شنو الأجهزة حق المطبخ اللى شريتها وشنو اللى تمدحين منهم وشنو تذمين منهم

[Melazlaza]

انا غراااامي الاجهزة
ياحلو التكنووولوجيا
سخان الكبت روعه خصوصا برمضان
قلاية الزيت تينن والله شايله عني نص شغل رمضان
سخان الماي من الغانم يسخن الماي ويحفظه تبين طباخ تبين جاي اي شي مايج حار وزاهب
الفرن الكهربائي يهبل سريع وفي موقت تضمنين اكلتج ماتحترق
الشوايه طبعا مهمة

عاد اهم اداة والي مالها مثييييل
غسالة المواعين لو عندج الف خدامة اذا جربتيها لا يمكن تثقين بنظافه مثل نظافتها وفيها نظام تعقيم

غسالة الملابس مع خاصية التنشيف مفيده حييييل
اوتي البخار حلو وسريع حق الطواريء

طبعا المكنسة الكهربائية ضرورة بكل بيت
وفي مكنسه بالشحن يدويه وايد حلوة صغيره ومتنقله

الي ماحبيته سخان اييج كذا رف حديد صج حسافه مامنه اي فود
والغسالة ام حوضين متعبه والنتيجة غالباً غير مرضيه

 

[غرور الريم]

miss uk انصحج بالعجانه ونسا روعه سعرها 59

 

[نارنجه]

ماااشااء الله يعطيكم العافيه بنات و تتهنون باجهزتكم

مذهلة

اله تحضير البيتزا الي قاعدتها حجر اخذتها من جم سنة من يوريكا جنه ب٤٠
كان في شيف يسوي بيتزته لايف و تحمست اخذها و عطاني معاها الوصفة
بس لما جربتهاا ماطلعت نفس شغله ابصراحة
ركنتهاا و صرت اسوي فيها الخبززز او البيتزا المثلجة


الة الثلج حلوة عليج بالعافية
جم سعرها و اشكثر تاخذ وقت لين يجهز الثلج
عاد الثلج ازمة رمضاااان :/


/


بنات اوتي البخار
ينفع للتي شيرتات و الي نفس الخامة

الاوتي الي جنه طاولة كبس
تجربة فاشلة بكل معانيها
الا اذا تبين تطبعين الصور ع الملابس و عندج مشروع
هالاوتي اوكي


الة الدونت << استخدمها للكيك اذا بغيير بس مادري احس ان الاكل ماله طعم فيها

الة الجوزية
الة المعمول
نافورة الككاو

يهبلوون


خلاط براون اليدوي
مالي غنى عنه
للخضروات و المكسرات و للصلصات و البصل و الثوم

الي تشتكي انه الخضرا تصير ماي
قليلي المدة
وضغطي الزر ضغطات متقطعه مو تضغطين ضغطة وحدة متواصلة
ان شااء الله فهمتي علي :/

ويضبط معاج ان شااء الله


واكيد

المايكروويف
وشواية التوست و اللحوم / المخططة

وعندي شواية من ونساا تحطين في صينيتها ماي
وايد مفيدة و عملية اذا بتشوين بالبيت
وسعرها كان رخيص دون ١٠ يمكن بالتنزيلات

وعندي شواية الفرن الكهربائية من ونسا الصغيرة ممتااااااااااازة
للشوي و للكيك و للصواني
شغلج بسرعه يجهز و يتحمر
مو مثل الفرن العادي

يمكن اخذ الحجم الكبير



وغلاية الماي و غسالة المواعين << مسميتها ميري ^_^

و خلاط عصير من امجوي طلبته من موقع توصيل
للحين ماجربته
لعصير التفاح و الجزر و هالسوالف و سعره بالعشرينات


وفي شي اكيد كلكم كلكم عندكم اياه
ومالكم غنى عنه
ولا اذا مو نفس اللون ماتاخذونه ههههههههه

هذا بس حق الهيل

وامي الله يرحمها كانت ماتطحن بهاراتها الا فيه
الحين تغير مافيه زر تضغطينه
صار تضغطين الغطا لي تحت ويشتغل

^^

 

[ذات الهمة العالية]

منو شراها حق رمضان شرايكم

 

[ذات الهمة العالية]

بنات اللى شاركووا الف شكر ونبى مشاركات بعد

 

[نارنجه]

عندي اياها
مبشارة
للجبن للجزر للخيار

وتقطع حلقات بصل او خيار
وممكن تهرسين فيها الطماط

هذا حدها

شفتي المبشارة العادية المعدنية
الي كل جهة شكل
هذي وظيفة الجهاز بالضبط

 

[ذات الهمة العالية]

حبيبتى من اى ماركة خذيتها

وشرايك فيها آخذها

يعنى اقدر اسوى السلطة منها صح


وتحسين انها عملية وشلون تنظيفها سهل وإلا لا

 

[james546613]

ولقيت هذى بالغانم وحدى ودى فيها للعصير بس غالية ب77

واخاف تخربها الخدامة هذى لقيتها بالغانم

شوفي حبوبتي الي شفتها عند الساير الي بالري وايد زينه حق عصر البرتقال واصلية وماركة شوفيها يمكن تعجبك اكثر

 

[james546613]

انا غراااامي الاجهزة
ياحلو التكنووولوجيا
سخان الكبت روعه خصوصا برمضان
قلاية الزيت تينن والله شايله عني نص شغل رمضان
سخان الماي من الغانم يسخن الماي ويحفظه تبين طباخ تبين جاي اي شي مايج حار وزاهب
الفرن الكهربائي يهبل سريع وفي موقت تضمنين اكلتج ماتحترق
الشوايه طبعا مهمة

