شنو أحسن نوعية كانون وأي عدسة تنصحوني فيها

[همة مشاعر]

السلام عليكم

شلونكم ؟؟
حبايبي بخاطري اشتري كاميرا كانون
ووايد مدحولي 550 ويقولون أحسن من 600 اليديدة
أنتو شرايكم
وبجم سعرها
ومن وين تنصحوني اشتريها

افادتكم حبايب قلبي

 

[فطووومة]

600 وايد احسن

ومبروووك مقدما

 

[سحر الانوثة]

حبيبتي الـ 600 أحسسن أتوقع لانه فيهـأ فتوشوب وفيهـا فيديو
وانـأ قبل جم يوم شفت الكـاميرات بالالكتروزان رخااااص حدهم والله
ولاتشترين من الغانم ماانصحج لانه غالين ع الفاضي لانه كلهم نفس الشي بالالكتروزان وبالغانم مافيي فرق
فانتي روحي الالكتروزان وجوفيهم رخاص ,, ~
وبالعافية مقدما

 

[om.googi]

انا استخدم كانون D500 وما تفرق عن اليديدة d600 الا ابـ :

1. ايجاد خاصية جديدة تسمى وضعية المشهد الذكي.
2. امكان تكوين الأفلام من لقطات فيديو قصيرة.
3.شاشة عرض متحركة بحجم 3 إنشات وبدقة 1040 نقطة.
​

وانتي تقدرين تشترين العدسة اللي تبينها ( ع حسب نوع التصوير اللي تبينه )

وانا ماشوف له داعي اشتري الكانون اليديدة لان شاشة العرض المتحركة مو مهمة عندي يعني مو أساسي ونفس الشي تكوين الأفلام لأن في وايد برامج بهالمسمى وطريقة التدخيل والاخراج أحلى..

سعرها بالغانم كان 700 اخذتها عرض ابـ340د.ك مع الأغراض + الستاند + بطارية اضافية
وزدت عليها طابعة كانون تهبل مع الاوراق والحبر ما عدى سعر المجموع 400د.ك

والعدسات اهناك لا رحتي اهما يوضحونلج عندهم View
يورونج مباشر أحسن عشان تاخذين وانتي مرتاحة
بس كل وحدة انا وغيري بنقولج شي ماعتقد راح توصل الصورة كثر ما تشوفينها جدامج.
( هذا ابـ x-site ) ​

 

[بـخور الدواسـر]

رفــــــــــــــــــــــــــــع

 

[♥ SWeeRa ♥]

اختي شاريه 600 من العطله الكبيرا
من شهر 6 او 7
كانت شاريتها بـ 395 من المباركيه
ولما شرتها راحت للاكتروزان وماحصلتها يقولون مانزلت
الحين اكيد تحصلينها بس المشكله السعر
لايقصون عليج
شوفي سعرها عندهم بجم
وبرا بجم

 

[همة مشاعر]

حبيبتي الـ 600 أحسسن أتوقع لانه فيهـأ فتوشوب وفيهـا فيديو
وانـأ قبل جم يوم شفت الكـاميرات بالالكتروزان رخااااص حدهم والله
ولاتشترين من الغانم ماانصحج لانه غالين ع الفاضي لانه كلهم نفس الشي بالالكتروزان وبالغانم مافيي فرق
فانتي روحي الالكتروزان وجوفيهم رخاص ,, ~
وبالعافية مقدما

حبيبتي مشكووورة على الافاادة
وااايد فدتيني . . .
صاجة الغانم دايماً أسعارهم أغلى ..
وباخذ بشورج والله ييسر . .
​

 

[همة مشاعر]

انا استخدم كانون d500 وما تفرق عن اليديدة d600 الا ابـ :​

1. ايجاد خاصية جديدة تسمى وضعية المشهد الذكي.
2. امكان تكوين الأفلام من لقطات فيديو قصيرة.
3.شاشة عرض متحركة بحجم 3 إنشات وبدقة 1040 نقطة.​

وانتي تقدرين تشترين العدسة اللي تبينها ( ع حسب نوع التصوير اللي تبينه ) ​

وانا ماشوف له داعي اشتري الكانون اليديدة لان شاشة العرض المتحركة مو مهمة عندي يعني مو أساسي ونفس الشي تكوين الأفلام لأن في وايد برامج بهالمسمى وطريقة التدخيل والاخراج أحلى.. ​

سعرها بالغانم كان 700 اخذتها عرض ابـ340د.ك مع الأغراض + الستاند + بطارية اضافية
وزدت عليها طابعة كانون تهبل مع الاوراق والحبر ما عدى سعر المجموع 400د.ك ​

والعدسات اهناك لا رحتي اهما يوضحونلج عندهم view
يورونج مباشر أحسن عشان تاخذين وانتي مرتاحة
بس كل وحدة انا وغيري بنقولج شي ماعتقد راح توصل الصورة كثر ما تشوفينها جدامج. ​

( هذا ابـ x-site ) ​

حبيبتي مشكوورة عالنصيحة
استفدت وااايد .. بروح اشوفها
الله يعطيج العافية قلبي ..
وشاكرتلج مرورج ​

 

[همة مشاعر]

ومشكوووورييين كلككم حبايبي والله
نورتو