~.. شنــو تغــير بـ الكويت من بعـد جآبر الخيــر ؟ موضوع لـ الفضفضه :( ..~

[CUTE ENGINEER]

الله يرحمه والله فقدناه بابا جابر

تغير حال الناس اللي قطوا الحيا للأسف وقصدي النواب

في مجلس الأمة اللي كل يوم واحد يطلع بمستوى يفشل يفشل يفشل

في التعامل الغير راقي

أحس أول كانوا يستحون من الشيخ جابر الله يرحمه

ومن توفى حبيبي قطوا الحيا

 

[شريفة خانوم]

ممم وايد سوالف تغيرت !
قبل ما كنا نعرف بعض بدوي والا حضي سني والا شيعي !!
هذا اكثر شي يحرني ويحز بخاطري !!!
الله يرحمك بابا جابر ويغمد روحك الينة

 

[مس لوتس]

الله يرحمه يارب بجيتيني والله

والله ثم والله ثم والله الكويت من بعده مالها حلا

 

[~> سـراب <~]

كــل شي تغير
الله يرحمه

 

[shmoo5 2ntha]

الله يرحمه يارب ويغمد روحه الجنه

أبونا وراح أكيد بنضيع

والكويت تغيرت خلاص وفقدت فرحتها

بنموت وماننسى أبونا

 

[دنيا غريبه]

الله يرحـــــــــــــــــــــــــــــــــــمكـ ياامير القلــــــــــــــــــــــوب
عسر ربي يرحمك برحمته ياحب الشعب لكـ فقدكـ الشعب والكويت من بعدكـ تغيرت

والله ياقبل ماكنا نعرف الطوائف والسوالف هذي الحين كل من هب ودب حطله قناة وتكلم وسب
مصخره الكويت من بعدك تغيرت حيل الدييره عساه ربي يغفرلك ويرحمك يالغالي

 

[غمآزهـ]

واللـــــــــه بجيتيــــــــــــني

بسسسسسسسس اكييييييييييييييييييييييييييييييد

الكوووووووووووووووووووووووووووووووويت كل يووم تدمــــــــــــع علـــــى فراقــــــــــــــه

ونهــــــــــآرهآ ظــــــــــلآم من دوونـــــــــــــــه

 

[اختكم نانا]

الله يرحمك ويغفر لك

 

[نور النـور]

الله يرحمع ويغفرالله ويسكنه فسيح جناته
يارب ارفعه لجنات الفردوس يا رحمن

والله ماتغير شي بالكويت صراحة والحمدلله شيخنا صباح الله يحفظه ويخليه مو مقصر معانا من الناحية السياسية والاقتصادية والتعليم وكل شي الحمدلله يارب احسن من غيرنا

شنو اللي تغيير ان
كل من قام يتمرد
ومجلس الامة صار زفــت
النفووس حييل تغيرت صرنا مو على قلب واحد محد يحب الثاني
الله يعين
حتى العوازم قاموا يطلعون عليهم نكت !! < شكو بالموضوع بس من القهر يعني قبل محد يطنز على اصل الثاني والحين كل النكت قلبت قبلية وطائفيه
قهر والله

 

[ام جويسم]

موضوع حلو ويعور القلب بنفس الوقت والله ياوخيتي من اول ماطاحت عيني على عنوان موضوعج خنقتني العبره والحين قاعده اكتب وعيوني تدمع




بابا جابر اهو ابوي واهو وطني واهو الامان واهو الاستقرار ألف رحمه على روحك يااغلى من سكن قلبي


تدرون شنو اكثر شي يعور قلبي من اشوف صورته على السيارات لمن نطلع بره


بس ملاحظه للحين بالاعياد الوطنيه يحطون صورته وكأنه للحين اميرنا رحمة الله عليه

والشيخ سعد بعد الف رحمه على ارواحهم

وحسبنا الله ونعم الوكيل

 

[>>روضـة الحسـن<<]

كل شئ تغير \غير حبه محفور بقلوووووبنا

الله يرحمك يالغالي

 

[بحر الذكريات]

الله يرحمه ويغمد روحه الجنه ابونا جابر ويرحم الشيخ سعد رحمة واسعه عز الله فقدناهم

واحنا الله يرحمنا ابرحمته

 

[lovely jojo]

الله يرحمه والكويت من بعده اتغيرت حيـــــــــل
الله يرزقه الجنة يارب ....

 

[هواي كويتي]

بــــــــااختصار الي اقدر اقوولهـ..!

