شنو الاشياء اللى لازم تخلينها من روتين حياتج ؟؟ او ودج تصير بحياتج

[Om_Ksha]

السلالالالالالالالالام
هاذى اشياء احس لازم انفذ بعضهاااااااااا عشان حياتي تتطور للأفضل :

وانتووووو شنو الاشياء اللى ودكم تضيفونها بحياتكم
انا واعوذ بالله من كلمة انا ,, لازم

لازم كل يوم بحياتنا فييه لحظات سعييده
لازم كل يوم اخطط ليومي واحدد شي مفيد ويسعدني
لازم اسعد اللى حوالي عشان اشعر بسعااادتهم واشاركهم فيها
لازم احمد ربي كل لحظه عالنعم اللى انعمها علي .. يارب اتمم نعمتك علي
لازم اهتم بنفسي مانطر احد يهتم فييني
لازم اتعلم اسوي الشغلات اللى ودي فيها وتسعدني مانطر احد يتفضل علي ويعلمني
لازم اخصص وقت لاشياء اللى ترد هلي بحسنات من تسبيح لله وقراءه القرآه( ألا بذكر الله تطمئن القلوب)
لازم اسعى لرضااا رب العبااااااد عشان احس صج بالسعاااااااااده والراحه
لازم اعمل واعمل لكسب الحسنات لي ولامي ويدتي الله يرحمهم
لازم ارضى بالواقع واتقبله واحاول اغيره للأفضل
لازم احس بكياني واعتباري مانطر احد يحسسني فيه او يشككني
لازم مانطر احد يدلعني انا ادلع نفسي
لازم اخذ اللي بخاطري وماحط بخاطري شي واستخسره على نفسي وماستخسرة على غيري !!
لازم احول افكاري ايجابيه بما يريح بالي ويسع افاقي واحقق امالي
لازم اصنع حظي بنفسي واحدد مسااره بافكاري وطموحاتى وتطلعاتي
لازم اجتمع مع الناس المتفائلين واللى افكارهم اجابيه لأستمد من طاقاتهم وانظر بنظرتهم واصير مثلهم
لازم احدد خطووط حوالي ما اخلي احد يتجازها ويتعدى علي
لازم اخذ حقي بيدي وماتحسف ليش مارديت ليش ما ليش لازم ما اعطي المجال لاحد بأن يعكر صفو حياتي
لازم اعيش لحظات بعيده عن صخب الحياه اشارك الهواء العليل النسمات وافكر بالافاق واتأمل الحياه وخطواتي تجاها
لازم اثبت ذاتي ونفسي مو عشان اثبته لغيري باني اقدر لالالا عشان ارضي غروري وطموحي قدراتي
لازم اعيش بالطريقة اللى انا ابيها مو الللى الناس يبونها


لازم احب نفسي قبل كل شي قبل لا اتوقع الحب من الناس لي:eh_s(1):

وسلالالالالالالالالامتكم ويريت كل وحده تكتبت شنو ودهااااااا وتحس لازم يصير ,, :tomato2:

 

[^عنقود عنب^]

يسعدني اني اكوون اول وحده ترد عليج،،

بصرااااااحه انتي ماااخليتي شي فعلاُ لاااااااااااااااازم نسوي كل هالأشياااااااء بدووووون تردد

 

[Om_Ksha]

لووووووووول حبيبتي .. ابي اعرف انتو شنو بنظرررررركم شي لازم يصير .. وانشاءالله يصير ,,

 

[بنــت ** الشيخ]

موضوع حلو وأشيائج اللي كاتبتها احلى واذا كنتي بالفعل اتسوين هالاشياء فبالفعل نفسج محظوظه فيج ,,
بالنسبه لي :
1\ لااازم أدلع نفسي وأريحها ,,
2 \ لازم اعطي حق نفسي نصيب كبير بالدين عشان أنقيها واطهرها ,,
3\ لازم اثقف نفسي لاني مسؤوله عن تطورها ,,

 

[زهرة البرتغال]

واو كلامج روعه اتصدقين للامانه نظرتج ف الحياة تشبه نظرتي

انا دايما اقول فاقد الشيء لاا يعطي ف دااايما انمي عقلي وروحي وقلبي علشان اقدر اعيش بهالدنيه

عقلي -- بالعلم والمعرفه والثقافه مايدخل فيها الاا المفيد وابعد الشيء التافه عنه --
روحي --بالتقرب باللله وقراءة القران والاستماع له والتمتع بالعباداة وحب الدين والاسلام
قلبي -- ابعد عن قلبي الغيره والحسد والحقد وتفاهة امور الدنيا


اعلم نفسي ان يكون اكبر همي واصغر همي الجنه والاخره واسعى لرضا الله

اعشق الله ورسوله ولاا اسمح احد ان يغزو قلبي وياثر عليه

ولاا اسمح لاي كائن بشري ياثر علي بكلامهم الجارح ونقدهم السيء
انمي نفسي بالثقافه والعلم والمعرفه ولاا اتوقف عند اي علم اقره واسال واتعلم واناقش واحضر دورات علميه ودينيه

