شنوو غلطتج من تزوجتي ؟؟ تعالوا نفضفض

[اميره بعيونه88]

انا اتعلم منكم والله يوفق الجمـــ<3ـــــــــــيع

 

[لمى الهاجري]

اب اب

 

[*Manoush*]

ااااااااخ دستي عالجرح

غلطت عمري اني رضيت اسكن في بيت الحمولة
اكبر غلطة بحياتي والله العظيم
غلطااانه اني رضيت اسكن وياهم كنت غبيييييية

مولانهم ينعافون اوكريهين لالا ظليمتهم شينه
بس الصراحة اهما حشريين شوي ويتشرهون واايد وماعندهم اتكيت فالكلام والسلام او الذوق العام معدوم عندهم واحنا هالشي اساسي بأهلي الكلمة الطيبة والريج الحلو والذرابة ( يعني مثلا كل المسبات تدور عندهم عااادي والي متزوجة عادي تخر خصوصياتها مع ريلها ويع ) هالحجي طبعا مايدووووور ببيت اهلي اصلا عيييييب
طبعا ماعندهم احترام للخصوصيات انسوا عادي يسألونج عن كل زفت بحياتج وحياة اهلج
طبعي وطبع اهلي وطريقة حياتنا مختلفة عن اهل زوجي 180 درجة
فسكني وياهم غلط غلط غلط ومتحسفة قد شعر راسي
يعني الحمدالله امي معدتنا عالنظافة والكلنكسات بكل مكان والارضيات والقنفات تلق من النظافه
واهل زوجي الله يهداهم تلقون القراطيس بالقاع ودبق ووصخ والكلنكس مايدور عندهم يعني خشمج ينعصل وماتحصلين حبة كلنكس بالصالة
موقادرة اتوالم وياهم طبعي شمال وطبعهم جنوووووب

بس انا مومثلكم ماعمقت علاقتي وياهم
اوكي علاقة احترام وجذي بس مومتعقة وياهم ابدا لانه اساسا ام زوجي كشيت منها من قبل الملجة سوت لنا سالفة على الاستقبال والعرس وجذي
فقلت اذا هذي اولها ينعاف تاليها ماني مرتبطة فيهم حيل وخل يقولون موسنعه بالطقاق اهم شي راحتي
مرت حماي علاقتها قوية حيل مع اهل زوجي 24 ساعه عندهم سفر وقعدات وانا النقيييييض عكسها تمامااا وبصراحة مفتكة منهم كلهم خالتي وحمواتي ومرت حماي
روح بعييييد وتعال سالم
وعسى الله يرزقني السكن بروووووووحي بعيد عنهم ياااااارب

امبي قرقت وايد بس صج صج ابي افضفض لايعه جبدي من السكن وياهم :eh_s(4):

 

[FJ style]

الغلط اني من البداية علمته اصرف ع نفسي وعقب ع عيالي وقمت اييب اغراض البيت والجمعية وادفع اغلب مشاويرنا وطلعاتنا ومصاريف اليهال ووووووو
مع ان عنده بس علبو ان استحي اطلب
وكاهو قام يصرف ع وناسته وهواياته وان طلبت للبيت عطاني حده حده


الغلطة الثانية من بداية زواجنا سحبني من صديقاتي ووصاني ما اتعرف ع احد بحكم اني تزوجت صغيرة
بس انعزلت عن العالم ويوم كبرت اهو عنده ربع ويستانس وانا ما عندي ناس وكل طلعاتي لليهال وبس

الغلطة الثالثة عودته مشاويري اقضيها وهم مشاوير اليهال اقضيها اذا طبيب تطعيم سوق حتى النادي والطلعات ووووو
اليهال قامو يشتاقون له وطلعتهم معاه يالا مطعم عشانه ويردنا واهم بخاطرهم لعب ووناسه
حتى السينما ما يشاركهم ولا شي

واضح ان غلطاتي تتعلق بتحملي لكل شي وخليته فري كويت عالاخر

 

[shy rose]

اب..

