شلوون اسوي عيدميلاد الصغيرة..والكبيرة تمووووت غيرة منها :(

[om MaRyooM]

السلااااااام







بناااات امهااات متزوجات يدات .. كلكم :eh_s(7):


مشكلة بنتي العودة مشكلة كبيرة .. كملت ال3ونص غيرتها بشكل موووووووووطبيعي من اختها اللي بتكمل السنة


مافي طريقة ماحاولنا فيها تخفف غيرتها بس كل يوم اسوا من اللي قبل

طق تطقها .. طراقات تتفل .. تعضض وتقرص.. كل شي تتخيلونه سوته باختها


يكسرون خاطري اهما ال2 :eh_s(2):


والحين الصغيره الشهر الياي بتكمل السنة
ودي اسويلها عيدميلاد مابي افرق لأن كل سنة اسوي حق مريوم خوش عيدميلاد


بس ادري الغيرة بتذبحها
وبتشوف الهدايا تيي لأختها !!! مابي ينكسر خاطرها
مع ان ببالي اييبلها وايد هدايا ! بس ادري بتكون عينها على اغراض اختها والانتباه كله بيكون لها فرح تذبحها من الطق لووووول


خصوصا لي طلعنا من زوارة او شي تهجم على اختها وتتفنن بالتقرص والتعضض :eh_s(4):




شرايكم

 

[شادن33]

هههههه أتخيل الصغيره وخدودها مقرصه وحمره هههه الله يخليهم لج حبيبتي

ام مريوم
وديها وياج السوق خليها تجهز معاج للحفله وخليها تختار هديه لاختها يعني ان منها لاختها عرفتي
وانتي بالسوق كلميها قوليلها يلا مريوم أبيح تساعديني بحفله اختج انتي الكبيره وحبيبتي اللي تساعدني
خليها تحس بالمسؤليه تجاه أختها عطيها الأمان اشويه التهي انتي بشغله بالبيت وخليها اجابل أختها وحرصي عليها ها حبيبتي لا تطيح اختج شوفي عليها
عطيها اتاكلها معاج تلبسها اتساعدج يعني هالشي يخليها مسؤوله عن اختها وتخاف تضرها عرفتي شلون

قرقرت وااايد

 

[شادن33]

اي نسيت ام مريوم

وفي الحفله سوي شو كبير يعني خلي مريومه اكشخ وحزه توزيع الهدايا سوي شووو حلو لها واهي تعطي الهديه لاختها
يعني تصفيق حاااد منج من خالاتها تصوير مفرقعااات هههه واللذي منه

والله يحفظكم بس تعبت

 

[ديانا سبنسر]

لبسهم نفس الشي وحطي صورهم على الكيكة هي واختها وجبيلهم انتي وابوهم نفس الهدية ووصي الاهل بجيبون هدايا لها ولاختها وبالتحضيرات خليها تساعدج وان شاء الله تشوفينهم عرايس بالكوشة

 

[منـــاي]

لووووووووووول قولولها هذا عيد ميلادج وقصوا علهيا وحتا الاعلعاب قولولها حقها خو شفهمها الصغيره ماراح تقول شي وعليه

 

[طيبة83]

وي ام مريوم جنج اتسولفين عن بنات اختي

تخيلي عمرهم ١٢ و ١٠ وللحين الكبيره تغييييييييييير من الصغيره وتطقها وتقط عليها نغزات وكلام تحرجها جدام الناس!!

عن الحفله سويلهم ثنتينهم في حفله وحده كل وحده لها كيكه

وحملي بسرعه عشان يصير في بيبي ثالث تتوزع الغيره بينه وبين ريم

 

[نـعـومـه]

اول شي شوفي حل لمشكله الغيره بعدين سالفه الميلاد

اشوف مولازم تشتريلها العاب وايد لاتعود عالغيره والانانيه قوليلها انتي عطيناج وايد والحين دورها

 

[Alias]

لا تسوين عيد ميلاد هذا الشي مؤ من عادات المسلمين وشكرا

 

[توتا حمرا]

هههههههههه الله يعين الصغيرة
لا اتخلين مريوم اتصير انانية حتى لو الياهلة ماتفهم خلها تعرف ان هذا عيد ميلاد اختها وكل وحدة لها حقها
واذا طقت اختها عاقبيها

 

[كادي سويت]

لا تسوين عيد ميلاد تصدقي بنية ان الله يحنن قلبها ويبعد عنها الغيره

 

[توحه1]

انامنراي الات ٣٣شادن وايدها بكل كلمه ولوتخلين العوده تغني بالمكرفون للصغيره وخليها تنقي الهدايا للمعازيم وتنقي الكعكه والشخصيه الي بتحطونها والالوان

 

[مشتطـه]

فكي عمرج ولا تسوين عيدميلاد شي مو ضروري

اول بيبي نخب عمرنا عقب مو لازم

مادررري انا عن نفسي ما احب ومو ضروري العيدميلاد

يمكن استانس لاول عيدميلاد لاول طفل عقب يصير ملاقه وحوسة يهال

من راييي الغي الفكرة

والصغيره مااا درت عن هوا دارج
سوي كيكة لعايلتكم الصغيره بس

 

[om MaRyooM]

بعد عمري كللللللللكم ماقصرتووو

مشكورين

 

[beauty rose]

سوي عيد ميلاد و قصي عليها جنه لهم اثنينهم

 

[PuPa^^SWeeT]

خلي كانه عيد ميلادهم اثنيينهم


و خلي صورتها وياها عالكيكة

واللبس خليهم نفس الشي


بس كشخي الكبيرة مريوومة


و خلي مريومة اتنقي وياج اللي تبينه بالحفلة



و وصي اهلج القراب خواتج امج حموانج

اييبون لمريوم هدية معتبرة



انا عكسج الصغيرة اتغار من الكبيرة

 

[Melazlaza]

انا من راي مشتطة
توها صغيرة بتنحاسين عالفاضي عالاقل اذا كبرت صارت تفهم تكونين حليتي ازمة الغيرة شوي

 

[om MaRyooM]

مشكورين حباايبي

 

[أبله أريج]

حرااااااااااااااااااام اكسرت خاطري النونو​

 

[q8 knosha]

انا حماتي لما سوت عيدميلاد بنتها سوت الثانيه معاها

بس جذي عشان لاتزعل الكيكه فيها صورهم وكل شي حقهم اهما الثنتين لول

 

[~وريثة الملوكـ~]

والله انا اعرف وحده خيرها وااجد ما شااءالله
ماتسوي عيد ميلاد لعيالها لين يدخلون 3 سنين
تقول هالعمر هذا يفهم ويستانس وهييييك شي
اما الصغااار لاحححرام
انا بنتي عمرهاا 6 شهور بسويلهااا بس عشاان بجر
ولا بعديييين بس كيكه وتوزع بينااا بس حركخ
لين تكبر وتفهم ويصير لها رفيجات وتعزمهم وتستانس معااهم

يعني حرام تسوين للصغيره اللي ماتفهم
وتحرين الكبيره اللي تحب هالسوالف