شمعنه جمعياتهم فيها محلات ؟؟ ليش جمعياتنا مافيها؟؟

[jolie_q8]

اختلف معاج بأنها تفرقه بين مناطق ومناطق

وهذا الشي يرجع لكم انتو كمساهمين بالجميعه

المفروض تختاروين أعضاء اداره كفء.. ولهم انجازات ...

لأنه صار أغلب مرشحين الجمعيات يطمحون للمنصب فقط بغض النظر عن

المصلحة العامه للمنطقه .. وعلشان يفيدون أقاربهم وأهلهم .. بالمناقصات اللي

تطرحها الجمعيه.. ويعطون المناقصه للمحلات اللي مو عاجبتكم

والمفروض انتو كمساهمينتقدمون شكاوي للمسؤولين ... عن عدم وجود خدمات بالجمعيه

واذا حسيتو بوجود تلاعب .. تقدرون توصلون الأمر للشؤون .. واهيا تحقق

بالموضوع..

بس طول ما انتو ساكتين ... وبالاخير ناس معينه مسيطره على الجمعيه ..

ولا شي راح يتغير أبدا ..


يعني مثال بسيط : اذا مثلا دشيت جمعيتنا .. (الشاميه) وما لقيت فيها سلعة معينه

كانت على طول متواجده .. على طول أكلم المسؤول..

ويحول طلبي للإدارة

نصيحه : لا تسكتون عن حقوقكم كمساهمين بالجمعيه ..


وشكرا

 

[julanar]

الفاظ غير لائقة

حبيباتي
الشي هذا أولا وقبل كل شي من اداره الجمعيه اللي رياييلكم ينتخبونها
الاداره السنعه تعدل الجمعيه وترفعها فوق مثل ادارة مشرف القديمه

xxxxxxxxxx

بعدين أنصحج تكلمين الشايع بايده حل المشكله

-الرجاء إنتقاء الألفاظ-

 

[الفنانه79]

لا تظايقين ياقلبي انا عازمتج على جمعيتنا ((مشرف))
دامها جريبه يمج-----------ّّ((وحده اتحرج))
صج نحيسه

لا والله الصراحه غلط المفروض كل الجمعيات يحطولهم خدمات زينه حالهم حال باجي المناطق

 

[PearL]

اى والله لا ستار بكس لا شي

وين انروووح ... يعنى جمعيه كيفان فاتحين مطعم بفالوو ووكوستا

وغير الباجي

والضاحيه حاطين فدركرز بالفرع واحنا حدنا مطعم هندي للسمبوسه

ليييييييييييييييييييييييييييييييييييييييييييييييييييييييش !!!


جمعيه العارضيه الدايخه ... حتى مجلات ما يبيعون

احلى شي يمنا الافنيوز .. كل يوم رايحه كارفور بس هم يبيله شكوى

 

[Reeema_q8]

jolie_q8


والله ماينفع

اول ابوي وربعه نزلوو جمعيتنا ونجحو وصاروو اعضاء

دخلوو بنيه صافيه عشان يطلعون الحراميه وطلعوهم وفي مستندات تثبت هالشي

وودوها لحماية المستهلك وقامو سكان المنطقه طمطمو على السالفه

حبيبتي الواسطه فوق القانوووووووووووون

واحنا الضحايااااا

 

[حلم السنين]

عيل شتقولين عن جمعيتنا فااااااااااااااااااااااااااااااااااااااااااشله لابعد درجه

الجهرا مافيها جمعيتين وكل وحده الووووووووووع من الثانيه مافي سلع اساسيه سنعه !! خل يوفرونها عقب يحطوون اضافات

شغل اليهااال ما احصله دايم بالجمعيه اروح مركز سلطان

 

[MyLittleBerry]

على الاقل زين في يمكم مجمع احنا بعاد عن كل شي

 

[عرووووس الكون]

ابيه لما قريت ردود البنات ارتفع ظغطي !


