شنو اعطي للكاسكو اكل ومشكله زاعجتني !

[بتبوتااا]

.السلام عليكم ورحمه الله وبركاته .

عندي كاسكوو مينني اكثر من عيالي :eh_s(11):

مشكلته يصاااارخ حيــــــــل ومادري شيهذر فيه اهو ماشاء الله عندي له سنه الحين بس هالفتره زودهاا بالصراخ :flower:
وخصوصاا لمن اليهال يلعبون ويسولفون اهو يصارخ معاهم وصوته بروحه ينرفزني جم مره والله حذفته بقوطي الكلينكس عشان يسكت :eh_s(6):
غير اني اغطيه بكنبل ,, مسكين الكنبل منعض من كل صوب :gr4uu:

المهم حبيباتي ابي اغير الحب الشمسي والاكل ماله شنو تعطون كواسكيكم << صح اللجمع ولا غلط :s141:

بنتظار رايكم :> , .

 

[بتبوتااا]

 

[منوووووله]

كواسكيكم لووووووووووول

كاسكوكم ياحظي << يعني بعدل مادري صج ولاغلط

عطيه ماي غريب خل ينام ههههههههه


<< برى

والله مادري يختي من عمر اعرف انه اكله الحب الشمسي؟

 

[بتبوتااا]

. ماي غريب هاا !
انسي انج اختي ومسحي رقمي من تلفونج

يعني الي يقول يايبه شي يديد حب شمسي :/ ابي شي غيره مثلاا اذا عطيته عيش ولا تمر او تفاح عادي ؟
.

 

[سارونه*المزيونه]

رد : شنو اعطي للكاسكو اكل ومشكله زاعجتني !

بروحه ينرفزني جم مره والله حذفته بقوطي الكلينكس عشان يسكت :eh_s(6):
غير اني اغطيه بكنبل ,, مسكين الكنبل منعض من كل صوب :gr4uu:
, .

لووووووووووول


,,,


حبيبتي اهو اكلته المفضلة الحب الشمسي ويحب بعد الفول السوداني اللي مو مقشر

وعطيه فواكة عادي بس لا تعطينه وايد مرة بالاسبوع


وعطيه خبر فيه ماي شوي وعطيه عيش مطبوخ

ترى يحب ياكل بعد


المكسرات و الذرة المطبوخة

 

[ســتارز]

لووووول بتبوتااا واخيرا لقيت احد نفسي

سؤال كاسكوكم يتكلم والا لا

لعوزنا بريشه وبقشر الحب الشمسي

مرة عطيته خيار واكله ومرة قصصت له تفاح وقشرته واكله

 

[عثوله دبي]

عـآدي ياكل تفــآح ، ويـآكل خبـز بس بلليه بمـآي شوي ..
مـآيضر

والله يخليه لكم

 

[بتبوتااا]

.

لووووووووووول


,,,


حبيبتي اهو اكلته المفضلة الحب الشمسي ويحب بعد الفول السوداني اللي مو مقشر

وعطيه فواكة عادي بس لا تعطينه وايد مرة بالاسبوع


وعطيه خبر فيه ماي شوي وعطيه عيش مطبوخ

ترى يحب ياكل بعد


المكسرات و الذرة المطبوخة

زين حلوو بسوي هالقائمه واعطيه منهاا انا لاعت جبدي من كثر الحب الي ياكله حسيت يقول لي تكفين رحميني :23_asmilies-com:

لووووول بتبوتااا واخيرا لقيت احد نفسي

سؤال كاسكوكم يتكلم والا لا

لعوزنا بريشه وبقشر الحب الشمسي

مرة عطيته خيار واكله ومرة قصصت له تفاح وقشرته واكله

يتكلم يقول اسامي اليهال وحتى اسم خدامتي مرات احسه روبت والله :/ الين اكتب واهو يطقطق ومرات بعد يقول ميوووووووو واو او او < نفس القرد :/
ريشه عادي داخل القفص بس صح لمن يهف بجناحه يطيح الريش وانا مره عطيته تفاح بس اكل شوي وخلاهاا ,

عـآدي ياكل تفــآح ، ويـآكل خبـز بس بلليه بمـآي شوي ..
مـآيضر

والله يخليه لكم

تسلمين حياتي صج انه مزعج بس احبه وتعودت عليه مسوي حس بالبيت < :fun:

.

