شلون نحافظ على نظافه ((طرف)) العبايه

[آجًِْمًل آنْسٌِِّآنْة]

حبيباتي انا خام عباتي لماع وررروووووووعة ومع ذلك مايلزق غبار تدرون ليش؟؟؟

لاني لمى امشي بشويش >>>لامشيتي بسرعة عباتك تهف الغبار ويطير ويلزق بعباتج
تاني شي::غسليها على راس الاسبوع لان كثر الغسيل يخرب الخامة ويخلي العباية هريانة(خفيفة وبالية)فكذا تلقط الغبار لخفتها
ثالثا::البسوا كعب او بوت او اي شوز بشرط ان العباة تغطي طرف الجوتي(اكرمكم الله) اللي تحت يعني يادوب تلمس الارض.. وانتي ماشية بماكن غبرتة كثير رفعيها لنص ركبتج ولاعديتيها نزليها وحاولي تتجنبين المشي بالاماكن اللي فيها غبار..

اتمنى اكون ساعدتكم حبيباتي..

 

[الإسراء]

نبي حل !! الله يعافيكم !!

 

[رغد84]

انا عباتي قبل كانت ثقيله
وتشيل كل شيء بالارررض
وامووت قهررر

وخاصه إذا ابروح انا وريلي
اركب السياره واقعد
اطق فيها اطققققققق
وطبعا حالة ريلي وقتهااااااا .. لاتعليق لوووووووول

 

[ام سويرة]

ما اتوقع من الخام
اسم الله عليهم خواتي ثنتين ما تجمع عبيهم تراب
اتوقع المشيه لها دور
مع ان نفس خامة عبايتي بس انا ولله الحمد انظف الشارع
بس بجرب احط شريط ستن يمكن الله يهديها

 

[دلوووعه الكويت]

نفس المشكله

 

[بحر الرمال]

لا المشيه و لا شي
السبب اهو طول العبايه
فصلي العبايه حسب طولج بالضبط..و ا1ا خذو القياس لازم تكونين لابسه فلات

و اذا انتي من النوع اللي تلبسين جواتي كعب خليها اطول ب نص انش بس..
و في بنات يسوون مديل العباه اللي لها ذيل من ورا,يعني طويله من ورا..هذي هم تلم الغبار

 

[@ الرسامة @]

لبسو كعب
ولاتمشين مكان التراب خصوصا جدام البيت
امشي على الكاشي ورفعي عبايتج قبل لا اتدشين السيارة
ولاتصير طويلة حيل




انتهت المشكلة

 

[q8_ToOoOtah 3L]

الوضوع حيييييل حلوا والكل يعاني من هالمشكله....

انا من رايي ::::

1- نوع العبايه يعني الخامه...
2- طولها اختارى الطول المناسب...
3- هذى الشئ اسمعه من امى واختي وفى مره قالها لى هندى يبيع بالمحل انج لاتغسبين العبايه بالغساله....
يعني::
((( اخترى شامبوا العبايات وغسلي عبايتج على ايدج انتي لان لماتغسلينها تلزق على الجسم وتشيل لغبار من لما تتولدفيها الكهرباء وانا استنتجته هاشئ غسلي وحطيها على الحبل وشوفى؟؟؟)))

شورى صرت مدرسة فيزياء لووووووووووووووووووووول...........

 

[يا صغر الفرح في قلبي]

:eh_s(10):

مرحبا اختي الحل عندي









اذا شريتي العبايه قولي للمشغل اللي شريتي منه يحط في نهايه العبايه شريط الستن او الستاااااان
حتى لو تمشين ما يوصل لخامة العبايه


اتمنى اكون قدمت الفائده للجميع

جنه خوش حل؟
:eh_s(10):

 

[كـرمل]

أنا عن نفسي ماعندي هالمشكلة لأني عباتي بلأختصار ماتوصل للأرض وهيا تغطي الجزمة عرفتو علي؟يعني أرفع من الارض بأصبعين تقريبا..............

