انا عيل شقووول للحين ماحددنا العرس ومدقووووره تدقر مو طبيعييي لي الراس
بس مرات ارد عليه ماسكتله مسكييين ومرات اتفشل اقعد ابلعم
في مره ببيت عمتي سوينا حفله بينا احنا البنات وكنت لابسه قصير ولايقولي طلعي معاي شوي واردج
عاد بنت ابوها ماصدقت رحت خذيت هلهووب (جيجي) من بنت عمتي ولبسته مستعيله مو من زين سيقاني عاد اكشفهم
و استأذنت وضبطت الميك اب ورحت عاد بعز الكشخه ولا يقرب وانا اخترعت قلت شتبي وخر ولا يقولي شفيه دلاقج مشقوق !!!!
ويهي صار جذي @@ قلت ياحظي هلهووب صار دلاق وخر بس انت شعرفككك وبعدين ضيج توه من دشيت انشق
ومره كنت طالعه معاه وقبل لا اطلع معاه قالي يافلانه تكفين لا ترشين عطر هذيج المررره @@ شنوو شقصدك قصده ع قوتشي كواليتي الذهبي
عاد احس سجين وطعني فيها هههه قلتله شووف انت شعرفك يابو عطور طقه خشمك مايعرف الذوق وانا اكشخ وانفخ وانت بارده مبرده تييني يابدشداشتك
ولا بجامتك تسبح قبل لا تيي عاد والله هو نظيف ماشاءالله عليه يهتم باللوشنات والجل بس حزتها صرت حقيره يعني بنتقم
و على عطوراته هو من توظف تسنع ذوقه بالعطورات اشوى عاد حزتها صكت هوشه شنو شايفتني وسخ ومن هالكلام انا والله مادري شلون فلتت مني هذا الكلام العصر ع المغرب تأخر دقيت قلتله وينك قالي بالطريج قالي رحت الصالون سويت حمام مغربي وحمام معاريس بشوف شلون تقولين وسخ @@ شخليت حق العرس انت ؟!!
وانا كل م بغيت اطلع معاه ااروح شوبنق اجهز كبتي متروووس بينفجر بس خبله زياده مصاريف
عاد قبل الطلعه شريت عطر قصت علي هذي المندوبه اللي ترشرش لج وتخدعج شممتني كذا عطر ودخت ماقمت اركز وخذيت مال هيفا وهبي الاسود وخذيته وطلعت وثاني يوم تسبحت منه هههههه احس ريحه معفنه ريحه مادري شلون المصيبه انا خلاص بالطريج صكتني البجييييه اقول لبنت عمتي شمي تقولي وييع مو حلووو يصك الراس هني دوروني عاد خلاص الدمعه شنقتني ههههه شسوي بعد وطول ما انا بالطريج افكر شسوي شرقع اذا علق عاد وانا معاه ولد الحلال ماتكلم بنص السالفه طلعته من جنطتي ورشيت قلتله عاد مو من زين ريحته بس انت شرايك قال لا حلوو قلت انت خربان خشمك؟ قال ريحته شوي غثيثه قلت هو مال هيفا معدومة الذوق هو صج غالي بس م يسوى ( هههه جذااااابه بس اهايط جدامه كان يمكن ٢٠ او ٢٥ وقتها ميزانيتي بالقاع فلست ع الميك اب ) مادري ريحته جذي بس اهو ذكرني بريحة اباطك وخذيته ههههههههههه هو قام يضحك يقولي عوبه انتي وادري من داخله وده يشوتني فنقر يقول شالخبله اللي ابتلشت فيها
ومره صج نرفزنييي امه كلمتني واتس قبل الخطبه عاد عصب ليش تردين عليها وسوالي سالفه انزين اناااا شكوو يعني اقرى واحقر مريض انت ؟ وظل يصارخ ولعن خيري وراح وعطاني بلوك من فونها
ليش هالحركه سويتله كااااارثه جان يرد بارده مبرده مابيها تنقد عليج او ماتعجبها كلمه عرفتي يعني شي من صالحج بعد العرس كيفج عاد ماسكت شنووو شايفني خبله ماثمن كلامييي ومن هالكلام المهم نقدته ع نفسه ماخليها بنفسي
وعلى سالفة قص الشعر والصبغ ااااي استغفرالله جنه سابينهم الحمدلله والشكر شعري ولا شعرك الحين جم مره اصبغه من وراه بس مره صاد السياره بالشعب البحري قالي شتسوين هناك قلت مو شايفها يم صالون يعني؟ قال اي شعندج ياليتني قلت بديكير شي قلت اصبغ شعري عاد ماتسوي علي سده بويهي هههه
وادق ادق ادق ادزله واتس ماكوووو دزيتله قلتله اذا م رديت ياوووريلك رد ههه جان يرد وتهددين بعد انتي من الحين كلمتي بالطوفه عندج و تعاندين بعد العرس
مو راده علييي انتي عنيده ومادري شنوو من هالكلام المهم غسل شراعي وانا فيني الضحكه قلتله شفيك صبغته عشانك قال انا قلتلج لا تصبغين ليش العناد قلتله والله شووف. لا صرت عندك بعد العرس كيفك ع حطة ايدك بس ببيت اهلي مالك شغل مالك حق عاد صج سلق صفحتي ع كلامي ع قولتهم بس بعدين عدت يووم صورت شعري ودزيتله الصوره
قلت قصص الف ليله وليله ههه
اللله يعيييين بس
