g6awi
New member
- إنضم
- 3 نوفمبر 2007
- المشاركات
- 3,002
- مستوى التفاعل
- 4
- النقاط
- 0
كثير من الكويتيين يحب اللحم ، وإذا راح للمطاعم يشتهي يطلب ستيك .
طبعاً يقعد الواحد ويقلب في الـ Menu ويشوف انواع الستيك الكثيرة ويحتار شنو يطلب ؟!
أساساً البعض يقول كله لحم شنو الفرق بالله ، وإذا رسه على نوع من الستيك .
وسأله الـ waiter شنو تبي طريقة الطبخ ؟!! .. يفك حلجه ويسأل الـ waiter شنو تنصحني ؟!!
المهم .. يوم شفت هالوضع السيء عند البعض وليس الكل ،، قلت بنزل هالموضوع الي يشرح أنواع قطع الستيك ،، والفـروقات بين طرق الطبخ وشلون يأثر هذا كله على طعم الستيك ؟؟
**
اول شي نشوف اهني شكل البقرة ومن وين ياخذون قطع اللحم ، وكل جزء مبين عليه الـ Cuts ومن وين ياخذونها من أي جزء .. الـ Sirlion والـ Rib واضحين ،، والباقي بوضحه بعد شوي كل واحد على حدة ان شاء الله ...
أنــــواع الــســتــيـــك
طبعاً للستيـك أنــواع كثيرة .. وتعتمد على البلد والأنواع الي دارجه فيه وتلقى قبول من الزبائن .. بالنسبة لـ عندنا والي موجود بـ مطاعمنا من خلال تجربتي لقيتها خـلال 4 أنواع ،، راح أخذها
كل واحد بروحه ,, واشرح شنو وضعه بالضبط ويفرق شنو عن الباقي بـ شنـو ؟!!
**
Sirloin Steak
شحم قليل والنكهة موجودة ،، السيراليون هو الأكثر رواجاً عندنا بالكويت .. ميزته أن سعره عادةً يكون أقل من الباقي وبنفس الوقت فيه نكهة ,, والنكهة طبعاً جايه من الشحم الي فيه .
ووزن السيراليون بالعادة معقول ومشبع لـ شخص ميت من الجوع .. وسعره فيه ومعقول جداً .
طبعاً لو ترجعون لصورة البقرة راح تعرفون من وين ماخذين السيراليون وعادة ياخذونها من فوق .
بـ إختصار لو ما تبي أتعب راسك .. اطلب هذا وانت مرتاح .. لانه فيه شويه من كل شي .
**
Tenderloin Steak, Fillet Mignon
التيندرلوين أو الفيليه منيون ، حطيتهم كلهم في نوع واحد لأنهم تقريباً نفس الشي .. ميزة هالنوع أنه بدون شحم ! .. اللحم يجي طري وايد وهو الاختيار الصحي دايم .
بس لو نرجع مرة ثانية لـصورة البقرة الي فوق وندور عن المكان الي ياخذون منه التيندرلوين بنلقاه صغير وهذا الي يسبب أن هالنوع بالعادة يكون غالي ولا بعد شي ثاني لازم تنتبهون له وتعرفونه أنه هالنوع بالعادة يجيوزنه أخف من باقي الستيكات ..
لأن الشحم اهني ما ياخذ مساحة وبحالة الفيليه منيون يكون شكل اللحم دائري وتجي القطعة صغيرة وبالعادة ما تشبع الناس الجواعة ..
يعني لو تبون شي صحي & بدون شحم .. وبنفس الوقت انتم مو جواعه وايد .. اختاروا هذا
T-Bone Steak
من اسمه واضح شنو فيه .. فيه عظمة على شكل حرف T .. وعلى أجنابها فيه اللحم ..
وطبعاً موجود شحم بهالنوع .. ميزة هالستيك بـ وزنه الكبير عادةً وكمية اللحم الكبيرة الي فيه !!
هذا النوع هو المفضل للناس الي تقدر الستيك لأن طعم اذا انطبخ يصير بطل .. ولكن بنفس الوقت للي مو راعي ستيك ما يجوز لهم وايد لأن تقطيعه مشوار طويل والعظم يسوي زحمه ..
سعره غالي بالعادة .. وهذا شي طبيعي بسبب وزنه الكبير مقارنة بباقي الأنواع ..
الي يبي يطلب هذا يا يكون مجربه من قبل أو جوعان ووده يضرب لـ لحم صجي .
Rib Eye Steak
هذا هو أكثر الأنواع شحم .. وبالتالي الأقوى بالطعم .. طبعاً هالنوع ما راح يجوز الا للناس الي تحب طعم اللحم اذا انطبخ مع الـ Fat .. ومتداول في امريكا وايد ويعشقونه هناك .
-------------------------------
أنـواع الطبخ
الأنواع تتراوح بين ( نيّ - Rare ) و ( مطبوخ - Well Done ) .. بس بما أن محد يحب النـيّ وهالأمور الي مالها داعي ، بـ أختصر السالفة وبحط الـ 3 أنواع المهمة ..
Medium
مثل ما انتم شايفين بالصورة ،، هذا هو الميديم على قولتنا .. الطبخ يكون نص استواء او مستوي ..
من الداخل بيكون لون اللحم وردي ومن برى بني ،، وقت الأكل بيكون الطعم Juicy شوي ومو ناشف .
Medium Well
نفس الشي نرجع ونشوف الصورة ،، هذا بين النص استواء والمستوي .. بالنسبة لي هو أحسن شي ،،
يجي اللحم طري من داخل بس بنفس الوقت مطبوخ .. وما يعور البطن .
يعني اذا رديت البيت ومع الببسي الأكل يتهضم ومو يقعد على قلبك ،، الخيـــار الممــــتــــاز
Well Done
مطبوخ بالكامل .. مشكلته أنك ما تضمن المطعم ممكن بكل سهولة يحرقونه لك من الأطراف ويصير ناشف وتتغصبه ،، ما أفضله أنا أبداً لكن يمكن للناس الي ما تحب الستيك أو الي تحب الأكل مستوي يكون هذا الخيار الأضمن ،، مشكلته بعض الأحيان يكون ناشف .
وهذا اللي اغلب الناس تطلبه اصلا لان احنا مو متعوودين على الباجي بس شكلي بجرب الميديوم ويل
-----------------------
Steal Sauces
انواع الصوصات وايد .. لكن هالنوعين أبرزها :-
الـ A1 موجودة بـ أمريكا ومنتشرة هناك .
أمـا
الـ HP هذه في بريطانيا .
بالنسبة لي أفضل الـ A1 الثانية ما دشت مزاجي مع انه معروف بس ريحتها اساساً تكرم النعمة مدري شلون اقول .. وطبعاً لا مانع من حركتات والشطة والليمون والكاتشب .
صحه وعافيه مقدماً
المووضع منقوول حبيت افيدكم فيه لان كنت ادوور على خريطة الستيك وعلى الستيك اللي بدون شحم
ابي منكم دعوه حلوه ان الله يسهل علي ولادتي ويكمل ولدي بخلقه وخلقه ياااااارب ويقوومنا بالسلامه انا وياه شل
