شنو أغــــــــــــــــــرب شيء توحمتى عليه ؟؟ حياااكم

[حقـوق]

انا توحمت على الهلابينو .. صايره اكله مثل النفيش ..كل شي اكله لازم احط معاه هلابينو .. والله شاريه العلبه الكبيــره الى يحطونها للناتشوز .. وبالمطاعم كله اطلب اضافه هلابينو .. ومع اكل البيت نفس الشي .. وحتى لما اروح السينما اقول له حط لى دبل وهو منصدم حتى مره حط لى الجبن دبل قلت له مو الجبن ابي الهلابينو جان يقولى حار قلت له انا ابيه ... ومرات اطلب بدون جبن بس هلابينو .. وهالحاله صارت معاي من الشهر الرابع لييييين الحين وانا بالتاسع .. كله ابي هلابينو .. وكله يقولون لى الفلفل مو زين وانا طاااف .. والله يستر لايطلع ولدي هندي هههههههههههههههههههههههه

 

[يتيمــــه]

انا ع كرز
بس للاسف ماكان في موسمه

 

[الأميرة جوري]

حيااكم

 

[برميت]

انا ببنتي اول الاشهر تنسيت بخبزه فيها جبن فرنسي معاه مخلل مع فراوله ..انعدم الذوق عندي
و كنت اموت على الطرشي ..و اهلي كلهم يعيبون علي
و كنت كل يوم اكل باسكن روبز ..والله اذا ريلي ما شرالي ابجي ...اخذ كورتين رينبو و كارميل و لي يومكم احب بس هالكورتين
و اول شي كنت متوحمه بخلال بس كان اشتى و نسيته ..بس بعدين باخر الاشهر تقريبا خلاص كنت ابيه ...كنت اشوف صوره بالنت و امووووت ..ابي خلال الي نص ادعم و نص اصفر ..والله دزيت برودكاست حق كل الي عندي و حتى نسيبنا دز برودكاست حق كل الي عنده و حط رقمه الي عنده خلال يدق عليه ..بس محد دق عليه ..كنت بموووت والله كنت بموت ...لما رفيجتي بعد قلبي ابوها يابلي خلال من عمان ...كليته ..بس ماياب خاطري كنت ابي المدور المجكنم مو الطوال .....لين دخلنا شهر 8 نزل الخلال الكويتي و كليت منه و اشفيت غليلي ..جان تقولي الدكتورة ان كليتي تمر و لا خلال راح اذبحج لاني متنت و البيبي متن وايد

بس اهم شي شبعت منه

 

[ام المسك]

لووووووووووووووووول


اب
اب

 

[ام الحوراء زينب]

ههههههههههههههههههههه مو من صجكم الله لايقول اتوحم جذي
انا حمالي الاول كنت شهر بتايلاند امبيه بجي يوميا ابي عدس
هههههههههههههههههههههههههههه والله انام واحلم فيه وبجي الا ابي
ومسكين ريلي وداني بتايا عشان اكل اهناك مطعم عراقي
بس من كليته حسيت بعوار بطن رحت الطبيب جان اطلع حامل
بس ماتم الحمل ربي ماكتب ومات الجنين


وبحمالي هذا قبل ما ادري اني حامل كنت ابي ذهب ايدي تعورني ابي ذهب
وانا اصلا كلش ما احبه
مسكين ريلي بنفس اليوم اللي حللت فيه على طول وداني وشرالي ذهب
يقولي راعي المحل اخذي طقم كامل قتله مابي ما احب الذهب
ريلي يقول ترا كل هذا من الوحام صار حبيبها
والله من لبسته ايدي صارت زينه
ههههه دلع حريم

 

[أم الليالي]

ويسكاس أكل قطاووووووووووووة وعععععععععععع بس ما أكلت منه :krkrkr:

 

[*حور العين*]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
ياااااااااااااااااااااااااااااااااااربي والله ضحكتوووني ماتوقعت الوحام جذي صعب الله يستر عاااد انا مااحب شي


ان شاء الله لي حملت وتوحمت بقولكم

 

[درة أهل الطولات]

الله يهنيكم

 

[&هند&]

انا توحمت بايس كريم باسكن كل يوم لازم اذوقه وهم توحمت بالورق العنب والحمدلله ماثبت الحمل وطاح ،،،،،

 

[غلا الروح79]

انا بحمااالى الاولى توحمت ع لحم وماكنت ادرى انه وحااام وكنت استحى اقووول انى مشتهيه
وبالاخر طلع بولدى من عند الرسق مثل اللحم,,وحملى الثااانى توحمت ع ولدى الله يحفظه لي
يااارب...

 

[REOOM]

بتضحكون علي بنات انا توحمت على كل شيء قديم فيه تراث خخخخخخخخخخخخخخخ
طبعا هي مسكات بس تروح وتجي
اهلي انصدموا من هالوحم يقولون بييييييه وش هالذر خخخخخخخخ
اول شيء ابي اشم ريحة خبز بالتنور
ثاني شيء ابي مرقوق بميقعه<<<<< الميقعه للي مايعرفها هذي زي الاناء مصنوع من خشب مدري جلد مدري شوو <<<<<<<<شرح فاشل الزبده انه شيء قديم حيل
الثالث ابي اشم مرررررررر

بنات عاد وربي هالاشياء مو متعوده عليها قبل الحمل ولا افكر فيها حتى بس مادري ش هالمسكات الداااااااااااااجه​

 

[سكرة هانم]

لوووول وانا عبالي يفشل طلعت اهون نت غيري

صابون ودقوس و سميت وتراب وحشيش لالا موصج

انا نساتي عالزفره ما احب السمج ولا اطيقه بس من حملت اشتهي اشم ريحته

مريت يم بسطت سمج وقعدت اشم اخيييه او عند البحر اقعد واشم الزفره

ريلي يناديني اقوله لحظه لحظه بشوف الريال شسوي <<جذابة

 

[شيري ديور]

واااو‏*‏‏*‏‏*انا تنسيت (بالبنك‏)عرفتوه اللي يبيعونه مع الحب؛؛وااي صرت اشم ريحته بكل مكان؛؛وطلع براس ولدي

 

[شيري ديور]

واااو‏*‏‏*‏‏*انا تنسيت (بالبنك‏)عرفتوه اللي يبيعونه مع الحب؛؛وااي صرت اشم ريحته بكل مكان؛؛وطلع براس ولدي

 

[الأميرة جوري]

تصدقون تذكرت انى كنت اكره جيس مطعم دوم اهلي يطلبون منه <<تخيلوا الجيس هههه حاله نفسيه

 

[الأميرة جوري]

اب....وين تجاربكم؟؟

 

[آهات الليل]

خوش موضوع
ريلي كان اييب ككاو صغار كانت تلوع جبدي من القرطاس استغفر الله ولاكنت اكل الككاو وخصوصا اذا كان لون القرطاس بني ههه الحين اموت فيه

وبعد هههههههههههه كنت اموت بحفاضات بامبرز افتح الحفاضه واشم ريحتها كانت تهبل ههههههه

 

[الأميرة جوري]

آآآآآآهات موووووووووووصج نساتج....بالنسبه لاجياس اناكنت اكره جيس المشويات....

 

[الأميرة جوري]

اب...