شنو احسن احلا افضل عطورات تشترونها من سوق السلاح

[استغفرك يارب]

بالضبط وين مكانهم .... اشفيكم بنات ما تردون الله يهديكم

 

[bnt_7waa]

اي بنات بليز فيدونا الله يجزاكم خير

 

[BaiTotia]

ذاك اليوم وصيت باباتي ياخذلي عطر منهم

ياب لي العطر شكله أصلي مو بوطقة!!!!!!!!!!!!!!! بس كنت شاكه لأنه سعره الأساسي فوق ال25دينار و شرالي إياه ب 11 دينار فقط لاغير!!!!!!!!!! معقولة

بس ريحته ماشاالله مركزة و حلوه و الغرشة و القوطي شكلهم مو خربوطة

و الهندي يقوله مية مية أصلي خخخ

 

[عبير العبورة]

زين بنات اللي يشرون عطورات اصلية من سوق السلاح

شسم هالمحلات
ووين مكانة بالضبط

انا ادري انه بالمباركية بس وينة بالضبط

من صوب الشايع ولا لا

 

[نطوووعه]

واااي بنات الله يهدبكم فرفتو جبووودنا!! بليييز علمونا وين بضبط سوق السلاح من المباركيه صوب شنو؟ و شسم المحلات اللي تشترون منهم العطور الاصليههههههههه!!!! و هل في بعد عطور شرقيه مو اصليه و الا بس الفرنسي؟


لا تبطون عليييييييييينا

 

[رفرف]

والله عاد مادل هناك كللللللش ولا اعرف اسم المحل لأن ريلي وداني وافتريت على كذا محل لين لقيت العطور اللي ابيها بس في وصف مبدئي ...

تدلون السعيد مال العبي ؟ والصرافين ؟؟ يصيرون على يمينكم أوكي ؟ وعلى اليسار بتلقون لفة عند محل يبيع جنه غتر وشماغات كبير المحل مو بوطقة .. تلفون يسار من عنده وتدشون بداعوس لفو هم يسار بتلقون براحة سفطو فيها يصيرون محلات العطور على يمين البراحة ...

ادري وصفي خرطي بس عفية اللي تضيع لا تكفخني قاعدة احاول اساعد خخخ

 

[نطوووعه]

حبيبتي رفرف ماتقصرين توني داقه على امي ووصفتلي نفس و صفج تقريبا ..ز بسوووق الغربلي تقووول يا بنات سالو وين سوق الغربليييي و ان شاء الله تحصلونه !


رفرف من وين تشترين العطور الاصليه تعرفين اسامي المحلات؟؟؟

 

[استغفرك يارب]

يعني المكان لازم يروح وياك ريال ولا عادي تقدرين تروحي بروحك
انا بصراحة ما عندي احد ودايما اروح سوق المباركية واشوف وايد سيارات يلفون ذاك الصوب بس المكان يخرع مو مال تسفطين وتنزلين وهم لو تمشين بروحك كل من يطل بويهك ما ادري ليش !!!!!!!!!!!!!

 

[supermarket]

يابنات نبي اسماءا لمحلات المضمونة

وين اللي قالوا يشترون من هناك !!

 

[أوشال]

مافي اسماء محلات
بنات دكاكين من سنة .....
في محلات تبيع الفرنسي بوو طقة وفي الاصلي انتي سألي كذا محل
وبتعرفين السوق وفي حوواي ومحلات عطور عربية
محلات مكياج بووطقة
يعني هالسووق مو هاااي كلاس لا شعبي وقديم
وسلامتكم

 

[BHS]

يا بنات ما كو أسماء حق المحلات... المحلات حدها قديمه و شعبيه و ما كو أسماااااااااااااااء

بنات اذا رايحه الصبح عادي بروحج بس اذا بعد المغرب ما أنصح تروحين بروحج و الله أعلم

 

[عبير العبورة]

بناااااااااااات بس انا بسوق السلاح

اشوق محلات عطورات لها اسمها

اشلون

ووين هذة اللي مالهم اسماء ما اشوفهم

 

[BaiTotia]

والله ماأعرف أسامي ولا وين صاير

أبوي يشتريلي

 

[رفرف]

والله ماعرف اسامي المحلات بس عالوصف اللي قلته هناك في شكثر محلات شكلهم بوطقة بس عندهم خووووش عطور أصلية وعندهم تقليد وعندهم أصلية بس تيستر ايي بدون كرتون وطبعا يبيعونهم أرخص ...

اختي استغفرك يارب مو شرط يروح معاج ريال بس ما أفضل تروحين بروحج عالاقل اخذي معاج خواتج والا أحد ...
انا اخاف اصفط بالبراحات وانزل بروحي خاصة بالليل لا تبيعينها العمر مش بعزءة ....

 

[استغفرك يارب]

ادري والله ان المكان يخرع انا ماره هناك كم مرة وحتي اليوم لما رحت بنفس الشارع سألت امي شرايك بهالمكان يقولون فيه عطور ارخص من المحلات ومن المعارض

 

[سبائك]

بنات تووووووووووني راده من سوق السلاح

العطور هناك نص السعر!!!!!!

وعلى كلام الهندي انهم اصليين

بس نصيحه خلكم عارفين انتوا شتبون بالضبط لان هناك مافي تستر علشان تشمون العطر

 

[رفرف]

اشخذيتي سبوج ؟؟

 

[سبائك]

ما خذيت شي رفرف على اساس بشمهم قبل لا آخذهم طلع ما في تستر

بروح ان شاءالله أشمهم بعدين أرد عليهم أخذهم

 

[supermarket]

فرصة روحي شمي بالمعرض وكتبي اللي تبينهم

بس شلون العطورات هناك اول باول والا بس اللي صار لهم مدة نازلين؟

 

[سبائك]

والله ما اظن أول بأول سوبر ماركت

يمكن ترى أنا ما فريت كل المحلات على السريع