شنو احسن مركز لازالة الشعر بالليزر بلييييييز ردوا علي جزاكم الله خير

[فرفورة2]

السلام عليكم اخواتي
حبيت اسال منو جربت ازالة الشعر بالليزر وشنو احسن عيادة او مركز لازالة الشعر واللي مجربة يليت تعلمنا اذا كان له اضرار صحيو خصوصا على الوجه و جم يكلف

 

[زوجة الثويني]

حبيبتي رفيجتي مسويه ليزر حق شواربهاا بطيبه كلينك الجلسات لمدة سنه كل شهر تقريبا والجلسه ب 15 دينار والحين ماقام يطلع لها شعر بهالمنطقة الا بعد 4 او 5 اشهر تقريبا ويطلع خفيف حيل عقب ماكانت تروح االصالون كل اسبوع...انصحج بطيبه كلينك وايد يمدحونهم

 

[jaggy-cat]

أنصج بعيادة كير كلينك على الدائري الرابع .

 

[وجودي عسل]

انا ماخليت مستشفى ولا عيادات خااصه الا دقيت وعرفت اسعارهم

وكلهم قالولي الوجه 45 او 50 والاباط 25


بس لقيت لي عياده سوالي الوجه والاباط 50 دينار


وسويت عندهم واللحين صارلي 3 جلسات وتعاملهم حلوووو


عيادة كويت لندن اللي بحولي

 

[ii DareeN ii]

انا جربت عند طلال العلي كانو زينين وهم الناس يمدحون طيبه كلنك

 

[BlackRose]

صديقاتي يروحون مركز معروف الطبي وايد يمدحونه

 

[helwa]

بنات منو جرب رويال حياه انا دقيت عليهم وقالوا ان عندهم تقنيه حديثه وتشيل حتى الشعر الخفيف ؟

والاخت بلاك روس المركز وينه وجم رقمه ورفيجاتج شالوا لهم الشعر كله حتى الخفيف ؟ وماحسوا ان البشره صفت والمسامات تصكرت ؟

 

[q8caramela]

فرفورة ...ويهج لا تشيلينه غير طيبة كليلنك واول مرة ياخذون 55 دينار وينقص سعر مع كل جلسه لي 20 واذا شعر ويهج خفيف وناعم لا تسوينه واي منطقه شعر ناعم وخفيف لا تشيلينه ليزر لانه يزيد

وكير كليلنك موشي..شلت ريلي عندهم ولا جني شيال ليزر مامنه فايده..ورديت على طيبه

 

[*دبدوووبه*]

والله يابنات
الكل يمدح طيبه كلينك
وان شاءالله بروح لهم في اقرب وقت

 

[شندوخه]

فيصل التخصصي

 

[أكرهك]

رويال كلينيك احد مجربه؟

 

[slk]

انا مجربه من سنين بوشهرى كلينك ومرتاحه عليهم بس شوى غالين

 

[blue diamond]

انا عند بوشهري كلينك

 

[دمثة]

عيادة دلال التركيت يقولون حلوة

 

[سميّ النور]

طيب بنات
البكيني ودي اشيل هالمنطقه بس استحي
ما فيه عياده يعلموني على الجهاز وانا اشيل بروحي

 

[فتون علف]

يمدحون مركز المنار بالسالمية وترى مسوين عرض
اذا سويتي اشتراك ازالة شعر بيعطونج جلسات تخسيس بالليزر قيمتها 450
والدكتورة لبنانية
مكانهم يم جمعية السالمية واعلانهم دايما اشوفه بالوطن الصفحة الاخيرة

 

[al.zena]

صج يابنات ودي أسوي منطقت البكيني والأباط بس أستحي وشلون عياده الدكتوره منى الفارس

 

[slk]

صج يابنات ودي أسوي منطقت البكيني والأباط بس أستحي وشلون عياده الدكتوره منى الفارس

الله يهداج ليش تستحين من الباط رفعى ايدج بثقه ولا يهمج والنتيجه عجيبه بس البكينى هذى الى صج فشله

 

[al.zena]

إنزين منو أحسن دكتور وشلون الدكتوره منى الفارس

 

[dalprincess]

انا اسوي بمستوصف معروف الطبي ومرتاحه منهم