 

[سهيله الحمد]

خلية ياكل سبال وعطية تفاح ويلكين اكل عند اللى بيع كواسكو

 

[:: RoSe ::]

والله احنا اللي عندنا مرات يسوي اضراب مايرضى ياكل الحب الشمسي لأن معودينه من زمان على اكل البيت، امي اي وقت ناكل فيه تتنقص له و الحين اهوا تعود على اكل البيت و صار طبعا الحب الشمسي مو حلو بعينه لووول و ما ياكله الا في الشديد الأوي على قولة المصريين لوووول ، المهم طبعا اكثر اكل يحبه اهوا العيش لا و مرات ما يعجبه العيش الابيض لا يحب العيش اللي فيه نكهات مثل المجبوس و البرياني و هالسوالف هههههه، و يحب البيض و الخبز و يحب عظم الدياي ،اذا بتعطينه خبز بلليه بالماي عساس يقدر يبلعه، و جذي، عطيه من كل شي تاكلينه، على فكرة امي لاحظت ان لما تعطيه عيش يدوخ و ينام، عاد انتي اي وقت يزعجكم جربي عطيه عيش يمكن يهدى و يريحكم لول

 

[بتبوتااا]

. سهيله
مشكوره حياتي بجرب اعطيه تفاح ,, :> ونا اشتري له من محل اكل بس بعرف شنو الاكل المنزلي الي ينفعله :> ,

روز
ههههههههههههه هلكاسكو دقمه اي صوت بسرعه يقوم ماشاءالله عليه على اقل حس يقعد ولي سمع الباب يقول سلام عليكم
واذا رن التلفون يقول الووحتى خدامتي ما سلمت منه كل شوي ينادي اسمهاا ههههههههههههه ,

وشنو نوعه كاسكوكم ؟ اشك انه هولندي او افريقي هذا اكيد كويتي تربى عالعز والدلال هههههههههه
بجرب اعطيه شوي خبز وابلله ماي وعيش ابيض كيفه عاد بيقلد كاسكوكم برد اعطيه الحب الاسود لوووووول
مشكورين عالمرور حبيباتي

.

 

[أساور]

تفاح وخيار

 

[MrS_Rossonero]

رد : شنو اعطي للكاسكو اكل ومشكله زاعجتني !

لووووووووووول بتبوتا ....
شوفي انا بقول لج جم سر من اسرار تربية الكاسكو ....انا عندي الوالد من قبل لايتزوج وهو هوايته تربية الكواسكو وتدريبهم .....

اول شي .... الاكل الاساسي له الحب الشمسي ....تقدرين تعطينه بين فتره وفتره تمر وفاكهه ...بس لاتكثرين عشان لا يمشي ويخرخر عليكم خخخخخخخ .....
ثاني شي ...الكاسكو بين فتره وفتره يبيلج تشلعين جم ريشه من اللي تحت الجناح .... ابوي كان يشيله بالجلابتين ....
ثالث شي ....بخصوص صراخه .....لما تبون تنامون غطيه بالكمبل....او لما تطلعون ....يعني لما يكون البيت هادي غطيه بالكمبل عشان يتعود مثل الياهل اللي تعودينه ينام بغرفته بروحه ....لما تطفين الليت ينام ...الكاسكو نفس الشي...عوديه لما يصير ظلمه يهدى وينام .....يعني خل يربط الظلمه بالهدوء .....:ch12:
الكاسكو يقللد كللل شي ....انتي اكيد عندج يهال ولويه وصراخ ....والكاسكو يقلد هالشي.... يعني لاتتوقعين انه راح يهدى والبيت ازعاج لانه يسمع ويطبق .....جربي شي .....اخذي شريط وسجلي صوتج .....سجلي الكلام اللي تبينه بنبره هاديه وكرري الكلمه اللي تبينها....مثلا قولي بتبوتا بتبوتا بتبوتا بتبوتا بتبوتا .....حطي المسجل يم القفص وشغلي المسجل طووووول اليوم وانتي مغطيه القفص بالكمبل ....هني الكاسكو يتعلم يغير نبرة صراخه ويكون هادي شوي او بالاحرى يصير جنتل مان خخخخخخخخخ :O_SHH_:
وفي شغله ثااانيه وااااااايد مهمه .....وركزي معاي خخخخخخخ
اخذي منظره كبيره وحطي جباااال الكاسكو ....الكاسكو من زود ذكاءه راح يعتقد انه كاسكو ثاني يمه ....يعني اذا اهو ذكر يعتقد اللي يمه نثيه واذا اهيه نثيه عبالها الللي يمها واحد يبي يضبطها لوووووووول :fun:
راح تتفااااجئين شلووووون راح يتغير كاسكوج ويصير اهدى خخخخخخخخخخخ :eh_s(17):

 

[بتبوتااا]

.هههههههههههههههههههههه نص الي قلتيه سويته بس حلوه فكره المرايه شكلي بسويهاا واهو ما شاء الله عليه يصااارخ صراخ وما يسكت الا لمن احذفه بشي :s141:

ومشكوره حياتي بجرب اسوي الي قلتيه هالعقيدي عشان يصير جنتل مان :dddds:.

