شنو احسن مدرسة علوم متوسط او مدرسة كيمياء ثانوي؟

[بنت الايطالية]

السلام عليكم

شلونكم ؟

ابي رايكم انا ان شاء الله بتخرج بالصيف وان شاء الله اتوظف على بداية السنة

شنو احسن اصير مدرسة علوم متوسط او مدرسة كيمياء ثانوي؟

بصراحه انا ما احب اليهال احب اشرح لكبار بس بصراحه مخرعيني من بنات الثانوي يقولون عليهم لسان ابي تنصحوني؟

سؤال ثاني : كم معاش المدرسة اول ما تتوظف؟ :d

 

[b6o6a]

مشاركة: شنو احسن مدرسة علوم متوسط او مدرسة كيمياء ثانوي؟

المتوسط ملااقه شوفي البناات الي تعطيج رساله غراميه ولا مادري شنو !


انصحج ثانوي لانهم بنات كبار فاهمين وما عليهم لسان ولا شي يمكن فيه منهم جذي قلة تربية...

والمعاش مادري

 

[PearL]

مشاركة: شنو احسن مدرسة علوم متوسط او مدرسة كيمياء ثانوي؟

اكيد الثانويه اريح المتوسط للحين تعتبر مرحله تأسيس ومتعبه والثانويه اكبر وما راح تتعبين بالشرح وتوصيل المعلومه وحتى بالتعامل افضل

 

[بنت الايطالية]

مشاركة: شنو احسن مدرسة علوم متوسط او مدرسة كيمياء ثانوي؟

بطوطة بيرل مشكورين عالرد

ابي ردود باقي المدرسات واشوف راي الاغلبية

انا بصراحة ابي ثانوية بس كذا وحدة اعرفها تدرس بثانوية يقولون انحاشي عن الثانوية ابرك لك المتوسط؟

 

[أوركيد]

مشاركة: شنو احسن مدرسة علوم متوسط او مدرسة كيمياء ثانوي؟

اختي تدرس ثانوي ..لو يحصل لها تنقل متوسط...

جااان بخت اليوم قبل باجر...

بنات المتوسط عندهم هيبة من الابله مو مثل الثانوي ...خصوصاً اذ جابلتي بنات جريئات ..ولا مو مهتمين بالدراسة ..

منهج المتوسط طبعاً أسهل ووسائل التعليم لهم أكثر ..

المعاش ...مع الزيادة يمكن 660

 

[بنت الايطالية]

مشاركة: شنو احسن مدرسة علوم متوسط او مدرسة كيمياء ثانوي؟

اوركيد

مشكورة اولا عالرد
(((منهج المتوسط طبعاً أسهل ووسائل التعليم لهم أكثر )))

مدري احس انه صعب تدريس المتوسط مترددة مو عارفة اختار

بس الوسائل اتوقع الثانوي اسهل مو جذي؟

 

[أوركيد]

مشاركة: شنو احسن مدرسة علوم متوسط او مدرسة كيمياء ثانوي؟

بنت الايطاليه ...

بالنسبة للوسائل التعليمية ...تقدرين تفنتقين فيها ..

بعدهم المتوسط صغار اشياء واايد تستخدمينها معاهم ويستانسون ويتفاعلون معاها

...مو نفس الثانوي ...كبار ماشاالله ورااح تتحرجين تستخدمينها معاهم ...

آنا قصدي أكثر الوسائل ومتنوعة مو اسهل

واولاً واخيراً ...استخيري

وشوفي اللــــه شيكتب لج ...

الله يوفقج ..ويريح بالج

 

[يا كويت]

مشاركة: شنو احسن مدرسة علوم متوسط او مدرسة كيمياء ثانوي؟

أنا جربت المتوسط بالتربية العملية

والحين أنا متوظفة بثانوية..


وبالنسبة لي الثانوي أفضل

 

[Albarona]

مشاركة: شنو احسن مدرسة علوم متوسط او مدرسة كيمياء ثانوي؟

أنصحج بالمتوسط حيييل أفضلج
مثل ما قالت وحده من الخوات ، تقدرين تستخدمين شكثر أفكار مع بنات المتوسط ما تستخدمينها مع الثانوي ،

إنتي بعد تقدرين تحددين على أساس بالميداني شنو جربتي ؟

وعلى فكره مناهج المتوسط حدها حلوه وممتعه خاصه ثامن وتاسع آنا أحبهم ،



واستخيري وشوفي شنو الله يختارلج ،،
وبالتوفيق انشالله ،،،،



على فكره آنا رئيسة قسم علوم بالمتوسط وصارلي عشر سنوات مدرسه والحمدلله مرتاحه ،،،