 

[أم علاوي 14]

المشكلة هذه ابدية ،ـ صرت كل فترة اشتري مرة وحدة 3 الى 6 عبايات واخزنهم يعني وحدة للدوام وتعرفون ارضية المدارس تبرق من النظافة ، وحدة للجمعية ، وحدة للزيارات هذه عاد يعني كاشخة فيها ، وعبايتي بالضبط طولي لين قبل الجوتي عزكم الله

لكن نفس المشكلة ، العباة صار فيها بقع مستعصية تحسين اللون صار من نفس خام العباة بقع ما ادري من وين تطلع لي

والغسالة بهدلت العبايات اكثر

مرة سافرت عند اهلي في دولة خليجية ومعروف عنها الرطوبة وعبايتي يديدة ، وظليت شهر وما شفت العباة تضررت او تغير لونها من تحت وأتوقع السبب الرطوبة لأنه الغبار عندنا حدث ولا حرج
لا تقولون من الخام ، لكن القصة في جونا الحلو وشوارعنا النظيفة​

 

[whitish]

نفس المشكلة ومن زمان اعاني منها !!

لكن الغريب ولا وحده فيكم ذكرت شصير بريولكم

انا صراحة تلوع جبدي من ريولي لاني اكثر شيء البس تكرمون شحاطات

لا تشوفون شصير بريولي والله شيء مؤرف

يعني فوق وصخ العباة توصخ ريولنا

وعيزت منها مرات البس دلاغ شفاف ومرات قصت الجوتي عزكم الله ما تسمح

والحاله حاله

 

[غيدآء]

حتى انا عندي نفس المشكله...

بس ياربي ساعات اشوف بنات وخصوصا بالسووق نفس الخام مال عباتي وماكوو غبار ماشالله...

وانا الوحيده جني جايه من البر وداشه السوق

بس جد جد لووووعه

 

[شوشه منفوشه]

يا ليت في حل

 

[عسولة ودلوعة]

امممم مااتوقع في حل دام في غبار والعباية سوده لووول

بس الظاهر رفيجاتج بالدوام يصفطون يم الباب ونتي تصفطيين بعيييييييييد :dddds::dddds:

الله يقطع سوالفك

 

[سندريلا86]

الحل عندى وان شاءالله يعجبكم بس مو من مخى بنت عمى قالتلى خلى جنطتج مناديل ديتول الرطبه واى بقعه بالعبايه او التراب من تحت مسحيه ويروح وجربته وصج وااايد تخف الغبره الى تحت

هذي طريقتي الخاصة وفعلا معاج حق:wqedqw:

 

[mrs_sugar]

نفس المشكلة

 

[AAA333]

الحـــــل
اختاري خامه زينه .. وانا جربت الحرير المطفي بصرااااااااحه فناااااااااااااااااان .. عيبه الوحيد انه بسرعه يتعفس يعني لازم تحاسبين يوم تقعدين فالسياره p:
وجربت خامه اسمها انترنت .. هذي اكس واكس كبير .. اتشوفينها ماتعفس وشحلاتها وسوادها واو بس ماتخلي شي ماتلقطه من الارض حتى ساعات تشير فالزرع p;
وعندكم الكريب السعودي .. اللي يذبحني بهالخام انه حلوو ومرتب على العبي اللي فيها شغل .. بس العباه تنشق بسرعه من تحت مع الكعب وتصير فيها دوائر مادري اشلون شكلها وادناة الدووون الا اتشوفيين بقع بيضه جلحه ملحه


ونصيحتـــــي خواتي العزيزات
حاولي قد ماتقدرين ان الغسيل يكون باليد مع شامبو خاص للعبايه بدون كومفورت لانه يخرب وانا مجربه !
ولما تخلصين من الغسيل لاتنشرينها برع البيت .. خليها داخل وسكري الدرايش اذا الجو مغبر لين ماتنشف واكويها.. وخلي الغسيل يوم او يومين بالاسبوع واذا فيها بقع حاولي تنظفينها بفوطه سغيره مبلله بماي وشامبو خفيف ونشفيها على طووول
تطلعين وتردين وانشالله ماتشوفين عليها شي .. لانج وانتي تمشين اللي يعلق فيها يطيح بسرعه .. الخامه حرير مطفي .. انصحكم فيه حتى تنتهي هالازمه ..

 

[*الماضي على ويش نعيدهــ*]

ماراح تلقين حل
بس اذا غبرت لا تغسلين العبايه كلها
رشي برشاش ماي بطرف العبايه وافركه
مو لازم تغسلينها كلها

 

[أم عزة]

كلامك صحيح أنا أسوى نفس الشى طزف العبات أمشه بفوطه مبلله لأن كثرة الغشيل تخربها وهم مثل ماقالوا الأخوات طول العبات له دور فى لم الغبار