شلون نظامكم في تجهيز

[fife4ever]

مرحبا انا حبيت اعرف كل وحده شلون تزهب جنطة زوجها لما سافر
او شنو تحط معها اذا رايح عن طريق البر

والحين لما يروح المخيم شنو تحطين له اذا رايح معا ربعه ابي كل وحده وطريقتها

 

[مشغوله و محتاسه]

تصدقين عاد ..
عمري ما حطيتها ..!! اهو اللي يجهز جنطته .. عودني على جذي .. اريح له .. يشيل ويحط اغراضه ويرتبها بمعرفته علشان يلقاها بسرعه

 

[fife4ever]

هلا مشغوله
المشكلة اذا زوجي لم الاغراضه يلمه باي شيء ملابس معفسه وكيس الجمعية
واي شيء يفشل
الحين جهزت فراشه علشان يبي ينام بالبروعطرته ورحت بيت اهلي اتفاجئ انه ما خذ ملابس معاه معفسه من المنشر الي الكيس
امانه ما تنقهرين شنو راح يقولون الرياجيل الحين عني

 

[مزيونه وشقره]

وانا كل ما زهبت له جنطه للبر فيها بجامته وشماغه واعطرهم يقول ويييه ما يسوى ويقط بجامته بالجيس ويمشي

عاد انا اقوله اخذلك كريم مرطب وحمايه وديودرنت وصابون يضحك علي <<<<


يفشلني





مشكوره يا الغاليه







مع تحياتي يا حياتي

مزيونه وشقره​

 

[fife4ever]

اثاريهم نفس الشيء
بالاكياس يلمون اغراضهم

 

[ضحكة الدنيا]

انا ارتب جنطته بس يكون اهو متعاون معاى ويقولى شيبى وشنو مايبى
بس مع الوقت تعودت احطله كل اللى يبيه مرات اهو ينسى اشاء يبيها وانا اذكره فيها
واهم شى فوطته ومشطه وعطره وفرشاته ومعجونه وامواس حلاقه وملابس ودشاديش واغتر
واحطله بجيس بس جيس كشخه مو جيس الجمعيه جواتيه وانتوا بكرامه

 

[توتة27]

اهو يقول اللي يبي وانا احطهم بطريقتي بس لازم اذكره بالاشياء المهه واهم شي اعطرهم بين الصفطات عشان الريحه اتم بالملابس كلهم

 

[أغلى حبيبه]

اهم شي سيادته حق الصلاة ودي احطله قرآن بس ادري بيلها مع ربعه وماراح يجيسه
وبعدين ملابس داخليه على حسب الايام
وبجامات
وجم دشداشه
وجماغات
وفوطتين صغيره وكبيره
ودلاقات
وكبابيس
وتكرمون نعال حق الحمام
وقطن الا>ن + كريم الوي لانه مايستغنى عنهم
والشامبو واغراضه الخاصه وعطر واحد بس .. كله رايح البر حسافه
وشاحن التلفون
والسليب باق اهم شي

وآآآآآآآآآآآخر شي اكتبله جم كلمه حلوه على جم دعاء احطهم بين الملابس عشان ماينساني
ابدا ابدا ابدا وراه وراه هههههههههه

كل هالاشياء بحطهم له وراه طلعت بر بعد جم يوم

وسلالالالالالالالامتكم
ويروحون ويرجعون لنا بالسلامه
والله يصبرني على فرقاه بعد جبدتي والله

 

[fife4ever]

بس ما قلتوا لي كل هالاغراض شكبر الجنطة
وهل كل شيء تحطينه بروحه يعني شنط اصغار او تصففونها

 

[أغلى حبيبه]

شوفي الاغراض على حسب الايام

وحطيهم كلهم بجنطه وحده

 

[رومية]

فايف فورافر.......غير الهدوم اللي يحتاجها أنا دايما أحط جنطة صغيره مثل مالت المكياج....يصير فيها (شامبو صغيييير-كريم صغير..الخ) مثل مالت الفنادق المنظفات الصغار....ماتاخذ مساحه ومرتبه وايد. وأحلى شي أحطه....( بندول + حبوب مص+ حبوب حساسية+وبلاستر للجروح) وطبعا مو بعلبهم ..احط شويه ..اقص شريط البندول بالمقص ..احط اربع مثلا...عرفتي..والله واااااااايد يستانس. امتنى اكون افدتج.

 

[fife4ever]

هلا ورميه
انا شاريه من الرشود جنطه صغيره فيها شامبو وجلي وكل شغل الحمام
وهمن شاريه مبخر المسافر احط كل البخور والطيب
وجنطة تطلع حيل منظمة