شنو اشتري من امريكا ؟؟

[كويتيه وافتخر]

السلام عليكم

اشلونكم كلكم

انا بامريكا
وفي اكثر من محل معروف بس بصراحه مدري شنو اشتري
اخاف اشتري اشياء واتحسف اني ماشريت شغلات ثانيه

شنو اشتري
من فاكتوريا سيكرت احلى شيء ؟؟
ومن بدي اند باث وورك
ومن ميسيز وصج الجناط فيه تقليد والا اصلي لاني مو مصدقه اقنر ب30 دولار ؟؟
وبعد شنو فيه اقدر اشتري حلو
علما باني بكليفلاند اوهايو

 

[كويتيه وافتخر]

مشكوره على ردج حبيبتي
وصاجه انا ماخذه اللي على ريحة الرمان اشحلاته

وباشتري اقنر على ضمانتج مشكوره لان لقيت حلوين واسعارها زينه

 

[carrot^cake]

جناط ميسز اصلية
ومن باث اند بدي
جربي سويت بيا , امبر
ومن فكتوريا مكياج فيري سكسي حلو

 

[كويتيه وافتخر]

مشكوره اختي

 

[عيد الفرح]

كويتية ماتاخذيني معاج واييييييييييييي كل شي هناك حلو
لاتنسين تسالين عن اقرب اوتلت لج وهناك بتشوفين العجب
اذا عندج يهال من الاوتلت اخذي جواتي تومي جير تهبل وذربه اكو ارماني اكسجينج هم تيشيرتاتهم حلوة بعد جوسي كوتور ملابس وجناط
بارخص الأسعار ماتشوفين بعض التاجرات يجيبون بضاعةبرخص من امريكا ويبيعونها باضعاف السعر
اي نسيت بعد بولو رافلورين
واستانسي هناك وافتري كل مكان نيابة عني
تردين بالسلامة

 

[كويتيه وافتخر]

بعد عمري عيد الفرح ماقصرتي بالرد

انا شفت العجب العجاب بالاسعار الخياليه من التاجرات الله يرزقهم لمن شفت البضاعه هني

بامريكا ارخص كثير

وياليت سفره وناسه افتر عنج بدون توصيه خخخ
انا رايحه مرافقه مريض ولدي الله يشافيه

 

[مشمشة رمانة]

الله يشافي ولد وجميع المرضى يارب ويفرح قلبج بشوفتة متعافي وسالم ,,, وعليج بالعافية بالسوق ونسي عمرج ونفهي عن وليدج ع اجواء المستشفيات....

 

[كويتيه وافتخر]

الله يجزاج خير اختي عالدعوه الحلوووه

 

[Mad_giRL]

حبيبتي اذا على الاقنر ترى في ماركتين ماركه اوربيه هي الغاليه اما اقنر االماركه الامريكيه رخيصه .. يعني ماركتين مختلفين ..

وعندج المارشل خل يودونج له كل عباره عن محل كبير طابقين وفيه كل ملابس والجواتي وكل شي من الماركات الثانيه بسعر ارخص ..

وروحي بريموم اوت لوت .. ارخص من الداون تاون ..

لا تطوفج جناط وملابس وساعات ومكياج وكل شي من امريكا يهبل ..

وعندج البيسمنت بعد فيه شغلات حلوة


واحلى شي هناك الملابس الداخليه و باث اند بدي وورك لوشنات جسم واطقم كامله و تروحين الاوت لوت تشترين لج جنطه ماركه من البوتيك نفسه و كثري من الملابس لانها رخيصه وبنفس الوقت روعه ومو موجوده عندنا .. والجواتي آه عذاب خصوصا ان لقيتي بيلاس ..

والله يشافي مرضاج ومرضى المسلمين اجمعين

وعندج محل كبير مثل تارقت اسمه khol's

لا تطوفج مفارشه كفرات السرير روعه روعه والحين مسوين عرض تشترين واحد يعطونج الثاني مجاني ..

 

[كويتيه وافتخر]

مشكوره بعد عمري

 

[مشمشة رمانة]

مشكورين بنات وياريت اللي تعرف عن ملابس الاطفال تفيدنا ..........!!!

 

[اوركيدا]

كلشي اخذيه مابتحسفين على ولا شي تشترينه من امريكا ..
باث اند بدو وركس انا احب التين مع السكر والرازجي .
وستيانات فيكتوريا سيكرت وايد حلوين وعطوراتهم بعد ماتنزل عندها الا عقب سنين ..
وميسيز اقنر او عندهم جواتي بعد ..
وماشرلز بتحصلين فيه كل شي وكل يوم بضاعتهم غير

 

[كويتيه وافتخر]

ياعمري والله ماقصرتوا بالردود الله يجزاكم خير

مشكورين خواتي

 

[كويتيه وافتخر]

انزين خواتي
باتاكد من مقاسات الجواتي عزكم الله

بنتي مقاسها 24 وولدي مقاسه 33

وعندي بنت اخوى 34 والثانيه 35 جم مقاساتهم بالامريكي

 

[semaasem]

الله يشافي ولدج انشالله

انتي بأي ولاية بالضبط؟؟ حبيبتي استغلي الفرصة واخذي كل اللي خاطرج فيه لان خواتنا التاجرات لما يبيعون لج الجنطة هي بالاساس تطلع عندهم غالية مع مصاريف الشحن والتوصيل انا وحدة قايلة لي جذي بس ونستيييييني وناسة يعني اذا الله كتب لي بروحه انشالله اقدر اشتري اللي خاطري فيه لهدرجة اسعارهم حلوة عيل ليش يقولون امريكا غالية ونار و..يعني يمكن على حسب الولاية؟ في وحدة سألتها عن امريكا توها كانت رادة جان تهوووول لي تهول بالاسعار مورخيصة من قال رخيصة وغالية و..بس انتي ونستيني الله يفرح قلبج ويشفي ولدج لا تنسين تسجلين لنا كل تجاربج علشان تفيدينا فيها

 

[مشمشة رمانة]

سماسم ترة صح على كلام البنات كل ولاية لها اسعار غير ,, بس على كلام الكل يقولون امريكا اغلى مافيها تذاكرالسفر بس .... ومادري بعد انشاء الله السنة نروح ونفيد البنات بعد ..

 

[طوق الياسمين]

امريكا رخييييييييييييييييييصه رخص التراب والله تاخذين الماركات بسعر ارخص المحلات عندنا

 

[كويتيه وافتخر]

هلا والله

بالنسبه للاسعار متوسطه 0 بس فيه شغلات جوده واقول رخيصه لانها غاليه عندنا

يعني انا خذيت بجايم لبنتي ب5 وسته وحلووووين
وخذيت جناط ماركات امريكيه اقنر واكاثي اند زيلاند باسعار حلوه
تقريبا ب30 دينار بس بوقت التنزيلات حصلت جنطه اقنر ب30 دولار تقريبا 10 دنانير طبعا خذيتها ماطوفت

يعني مو الاسعار اللي طايحه حيل بس صج تفرق عن الكويت اسعارنا هناك اغلى

 

[dalalcollection]

بنات ابي اسامي محلات واوت ليت في نيويورك بلــــــــــــــــــــــــــــــــــــــــــــــــــــــــز

 

[كويتيه وافتخر]

في رابط للاوت ليت بامريكا ادوره واحطه لج ان شاء االله