياره ينطرني وانزل من درج العماره وأنا ارجف ماني قادره اوقف عدل من الفرحه وانا مقبله عليه ولا قاعد يكلم بالنقال واركب السياره وجان آخذ نفس عميق وفيني رجفه ماني قادره أتكلم وقال شنو قلتلك بالعوار قلتله تقول حامل جان يبقق عيونه ويطالع واشوف الفرحه ماليه وجهه مو مصدق اللي اقوله
ويدق ويبشر امه وادق أنا وابشر امي ويوم لاينسى بحياتي0 وجبت بنوته حلوه
وبعد ثلاث سنوات حمالت الحمل الثاني وجبت ولد 0
وانا ارضع ولدي كان عمره سنه وثلاث شهور حسيت بحلمة صدري شي غريب
تعرفون طبعا صدر الحامل الحلمه يمغج لونه يصير بني غامج مع العلم ماجتني الدوره من نفاسي
بولدي وأخترعت لايكون حامل وأنا مادري جان ادق على زوجي وقلت جيب معاك تحليل حمل
واحلل ويطلع حمل
معقول لادوره ولاشي وأرضع ولدي واحمل بدون سابق أنذار 0
وتخيلو بنات وضع لااحسد عليه مادري كم لي حامل بالظبط0
وسيدا رحت سويت سونار تخيلو بنات كم شهر لي وان مادري >>>>>>>>>>>>>>>>
اربع شهور 0فيه حرمه بعصر التكنلوجيا والتحاليل والمستشفيات والتطور ماتدري انه حامل له اربع شهور0
بعد اسبوع من الصدمه حسيت ان الجاهل تحرك 0 سبحان الله ماحسيت بوحام ولاشي عاد انا بكل
حملاتي ماحسيت بوحام اللي يقولون عنه واسمع عنه
قولوووو ماشاء الله لا تحسدوني
عاد جبت ولد الله يصلحهم كلهم أجمعين ويصلح عيالكم ان شاء الله ويرزكم الذريه الصالحه0​

 

[sadan]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

السلام عليكم

انا كليت حبوب شهرين لما تزوجت لانى رحت مع زوجى دبلوماسى فقلت غربة وانا ما اعرفة زين خل اكل حبوب

بعدين قطيتهم وعزمنا وسافرنا من لند ن الى الصين و5 دول اخرى وبنهاية الرحلة تعبت ولوعة وقلت من اللوية

لكن بالطيارة تعبت عليهم لان المسافة حول 16 ساعة اواكثر من الصي الى لندن وعلى طول للدتور ولما حلل

قال مبروك حامل وعلى فكرة ما تصدقون شلت الثقل وسبحت بالبحر ووغطست بالطين بس سبحان الله الله كاتبله يعيش

هذى قصتى من طق طق للسلام عليكم

 

[مشمش الحلوه]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

انا تاخت عني الدوره يوم وكان احساسي قوي اني حامل لاني كنت احس لوعه بعض المرات وحللت بالبيت وطلعت الحمدلله حااامل لكن اول شخص عرف هي الغاليه امي وماتصدقون ان ماحد يدري للحين ولا حتى زوجي ؟؟؟؟؟؟؟؟؟؟؟؟ ربي اجعله حملا سليما وازقني وارزق جنيني العافيه في عقله وبدنه وقلبه ودينه يارب العالمين ويسر لي ولادتي يارب العرش العظيم