شنو اسوييييييي مع ريلي

[هولنديه اياكسيه]

واعليه الريال كاان مشغول على قولتج المفروض تعذرينه ماتصكين التلفون بويهه
جان قلتيله ميخالف حبيبي عاذرتك عشان شغلك
صدقني راح يستانس انج عذرتيه وعادي يطلع يروح اييبلج اللي تبينه

تأسفي لانج غلطانه اهوا كلش موغلطان

 

[برنسس كاتي]

حبيبتي انتي الغلطان انتي تدرين انه تعبان ومشغول ليش تطلبين منه يجيب الدوا
كان ممكان احد من اهلج يجيبلج واذا نسى معليش سامحية معذور اما تسكرين التلفون بوجهه من حقه يزعل !!
ما عليج الا تراضينه وتتأسفين

 

[دلوعة حمني]

جل من لا يسهو!!!باجر انت اللي بتقولين له سوري نسيت!!ماهي حلوة بقج و بحقه تسكيره التلفون ... اعتذري منه و قوليله انج تحبين تكونين من اولوياته والله يوفق بينكم ... و تذكري حياتي ان الجزاء من جنس العمل موفقة

 

[بولندية]

انتي ملجة ؟؟

رحتي بيتج ولا للحين بيت اهلج؟؟

ومهماااا كان ما تسكرين الخط بويه الريال احنا البنات ما نرضاها لنفسنا شلون عيل الرياييل؟؟

انا مرة ريلي نرفزني حييييييييييييييييييل على شغلة و كان الحق معاي و سكرت الخط بويهه بس ربي ستر علي لان ماحس اني مسكرته و اعترفت له بعد هههههههههههههههههههه

 

[أم توتو]

اسمحيلي اختي انتي ماتحبينه لو تحبينه ماتسكرين السماعه بوجه وانتو توكم اول الطريق والزواج اذا غثا على قولتك ليش تزوجتي الزواج مسؤوليه مو سهله اعملي حساب لاي تصرف تتصرفينه خاصه هالايام هذي استغليها باشياء حلوة مو بزعل اله يهديج بس روحي راضيه عشان تكبرين بعينه روحي الله يوفقج

 

[OM BARAK]

تسكيرة التلفون بويه الريال اهانه له ! يحس انج جارحه رجولته

حبيبتي اعتذريله على هالشي لانج انتي الغلطانه ​

 

[mrs.abk]

أختي .. اسمعي النصيحة ..

لو تبين ريلج يدوم لج وترتاحين معاه في حياتج .. احترميه وقدري ظروفه

بصراحة تسكيرة الخط والصريخ مافيها أي نوع من الاحترام

احمدي ربج انه بعد ياج ووداج الدوام

والله لو غيره ( أرمس عن الاماراتيين ) لو إماراتي بيعق عليج الطلاق نفس الدقيقة .. تخيلي ..

ريلج وسيع بالج ويتحمل .. فلا تستغلين هالنقطة

حياتي التقدير والاحترام وإنج تعدين وتقولين له ماعليه سلامتك بس أنا تعبانة وبروح الصيدلية .. وتروحين تاخذين دواج وعقب ترجعين تعاتبينه بلطف .. كان بيقدرها لج وبيتم يعتذر ساعة


أختي أبدا لا تصارخين على ريلج أو تعلين صوتج عليه .. هذا شريك حياتج .. والصراحة انتي اللي أدنى منه درجة في الحياة .. إنتي زوجته ولازم تسمعين كلامه وتطيعينه بحكم الشرع .. بس هو موب مجبور شرعا بهالامور بس لازم يعاملج عدل

لا تتعاملين معاه إنه يشتغل عندج حبوبة ..


ربي يصلح حالج وربي يوفقج

 

[MiSsY HottY]

مشكورين بنات خلاص انحلت المشكله

 

[دلوعة أبوهآ]

حتى لو نسي ( جّل من لايسهو ) مايصير تسكرين التلفون بوجهه
خلاص حاولي تكلمينه عادي وانه مابينكم شي
لاتكبرين الموضوع

 

[BeNt PaRiS]

حده غثيث الزواج

 

[روعة]

لو اسكر التلفون في ويه ريلي يلعن سابع اسلاف اللي يابوني لو شنو صااير لازم يبقى الاحترام موجود *

 

[مدام الدكتور]

سمحيلي لا تزعلين بس
انتي غلطانه انج سكرتي الجوال ابويهااا


واغلب الريااااايل يعصبون واوقات توصل لين الطلاق والسبب تسكر الجوال