شنو اشتري هديه حق امي؟؟؟

[so_sweet]

السلام عليكم

شلونكم شخباركم

ودي اشتري حق امي هديه ساعة ماركه تكون حلووه و تناسب عمرها بلخمسينات

وحاطه ميزانيه بحدود ال 400 او 350 دينار

يا ريت تفيدوني بالماركات الحلوه والمناسبه

واذا عندكم افكار حلوه حق هديه غير الساعه بهسعر يا ريت تفيدوني

و بكون شاكرتلكم

​

 

[sara-84]

عندج ساعات الاجنر حلوين مع خاتمها
او عباية وملفعها مع دهن عود وبخور خاتم ذهب احمر او ابيض

 

[a6o06 ^_^]

صندوق فيه عطورات حلوه ودهن عود وهالسوالف تلقينهم بالشايع =)

 

[shai5at al3arab]

نينا ريتشي منزلين ساعة يديدة حلوة حتى صكتها غريبة انا شريتها ب 170 من غير ألماس وفيه بألماس قالي ب 300 شريتها من الماسة ،وايد حلوة وناعمة وفي منها ذهبي وفضي .

وانا احب اشتري حق امي هدايا ذهب ترجية او خاتم او الاثنين الأمهات يحبون جذي ^__^

وربي يخلي لنا امهاتنا ويرزقج كل خير في برج بأميمتج

 

[رند]

شوفي روشس منزلين ساعه ب130 بدون الماس بس صج راقيه
وفي سانتونير ب300
بروائع جنيف

 

[الباحثه]

حبوبه افضل هديه تفرح فيها الام وخاصه بهذا السن هي عمل خيري سوي لها كفاله يتيم مثلاً او بناء مسجد بالخارج او طباعه مصحف يكون مثل الصدقه الجاريه لا ينقطع اجرها وثوابها ابداً حتي بعد وفاتها بعد عمر طويل لها انشاءالله
واخذي الوصل وحطيه في صندوق راقي فيه بخور ودهن عود او علقيه علي بوكيه ورد ذرب وقدميه لها صدقيني راح تفرح فيه وايد

الله يخليلج الوالده ويطولج بعمرها

 

[عبق البنفسج]

روحي روائع جنيف عندهم ماركات حلوة مثل اقنر وفندي وديور وشيروتي وغيرهم .. ساعاتهم حلوين وايد وراقين

 

[سمو]

شوفي شنو امج تحب..والا شنو نفسها فيه ..وحققيلها هالرغبه