شنو الشئ اللي --------؟

[eman12]

مساكم / صباحكم عسل ياحلوين
oster_av1:
حبايبي في مثل مصري يقول ( اكفي القدر على فهمها تطلع البت لامها )
الترجمه الكويته : صك راس الجدر عليه وحطي الماي على الباجيلا يا ام شاشه :krkrkr::dddds:
يعني البنت اتاخذ طبع امها
الحين شنو الشئ اللي امج تسويه لابوج وانتي الحين تسوينه لزوجج تلقائيا يعني اتومتيكي اتومتيكي
لا تقولون نطبخ ونوكل وسوالف كل الحريم يسونها
نو نو نو
في شئ مميز الوحده تسويه لزوجه اعطيكم امثله تحبون الشرح المفصل ادري ( في حريم تجهز اللبس حق الريال اذا اهو تكرمون بياخذ شور - في تجهز له عصير حليب شاي حامض حلو بساعه معينه وتلاقين امها نفس الشئ تسوي
انا الحين بقولكم شنو اسوي
انا من وعيت على الدنيا اشوف امي الله يحفظها يارب ويطول بعمرها قولوا امين تبرد العيش خاصه المجبوس حق ابوي الغالي قبل لاياكل الله يحفظه ياكل بايده فعلشان لاتتحرق اصابيعه فتبرده لدرجه انه يكون دافي يقدر ياكله
واحسها تسوي هالشئ بعفويه يعني مو اهو اللي طالب منها
انا الحين لاحظت نفسي اني لما احط الاكل وخاصه الشوربه احط طاسه زوجي قبل لا اغرف لي لاني احبها دخاااااان يطلع منها واهو اخليها دافيه لانه مايحب الشئ ساخن حيل
والله يمكن اهو يحب بس انا عودته انه يشربها دافيه
وحسيت اني لا اراديا اقلد امي بس بطريقه مختلفه :denya:
وانتوا ياحلوين
يالله _03BA::gr4uu:
واللي موذاكره تتذكر ​

 

[tmtmt]

الحنه لوووووووووووووووول

مادري والله ماك وفبالي شي
بس امي حبيبتي كل شي تسويه زين على زين
انا وين واهيا وين

الله يخليهم لنا يارب

 

[##سبحان الله##]

فعلا انا مع هالمقولة

وانا نفس طبايع امي اسلم على زوجي ( لاشعوريا ) اذا دخل البيت

واغراض البيت اكتبهم بورقة كلللهم مرة وحدة

واحطهم بمخباه

واذا تذكرت شي بكتبه

 

[ضايعة بدنيتي]

ربي يخللي لك وااالدتك ويطول بعمرها ان شاء الله

للحين طمآآآآشة دوت كوم .

 

[eman12]

تمتم الله يخلي لج الوالده واذا على الحنه كلنا الله يسلمج
------------------------------------
سبحان الله الله يخلي لج الوالده وشئ حلو الطبع هذه يدل على الحرص
----------------------------------------------
ضايعه بدنيتى ربي يرزقج ونشوف لج مواضيع معانا ​

 

[سلطانه العتيبي]

صادقه انا مع هالمقوله

انا صراحه ما خذه من امي طيبة القلب يعني ينقص عليه بسرعه وهذي صراحه صفه ما احبها حاولت اغيرها بس لا شعوريا تلاقين اتعاطف واحب ناس ما تستاهل
وفي صفااات كثير
امممممممم مافي شي محدد اذكر وارجع يسلموو ع الموضوع

 

[Miss McDonald]

رد : شنو الشئ اللي --------؟

.




انزين واللي عزوبية !

انا ساعات الاحظ تصرفاتي نفس امي وخصوصا الحركات العفوية


خوش موضوع و Up

 

[اشواق2010]

رد : شنو الشئ اللي --------؟

انا لي اللحين علي وجه زواج بس ان شاء اطلع مثل امي وسنعها فديتهاااا

ادعوولي قررب عرسي

 

[shahad al.3nezi]

رد : شنو الشئ اللي --------؟

>> من حـــــــــزب الطمــــــآإشـــــــــه ..

إذآ روميوو مـــآإلــــــي طق البــــــآإب بقوولكـــــــــم إن شــآءللــه >> برآ بس برآ ..