 

[جمالي خلاب]

بصراحه انا مشكلتي ان مسويه زوجي صديقي اقوله كلشش بس مع الوقت عرفت ان الزوج يظل زوج ولابد من صديقه تفهم علي اكثرر وتتفهم همومي واسرارك خاااااااااصه بمجتمع نسائي مع صديقتك وبسسسسس

نفسسسج

انا كنت كل شي اقوله حق زوجي في بداية زواجنا سوالفنا بالزوارات
واخر اخبار رفيجاتي واهله واهلنا وبعدين اما نتزاعل
اييب طاريهم فحرمت وتبت
وفيه شي ثاني الحين اسويه بس ماندمت عليه
كل شي اقوله حق خالتي اذا تزاعلت انا وزوجي
او ضايقني يعني مااخش عنها شي حتن لو اطب بولدها
هئ هئ بس من سوالف البنات بديت اقول جنه غلط
لازم مااقول*

اكبر غلطاتي

 

[تحبني ولا ...]

اكببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببر غلطه


اني طيبه مع حمواتي زياده عن اللزوم وكل شي اقولهم واجيب واحط لهم وامدحهم عن الكل

وعلى اتفه سبب تزعل حماتي الكبيره ةتسوي مشاكل معاي ويقوومون خواتها واخوانها كلهم مايكلموووني معاها


وانا زينه معاهم حيييييييل بس اختهم الكبيره انا مااحبها لانها شوهت صورتي عند اخوانها وخواتها

وشغلات وااااجدد متحسفه عليها صج الطيب ضااايع مع الحمووله



اما خالتي حياتي حببووووووبه وعسل

 

[simply unique]

غلطتي الأول وهذي من ايام الملجة ..
اني لما ابغي الومه ما أفكر في الوقت اللي لازم ألومه فيه ..
ونسيت شي مهم انه انسان يكره النكد ..
وما يحب أحد ينكد عليه ولا ينفس عليه ..

بس الأيام تعلم والله ..
المهم ما نغلط نفس الغلط مرتين

 

[شافوك بحساسي]

غلطتـــــــــي كنت اقول اي مشكله صغيره بيني وبين زوجي في بداايه زواجي لكل من هب ودب
بس الحين توووبه توووووووبه تووووبه لان الناس ماتنسى

 

[سندس 90]

اب اب

 

[قُـمـر دنيــآي]

وااااااااي بنات طلعتوا شايلين بقلبكم هموووم ومتحسفين على شغلات وايد

رفع الموضوع عشان اللي بتفضفض واللي بتتعلم من اخطااء غيرهاا

عفيه اللي ماعندها غلطات والطموشات رفعوا الموضوووع للفايده

 

[أحساس مجروحهـ]

غلطتي انّي وافقت اهلي وتزوجت زوجي!!

لان كللللش مو فاهمين بعض وعمرنا ماراح نتفق
بس الحمدلله على كل حال &#55357;&#56852;

 

[قُـمـر دنيــآي]

احساس الله يريح بالج وييسر امورج

وماتدرين وين الخيررررره

 

[حلـم لــم يكتمل]

الغلطه اهي (اني تزوجت)
^_^​

 

[الكوثـر]

منكم نتعلم ،

وآلله أحـآتي إن حموآتي يـأذوني ويزعجوني وأنـآ طيبة ومـآعرف أرد كلشش،،يممة آلله يستر

طمووشهـ

 

[خوخة 90]

فوووووق

 

[Sarah_012]

غلطتي:

1- اتكلم واجد،فالمهم واللي مب مهم لين اذنه تعودت انها تتسكر لم تسمع صوتي


2- اني اسولف له عن الحريم ؛ مع اني كنت اتجنب الموضوع بس احيانا سوالف مهمة واضطر، لكن اكتشفت انه حتى الاشيا التافهة حافظها عنهم.

3- اني ازعل واصيح على الاشيا التافهة؛ والمشاكل الكبيره اخشها في قلبي ولا اتكلم.

 

[el_3abeda_lella]

غلطتي ....... كان زوجي يزعلني اروح اراضيه واقول الدنيا ما تساوي ولا مره راضني

اليوم صار يطق ويغلط وماحدا يوقفه عند حده

كنت اساعده ف مصروف البيت واقول المهم نعيش بسعاده ....... اليوم انا اللي بصرف علي البيت وراتبه والله عالي




حسبنا الله ونعم الوكيل

 

[رووز q8]

للحين ماندمت على شي لاني عايشه عالبركه كل شي بامر الله حتى لو تحسفت وندمت ماراح يتغير شي


الله المستعان

 

[yam_yam]

طيبتي الزايدة
اكبر غلطة