شمعنه جمعياتهم فيها محلات ؟؟ ليش جمعياتنا مافيها؟؟

[لبى العرب]

جمعية القرين 1 فيها مركز عطورات فيه make up for everونوبا وكل الماركات الثانيه والصالون تبع مس هلتون
والقرين2 فيها الشايع ومحل عبي
والقرين3 فيها سناء والنصر

 

[[]نهاوند[]]

تعالي شوفي جمعيتنا الله وكيلج مواد اساسيه مافيه مانبي محلات بس نبي أغراض عدله مثل باجي الجمعيات :eh_s(13):​

 

[ღ•»الًـجٌـوِرٌيّ«•ღ]

غريببه

عاد الحين الجمعيات كلها تطورت وكلها محلات تهبل

واحنا جمعيتنا مشاء الله كل شي فيهااا

 

[MyLittleBerry]

جمعية القرين 1 فيها مركز عطورات فيه make up for everونوبا وكل الماركات الثانيه والصالون تبع مس هلتون
والقرين2 فيها الشايع ومحل عبي
والقرين3 فيها سناء والنصر

وايد عليهم باجي الجمعيات تقولين مول مو جمعيه

 

[bnt_kwt]

هههههههههههههههههه
عادي انا اي شي ابي تلقيني يا بالروضه يا بالشاميه يهبلون

 

[noty]

اهو يعتمد على الادارة

شوفي في جمعيات صج صج تعبانيين عليها

و نمبر وون الروضة و الشاميه من ناحية التجميل

وشوفي كيفان و الدعية ياييين بقوة بعد محلات و مطاعم

بس في جمعيات ميته مافيها شي

اضيق الخلق

واحلى شي بالجمعيه انها تكون دور واحد مو دورين جذي احب الروضة

مو صابون بصوب و كاكاو بصوب ,, قصة على ماتوصلييين

صبري يمكن تتعدل

 

[atooma]

الحال من بعضه

جمعيتنا فقر حدهاااااااا وبغت تكشخ بطلت بيضون

 

[رفرف]

صاجة جمعيات القرين لوووعة حتى صباح السالم ...
الاغراض مقلقصة يم بعض ماكو ممر تطوفين والجمعية دثرة مو مرتبه ...
الله يعافيج حتى كافيه مافيها بس الزين ان كل جمعيات القرين فيها حواي لووووووول يعني قعدو حورفو بعمركم لين تقولون بس ...
انا على طووووول ابمشرف .. أقربلي وجمعيتهم شرحة الصراحة ..

 

[زيـنـه]

كله على الاداره و تعاقدها مع هالشركات .

انتوا كمساهمين طالبوا .

 

[blue ocean]

ويييه عادي اختي هونيها واهي تهون
جميعتنا كانت مرررض اللحين بس ظبطوها وترسوها محلات الحمدالله
بس طول هالعمر كنا صابرين عليها
صبري والله يكون بالعون

 

[جوكليت بار]

مومسألة تفرقه هذا كله من ادارة الجمعيه

احنا منطقتنا صارلها اكثر من 20 سنه وليلحين مبناها كيربي :eh_s(1):

شفتي البووووووق :eh_s(14):

لاومانلقى اغراضنا اللي نبيها واسعارها دبل الدبلات

 

[لازوردي]

حبيبتي مثل ماقالوا البنات يعتمد على ادارة الجمعية و سكان المنطقة يعني لازم السكان يطالبون باللي يحتاجون من الادارة و هم و وقت الانتخابات يرشحون للافضلية و ليس للقبلية

و احنا جمعيتنا قبل كانت كيربي و جنها فرع تلوع الجبد و الحين ماشالله تعالي شوفي شحلاتها اتينن وايد محلات فيها و فيها كل شي و فيها مول بس ناقصنا ستار بكس يكون فيها و تصير فل اوبشن :eh_s(15):

و قبل لا انسي فيها شي وايد وايد مميز وهو اللي ماتلاقينه بالجمعيات تلقينه فيها و اللي موجود بالجمعيات ماتلاقينه فيها ..... شلون جذي مادري بس هم جمعيتنا حلوه ​

​

 

[MyLittleBerry]

شي حلو

لازم نطالب بحقوقنا الجمعيه !

 

[رمانه كويتيه]

حتى ستاربكس ولا كوستا مافيها والله انا ساعات اشتهى كرمل مكياتو ومالى خلق اطلع اطرش سايقى يروح مشرف ايبلى

 

[dalprincess]

صااجه والله انا بالقرين ساكنه ومااااااافيها شي وباااايخه ,,, عكس باجي الجمعيات بيان ومشرف وسلوى ورميثيه ,,,, بس وين لاحياة لمن تنادي

 

[طيبة الكويتية]

ليش هالزعل
ترى مو ناس و ناس والله. لكن هذا كله يعتمد على ادارة الجمعيه و كثرة ارباحها. يعني اذا الأرباح وايد راح يكون عندهم مجال يطورون و يسنعون الجمعيه و يفتحون فيها المحلات اللي تبيونها.

 

[BaiTotia]

أنا مشرف ماأحب غيرها فيها ماشاالله كل شي

بس ساعات أروح بيان اليديدة إذا محتاجه شي مو موجود بمشرف

و الشامية روووووووووعة فيها شكثر محلات ومطاعم بس بعيدة علي

 

[BaiTotia]

وأكثر جمعيتين لوعة شفتهم بحياتي صباح السالم وسلوى ويييييييييع و بيان القديمة بعد نسيتها

 

[زخارف]

احنا جمعيتنا ابيخ جمعية في الكويت والسبب دائما زحمة مثل زحمة رمضان وبعد الساعة ثمان باليل ماتلقين شي مثل صابون ملابس اوبيض اوخضروات واذاابي اغراض لازم مبكر اروح اواطرش ابوالعيال مبكرا علشان يلاقي كل شي ومايجيني احباط 0000وغير هذا اسعارها غالية مقارنة بالجمعيات الى حوالينا واهى كحيانا من كثر البوق من الادارة مع ان القوة الشرائية كبيرة بسسب الكثافة السكانية في المنطقة من سنتين صرنا مانشترى منها

 

[رضاب]

لوووووووووووووووووووووووول


ضحكتيني تبين تشتكين عند وزارة الداخليـــــــــه


بصراحه انا كنت اعاني قبل بس الحمدالله افتحوا بجمعيتنا كذا محل نستفيد منه على السريع