شلوون افطم بنتي عن المصاصة!!!!!! :(

[om MaRyooM]

السلاااااام




بنوتي الصغيرة عمرها 6اشهر الله يحفظها

قررررت ان ابي افطمها عن المصاصة او اللهاية مادري شنسميها لوول


ابي تجاااربكم
شلون ؟؟؟؟؟؟


لأن اذية كافي تقعد واااااايد ميننتني اهي و اختها العودة
ولما تطيح المصاصة سمعو البجي تقعد تدورها

وتظيع وايد .. وكل شوي روحي غسليها ..

كلش مو شي

ودي قبل لاتخلص اجازتي احاول فيها
بليز ظرووووووري

 

[حرم راشد الماجد]

حطي فيها مره وترا المره ما تضر يالعكس مفيده وايد للجسم والمناعه بس بلااااااااااااااا يـأ س

 

[washwoshh]

والله المصاصه نعمه

 

[Q8Ya GiRL]

قصيها وعطيها
او قوليلها القطوه كلتها 

 

[شادن33]

مثل ماقالت حرم راشد
احنا انسوي جذي امي معلمتنا فديتها

 

[Q8tya_GirL]

احسن حل اللي نفع مع بنتي
بعد ما كانت متعلمه على مصاصتين وحده بحلجها والثانيه بيدها وكل شوي تغير بالمصاصه
انه نقعتها بمره جم ساعه وبعدين خذتها اول ما حطتها بحلجها على طول لاعت جبدها منها
وبروحه قطتها فنصيحه جربي المره

 

[om MaRyooM]

وبعد شنو عندكم حلوووول


ومشكورين ماقصرتووو اللي ردو علي

 

[انسه^دراقه]

انا قصيتها وكل ماتطلبها اعطيها المقصوصه وتقطها بروحها بس تعبت جم يوم بالليل لانها كانت ماتنام بدونها

 

[نـعـومـه]

على قوله زوجي شنو مخدر

مو بنتي تعلمت عالمصاصه مادري شلون بقطعها

سالفه المره حيل ناجحه بس موحق هالعمر 6 شهور مايفهم بيمصها يشوف مروره يقطها وثاني بوم ينسى اما كبير هنيه يقطعها بهالطريقه يعرف اهيه شنو

 

[KOKO_284I]

حطي عليها

صبرا هم تكره المصاصه هم اتصبرها

اخذي من العطار

 

[دانة بعين بحاري]

ولدي عمره سنه وللحين المصاصه بحلجه
مو راضي يقطها
بس فعلا بجرب المره يمكن تفيد

 

[شوتايم]

ومنكم نستفيد

ولدي عمره 3 شهور ومن الحين احاتي شلون افطمة عن المصاصة 

 

[Om fhoood]

حبيبتي بنيتج صغيرة عشان تقطعين عنها المصاصة ألحين

ولدي قطعتها من صار عمره سنة قصيتها وبروحه هدها وكان مريض فترتها حبيبي فما دورها كلش

 

[انثى الكويت]

والي بنتها تحب المره وموهامها الموضوع

ابي حل غير المره

 

[om MaRyooM]

مشكورين بناات



انثي
هههههه ظحكتيني
يحلاتها شواقه اسم الله عليها لوووول
يلا همن مفيده لها ترا

 

[@ام يوسف@]

انا جربت المره ومانفعت معاي جربت الحلتيته وهي اللي انفعت معاي

 

[عنووشه]

انا فطمت بنتي وعمرها ثلاث شهور لاعت جبدي كل شوي تطيح وتتوصخ


فقامت تبجي جم يوم وتحن عليها لييين استسلمت

 

[hooryah q8]

بنتي سنه ونص وماتنام الا المصاصه ابحلجها
بجرب المره

 

[*فدك*]

دام عمرها صغير
راح تنساها بسرعه بمجرد قوي قلبج وتحملي بجي يوم وبعدها بتنسى
واحسنلج قطعيها من ٦-٨ شهور احسن عمر اما حسب كلام الدكاتره من ٤ شهور لي ٦ شهور افضل بعد
وترى كل ماكبرت تتعلق فيها زياده وتصير فاهمه وماينفع تحطيلها اشياء بتغسلج المصاصه او تخليج تيبين لها
اول شي يحتاج تقوين قلبج وماتتراجعين يعني مو تقطعين وبعدين قلبج يحن وتعطينها

شوفي انا بنتي فطمتها منها واهيا ٩ شهور
اول شي قالولي تدريجي تعودينها مو بكل وقت. وبعدين بس نومه الليل
انا كانت بكل نومه لازم
فنقعتها بمره من يوم قبل ومامو فايده
ولما يت بتنام العصر عطيتها
وخذتها وعادي ماهمها ونامت
قهرتني بصراحه فنومه الليل قصيتها وهم عادي تحاول تمصها لين قصيتها اكثر وعطيتها
ظلت تبجي
تحملي فوق الساعه متواصل يمكن تبجي شربيها ناي وهديها. وبتنساها ريوم يومين. تنساها ان شااء الله
بس صارت بنتي تعوض المصاصه بالمميه. تشرب خليبهل وتمص وتنام

 

[ام الحلوااات]

بــنـــتــــج واااايـــــــــد صـــغـــيــــرة خــلــيــهـــا لــعــمــــر 9 او 10 شــــهـــــور وبـــعــــديــــن قـــطــــيــهـــــــا