جمعيتنا كيربي على قولتكم وبووووووووووق مو طبيعي

وفوق هذا وسخه !


لازم نشتكي ! مايصير

 

[سويتي الحلوه]

حتي احنا نفس الحاااااااااااااااال

 

[أشواق]

الحمدلله مشرف ما نعاني هالمشااكل بس اكيد فيه عندكم بديل

 

[april_q8]

و الله تبون الصج على مستوى الأوادم اللي ساكنين المنطقة هيهيهيهه انا بمشرف و روحة الجمعية عندنا كانت وناسة و طلعة حلو و نتيمع بستاربكس بس يوم تزوجت و رحت الرحاب ويييييييع الجميعية اذا رحتي تصير ريحتج قلاي و كنت وايد محتجة اقول حرام هذيل بعد ناس و ماكو عدالة لازم يطورونهم شوي بس عقب ما عشت عندهم وييييييييييييييييييييييييييييييييييييييييييع يفشلون بس يكسرون و يخربون و اذا بنية نازلة الجمعية بروحها جيش وراها

 

[سمو]

وي يحليلج ...عندكم بو طقه ؟! ....ههههههههه


ياليت عندنا محلات بوطقه ... مالت على جمعيتنا اللي مافيها شي بس شاطرين يكودوون بالبيره من غير كحول ؟!!! ..اذكر يوم نزلت بالسوق شالوا الدياي الطازج المبرد من الثلاجات وترسوا فيها هالبيره !! وتلوع الجبد وارففها دايم فاضيه ... قوللي الحمدلله على جمعيتكم

 

[درقاء]

:eh_s(8):قوه بنات

شلونكم

بالنسبة للجمعيات من أحلى الجمعيات ،، جمعيتنا " الشامية "
واذا مالقينا شي أو نبي شي على طول الإدارة ،، والإدارة ماتقصر :eh_s(9):

وسكان المناطق لازم يرفعون صوتهم وشكاويهم لين يوصولن للي يبونه، مو من أول مطب خلاص استسلموا، رفعوا الشكاوي الطلبات للأعلى والأعلى والأعلى،، من حقهم لا تسكتون

 

[ضحكة الدنيا]

وانا بعد ملاحظه هالفرق فى جمعيات ماشاء الله جنها سوق كل شى فيها
وجمعيات تكسر الخاطر
الحمد لله جمعيتنا مومن هالنوع انا كل ماتعاجزت اروح السوق اروح الجمعيه واتسوق فيها كل المحلات المعروفه عندنا

 

[MyLittleBerry]

انا اقول يمكن صح على حسب الاوادم

وبعدين محد يطالب عاجبهم الحال!

 

[Raveena]

عيل شتقولين عن جمعية الجابرية قوطي و مافيها مكان

الحين بنو فرع الجمعية الكبير و قالو بيفتحونه من شهر 12/2006 و ليلحين ناطرين الفرج اسعار الشقق اللي يم الجمعية صارت غالية و ليلحين ما بطلوها مادري متى بيفتحونها

 

[MyLittleBerry]

عاد احنا عندنا جمعية مبارك الكبير قاعدين يبنونها يارب يسوون محلات فيها لان ماعتقد الجمعيات القديمه فيها مكان حق محلات لازم يكسرون ويوسعون

 

[b6o6a]

عادي كل الجمعيات كانو جذي ويتعدلون

يايكم الدور ..

 

[xxx]

هلا بنات

بما اني من سكان بيان

صج بجمعيتنا فوق ماشاءالله صار وناسه

بس أتوقع يعتمد على مدير الجمعيه

ليش ماتشتكون بالادارة مالت جمعيتكم ؟؟؟

 

[MyLittleBerry]

جان زين في احد يشتكي معاي لاني انا مستعده بعدين الموضوع ليش حاطينه منقول مانقلته من احد !!!!