عاد اهم اداة والي مالها مثييييل
غسالة المواعين لو عندج الف خدامة اذا جربتيها لا يمكن تثقين بنظافه مثل نظافتها وفيها نظام تعقيم

غسالة الملابس مع خاصية التنشيف مفيده حييييل
اوتي البخار حلو وسريع حق الطواريء

طبعا المكنسة الكهربائية ضرورة بكل بيت
وفي مكنسه بالشحن يدويه وايد حلوة صغيره ومتنقله

الي ماحبيته سخان اييج كذا رف حديد صج حسافه مامنه اي فود
والغسالة ام حوضين متعبه والنتيجة غالباً غير مرضيه

اسمحيلي بجم سؤال بعد اذنك ...قلاية الزيت شنو ماركتها ...لان مو كلهم بنفس المستوى
المكنسة الي تنشحن من وين اخذتيها ادور عليها من زمان ....ومشكورة على المعلومات وجزاك الله خير :eh_s(7)::eh_s(7)::eh_s(7)::eh_s(7):

 

[نارنجه]

ذات الهمة

اهي نفسها بالضبط
مولينكس

والله ماانصحج فيها ماتسوى مو حق كل شي
الا اذا كنتي تسوين روب بالخيار يوميا بتريحج من البشر ^^

 

[كنوشه كنش]

يعطيكم الف عافيه

سويت لسته تقريبا بكل اللي قلتووه

قريباَ بأثث واحتاج هالمعلومات

جزاكم الله الف خير

و
و
و
و

لا يوقف
لايوقف

 

[كـويتية]

القلاية اللي يجي معاها شبك نفس مالت ماكدونالدز اللي يحطون فيها الجبس

انصحكم فيها بنات والله فادتني بشكل ماتتوقعونه اسرع من االجوله وتصلح لقلي الدياي والجبس والناجتس وهالسوالف

وعندي الفرن الكهربائي يهبل يهبل الكيك والحلويات مايطولون فيه بسرعه يخلص

وعندي مالت شعر بنات عجيبه بس كلها سكر يعني ماتصلح بشكل يومي

عندي صانعة الكاكاو مو النافورة اسمها صانعة الكاكاو من الوزان

تيبين كاكاو ساده او اي كاكاو تبينه تدخلينه بالاله يخليه لج سائل ويجي معاه قوالب فتصبين الكاكاو اللي الآله خلته سائل بالقوالب وتحطينهم بالفريزر وساعة ونص يخلص

عجيبه تصلح للسهره واليمعه

وعندي نافورة كاكاو عندي بالكهرب وعندي بالشمعه

النافورة احطها بالزوارة اذا يوني حمولتي بس ماتصلح الشمعة عندهم لان ييبون يهال فاحط الكهرب مع خدود البنات او فراولة

وبس

 

[manoooram]

عليكم بألف عافيه انا اللي صج استفدت منهم

غلاية الماي من فيليبس واايد زينة
توستر ويسوي خضار سوتيه وصوصج وبيض من تيفال رهيب
شواية من فيليبس عجيبة حق التوست والستيكات
محضر الطعام ماركة براون وااايد فادني مالت الشيف أسامة
مطحانة عندي ثنتين وحده حق الهيل بس والثانيه حق البهارات من مولينكس
الأوتي فيليبس

 

[PuPa^^SWeeT]

فرامة البصل



الخلاط



توستر



قلاية البطاط



غسالة فل اوتوماتيك

 

[ذات الهمة العالية]

فوق

 

[بحر الذكريات]

الله يعطيكم العافيه

انا ما استغني عن غلاية الماي والخلاط والميكرويف والمخمه الكهربائيه طبعا واوتي البخار حق العبيبس عيبه بسرعه تخرب

 

[PuPa^^SWeeT]

Rise cooker



عجيييبة اذا بتطبخيين شغلات مشوية



ولا مرق


بس اللي علييج حطي العييش بالجهاز مع الماي و اهو يشتغل و يطفي من روحه




فيي الشواية اللي تشويلج الصمونة او التوستة اتحمشها



و عندج الغلاية



عندي فرن كهربائي بس للحين ما استخدمته




ماعرفله



و ودي اشتري الشواية اللي تشوي الستيك

 

[يآكثر آحبك.~]

غلايه الماي ... اله تحميص التوست والخبز ... حلوين ينفعون بالوقت الضيق

وكوايه البخار << بس تعب قمت ماستخدمها الا قليل

 

[PuPa^^SWeeT]

كواية البخاار



المخمة مكتسحة الساحة للحين



ههههههه



الغسالة الفل اوتوماتيك



اتينن شوي عليييها


اتطلع الهدووم مكويين


الا دشاديش ريلي



بس اخذي و علقي



و لو كانت القمصان رطبة شوي علقييهم و خليهم برة نص ساعة و بعدين دخليهم الكبت

 

[نارنجه]

عليج بالعاافية بوباا شكلج استغنيتي عن الخدامة صج ؟

شنو ماركة غسالتج؟


حاليا ميري << غسالة الصحون مالتي عجزت مادري خرفت وعليه تكح كح و تطلع اصوات لما تشتغل :/
ودي بماركة غسالة صحون غير اندست
بشنو تنصحوني؟