 

[الأميرة جوري]

رد : شنو الشئ اللي --------؟

تعلمت من امى المســــــــــــــــــــــــايســــــــه ........والصبر اذا مو اليوم باجر <<هذا كلامها لي وطريقتها لبوي اذا طلبت شيء ورفض صدرها وســـــــــــــــــــــــــــــيع...ونفعني هالشيء مع زوجى حتى اهو يقول احلي مافيج هالشيء لاقلت لا يعني لا وتجبريني اقول ايه بسبب انج اقتنعتى بلا <<<مو ضعف منى لا بس لانى واثقه اللي ابيه راح اخذه بالسياسه والهدوء والرضا .

 

[برونزيه شقرا]

رد : شنو الشئ اللي --------؟

مادري اتذكر واقولج

 

[.،:"$الـعـوبــــة$":،.]

رد : شنو الشئ اللي --------؟

عسى الله يرحم اميمتي ياربي ،،
انا صرت نفسها ،،
ماانطره يسوي الشي او يجيبه ،، اقوله مرة مرتين بالكثير ،، وبعدين انا اروح اسويه ،،
لين اعتمد علي مثل مااعتمد عليها ابوي من قبل الله يرحمه ،،
موووووضوووووع روووووووووعة تسلمين ياقلبي ،،​

 

[eman12]

سلطانه نت الله يخلى لج الوالده ومافى احلى من القلب الطيب
------------------------------------------------
مس ماكدونالدز انشالله قريب نفرح فيج
-------------------------------------------------
اشواق 2010 الله يسهل امورج يارب
-------------------------------------------------
لجل عينك ماكو برا يالله الله يرزقج النصيب الزين
--------------------------------------------------
الاميرة جوري الله يخلى لج الوالده والمسايس صفه حلوة بالمرة ومعناته انها رزينه وحكيمه وتاخذ اللى تبيه بدون نجرة وحنه
-----------------------------------------------------
برونزيه ترا ناطرينج ​

 

[G!RLooNa]

انا كله اتحلطم على امي وابوي محاتاتهم الزايده الموطبيعيه اوفر اوفر اوفر محاتات عمري ما شفت احد يحاتي جذي ياكلون بعمرهم من كثر ما يحاتون حتى رفيجاتي يقولون لي امج وابوج محاتاتهم مو طبيعيه كلنا اهلنا يحاتونا مو جذي :krkrkr:

لما طلعت الليسن قعدت قريب السنه مو مخليني اخذ سياره يخافون و يحاتون و كانت فتره مأسات طناقر و تبجبج :eh_s(16):

عاد يقولون والله اعلم اذا صار عندج عيال بتصيرين اخس منا و بتقولين امي قالت

لكن لاحظت جني انا بعد قمت احاتي :eh_s(16):اذا تميت ادق على امي ولا ابوي و لا اختي فتره بدون ما يردون يشتغل الوسواس :s141: طبعا ما قول عشان امي ما تقولي تعيبين و صرتي مثلنا بس هم تقولي ترا ادري انج تحاتين هاااا :s141:

تهقون بصير مثلهم صج :eh_s(12):

 

[eman12]

العوبه
حبيبتى الله يرحم امج وابوج ومثواهم الجنه يارب
وحبيبتى كلنا اغلبنا نطلب ونمل ونجيب اللي طلبناه مشكلتنا كلا يتراولنا الريال مايعرف بس احنا اللي نخليه مايعرف
مشكوره ياقلبي على الاطراء الطيب وماقصرتي ​

 

[KOKO_284I]

رد : شنو الشئ اللي --------؟

امي دايما اتعطر تطبخ ترد اتعطر تصلي اتعطر ودايما تهتم بملابسها لو يكون عادي بس دايما اتبدل على الاقل ثلاث مرات باليوم

والبخور يوميا بس عن الحلال والحرام انا مالي كل مقاقتها يعني شي منها

 

[عادي من قلبي أشيلك]

الترتيب يعني مستحيل اقوم من اي مكان بشقتي ومايكون مرتب

 

[eman12]

G!RLooNa
اتوقع اي :dddds:
--------------------------------------

KOKO_284I
ماشاءالله لااله الاالله الله يحفظها لج يارب ​

 

[سارووونه22]

طيبتي الزايده على امي بس الشي الي خذيته من امي التطنيش نفسها اطنش

 

[شــغــب]

وانا على وجه عرسّ بعد ان شاءالله

وان شاءالله اطلع مثلهآ