لو كان لأرض اكويت اسم اخر .... فلن يكون الا جاابر

 

[وصيّه جــــابر]

آخييييييييييييييييييييه من قلب آخييييييييييييييييه ,
تغيرت اشياء شكثر شكثر اهم شيء وحدتنا ؟وين وحدتنا
وين كلمتنا ؟؟ طلع من بيننا ناس تفرق ؟ معقولة قمنا نفرق
هذا كويتي هذا مو كويتي ؟؟ قمنا نشكك بوطنية الكويتين


انا كنت قاعده اطقطق باليوتوب جان ااكتب جابر الأحمد
شفت مقطع يبجييييييييييي يبجييييييي حسيت اني لازم لازم اتحجى لازم
اوصل .. كتبت رسالة بالايميل بدون فصحى بدون شيء كلام جذي من القلب للقلب سيدة ..
قلت احطه اهني بنات انشروها خلونا نبدأ عشان الكوييت

السلام عليكُم ورحمةُ الله وبركاااااااتة ..



اخواني خواتي

الكويتين



بقولكم كلام من قلب لي القلب .. لا كلام منمق ولا حجي مرتب .. من القلب للقلب سيدة..



ياكويتين .. شصار بالكويت بآخر 5 سنين ؟ ..

بعد وفاة جابر الكويت تحديداً ؟ .. تغيرت الاوضاع الساسية والنفوس والوحدة وطلعوا لنا احزاب واحزاب؟ ..

والشعب بموقف رفض دائم وواحتجاجات ؟



زين احنا المواطنين شلازم نسوي ؟ . اي شيء تحس انه يخدم بلدك سوه ؟

حتى لو فكرة بينك وبين اهلك صدقني انت قاعد تصلح تصلح من الاهل والاهل ينتجون جيل يصلح الديرة





خلونا نرجع

الكويتين المتواضعين

الكويتين الملتزمين بدينهم

الكويتين الي يهمهم الكويت اولاً واخيراً

الكويتين الي ماعندهم غير حب الكويت

الكويتين الي يوم الغزوا توحدوا ومارضوا يطلعون قعدوا بوجه صدام الغدار حسبي الله عليه

لين تكاتفوا و احتجوا حتى البطاقة المدنية مارضوا يبدلونها ويبدلون بدال كلمة " كويتي " يحطونها" عراقي "

و كان مصيرهم الموت بس ماتوا بشهاده ماتوا بشرف

الله يعافيكم خلوونا نرجع مثل اول عيااااااال جاااابر ونرجع كل صفات جابر

الي غرسها فينا



خلونا اذكركم بجملة قالها ابونا جابر رحمة الله عليه يوم سوا مسابقة الامير " ابي بكل بيت كويتي حافظ قرآن "

الله اكبرررررررر



اهــــــــــــداء هذا الفيديو http://www.youtube.com/watch?v=kbtmgdyioj4

شوفوا بابا جابر قمة التواضع مع الجيش .. بدون بشت بدون كرسي قاعد ع الارض وياكل وياهم ؟

و يأمهم بصــلاة ..





توعدووووووني نـــرجع نبدأ فينا احنا ؟

نــرجع ونــرجع الكويت معانا ؟





اللهم احفظ الكويت و قوي صفوف الكويتين

وحافظ على وحدتهم وكلمتهم . وحافظ على دين والتزام الكويت

و رد كيد كل من يريد سوءاً بالكويت واهلها بنحره





انت لما ضغط على اعادة ارسال

انت تكون بدت تسوي عشان الكويت ..


أدعولي .. " اختكم "

كويتية حُرة

rawan

 

[وصيّه جــــابر]

تغير حال الناس اللي قطوا الحيا للأسف وقصدي النواب

في مجلس الأمة اللي كل يوم واحد يطلع بمستوى يفشل يفشل يفشل

صدقيني المجلس ماراح يستمر 4 سنين؟وان استمر 4 سنين راح نشوف التخلف بالكويت
وكل ماينحل يرجع بفشل اكثر , سياسية المجلس مهتزة حيل

صج شصار على خطة التنمية؟ كلا المليون بلير وراح ؟؟
وينك ياجابر !

 

[masoo 511]

