شنو الاساله الي تسالينها خطيبج يوم الشوفه عشان تعرفين شخصيته؟؟

[zgirtia]

بنااااااااااااااااات ابي مساعدتكم:0bee2e8d89:

اذا كنتو من البنات الي اهلهم يخلونهم يقعدون مع خطيبهم اول مره_03BA: يوم الشووفه مثل مايقولون او الخطبه وتسالينه ويسالج......



شنو الاساله الي تطرحينها عليه؟؟:eh_s(1):وشلون تقدرين تتعرفين على شخصيته وطبيعته او نظام حياته ككل من خلال هالجلسه الوحده؟؟؟؟؟؟


لان ولد خالتي بعد جم يوم بيي يخطبني ومو عارفه شنو اساله وللعلم هذه المره الثانيه اول مره كنت ساكته فطلبت اني اشوفه مره ثانيه عشان نتفاهم عدل

فتكفووووووووون ساعدوني شساله شقووله ؟؟\\

ويليت كل وحده تعطينا تجاربها والاساله الي تصير بينهم:tomato2:

وناطره تفاعلكممممممممممممممم_03BA:

 

[بحر الرمال]

وايد في اسأله

بس اهم شي ما تسالينه بطريقه مباشره..

يعني اذا بتعرفين اهو من النوع البيتوتي او اللي 24 ساعه بره البيت سأليه( شنو الاماكن اللي تحب تروح لها اكثر شي؟)

 

[تـــرف]

انا من رايي انج ماتقعدين تسالينه من اول مره فشله بيقول عنج جريئه

يعني اذا في شي تبين اتعرفينه خلي امج تسال خالتج


وبعدين انتي مع الايام سحبي منه الكلام من غير اساله وتحقييق


والله يوفقج ويخليج ورده بين عيونه وبقلبه وتعيشوفي ثبات ونبات وتخلفو صبيان وبنات :tek: ​

 

[bittyboop_88]

حبيبتي لا تسألين احسن
لان الافضل ان الريال اهو الي يسال
وانتي كوني خلج خجوله

 

[noo7a]

انا عن نفسي
اكون انا و الكرسي الي قاعده عليه واحد ما اسال كلش
فماعرف الاسئله
بس حبوبه بقسم المتزوجات في موضوع لــ كنديه عن الاسئله عن الخطاب يمكن يفيدج

 

[كولوراديه]

ما سألته اي سؤال لاني خابزته واطبزته ( ولد عمي )

 

[كولوراديه]

و طابزته لووووول شالبدليه :×

 

[white**angel]

والي يقولج ما تكلمت ولا كلمة امبي احس نفسي صرت طرمه

 

[إنسانه بكل حالاتي]

:dddds::dddds:لووووووووووول عطيه ورقه كتبي كل الاسئله اللي بخاطرج وقوليله ممكن تجاوب نصيحه لاتسألين خلي كل شي على الله وألف مبروك مقدما موفقه حبيبتي

 

[صعب غلاها]

انا اقول سأليه اي سؤال في خاطرج او بالج
يعني ع الاقل جم سؤال مو حلو انج بس تجاوبين على اسألته


وشوفي موضوع كنديه مثل ما قالت لج اختي نوحه

 

[zgirtia]

مشكورين كلكم فدتوني وايد ويعطيكم الف عافيه


وابشركم صارت الموافقه من الطرفين وملجتي بعد شهرين انشالله

ادعولي الله يوفقني معاه ويطلع مثل الي فباالي لووووووووووووول

 

[Goth-Girl]

لا تخرعينة بالأسئلة ترى بيقول بقلبه شفيها هاذي؟ من اولها صايرة محققة :eh_s(4):
خلي كلامج قليل ولا تسألين بطريقة مباشرة...ولا تضحكين ابتسامة خفيفة بس وخليج خجولة ترى الرياييل يموتون بالخجل :tongue22:..واهم شي الثقل..:ada:

 

[جوك احلى جو]

ساليه شنو نظرتك للزواج للاسره؟؟

شلون تضي وقت فراغك؟؟


شنو هدفك في الحياة ؟؟

شنو طموحاتك؟؟

يعني في اساله انتي مع فترة الخطبه راح تطلع فجاة لان مع السوالف تطلع الاساله

والله يوفقج حبيبتي :eh_s(6):