كل يوم اتعلم حكمه وعندي بالمكتب العمل رزنامة الحكم ل السويدان تنباع بالمكتبه كل يوم اقره حكمه وبعد اكتب حكمه من عقلي

 

[Om_Ksha]

^
^


واااااااااااو الله عليج ماشاااااااااءالله عليييييييييج عجبتني هاذى

اعشق الله ورسوله ولاا اسمح احد ان يغزو قلبي وياثر عليه


وبالنسبة للغزو لن ولم ولا الكافه عن العمل اخلي احد يغزيييييييه الا بما يرضيه الله .. انشالله

وسالفه رزنااااااامة الحكم خوووووووش شي والله يبيييييييييله وبقلد طريييييييقتج ,, وفعلا كل يوم لنا تجربه والحكمة والشاطر اللى يعتبر منها ويستفييييد ومايطيح بالغلط مرتين ,,



بنت الشيخ يرييييييت نفسي محظووظه فيني قاعده اعمل على ارتقاااااااء نفسي وحيااااااااتي وانشالله اقدر ,, وخوووش حكم


يلا بنااااااااات كملوو

 

[الاسطورية]

ابي اخلي الرياضه شي روتيني بحياتي نادي يعني اتمنى وان شاءالله ناويه احس صحه ونشاط ولياقه والهم يطلع مع اللعب

 

[Om_Ksha]

^
^


اى والله خووش شي .. انا مشتركه بناااااااااادي وماروحله مادري ليش !!

 

[بمبة المفترسة]

ودي امشي كل يووم ساعة او اكثر بعد
امارس الايروبيك
ودي اقرأ كل يوووم كنت احب القراءة ومدري مالي خلق لها مو مثل قبل ودي ارجع نفس قبل
ودي اقرأ كل يووم قرآن والاذكار بس انسى
ودي يكون لي صديقات اطلع وادخل معاهم
ودي افتك من اهلي لووووووووول
ودي اشتغل

 

[ˆώ• اح ـساس المطر •ώˆ]

اممممممم

1\ لااازم بعد كل صلاة اقول (( اللهم اجرني من النار 3 مرات ))
2\ لااازم اونس امي بكلمة او شي كل يووم
3\ لااازم اشرب ع الاقل 5 قلاصات مااي باليوم


هذا حاليا .. ومع الوقت يستجد شي واتعلم شي واحاااول انه يكون من عاداتي اليومية


رووعه الموضوع

 

[Om_Ksha]

^
^


خوووووووووووش اشيااااااء بعددددددد كملوووووو نبي نستفيد

صج ذكرتيني لازم بعد كل صلاه اقرى سورة الكرسي ,,

 

[الـــدفـــشـــة]

Om_Ksha
ماشاءالله عليج

انا لاززم كل يوم
احاول اني ماازعل امي لوبكلمه ومرات ازعلها والله اتظايق ويكون متعكر مزاجي طوول اليوم
والشي الي لازززززززم اني اقعد معها واسويلها شاي او قهوى اسولف معاها واونسها ومااخليها بروحها
والروتين الي الحمدالله تعودت عليه اذكار الصباح والمساء حتى يوم اصلي الفجر
وارد انام ارددالاذكار وانا منسدحه وعيوني مسكرا خلاص صار روتين

 

[وهج الحب]

انا القرأءة لازم تكون من روتين حياتي اليومي ..

 

[sha!o0oma]

اول شي اداوم على قراءة القران

ثانيا اصلي صلواتي في وقتهم<<< اسعى لهالشي

اداوم على اذكار الصباح واذكار المساء

واحاول اشيل الافكار السيئه من بالي وماعطي للشيطان مجال ان يوسوس لي

احاول ان انام من وقت وافتك من السهر

واتمني اني اشتغل واعيش الحياة اصبح

 

[Om_Ksha]

ماشااااااااااءالله عليكم حلووو كملووو ,,

 

[_MoMo_]

خوووووووووش شي افكر واقووولكم

 

[(كويتيه عسل)]

انا ودي كل يوم اقرى قرآن

ودي كل يوم اصلي زياده واستغفر ربي واذكر ربي زيادة

ودي العب رياضيه مثل قبل بس ماكو وقت :krkrkr:

ودي كل يوم اشرب ماي ساعات تمر ايام مااشرب ماي مااشتهي اشرب ماي كلا عصاير وكولا وسفن

ودي كل يوم لما اطلع الصبح احط كريم حماية يوم احط وشهر مااحط

ودي تكون هوايتي قراءة الكتب بس موقادره مااواطن القراءة

 

[Om_Ksha]

يلالالا كملووو .. متوهقه فكري وقولي لنا

 

[حلوة مووت]

احدد وقت لربي : اقرا قرءان او دعاء او استغفر
العب مع بناتي شوي وااستانس معاهم
و لازم اسوي اي نشاط اونس فيه نفسييي حتى لو اطلب الوجبة اللي مشتهيتها
يعني ماخلي في نفسي حاجة

 

[كريستال ليدي]

لازم اطلع من حالة الاكتئاب اللي معيشة نفسي فيها