الله يرحم بابا جابرويغمدروحه الجنة ويخلي لنا الشيخ صباح اللي متحمل نفوسنا وقلة ادب بعض النواب وافراد الشعب ترى ماتغير شي بالعكس الكويت ان شاء الله من احسن الى احسن اشتبون بعد زادوا لكم معاشاتكم اول مامسك ابو ناصر الحكم والكويتية اللي متزوجة غير كويتي ساووها مع الكويتي بعلاوة الزوجية والاطفال ترى حتى على ايام بابا جابر حدثت امور سيئة مع اخوانا الشيعة وحدث الغزو وهذي امور تحدث غصب بما انا احنا فينا البدوي والحضري والعيمي والسني والسلفي والاخوان وغيرهم بس احنا بخير سواء ايام الشيخ جابر او الشيخ صباح يمكن الحين شدوا على بعض الناس وبعض البدو لان اهم غلطانين بعد باسلوبهم المستفز وتعليقاتهم على الحكومة بس احنا لو بديرة ثانية وهذول يتطاولون على رئيس الوزراء جان والله مايعرفون منوطقاقهم نحمدالله انا احنا كويتيين وكويتيات ويحكمنا بن صباح يمكن انتو عشتوا ايام بابا جابر الله يرحمه بس اما انا لحقت على صباح السالم الله يرحمه مات وانا في الصف الرابع متوسط وكانت ايامه بالنسبة لنا احسن من ايام بابا جابرلاغزو ولا تفرقة والتربية كانوا يوفرون لنا كل شي بس هذا مايمنع ان حبينا باباجابر بعدحتى لوان صارت امور موزينه على ايامه من احداث تفجيرات والجابرية والغزو وسنة وشيعة بس هذي سياسة واللي يحترم نفسه مايحوشه شي وهو ماله ذنب اما الشيخ صباح الله يحفظه بصراحة قاعديحاول ينمي البلدبس اللي يغلط من الشعب لازم يتعاقب وانا اسأل صاحبة الموضوع شنو قصدج من السؤال موعاجبج الشيخ صباح وسياسته ولا موعاجبج ان مايعطي مجال حق من هب ودب واذا موعاجبتج التفرقة تراها موجودة من زمان ولعن الله من يوقدالفتنة حبوا الكويت بالاول بعدين الافراد سواء باباجابر الله يرحمه او الشيخ صباح الله يحفظه

 

[p!nkiya]

الله يرحم بابا جابرويغمدروحه الجنة ويخلي لنا الشيخ صباح اللي متحمل نفوسنا وقلة ادب بعض النواب وافراد الشعب ترى ماتغير شي بالعكس الكويت ان شاء الله من احسن الى احسن اشتبون بعد زادوا لكم معاشاتكم اول مامسك ابو ناصر الحكم والكويتية اللي متزوجة غير كويتي ساووها مع الكويتي بعلاوة الزوجية والاطفال ترى حتى على ايام بابا جابر حدثت امور سيئة مع اخوانا الشيعة وحدث الغزو وهذي امور تحدث غصب بما انا احنا فينا البدوي والحضري والعيمي والسني والسلفي والاخوان وغيرهم بس احنا بخير سواء ايام الشيخ جابر او الشيخ صباح يمكن الحين شدوا على بعض الناس وبعض البدو لان اهم غلطانين بعد باسلوبهم المستفز وتعليقاتهم على الحكومة بس احنا لو بديرة ثانية وهذول يتطاولون على رئيس الوزراء جان والله مايعرفون منوطقاقهم نحمدالله انا احنا كويتيين وكويتيات ويحكمنا بن صباح يمكن انتو عشتوا ايام بابا جابر الله يرحمه بس اما انا لحقت على صباح السالم الله يرحمه مات وانا في الصف الرابع متوسط وكانت ايامه بالنسبة لنا احسن من ايام بابا جابرلاغزو ولا تفرقة والتربية كانوا يوفرون لنا كل شي بس هذا مايمنع ان حبينا باباجابر بعدحتى لوان صارت امور موزينه على ايامه من احداث تفجيرات والجابرية والغزو وسنة وشيعة بس هذي سياسة واللي يحترم نفسه مايحوشه شي وهو ماله ذنب اما الشيخ صباح الله يحفظه بصراحة قاعديحاول ينمي البلدبس اللي يغلط من الشعب لازم يتعاقب وانا اسأل صاحبة الموضوع شنو قصدج من السؤال موعاجبج الشيخ صباح وسياسته ولا موعاجبج ان مايعطي مجال حق من هب ودب واذا موعاجبتج التفرقة تراها موجودة من زمان ولعن الله من يوقدالفتنة حبوا الكويت بالاول بعدين الافراد سواء باباجابر الله يرحمه او الشيخ صباح الله يحفظه

كلاامج عيين العقل على رااسي والله :d

 

[وصيّه جــــابر]

يغلط من الشعب لازم يتعاقب

اي والله صاجه كلامج عين العقل ديمقراطيتنا بنسبة للشعب طلعت عن الحدود
بس هم يحق لشعب انه يعترض ! هذا من حقه ..