 

[a7la-86wa]

لووووووووووووووول اي صح سالفه المرايا

انا مرات اخليها تتمشى بالبيت القاها صوب المرايا على طول هناك

عطيه فول سوداني <<نفس اللي بالقرقيعان بقشرته

بس اشتري فول سوداني مو ملح ولا محمص <<<يموووت عليه يمسكه بريله ويقشره وياخذه من داخل واذا مل تلقينه يعضعض بالقشره

انا اشتري له مخلوط من الجمعيات<<حب شمسي ابيض واسود مع فول سوداني مقشر ومو مقشر وذره صلبه مع نفيش واشياءوايد(كل هذا بجيس واح)
مرات ماياكله كله ينقي اللي يبي <اخذ الباجي واقطه على الدياي هع
________________
احلى شي بالكاسكو لمى يتعلم السب هههه

 

[بتبوتااا]

.قطوه اي ريلي يشتري له من محل مال اعلاف جيس شكبره فيه فول سوداني وحب ومادري شنو بعد يحبه باكله الكاسكوو
مشكوره يا قلبي وحطي شوي نظره يمه واقف متنح يطالع جنه مو مصدق ههههههههههههههههه بس لي الحين يصارخ اشك مرات اانه شاذي او قطو او جلب تكرمون من الاصوات الي يطلعهاا :fun:.

 

[دبي العز]

خخخخخخ

بس حرام لا تفرينه ارفقي بالحيوان مهما صار ولا طيريه اذا ما تتحملينه كله ولا الحيوانات حرام

والله تصدقين نحن نعطيه كل شي واصلاً يا ويلنا ان ما عطيناه يجلب البيت على راسنا :bbbiu: يشرشحنا وربي يجب الماي ويفر اكله ويصارخ :dddds:

نعطيه جبس نعطيه تفاااح عنب خخخخخ نعطيه كل شي تقريباً ماشاء الله ياكل :rerrerek: بس مب بشكل يومي ومب بكثرة بعد

في مجموعة مكسرات مشكلة غير مملحة عطييه :ggdw:

ويوم بتيه الحاله النفسيه دخليه غرفة وسكري الليت ولا طلعيه برع يغير جوووو يسكت مسكين


انا من كثر ما سمعت صوته صرت ما انتبه لازعاجه تعودت:bbbiu::krkrkr:


بس لا تعودينه يدور في البيت :cxxxp: نحن كل ما بغينا نتعشى ونتغدى لقينا واحد ياي وراز ويه معانا عند كل وجبه وياكل معانا مسوي لنفسه جوو ما يخلينا ناكل وفوق كل هذا تخيلي اشتغل لنا نحات :krkrkr: اي مكان فيه خشب نحته :rgewrg: واي شي ممكن ينحفر حفره وفوق كل هذا كل الليت الزجاج تتخيلين؟؟ كيييف الله اعلم وماشاء الله ماشاء الله ماصار فيه شي ماشاء الله :bbbiu:

ويبنا له صديق تضاربوا لين ما شبعوا :gr4uu:

مزاجيين بشكل :dddds:

بس ماشاء الله يقلدون الاصوات بشكل غريب مب بس الكلام والله حتى نبرة الصوت نحن السخيف الي عندنا يقلد صوت القطوة بعد خخخخخخخخخخخخخخخخخخخخ
ولا يقلد صوت التلفون وعقب يقول الوووو خخخخخخخخخ <<< عايش الجوو

والله كيوتين

الله يخليهم خخخخخخخخخخخخخخخخ

 

[النملة نواري]

عطيه فواكه بين فترة و فترة
و غطيه لما يصارخ

 

[قطوة@@]

رد : شنو اعطي للكاسكو اكل ومشكله زاعجتني !

حبيبتي الكاسكو

يا كل كل شي

عطيه خيار و تفاح و خبز

بس شويه

يتسلى فيهم و راح يسكت

 

[LuLiTa]

رد: رد : شنو اعطي للكاسكو اكل ومشكله زاعجتني !

احنا عندنا كناريب كله انوكله فلافل +عيش مشخول+خبز بماي :O_SHH_:,,بس مادري اذا الكاسكو هم ياكل فلافل :s141: