شنو احسن هدية للام و الخاله (ام الزوج)

[om_nasser]

بسالج زينه وين صاير لافرانسيز؟

 

[زيـنـه]

في الجابريه .. وين صالون استر مال الاء دشتي .. يمها .
تروحين الشارع اللي فيه بنك الخليج ..خلي البنك على ايدج اليسار و امشي ..لين توصلين قريب معهد تشامبيونز الصحى تلفين يمين .. صوب المرور .

ان شاء الله دليتي ؟

 

[ام الخييير]

والله احترنا شنودي هالسنه
ملينا من البخور والدهن عود والدراريع

 

[ضوى العيون]

بصراحه فكرة سفرة للعمره حلوة

 

[ام الخييير]

انا سويتها قبل سنتين انادفعت حق امي و ريلي دفع حق خالتي ورحنا كلنا اهما بغرفة واحنا بغرفة
كانت حلوة وايددددددد
وفيها اجر وخير وبركة
تخيلو بنات بعد شهرين بالضبط يتلنا عمرة انا وريلي ابلاششششششششش
شفتو شلون ؟
ورحنا مرة ثانية
الحمد لله
قولوو ما شاء الله

 

[ضوى العيون]

بس اكيد اذا خذيتي حق ام وخالتج ضروري تاخذين حق ابوج وعمج ويبيله ميزانيه عدله

 

[al7reyaa]

تبارك الرحمن ام الخير

 

[New Mum]

يزاج الله خير يأم الخير يبرون فيج عيالج إنشا الله

 

[ام الخييير]

مشكورين وما قصرتوووووووو

 

[زيـنـه]

ما شاء الله ام الخير .. خوش فكره و بارك الله فيج

 

[كيكة كاكاو]

عندي لكم احلا هدية وبالسعر اللي تقدرون عليه وما راح تندمون عليها طول عمركم
شوفوا الرابط
http://www.q8yat.net/showthread.php?t=22293

 

[hassawia]

موضوعج وايد حلو خاصا انا توني متزوجه راح استفيد منكم

انا شريت حق خالتي لرمضان سكر تقديم فكرته حلوه ويمتكرة اكيد مافي احد قدملها
هدية غريبة تستفيد منها و حتى خالتج تقدمها لضيوفها
وهذا رقمها اذا حابه تشترين 6518343

عجبتني فكرة دهن العود و البخور حق العيد

 

[hassawia]

ضوى العيون
اشتري لعمج و بوج مسباح كهرب وتاكدي اصلى لاحد يقص عليج فيه
وايد الريايل لكبار يحبون المسابيح

 

[ضوى العيون]

مشكورة اختي حساويه

 

[كاكاوة سايحة]

آنا أمي يا أشتري لها خواتم ...ومرة سويت لها هدية من سبا تايم (جناح المنتهى) 3 و نص مساج و تنظيف بشرة و تفرك واااااااااااااااااايد استانست

 

[زيـنـه]

مشكورين على المشاركه ..

 

[نووووونا]

موضوعكم واااايد عجبني وخصوصا ان هذا وقته
بالنسبة لي كل رمضان اوديلهم بخور ومباخر اخر موديل ودهن عود
وبالعيدين كاكاوباتشي او ريبيلا...بس يوم الام اهو الهديه السنعه كفرغالي او جنطة ماركة اوساعة ماركة ....
المهم هالرمضان محتاااارة شنو اييب انترسو من البخور ...افكر اييب ملافع بس منين لان الملافع الغالية والماركة ملونه واهم مايلبسون ملون ...يمكن من كاروه او افصلهم عبي وملافع راقية...شرايكم مارسيتو على شي

 

[دلووله85]

انا خالتي تحب الذهب وعندها دبله من اتزوجت ليلحين واهي تلبسها

دبل اول ذهب ساده ومن داخل اسمها واسم عمي
شسويت رحت شريتلها دبله من هالايام بس ناعمه وعمليه فيها الماس خفيف علشان تلبسها على طول ويحليلها استانست عليها ولي يومكم واهي تلبسها

:eh_s(21):​

 

[Brounzi_girlly]

صراحة آنا أعطي امي وخالتي كل رمضان دراعة للقرقيعان وااايد يستانسون من هالسوالف وطول السنة أشتريلهم من سوالف قمصان البيت الأقطان والله يفرحون والطيب والبخور
مع تحيااااااتي.........

 

[زيـنـه]

وديت لهم اطقم سفره اول يوم رمضان عشان نتفطر فيهم و استانسوا و الحمدلله

مشكورين على المشاركه