لي تعقيب على حجيج حبوبة
والله ابونا صباح مايقصر وو قاعد يحاول انه يحاوط سياسية البلد
و يعدلها وكلنا عارفين هالشيء
احنا لازم مانتغاضى و نعمي عينا المجلس جم مره انحل ؟ ؟
جم قرار تطبق للحين.؟ خطة التنمية وين وصلت ؟ زين التبرعات للمستشفيات وين تروح ؟
وشبكة التجسس شصار عليها .؟ ليش تكتم الامر؟ انزين انتي قلتي البدو ؟ وانا بدوية ومو انحيازية
انا دايماً مع الحق بس بالله عليج مو فتنة هذي الي صايرة عندنا اجل يطلع لنا واحد ماينعرف اصله
ويعد يسبب تفرقة يقول هذا كويتي هذا موكويتي وقاعدلنا سب بنواب الرابعة
ولاتنسين حبيبتي معركة الجهراء ؟ منو الي قام فيها مو البدو؟ تتوقعين كل البدو بيعادون ديرتهم الي
اهم بالاساس بنوها من اول من اسم الكوت الى الكويت بجانب ال صباح الي أهم من قبيلة بدوية بع
واحنا عارفين ان الشيخ صباح مو مقصر, بس للاسف ماكو تجاوب من الشعب والحكومة ,
احنا نبي تغير فردي مانبي تغير بسياسية ؟ الحرامية بلبد كثروا ؟؟
ومنخشين تحت ستار " نحب الكويت ويهمنا الكويت " .!
انا اتمنى المجلس ينحل و يقعد 5 سنين تكون القرارات حكوومية ؟لين تتعدل اوضاع البلد
و ترجع الديمقراطية الاصلية بمحلها
بنشوف شلون بتسير لاعضاء بدون مجلس >< بدون صيحة كل يوم ><
و موضة الاستجواب الي هابين فيها ,,


وبعدين صاحبة الموضوع ما اعترضت نصًا على حكم الشيخ صباح
والله حكمه على الراس والعين عارفين انه يبذل مجهوده وان الغلط من الشعب؟ ..
بس اهي معترضه على الي صاير بالديرة و حنت لايام حكم جابر ؟ ..
واتوقع ان ايام صباح السالم ماراح تنعاد لأن كان ماسك فيها زمام امور البلد

 

[masoo 511]

اي والله صاجه كلامج عين العقل ديمقراطيتنا بنسبة للشعب طلعت عن الحدود
بس هم يحق لشعب انه يعترض ! هذا من حقه ..


لي تعقيب على حجيج حبوبة
والله ابونا صباح مايقصر وو قاعد يحاول انه يحاوط سياسية البلد
و يعدلها وكلنا عارفين هالشيء
احنا لازم مانتغاضى و نعمي عينا المجلس جم مره انحل ؟ ؟
جم قرار تطبق للحين.؟ خطة التنمية وين وصلت ؟ زين التبرعات للمستشفيات وين تروح ؟
وشبكة التجسس شصار عليها .؟ ليش تكتم الامر؟ انزين انتي قلتي البدو ؟ وانا بدوية ومو انحيازية
انا دايماً مع الحق بس بالله عليج مو فتنة هذي الي صايرة عندنا اجل يطلع لنا واحد ماينعرف اصله
ويعد يسبب تفرقة يقول هذا كويتي هذا موكويتي وقاعدلنا سب بنواب الرابعة
ولاتنسين حبيبتي معركة الجهراء ؟ منو الي قام فيها مو البدو؟ تتوقعين كل البدو بيعادون ديرتهم الي
اهم بالاساس بنوها من اول من اسم الكوت الى الكويت بجانب ال صباح الي أهم من قبيلة بدوية بع
واحنا عارفين ان الشيخ صباح مو مقصر, بس للاسف ماكو تجاوب من الشعب والحكومة ,
احنا نبي تغير فردي مانبي تغير بسياسية ؟ الحرامية بلبد كثروا ؟؟
ومنخشين تحت ستار " نحب الكويت ويهمنا الكويت " .!
انا اتمنى المجلس ينحل و يقعد 5 سنين تكون القرارات حكوومية ؟لين تتعدل اوضاع البلد
و ترجع الديمقراطية الاصلية بمحلها
بنشوف شلون بتسير لاعضاء بدون مجلس >< بدون صيحة كل يوم ><
و موضة الاستجواب الي هابين فيها ,,


وبعدين صاحبة الموضوع ما اعترضت نصًا على حكم الشيخ صباح
والله حكمه على الراس والعين عارفين انه يبذل مجهوده وان الغلط من الشعب؟ ..
بس اهي معترضه على الي صاير بالديرة و حنت لايام حكم جابر ؟ ..
واتوقع ان ايام صباح السالم ماراح تنعاد لأن كان ماسك فيها زمام امور البلد

بصراحة انا احب ردودج ومواضيعج وحياديتج وربي يجمعنا على حب الكويت ويسدد خطى شيوخنا ويرحم اللي مات منهم ويحفظ الحي منهم فديتج حبيبتي