شنوو غلطتج من تزوجتي ؟؟ تعالوا نفضفض

[مفرفشه عالاخر]

up
up
ومنكم نستفيدددددد

 

[هيفاء ksa]

غلطت عمري
1/ كل ماقال شي اصدقه مدري وش هالغباء اللي فيني واثقه ثقه عمياء
2 / كنت اسكت عن اغلاطه واقول ربي يصلح الحال .. بس تمادى ! اكثر واكثر
3/ اني شلت المسوؤليه على راسي والحين لو شنو مايصرف حياه ززززززززفت معاه كثيييير اشياء خليها ع ربك

 

[قُـمـر دنيــآي]

دلوعه صلوووح فضفضي وانا اختج مالنا غيرر بعض

 

[شلة بنات وبس]

التسرع فى اتخاذ القرارات وهذا بحد ذاته غلط ويودي ب 60 داهيه لازم الواحد يفكر مره واثنين وثلاث قبل لا يفكر ياخذ اى قرار وغلط انج تفتحيم قلبج لبنت مهما كان خلى اسرارج مدفونه داخلج وانج ماتكونين ثرثاره وكاشفه كل صفحاتج لرفيجاتج او اهل زوجج

 

[سندس 90]

حللووووو الموووضووع

 

[سوزي الشرقية]

هي ماهي غلطه بس انقهر يعني لمن اقدرالناس وهم مايقدروني ولمن ازورهم وهم مايزورني شيء يبط الجبد
مرت حماي لمن كانت تسافر اروح اودعهاولمن ترجع من السفر اجلس ةياهاواروح اسهروياها ..واني مرتين سافرت ولاطبت الي خيرشر فقلت من وقتها الي يقدرني اقدره وحطه على عيني وراسيـــ

 

[om-3azo-83z]

اغلاطي واااااااااااااااااااااايد ممم....
اكبر غلط اني علمته لو زعلانه هم براضيه بس يحقرني و يكلمني بنفسيه
علمته اني ابديه على نفسي بكل شي حتى بالمشترى لو رايحه اشتري شي حق نفسي و قال عجبه شي له اشتريله على اساس هديه و اقصر على نفسي حتى لو كان شي كبير اسويله المستحيل عشان ياخذه حتى لو فوق طاقتي ما اخلي شي بخاطره
و اكبر مشكله طيبي الزايده مع خواته الللي سوتلي مشاكل من فتره الملجه بس كنت ناااااااااادر اقوله اذا سمع شي اقوله ما سمع اسكت و اكلها بعدين

 

[الشيرازية]

اغلاطي خليط من معظم الاغلاط اللي انذكرت والحمدلله علي كل حال والله يهديلنا رجاجيلنا

 

[نكهةالبرتقال]

غلطتي مع الكل : إني صريحة ، و مع الصراحة تطلع أشياء بقلبي ماحب الناس يعرفونها

و غلطتي الثانية : إني عصبية حيل ، إذا عصبت أخرب الدنيا ، و ممكن أضطر أرقع بعدين

اكتشفت إن الصمت زينة

و اكتشفت ان انا انسانة احب الكلام الطيب الحسن و الاسلوب الحلو ، بس مرات اقعد مع ناس مو متعودين عالذرابة

تاخذ منج ما تعطيج ، و لو عطيتيها شي ما تقول حتى شكرا ، مادري الناس اطباع

مو كلهم متربين عالذرابة و السنع اللي تربيت عليه


توقعي غير المتوقع

 

[قُـمـر دنيــآي]

اوووبا

 

[امـ خــزامـى]

حلو الموضوع تسلمين حبيبتي


غلطتي اني سكت عن اشياء وتنازلت عن اشياء هي اساس الحياة

يعني مااخذت موقف قوي يفيدني كله صراخ وصياح وعصبيه وماستفدت شي الا ان نفسيتي دمرت

بس الحمدالله تداركت الوضع


الغلطه اللثانيه كنت صرييييحه ومااحب الكذب ولا المجاملات وزوجي يحب المدح مو واثق من نفسه
وانا غبيه يعني لو من البدايه امدح فيه وبجماله وبالاخلاق وبكل شي امدحه كان تغير الحال


الغلطه الثالثه اني كنت صدوووووووقه كل كلمه يقولها اصدقها


وغلطات كثيره بس الله يعطينا على قد نيتتا وياجرنا ياكريم

 

[$$king moon$$]

انا كنت كل شي اقوله حق زوجي في بداية زواجنا سوالفنا بالزوارات
واخر اخبار رفيجاتي واهله واهلنا وبعدين اما نتزاعل
اييب طاريهم فحرمت وتبت
وفيه شي ثاني الحين اسويه بس ماندمت عليه
كل شي اقوله حق خالتي اذا تزاعلت انا وزوجي
او ضايقني يعني مااخش عنها شي حتن لو اطب بولدها
هئ هئ بس من سوالف البنات بديت اقول جنه غلط
لازم مااقول*

 

[THE HONEY]

الله يصلح حالكم بنـــــــــــــــات :***

 

[اميره1980]

انا غلطتي اني خربت ريجيمي اللي تعبت فيه
قص علي ايام الملجة و قالي اكلي شوي و فرفرني بالمطاعم لحد ما رديت امتن من قبل و بنفجر من المتن
الحين الحمدلله بسوي عملية التكميم و برد اضعف ان شاء الله بصحة و عافية و اشوووووووت المتن على ...... لوووول

 

[شيهانه بحريه]

انا ماتزوجت بس تجاربكم حيل مفيده لنا..
الله لايحرمنا منكم ..

 

[مرقووقه]

غلطتي دخلت على حموله بطيبه قلب واهم الحمد لله والشكر شريرات


خليتهم يتدخلون بحياتي بس اشوه اني صحيت و وقف كل شخص عند حده

 

[سهليه اجوديه]

منكم نتعلم

 

[انثى عاشقة]

غلطتي قدمت تنازلات في بداية زواجي ع اساس اني سنعة وبصبر خلته يتمادى
واني من قوة المستحا ما اطلب منه الين تعود يقصر
عاملت اهله بالطيبة ولا اوصل له حركاتهم معاي
واكتشفت ان امه وخواته من وراي يحرشونه علي
صرت بنظره الغلطانة
الحين ستووووب كل هذا غيرته ولا صرت اسكت

 

[إم بــــرٍآك]

غلطت عمرررررري اني وثقت بأهل زوجي يييييييييييع ومآآاقصر ويآهم بس للأس مآيستآآهلون الطيب

 

[يا كويتنا]

غلطتي الوحيده


اني تنازلت عن طلب الشقه ورضيت اعيش مع اهله بغرفه وحماام بس


لا تقولون ما ياثر ياااه شكثر سبب مشاكل بيننا